وش حل الرجه في الجيب

[ابن عكاش]

السلام عليكم ورحمة الله وبركاته
ماودي اطول عليكم القصه ومافيها عندي لاندكروزرgx(هدد)ومركب عليه كفرات دنلوب 245/85 R16 نقشة شاهين طبعا الجنوط شد البلد رصصت ارضي والموتر تمام بس من 110 إلى 120 فيه رجه خفيفه وتروح بعد120 مع العلم الموتر 2007 وكان مركب عليه كفرات بلون
وش الحل يالنشاما
انتظر ردودكم

[شيخ نجد]

السلام عليكم

انا كان معي باثفندر وكالة ولا احلى منه ،، وفي مرة من المرات كنت مسافر ومحمل الموتر عفش والعائلة معي ويوم بغينا ننزل شوي فوق حدا الطعوس نتلين اثاري الطعس كان مثل المقص وتعلق الموتر فيه .. كفراته القدام تلعب في الهواء ومتحمل على عمود الدبل .. وبعد كذا بدن معي رجة لمدة نص سنة وغيرت عامود الدبل لانه الظاهر تأثر شوي او انطعج من هذي الحركة وغيرت الدبل وراحت الرجة وظبط الموتر

راجع الرابط التالي لتعرف المشكلة اكثر

http://www.mekshat.com/vb/showthread.php?t=135057

[ابن عكاش]

بيض الله وجهك يا عاشق السراب
بس الرجه عندك مستمره على طول ولا سرعه معينه

[خ الفياض]

اخوي دام انك مغير ومرصص كفرات
عليك ب عمود الدبل فكه ومشي بدونه فتره ان راحت الرجه فاكيد منه
وان ماراحت فالمشكله عندكعويصه شوي لكن خلك بارد وفكر مضبوط ولاتتذمر لانه ب الجيوب عايدي يكون به رج لان وزن السياره ثقيل مقارنه بالسيارات الاخرى لاتنسى ان السياره اصلا فيه جربكسين ((دبل وعايدي)) والجربكس الواحد ثقيل على الموتر فما باللك ب اثنين


المهم نرجع هل الرجه معها دوي يصك بالاذان ام لا
وهل انت متأكد انها تروح بعد120 ولا تخف
انتظر اجابتك

[ابن عكاش]

هلا بـ خ الفياض
الرجه مامعها دي ومشيت بعد الـ120 إلى 190 والحمدلله تمام مع العلم احيانا احس ان الرجه تروح شوي او تتأخرعن 120
والموتر توني شاريه من شهر الله يطرح البركه
وبالنسبه لترصيص الليزر اسمع عنه وين القاه
انتظر ردك يالغالي

[شيخ نجد]

بيض الله وجهك يا عاشق السراب
بس الرجه عندك مستمره على طول ولا سرعه معينه
هي ماهي رجه .. تقدر تقول هزهزه او مثل الدبيب واذا طالعت في مراية الموتر بالليل وانت ماشي تحس بانوار السيارات خلفك ماهي ثابته ولا تقدر تحدد نوع السيارة اللي وراك اهي تريله او جيب او صغيره .. كذا المشكلة من العامود او حاجة تحك في بدي الموتر من تحت ،، مثل مسامير المكينه ،،

الرجه هذي تبدأ من سرعة 80 حتى 120 الى 130 وهي مزعجه وغير مريحه على الخط الطويل وتحس رجولك كان فيها دبيب نمل اذا وقفت السيارة :p ،،

ان شاء الله نسمع عنك اخبار زينه وترى رجال مكشات ما شاء الله عليهم خبرة وفزعات ورجال مواقف ،،

تحياتي لك

[ساري 111]

انا معي اخو موترك ركبت عليه جنوط تجاريه 17 وذبحن بالرجه رصصته ترصيص ارضي وهو راكب على الموتروبعده ضبط الموتر ..

ولعلمك تراي رصصته اكثر من مره ولاضبط لأن اغلب البناشر مايرصصون إلاداخلي يقولون عشان مايخرب شكل الجنط وهو نصابين يبون يوفرون على انفسهم .. رح لأحد معروف خله يرصصه لك وقله مانا مايهمني شكل الجنط رصصه داخلي وخارجي ومن كل جهه اهم شي ماابي رجه
واذا انت من القصيم قلي اوصف لك اللي رصصت عنده

[خ الفياض]

حاول تشحم عمود الدبل والكردان

اذا كان الدركسون حركته زايده عن باقي اجزاء السياره فالدعوى كفرات وجنوط

الله يعينك ويوفقك

[لبتون22]

افصصصصصصصصصصصصل الدبل

[أبوفهد الشمري]

تـا كد من ســلامة الجنــوط لايكون منكســر واحد منهم ولا شـــي

[مسفر الاكلبي]

يابن الحلال لا تلعب في موترك مشكلتك في الكفرات وبس

الرجه اللي تروح ماهي رجة عمدان العمود رجتة مستمره


سلااااام

[....999....]

الرجه مامعها دي ومشيت بعد الـ120 إلى 190 والحمدلله تمام مع العلم احيانا احس ان الرجه تروح شوي او تتأخرعن 120؟؟


الرجه يااخي الكريم من الجنوط تاكد؟ او عمود الدركسون. وتراء عادي الرجه البسيطه في الجيوب

[ابن عكاش]

ما قصرتو يالنشاما وحي الله كل بسمه والله انكم وفيتو وكفيتو
على العموم ابغير الجنوط واشوف ولنا لقاء
جزاكم الله خير

[saere ساري]

اخوي انا كان معي هدد 2006 وكان فيه نفس المشكله لاتغير اي شي المشكله باالترصيص دور واحد مزبوط وتروح المشكله ان شالله

[أبوعبيدة...]

أخوي بالنسبه للرجه خبري أن الباترول ركبله فرارات وقل وداعا للرجه هذا اللي أخدمك فيه

[salih100]

شحم عمود الدوران الي قدام والصلبان ترا يجيلها مشاحم بنفس الصليب والي ورا بعد ,,,, واذا ماراحت شفلك واحد تعرفه وخذ كفراته مع الجنوط وجرب منعاً للخساره.واذا ما نفعت فك العمود اذا راحت الرجه ركب فرارات ولا غير العمود الي قدام طبعاً ,,,,,,,,,,,, (والله لا يخسرك ولا يخسرنا)

[ضامي الدلم]

شحم عمود الدوران الي قدام والصلبان ترا يجيلها مشاحم بنفس الصليب والي ورا بعد ,,,, واذا ماراحت:mad: شفلك:j واحد تعرفه:rolleyes: وخذ كفراته مع الجنوط وجرب منعاً للخساره:good: .واذا ما نفعت :no2: فك العمود اذا راحت الرجه ركب فرارات ولا غير العمود الي قدام طبعاً :eek: ,,,,,,,,,,,, (والله لا يخسرك ولا يخسرنا:no: )


الله يبارك لك ويعطيك من خيره ويكفيك شره