المساعد الشخصي الرقمي

مشاهدة النسخة كاملة : خبراء النيسان...مشكلة عويصة في الباترول..helpme..



طاوي فراشي
29/10/2008, 12:34 AM
السلام عليكم ورحمة الله وبركاته وبعد ...


إخواني إعضاء مكشات المحترمين...أعزائي خبراء النياسين فزعتكم..

الموتر جيب باترول سوبر سفاري موديل 99..

وصف المشكلة:

الموتر في وسط المدينة مافيه أي علة ..ولكن إذا مسك الخط السريع وقطع مسافة 200 كيلو تزيد او تنقص شوي بدا إنبير الحرارة يلعب ياما رقى وياما نزل..وإذا وقفت ارتفعت الحرارة إلى فوق النصف بواجد ويفصل المكيف عن التبريد..
مرة وقفت وارتفعت الحرارة فوق النص وبالتحديد الربع اللي فوق النص وفتحت الغطاء حق الرديتر بعد مابردت الرديتر بالماء وبدا يطلع الماء من الرديتر بقوة (مفور) وانا ازود عليه من الماء لين فصلت المراوح وعبيت الماء وسكرت الغطاء ومشيت تقريبا 150 كيلو مافيه أي مشكلة لكن رجعت بعد ذلك نفس المشكلة وبدا يلعب الانبير ..

الإصلاحات التي تمت :

- تغيير توماتيك المروحة
- تسييخ الرديتر وتعبئته ماء تويوتا الاحمر
- تغيير طرمبة الماء
- تغيير الخراطيش
- تغيير حساس الحرارة
- تغيير بلف الحرارة



والآن باقي فزعتـــــــــــــــــــــــكم

noone
29/10/2008, 12:50 AM
تحياتي
1 - تاكد ان تماتيك المروحة وكالة لان فيه نوعية بالسوق تعبانه
2 - شيل بلف الحرارة نهائيا ..
3 - تأكد من غطا الرديتر.. بعضهن يسد الهوا حتى تحس ان ان الليات تبي تنفجر

اذا كل اللي سويته واللي قلت لك ما نفع فالمشكلة بكل تأكيد الراس ..

زلزال القمر
29/10/2008, 01:51 AM
اخوي تأكد من قربة الماء الي جهة اليمين

الي اعرف انها دايم تنكسر ويكون الكسر جهة الغمارة ويدخل الهواء

هذا يصير مع الفتك بس انت تأكد

اتمنى لك التوفيق

أبو_خالد
29/10/2008, 01:55 AM
اله يستر على راس المكينة!

حامى الخبرا
29/10/2008, 02:31 AM
تأكد من( المراوح الأماميه )........وأنشاء الله تنحل مشكلتك أسأل مجرب....

rashid55
29/10/2008, 04:23 AM
أخي انا حصلت معي نفس المشكلة
فا اتضح لي أن البلف للحرارة الي في كوع
المكينه الذي يركب بالهوز المتصل بالراديتور
هو السبب غيرت
البلف الي بالكوع وانتهت المشكلة
السيارة نسيان بترول سفاري 96
عمل البلف هويحجب خروج الماء للراديتور
حتى يأتي على حرارة معينه ثم يفتح ليكمل دورته
مع الراديتور ليبرد الماء ثم ينغلق وهكذا
اتضح ان البلف مصدي ويعلق مايفتح فتزيد الحرارة
وعند تغيره اصبحت الحرارة على الربع فوق السي
بشوي جرب وغير البلف الي بالكوع وشوف النتيجة
مع التحية

الــنــشــمــي
29/10/2008, 11:18 AM
شف غطاء الاديتر

طاوي فراشي
31/10/2008, 12:12 PM
شكرا لكل من رد على الموضوع..
وياليت من يملك خبرة يزودنا بعد..أو من يعرف ميكانيكي ممتاز للباترول..الله يسلمكم..

مسفر الاكلبي
31/10/2008, 12:51 PM
غير الاديتر التسييخ احيان ما ينفع


وعسى ربي يحل مشكلتك امين

adil33
31/10/2008, 09:37 PM
اخوي غير الرديتر ...بشرط يكون اصلي المنيوم ولا تنسى غطاء الرديتر غيره بواحد اصلي واذا كنت مركب بلف الحرارة غيره ايضا واذا مو مركب بلف ارجع ركب البلف والمويا حطها مويا مقطره بس ....

راعي كيف
01/11/2008, 07:22 AM
السلام عليكم
سوله غسيل راس عند حقين الرديتر
وخذ معك علبة فلاش امريكي اصلي وعلبتين زيت فرامل وخله يغسلك الراس بالمكينه الخاصه بالغسيل ايلين يصفى الماء .
هذي تجربه واحد من النتتدى ونجحت معه بأكثر من سيارة ولعلي اجيب الرابط

راعي كيف
01/11/2008, 08:10 AM
http://75.126.184.24/~mekshat/vb/showthread.php?t=161939

هاك الرابط :)
شيبان

بن وطن
01/11/2008, 01:40 PM
السلام عليكم
من خلال خبرتي في النيسان لفتره طويله انصحك بالاتي
ابدا بالاشياء البسيطه والرخيصة السعر في السياره
اولا نظف الراديتر ثانيا غير عداد الحراره وثالثا غير ترموستات الحراره اللي يجي في البيب اللي فوق الهيد ورابعا الكلش مال المروحه يمكن يكون ضعيف
وخامسا وهو الاهم الهيد تبع النيسان مايتحمل حراره كثير ويمكن يكون مشروخ

NISSAN 94
01/11/2008, 01:43 PM
الشباب ماقصرو بس ريح نفسك زووووود وركب مراوح سوبااااااااااارو كهرب وبترتاح

ابو صقر 111
01/11/2008, 01:51 PM
بعض الفنيين يعمل مشكلة في السيارة اعظم من المشكلة التي يصلحها ولذلك تأكد من وجه الرأس لئلا يكون منحرص وهو يسبب مثل هذه المشكله

DARK2
02/11/2008, 09:09 AM
السلام عليكم ورحمة الله
اولا اخي الكريم يجب معرفة بداية المشكلة خصوصاً بالحراره
ثانيا تقدر تسوي انت فحص للقطع قبل لا تبدلها بداية من طرمبة الماء بعد ماتعبي السيارة بالماء تفتح غطاء الراديتر وتلاحظ حركة الماء فيها دوران ام لا ؟؟
ثالثا : تأكد من رقم الترمستات وشرط يكون حجم 90 وهذا الرقم مخصص لمركبات دول الخليج ويفتح عند حرارة النص ويبدأ بخض الماء للراديتر والافضل يكون الاصلي
رابعا : تعمل عند اي صاحب راديترات فحص لاهواز الماء ( الخراطيش ) والطريقة يقوم بتركيب جهاز ضغط هواء لمعرفة ان كان هناك تنسيم او تهريب غير ملاحظ والتأكد من جميع الاهواز والافضل تكون اصلية لانة فيه بعضا يتآكل من الداخل وماتشوفة واذا صار فية حرارة ينكمش ومايوصل ماء كافي للماكينة
خامسا : اذا كان راديتر الماء المنيوم الافضل تبديلة لانة لا ينفع التشيش وهذا شي مؤكد
سادسا : التأكد من غطاء الراديتر مايكون فيها تنسيم ( لاحظ الربل حول الغطاء )
سابعا : التأكد من كلش المروحة ( وهذا نسبتة ضئيلة بناء على كلامك لانة يسبب الحراره اثناء السرعات الخفيفة ) عموما للتأكد عند تشغيل السيارة حط ايدك مقابل المروحة وشوف قوة دفع الهواء وحط بالك من المروحة وحاول باي قطعة مثل كرتون او اي قطعة مرنة تضعها على المروحة وتشوف قوتها ولا تحاول تمسكها بأيدك
وان شاء الله اذا كل ماذكر سليم اعمل غسيل للماكينة لانة مشكلة الماء عندكم فيه نسبة املاح كثيره وهذا يسبب ترسبات وصدأ بالماكينة

وفي النهاية ان شاء الله وبعد احترامي للاخوان اللي قالوا راس الماكينة ان شاء الله مافية شي لانة راس الماكينة تبدأ الحراره فيه من بداية التشغيل وثانيا راح تلاحظ نسب ماء مع الزيت اذا فتحت غطاء الزيت او القياس

واسف على الاطاله وتقبل مروري اخوك ابو خالد

ابوسعودد
02/11/2008, 09:35 AM
اولا تاكد من راس الماكينه
ثانيا غطاء الراديتير
ثالثا واعتقد انها هي المشكله مثل ماقال اخوي راعي كيف سوي غسيل للماكينه بفلاش اصلي وزيت فرامل لان المجاري الداخليه للماء يكون عليها ترسبات تعيق حركة الماء
الله يكتب لك الخيره

طاوي فراشي
12/11/2008, 01:39 AM
شكرا لكل من رد وشارك ...والله يرحم والديكم ويوفقكم...
الموتر الآن في الورشة ووجدوا تنسيم بليات الثلاجة ...

اكرر شكري لكم ...