المساعد الشخصي الرقمي

مشاهدة النسخة كاملة : ياشباب مالحل في قير جيب لاندكروزر 2002 تماتيك إذا بوش وجبط


sohil100
12/02/2004, 10:27 PM
هل أحسن حل لمن (بالعربي مطفر) على اليبس

توظيبه

أو تغييره من التشليح

أو جديد

وإذا كان الحل جديد فما أرخص سعر

كيف الحصول على أكبر خصم من الوكالة

مشكورررييننننن
Bader-M
13/02/2004, 10:56 AM
الوكاله حين ما تزينه عندهم يخصمون لك 20 %
من قطع الغيار
والتشاليح بيني وبينك غالين مره
وفوق كذا ما تضمن القير
يمكن يكون الصدمه ماثره علية
او
القير يكون مكرووف
........
تقبل تحياتي
برق شلع
13/02/2004, 12:22 PM
توكل على اللله ورح يم الوكاله وان شاء الله امورك تبي تيسر00

وانصحك لا تروح لاتروح لاتروح للتشاليح او التماسيح كما احب ان اسميهم00
الا اذا بشرط انه يكون الموتر فيه الصدمه خفيفه وراعي الجيب فسقان وباعه تشليح اكالحين اشتر القير00
sohil100
13/02/2004, 11:51 PM
وأرجو المزيد من الاقتراحات المفيده

وأكرر للجميع الشكر
aahhhh2
14/02/2004, 11:25 AM
السلام عليكم ورحمة الله وبركاته
اخوي انا خبط علي قير جيبي ربع وسئلت الوكاله عن قطع الغيار فقط قالوا 3000 ريال ودخلته التشليح وقلبته عادي 3800 كلف ولاكن انا شريتله دزق وفحمه و كلتش جديد عموماً اذا موترك جديد لا تشتغل الا عند الوكاله
sohil100
14/02/2004, 03:37 PM
واليوم السبت

سمعت إن قيمة القير في الإمارات 2500 ريال فقط


فهل هذا صحيح
وهل استيراده عليه جمرك
وكم يكون
وأشكركم على التفاعل
sohil100
15/02/2004, 02:20 PM
فل يسعفني
بارك الله في الجميع
صالح ناجي
15/02/2004, 02:54 PM
انا اقول لك وضب فهناك اجزاء رئيسية في القير لم تتأثر ( يعود ذلك للسبب المؤدي الى التخبيط ) طبعا تحتاج الى بعض القطع والمجال مفتوح امامك وكذلك الورش كثيرة والمجال مفتوح للسؤال عن الاسعار وعن الورشة الجيدة ( اعرف واحد وضب الدبل بـ300 ريال يعني القير صح بيكون اغلى لاكن ارحم من الوكالة وجشعهم وفقك الله للخيرة الطيبة ( استخر ربك ) .
ددس
15/02/2004, 03:14 PM
واحد خبط قيره وضبه بقيمة 3000 لكن بعد فتره رجع كما كان واسوأ

وعادة ينتج من الزيت الذي لايغير
sohil100
15/02/2004, 03:31 PM
على مشاركاتهم
وتفاعلهم
mohamad1121
15/02/2004, 10:45 PM
السلام عليكم ورحمة الله وبركاته:ـ

اخوي سبق وأن خبط قير سيارتي من نوع vxr موديل 2000 وكنت وقتها في الامارات واتجهت الى وكالة الفطيم في الصناعيه (المصفح) مدينة ابوظبي وقالوا ان السعر حوالي 12000درهم اماراتي وسألت وكالة البريمي فأفادوا ان قيمته 9000 درهم اماراتي واتجهت الى تشاليح المصفح ووجدت سعره من 6500 ومنهم من قال 5500 وسألت في الشارقه وحول القيمه ، وبما انني كنت قد اكملت 4 سنوات مقيماً في أبوظبي ولي معارف نصحوني بالاتجاه الى محل قطع غيار اعتقد ان اسمه محلات معروف او ماشابه وبالواسطه من معارفي هناك اشتريته بسبعة الآف وسبعمائة درهم ومصدره مسقط ،وقد اشترط على صاحب هذا المحل الا اخبر وكالة البريمي بهذه القيمه ،وفعلا قامت وكالة البريمي بسؤالي عن قيمته ومن اين اتيت به .
انحش من التشاليح فضمانهم قليل وافضل ضمان حصليت عليه قبل شراء القير كان ثلاثة اشهر سواء من التشاليح وبقيمة 6 الاف او من ورش الاصلاح .
فتخيل ثلاثة اشهر وأخسر مايقارب 5000 .

الله يعينك على الوكاله وأن بغيت مساعده بشراءه من هناك فسوف اقوم بمساعدتك باعطائك ارقام هواتف .


ابوكاسر
كايين
17/02/2004, 04:40 AM
سيارتك موديل 2002 وين راح الضمان ؟؟!!

ووش سبب التخبيط ؟!!!!!!!!!!!!

لانه اذا كان خلل مصنعي فهو يتصلح ( مجانا ) وعلى حساب ( تويوتا ) وليس الوكيل !
sohil100
17/02/2004, 07:25 PM
وبالنسبة لضمان تيوتا فهو بين أمرين :

إذا مشت السيارة 60 ألف كيلو متر

أو ثلاث سنوات

ويخلف الله على ستين ألف كيلو
sohil100
21/02/2004, 10:56 AM
لعلك تسعفنا بأرقام

الهواتف
كايين
24/02/2004, 04:42 AM
ياخي راسل الإداره الاقليميه لتويوتا يمكن يكون فيه فايده ..

مب شرط الضمان يكون ساري

لان الاداره الاقليه يتعاملون وفق تكتيكات تسويقه عاليه .. :)

جرب مب ضارك شي كلها ورقه وريال فاكس !
راعي الفزعه
03/03/2004, 01:33 PM
:D بدله بقير عادي لك والزمن وهو مايخرب الا بعد مدة طويلة حسب الاستخدام
وابعد عن القير الاتوماتيك ومشاكله وبلاويه .....
وهذه نصيحة لك .
:good: :good:
al-nashmi
03/03/2004, 03:24 PM
السلام عليكم ورحمة الله وبركاته

اخونا sohil100

تحيه طيبه والله يعوضك خير.

اخي الكريم ما عندي اكثر من راي الشباب اللي ردوا عليك، وان شاءالله تلقى افضل الحلول باقل التكاليف.

بس حبيت اسلك اخوي وش سبب تخبيط القير هل هو سو استخدام او ماشي عليه بدون زيت او خلل فني،
يهمني ان اعرف السبب لاني ناوي اشتري gx.r تماتيك هالايام واذا فيه مشاكل هجينا وحولناها على القير العادي، مع ان اخوي معه 2001 تماتيك ماشي معه 80000 ولا يشتكي من اي مشكل وبالعكس يمدحه

وتقبل تحيات اخوك النشمي