عيوب البلـــــيزر؟؟؟؟

[راعي العشــه]

السلام عليكم ورحمة الله وبركاته

اخوي يبي يشتري سياره ومحتار ويفكر في البليزر
وودي اعرف اذا فيه عيوب او احد مستعمله ويعرف مزاياه وعيوبه
ولكم جزيل الشكر

[القاصي1]

انت قلت عيوب
لاني اشتريت 2006 وكاله وبعته بعد 10 اشهر
1- نازل كثير يعني انواع التغاريز:mad: .
2- مشاكل كثيره بالكهرباء ولاحظ اذا كان قدامك واحد في الليل نادرا ما تشوف الانوار كلها تولع .بس هذا مثال على الكهرباء:confused: .
3 - الوكلاء وخاصه الجميح خدماته سيئة جدا :no2: .
4- قطع غيار غالية جدا ومثال الزجاج الخلفي للشنطة فقط بـ 6000 ريال ايوه سته الاف :mad: مش ست مية .
5- اعطال من كل الانواع يعني بعد اربعه اشهر توقف السيار بدون سابق انذار واروح للوكاله ويصير الكمبيوتر متعطل ...لاحظ من اولها خراب كبير .

تحياتي لك والله يدلك على اللي فيه صالح لك

[ابوعزوالهلالي]

عندي لخوك بليزر 2006 دبل بسمى من الوكاله كانه يبيه

[ابن صقيه]

نصيحة لله لا تشتري بليزر ..

كثير الخرابات .. وصديق الوكالات ..

أذكر اني اذا رحت اودي اليوكن حقنا للصيانة .. تشوف نص ورشة الوكالة بليزر ونصه الثاني لومينا ..


صحيح ان مواصفاته حلوه ولكن طلع اللي يغطي عليه وقريب من سعره مثل الباثفندر الجديد ..

كلها ثلاث مراتب وكلها عزمها قوي ولكن الباثفندر اكثر تحمل واقل خرابات واكثر مواصفات ..

وبعدين انا قبل فترة في منتدى السيارات قرأت خبر عن جنرال موتورز وانهم سوف يقفلون مصنع البليزر والانفوي وذلك لقلة الطلب عليها .. (( يعني هذا بيأثر على توفر قطع الغيار مستقبلاً ))

هذا رأيي و الله يوفقك ..

[قطب 999]

جميع السيارات الامريكيه زباله

[ناوي نيه]

جميع السيارات الامريكيه زباله
معقوووولـــــــه

[تيتشر]

وش تقصد اخوي البليزرات الجديده والا القديمه ؟؟

[راعي العشــه]

اشكركم على مروركم وسرعة اجابتكم في مثل هذه المواضيع
والظاهر اني بقنعه يبطل على البليزر

[ممتر البران]

تنسيم هواء بالبيبان مزعج جدا
وصرصرة ديكور
وصحيح بعض الانوار فيه تخرب اكثر من غيره يعني مهوب قظية استهلاك لكن قظية بلا بالموتر يخليه النور يخرب قبل عمره الافتراضي
تحيتي لكم
ابو سعد

[المقيم ج م]

اذا كانت داخل الديره ممتازة ولا تصلح للبر
تحتاج الى ركاده بالسياقه
معاي مديل 2005 ثلاث اسيات ودبل Ls
ماشية 90 الف كلم وممتاز تعطلت معاي مره واحدة بسبب انفصال الكهرباء داخل مفتاح السياره دون سبب وتم تغير القطعه بقيمة 100 ريال والحمد لله

[ساري يا غرام]

عليك بالتاهو عطي الله اذا يبي سياره جديده
انا معي 2008 وزي الحلاوه في الديره والا البر


واذا يبي بليزر انصحه بالموديل القديم وعندي واحد موديل 89 جبار ومن جد سياره ترفع الراس في البر

[Magellan]

التريل بليزر موتر رشيق وخفيف وحليو
ماهو أفضل الموجود لكن بسعره ماراح تحصل مثله
وبالنسبة لي معي 2006 ولله الحمد وأذكروا الله ياجماعه ماقد وديته للوكالة من يوم ماطلعته عندهم
ولله الحمد لايوجد له صيانة محددة أو تغيير وماشي عليه 85 الف
الأهم إن الصيانة الذاتية منك زيت قير ومكينة وأنت ماشي ويبي يعيش معك
وللإخوان اللي عندهم إستفسارات كهربائية وميكانيكية عن الموتر ممكن نساعدهم..

طبعا إذا تبي بديل أفضل عليك بالفورد أكسبلورر
لأنه برأيي أفضل إكسسوارات من الداخل وأشيك وأحلى منظر داخلي بالإضافة لمواصفات حلوة بالأكسبلورر بسعر 92500 ريال
والبليزر بحدود هالسعر ل3 مراتب دبل

بس فرق السماء عن الأرض من الداخل ، صح إن البليزر تعليقه الخلفي دفرنس كامل بعكس الأكسبلورر لكن بصراحة الأكسبلورر أفضل تجهيزات وطبلون ...


أخيرا همسة إلى إذن أخواني المراقبين ياليت يتم تعديل الرد الغير لائق

[ولد عبدالعزيز]

آخوي أنصحك بالأبتعاااد عنه

أول شي سوف يتم إيقاف تصنيعه
الشي الثاني أمريكي وكثير الأعطال

الشي الثالث مكيفه سيئ مع آخوي 2008 وتكييفه بايخ

[hms alqrob]

سبحان الله .. صحيح الناس أذواق

معي 2003 ما شاء الله ما اشتكيت منه

غير صوت الهواء في البيبان ، وسيارة أمريكية طبيعي يبغى لها رجل خفيفة

الله يوفقك أخوي

[د.مبدع]

يا أخوان إحترت ناس يشتكون و ناس ما شاء الله يمدحون
أنا دخلت الموضوع عن طريق قوقل لأني جزمت بآخذ تريل بليزر 2009 دبل ls و الحين بديت أراوي و أنا أقرى ردودكم و شكاواكم ؟؟

يعني لو المشكله فقط تنسيم الهواء كثير سيارات فيها المشكله هاذي و أولا و أخيرا المسأله توفيق من الله عز و جل

[دله وفنجال]

السلام عليكم...

اخوي الغالي اذا كنت ملزم على الامريكي وتبي نصيحتي وخر عن التريل بليزر خرابات كثير في الكهرباء وموتر ماينشد فيه الظهر ومالها داعي ينقطع فيك ونت مسافر ولا رايح يمين ولا يسار ولا حولك من يسعفك...
خلك على الفورد اكسبلورر الموتر افضل بكثير وسألت ناس عنه والحقيقه امدحوه لي وأثنو على الموتر ...

واذا تبي غير الامريكي فعندك الباثفاندر الجديد الحقيقه موتر خطير ووسيع وعملي ومواصفات ومركبه ممتاز ومريح ويكفيك انه ياباني ارقد وامن ...
واذا تبي غير الباثفاندر فعندك الفورتشنر بس شكله شين بلحيل ولاكن عليه مكينه خطيرة وداخليه حلو وكذلك مريح...

واذا والله اخوك مرخي المخبات فعليه بليوكن او التاهو الحقيقه اثبتاً جدارتهن وان ينشد فيهن الظهر...

وعمومن المواتر توافيق يمكنك تشتريلك لاندكروزر ويخرب عليك من بكرة فلتوفيق من رب العالمين ونت شاور وستخر ... والله يكتبلك الي فيه الخير...

اسف على الاطاله ...

[Magellan]

أنا ما أدري الحين بعضهم يرد ولايعرف وش يقول
يقول عليك بالباث فايندر الجديد لأنه ياباني
ولا أدري عن الأخ الكريم مادرى إن صناعتها من 2006 هي صناعه أمريكية صرفه
أو معلوماته من الإرشيف
ثم إذا كان الياباني أرقد وآمن ياليت يطلع على رابطة ملاك الباث فايندر الشكل القديم ويشوف انواع المشاكل،
من سقوط مسامير الثلاجة في المكينة وتخبيطها ،،ومن خراب حساس الهواء،،ومن خراب الرديتر،،واللي راس المكينة مشعور ،،وعمود الدبل اللي يصلب
وهذا كله من صناعة اليابان يا أبوجوده ...
حقيقة البعض يفرض علينا بعض الردود تتماشى مع منطقه في الحديث...
ثم هل جرب التريل بليزر حتى يحكم عليه ويقول إنه يوهقه ....
ياليت من البعض حين يكتب ردوده يتحرى الصدق ولايجامل
وأخوي د.مبدع ياليت تشرفنا في موضوعنا عن رابطة ملاك البليزر في الرابط أسفل عشان نعطيك المعلومات الوافيه:

الى ملاك البليزر(تريل بليزر) (http://www.mekshat.com/vb/showthread.php?t=170449)

[دله وفنجال]

السلام عليكم...

هلابك اخوي ماجلان من ناحيت ان الباثفاندر امريكي فنعم صناعه ومواصفات امريكيه وهذا يغير ان الصانع ياباني والتقنيه يابانيه .. ولو نسبنا كل سيارة للبلد الهي تصنع فيه فأجل نص سيارات اليابان تصنع خارجها وكذلك الامريكي من جنرال موتورز كلكابرس والومينا وهلم جرى...

اخي بلله من ناحيت مشاكل الثلاجه للباثفاندر والباتورل وغيرها نسمع ونقراء عنها بلمنتديات واللحمد لله ماشفنا شي منها مجرد سماع فقط يعيني زي ماقلت سابقاً المواتر توافيق من رب العباد ...

شكراً على مداخلتك لاثراء الموضوع ومازلت اقول الياباني ارقد وامن...

[اسمي بالسما]

يالغالي بقولك نصيحه وخلها ببالك من يفكر ببليزر ويبي سيارة جبارة وقويه
مومشكله أنا معك بليزر لكن من موديل 91 ونازل بصراحه سيارة ماعليها كلام في البر
و الشباب يفيدونك أكثر
تحياتي للكل

[klddn]

انا معي تريل بليز موديل 2003 دبل سعودي من اكثر من ثلاث سنوات وماخذه مستخدم والحين ماشي اكثر من 290000 والحمد لله ماصار لي اي مشاكل مكانيكية ولا كهربائية وما اتوقع فية احسن منة في نفس الفئة والحجم من حي الراحة في السفريات والقوه في البر .

[عااشق البليزر]

سلام عليكم ورحمه الله وبركااته اناا مااسجلت في هالمنتدي الا علشاان ارد علي الاخواان ماادري اذا مووضوع قديم ولا لا انا اللي قهرني انا الاخوان يقولون انه التريل بليزر ماينفع ةخرابات واايد واعطال كهرباا كثيره يعني بالله عليكم نلاقي اغلب شباب اول مايطلعون سياره يكرفوون ام سياره تففحيط وخسماات ويلعبولك بالسايد لعب ويلعنون خيرهاا في بر كل يووم طلعاات وحتي بعضكم ماايكلف رووحه يفحص زيت سيااره والقير شللون ماتبوونهاا تخرب وتصير مشااكل في كهرباا من وري قيادتكم متهووره سياره يبيلها وااحد يداريهاا علشان تداريه والبليزر ورببي ماافي مثله نااس وايد قالو هالحجي موو بس كلامي عزم وقوه وكشخه وشبابيه ومن نااحيه تسريب هوي الموديلات حديثه من 2005 وفوق ابشركم عدلووها وصاارت احسن من قبل يعني بالعربي خذهااا وبلا اكسبلوور وبلا باثفندر بلا بطيخ ومشكورين واسف علي الا طاله :) ×

[hadoie98]

انا اشوف احسن موديل للبيلزر من ناحية القوة والشكل موديل 95
قوي وفعال وعملي
بس حاول انك تاخذ واحد نضيف علشان تفتك من مشاكلة في المستقبل

http://www.haraj.com.sa/userfiles21/2011-06-13/6e64e14bd87284748f569930b3578102.jpg
http://www.haraj.com.sa/userfiles21/2011-07-19/73fbb7efe2d899dc013d1bf15db144bb.jpg
http://www.haraj.com.sa/userfiles20/2011-05-17/ef55ae4dc253e435404757adec5cd1fe.jpg

[marwan khairy]

واللة نصيحة سيبك منو انا عن نفسى خرب الموتور مرتين واللة وكل مرة بدفع 6000 ريال ومرة خرب الكويلات ومرة الانارة ومرة الكهرباء نصيحة بلا منو

[Abu Mashari]

نصحيحه ابتعد عنه مافي اكره من الانفوي والبليزر

واحد من ربعي عنده 2009 الكارونه تون .. ونور الطبلون على المزاج
ويوم القير ما يعشق .. لازم تطفي الموتر وتشغله مره ثانيه علشان يعشق القير:mad:

وكل هالمشاكل ما طب البر .. والصيانه بوقتها بالوكاله .. والموتر مامشى 80 الف

[slem]

أنا معي بليزر من عام 2004 فاكة وكالة
كان فية مشكلة بالدبل بالبداية
لكن السيارة بعد ذلك أستمرت معي حتى عام 2012 بدون مشاكل ألا أخر 3 سنوات فتح كبوتة :D كل شوي مشكلة .. طبعاً أهم مشكلة في الحرارة في الصيف غير طبيعية ..