المساعد الشخصي الرقمي

مشاهدة النسخة كاملة : الفقع في نفود الغاط


الروضة
13/02/2004, 10:16 AM
أخواني أمس كشتنا في نفود الغاط ( الصلابيخ ) وبصراحة النفود أخضر من العشب وكله مزهر ويوجد فقع لكن حنا ماحصلنا إلا شوي وغيرنا يقول انه يحصل حق الغداء
لكن المكان يستاهع العنوة لخضاره والمكان بالتحديد هو إذا اتيت من الرياض تبي القصيم ونزلت مع طلعة الغاط يجيك محطة بنزين ومزرعة البان الهنا عدهن بكم كيلو يجيك نفق تحت السريع انزل معه ورح جنوب السريع وتاتحصل سكك تدخل في النفود ادخل معهن بعد كيلو أو أقل تحصل الفقع والربيع إن شاء الله
لكن أقول الربيع يسوى العنوة أما الفقع بصراحة يبي تعب شوي
وهذه صور للربيع
http://www.mekshat.com/pix/upload/images4/bbb.JPG
http://www.mekshat.com/pix/upload/images4/lll.JPG
الملثم
13/02/2004, 10:49 AM
السلام عليكم ورحمة الله وبركاته
وش قومك مضيع الخيمة :p :confused: أنا قلت بالقي طبخة مسمينها على اسم ذي المنطقة قريت المشاركة قلت الظاهر إني مضيع بعد ماحلونا عيونا في مشاركة شاهد عيان اللي تدور الراس:D :D
قريت عنوان الخيمة ولا أنا المطبخ قلت وش قوم خويي مضيع والسموحة
الروضة
13/02/2004, 01:45 PM
وعليكم السلام ورحمة الله وبركاته
أخوي الملثم حياك الله وتراي مافهمت شي من اللي أنت تقول
صقر
13/02/2004, 01:54 PM
مشكور اخوي الروضة

وانا شفت النفود غاية في الجمال من الخضار بس ما نزلت يمه انا فقط رأيته وانا في السريع .... جزاك الله خير على كل حال...

وتراني مثلك ما فهمت وش يقصد الملثم ..

وبارك الله فيك...
الملثم
13/02/2004, 02:18 PM
شف إما أنا مضيع :confused: ولا به شي غريب أنا قارين مشاركتك هذي في مطبخ مكشات والحين أشوفها في خيمة الحياة الفطرية السموحة يالطيب الظاهر باروح يم مطوع يقرا علي هذا كله بعد ماحوس عيونا شاهد عيان جزاه الله خير . السموحة السموحة
حد السيف
13/02/2004, 08:49 PM
السلام عليكم ورحمة الله وبركاته
الحمد لله على السلامة
الروضة
الحمد لله هالسنة الربيع لاتنشد والدليل الصور المعروضة من خلال المنتدى شي يوسع الخاطر
هلابك وبوصفك والربيع اللي جبت صورة تسلم يالغالي وحياك ربي

محبك اخيك
حد السيف
ابو عايد
13/02/2004, 09:18 PM
مشكور اخوي الروضة على الصور الجميلة والله لايهينك على هذه الصور الرائعه

وعزالله انها صور توسع الخاطر

الله يعطيك العافيه يالغالي

تقبل تحياتي أخوك // العاشق الولهان