المساعد الشخصي الرقمي

مشاهدة النسخة كاملة : نويت وتوكلت على الله ...



ابو خالد2008
30/10/2008, 02:41 PM
بسم الله الرحمن الرحيم




السلام عليكم ورحمة الله وبركاتة


اسعد الله جميع اوقاتكم بخير ......


ابي شوركم علي نويت بأذن الله اشتري باترول مديل 2009 رقم 2 طبعا بتقسيط بس مادري وش يشترطون الوكالة واذا فيه دفعة كم تكون وكم القسط وكم تطلع قيمت السيارة واذا تنصحوني بمديل معين من الباترول لأن بعض مديلات الباترول فيها عيوب على كلام واحد من الزملا .



بنتظار .....

DELL
30/10/2008, 02:57 PM
ورا ماتصبر لك اشوين غدي الاسعار ترخص مثل مايقولون ..

ابو خالد2008
30/10/2008, 03:12 PM
والله ياخوي ديل ماشفنا نزول للاسعار وبالعكس يقولون اسعار الجيوب راح ترتفع لأن هذا موسمها وحنا بول الموسم .

ياليت الأخوان تكرما وليس امرا يفيدوني ولهم الشكر .......

ليالي نجد
30/10/2008, 03:32 PM
حياك الله اخوي ..

وليه ما تاخذه عن طريق البنك .. اعتقد راح تكون الفائده اقل .

وعلي البركه مقدماً

بدوي جنوبي
30/10/2008, 04:09 PM
دام سعر البترول بدأ في ارتفاع

ما اظن انها بترخص

شكلها مجرد احلام

والله يعين اللي بيشتري سيارة جديدة

بالتوفيق للجميع

ابو خالد2008
30/10/2008, 06:11 PM
شكري لكم اخوتي جميعا على المرور والأهتمام . بس ياخوان ماقلتولي ...وش يشترطون الوكالة واذا فيه دفعة كم تكون وكم القسط وكم تطلع قيمت السيارة واذا تنصحوني بمديل معين من الباترول لأن بعض مديلات الباترول فيها عيوب على كلام واحد من الزملا .
الله يبارك بالجميع ...

ابو خــــالد
30/10/2008, 08:08 PM
لاتردك الأمور هاذي > انت اذا استخدمت الموتر استخدام حشمه وعقل بيقعد معك إن شاالله طول عمرك >> للمعلومية سعر الفتك 2009 سوبر سفاري فل كامل عند الحمراني ب178 مية وثمان وسبعين ألف والسعر قابل للإرتفاع (((نصيحة كانك تتشري اشر اللحين قبل مايرتفع مره)))
أرجو ان أكون قد افدتك

ابوسعودد
30/10/2008, 08:14 PM
الله الله بالاستخاره ما اوصيك والله يكتب لك الخيره

عاشق الموطن
30/10/2008, 08:22 PM
الله يرزقك الي على بالك وبالتوفيق

احب البرواهله
30/10/2008, 08:42 PM
178 الف ياخوي تلفت حولك ترى فيه مواتر تؤدي نفس الغرض وتوفر ثلث هالمبلغ وأن بغيت تاخذ معه ياريس جديده للمشاوير الداخليه
على العموم الله يطعمك خيره ويكفيك شره

مداحش
30/10/2008, 08:44 PM
والله ياخوك مدري وش نقول ناس تقول بيرخص ويطيح سعره وناس تقول العكس , المهم اوصيك بالإستخارة قبل كل شيء وشف البنك مثل ماقال احد الإخوان , والله يوفقك دنيا واخره

ياعزوتي
30/10/2008, 09:53 PM
الله يكتبلك الخير وين ما رحت

والله يعينك على الاقساط





ابي شوركم علي نويت بأذن الله اشتري باترول مديل 2009 رقم 2 طبعا بتقسيط بس مادري وش يشترطون الوكالة واذا فيه دفعة كم تكون وكم القسط وكم تطلع قيمت السيارة واذا تنصحوني بمديل معين من الباترول لأن بعض مديلات الباترول فيها عيوب على كلام واحد من الزملا .



الوكاله راح تقسطك عن طريق البنوك اذا كنت راح تاخذها عن طريق الحمراني

طبعا الدفعه الاولى والاخيره والقسط تحددها انت بحيث لا تزيد عن خمس سنوات بفائده تقريبا 8 % و4% تامين

المطلوب
تعربف بالراتب __ وكشف بنكي لاخر ثلاث شهور

وانصحك باللون الولوئي


وان شاء الله افدتك ولو بشي بسيط

والله يعطيك خيره ويكفيك شره مقدما

بالتوفيق اخوي

ابو خالد2008
31/10/2008, 12:49 PM
الله يعطيكم العافية جميعا على مروركم وهتمامكم ودئما مانستغني عن منتدى مكشات وشوركم ورايكم دمتم بكل خير .


والله يحفظكم ........