اشتريت (((الباجيرو :) وقررت التهور بشراء الثاني ايش رايكم وكم يسوى

[Blue Ocean]

السلام عليكم شباب

باركولي اشتريت الباجيرو 3.8 الفل 2008 (من غير نافيقاشون) كحلي ميكا وأسود من الداخل. صراحة سيارة ما شاء الله. قمة , لكن ما فيها زر الدفلوك (مكانها فاضي في الطبلون)؟ ليش كذا؟؟؟

وفي واحد موديل 99 (225 حصان) شكلو نظيف. شكلي أبي اشتريه. ايش رأيكم في هذا الموديل وكم يسوى اذا نظيف؟؟ بالله المساعدة. راعيه حادو ب20 الف ريال سعودي؟ هذا لكرف الكرف.

شكرا على نصائحكم الماضية :)

مع التحية
أبو غازي

[جمعان 22]

مبروووووك
سيااارة طيبة :)


مدري ليه بتشتري واحد للكرف ..... اللي عندك ....باذن الله ... بيكرف كرف ولعمر طويل اذا شاء الله

عموما الباجيرو heavy duty .... لا تخاف عليه

[طحنون]

حلل الجديد تحليل صح ووسع صدرك فيه ودراهم الموتر الثاني خلها لتشييك الجديد بعد اربع اوخمس سنوات من الكرف والجديد من ماخذه معك الى القبر بعد عمر طويل
والف مبروك واحسن مااخترت من الجيوب لاكن برضو حجم الماكينه لايرضي تعتبر ضعيفه في ضل السيارات الجديده من فئه الجيوب وهو يعتبرمن السيارات الفخمه الان

[Blue Ocean]

مشكورين جمعان وطحنون,

السبب ان عندي سيارة ثانية قديمة (بورا) موديل 2000 ولازم اخليها لمشاوير الاهل... قلت ليش ما بيعها وأزود عليها للباجيرو. لان البورا غثتني تصليح بعدكل فترة تننننززز :)

جزيتم خيراً

[الشاقي]

راعيه حادو ب20 الف ريال سعودي؟ هذا لكرف الكرف

اخوي بلو اوشن م99 وبتشتريه للكرف على ماقلت مايصلح مع سيارات باجيرو
عمر السيارة الإفتراضي انتهى وبتخسر عليه و بيصير شغلتك
انصحك اذا معك 20 الف شف لك سيارة صغيرة مع جيبك الجديد الله يطعمك خيره ويكفيك شرة
اذا كان قصدك تكرفة بالبر فعليك بـ تويوتا والا نيسان
غيرة ما انصحك الله يوفقك

[جمعان 22]

كانك تبي شيئ للمشاوير

لا تتعدى الصوالين ذات المحرك سعة 1.3 لتر ..مثل الكورولا و امثالها

توفير للبنزين ... لا اعطال

[المميـز]

ماشاء الله تبارك الله

الله يعطيك خيره ويكفيك شره

كم سعر اللي بدون نافيقيشن ؟؟ لأني خابر اللي فيه نافيقيشن بـ 134 الف صح ؟؟ والا تغير ؟

وبالنسبة للدف لوك حق الباجيرو

كان عندنا باجيرو 2004 وكان الدف لوك مع الدبل الكبير تماتيك

وكان مكتوب عندنا اما الدبل الثقيل ( الكبير ) كلمة دف لوك بالانجليزي

شيك على موترك وشف هل هالكلمة مكتوبه عندك والا لا ؟؟

[Blue Ocean]

والله يهمني في السيلرة الثانية الصلابة (حديد في حديد) والوسع (7 مقاعد و لنقل الأشياء) والقدم (ليرخص سعره). والباجيرو 99 ماشي 140الف فقط (راعيه: شغل- بيت -شغل وكم رحلة للشام وراجع) ما هو راعي بران ويقول أن كشف السيارة دايم في الوكالة. لذلك أنا متحمس ومأمل عليها أنشاء الله

السؤال هو كم تسوى (للي عندهم خبره في التسعيرة) وهل ال99 يمَشي كم سنة ان شاء الله قدام اذا نظيف (عمر السيارة 9 سنين فقط).

مشكورين

[Blue Ocean]

جزاك الله خيريالمميز

شريت ال2008 (من غير نافيقاشين) ب135 ألف بس بعرض أفضل من ممتاز (تقسيط بسعر الكاش: تدفع 25% وتقسط الباقي على 30 شهر 3345 ريال بدوووون اي فائدة) اذا دفعتها كاش كاملة تطلع 128 الف واللي بالنافيقاشون ب 134 الف زي ما قلت (و ب 139 الف اذا تقسيط)

صراحة تعبوني في تكميل الاوراق للكفالة الغارمة. ومن حقهم لاني فهمت ان في عدد كبير من الناس يشترون تقسيط ولا يدفعون (ملايين في السوق) الله يجازيهم ...."تأخير العدل ظلم".....

مع التحية
ابو غازي

[هواي داورد]

مبروووووك
سيااارة طيبة

[منزلي الصمان1]

بس حبيت ابارك لك

الله يطعمك من خيرها ويكفيك شرها

[ابو شهد جدة]

على البركة اخوي ابو غازي الله يعطيك خيره ويكفيك شره.

وبالنسبة للبورا اذا حبيت تبيعها عندي لك الزبون.

[المميـز]

جزاك الله خيريالمميز

شريت ال2008 (من غير نافيقاشين) ب135 ألف بس بعرض أفضل من ممتاز (تقسيط بسعر الكاش: تدفع 25% وتقسط الباقي على 30 شهر 3345 ريال بدوووون اي فائدة) اذا دفعتها كاش كاملة تطلع 128 الف واللي بالنافيقاشون ب 134 الف زي ما قلت (و ب 139 الف اذا تقسيط)

صراحة تعبوني في تكميل الاوراق للكفالة الغارمة. ومن حقهم لاني فهمت ان في عدد كبير من الناس يشترون تقسيط ولا يدفعون (ملايين في السوق) الله يجازيهم ...."تأخير العدل ظلم".....

مع التحية
ابو غازي


جزاك الله خير على التوضيــح

والله يعطيك خيره ويكفيك شره

والله يكون بعونك على سداد الديــــن

تساهيل ان شاء الله :)

[sdossary]

الف مبروك ويعطيك من خيرها ويكفيك شرها

[88488]

أول شي يعطيك خيره ويكفيك شره .. وعلى البركة

والموتر ما شاء الله فيه خفه بالنفود ويتحمل الكرف

وشوفة عيني في طعس الهاف مون قام على Gxr ... المهم يعيطك خيره ويكفيك شره

أما الجيب المستعمل فهو ما شاء الله نظيف .. لكن ممكن يكلفك في تغيير بعض القطع لأنه صار له 9 سنوات ..

وقطع الميتسوبيشي غالية .. وان كانك تبغاه استخير وتوكل ..

[الناصح 99]

الثاني لو يكون ربع باب واحد يكون افضل

معي حق الدوله من اروع مايكون وكارفه كرف