في الرياض مثلوث للبيع .

[حطاب11]

السلام عليكم ورحمة الله وبركاته

عندي مثلوث قد عرضته في موضوع سابق وماجاء نصيب . لكني بأعرضه اليوم والله يكتب اللي فيه خير وصالح .

الطير قرناس ثالث ، طوله 15 في 15وزيادة .
الطير يلوح و صايد كراويين ويلحق حمام ، ومفكوك له دجاجه العام وذبحها .


وهذي صورة الطير في الرابط .
http://www.up-00.com/bzfiles/56R80985.jpg


والله يرزق الجميع ..

[همس الرعد]

الطير عندي ب 2000 ريال شرط الحمام والملواح وسليم من الامراض

[حطاب11]

الطير الحمدلله سليم من الأمراض ومن التوسير .

وسومتك طيبة من رجال طيب . لكن عليك شوي .

[stewrd]

اذا الطير مشروط على الكراوين على 2500

[مسلط العتيبي]

الطير علي بـ 2700 بشرط انه سليم من الامراض ومشروط علي الكراويـن

وانه مايكوش ولايصيح وراكد

[راعي الشهامه]

وين مكانك ؟؟

وعلي بـ 3000

[هواي داورد]

ما شاء الله

الله يرزق البايع والشاري والمتفرج

[حطاب11]

ياراعي الشهامة أنا في الرياض و سومتك طيبة وإن كنت صامل راسلني على الخاص .

[KAYD]

مساك الله بالخير أخوي حطاب 11

هل الطير طلاع ؟؟
هل الطير راكد على التكايه ؟؟
هل توجد في الطيرعيوب (الارتفاع,الكوشه,نقل العلف,الصياح)؟؟

وياليت تضيف زيادة صور للصدر والظهر

[شقرااااان]

انا اسوم الطير 3500صامل

[حطاااااب]

حطاب11
صبحك الله بالخير
ممكن لو تفيدنا بطيار الطير
او
سبق فكيت له حمام دحل او زاجل
اذا طياره موقف لينظر وابشر بسومه طيبه

[حطاب11]

هلا والله شباب

الطير ماعلمته ولاجربته على الطلع أصلا . أما الركادة يركد شوي على التكية ثم يكافخ . وهذا طبع المثاليث بشكل عام .
والحمد لله الطير مافيه عيوب ، غير إنك تناديه وهو مبرقع ويصيح لك ، وهذي أعدها أنا ميزة . وعندي له تصوير .
أما السبق ، أنا والله ماجردت الطير العام ، لكن أكثر من واحد شافه وأثنى عليه .

[صقر612]

الله يرزقك

[سلطان راشد]

اخوي حطاب انا صامل بــ 3000 ريال والكلمة الاخيرة لك وش قلت ... :)

[حطاب11]

الطير شراه سلطان بن راشد عن طريق مكشات
والله يبارك له بالطير .

[ابرق آلريش]

هاذا حر ولا انا غلطان

[أبوحمد الشمري]

لله يرزق البايع والشاري