الشوكي الشوكي تفكووووون

[مكشوتي]

السلام عليكم ورحمة الله وبركاته

يالله حي هل البران :D
شباب تفكون لا تفشلوني عند اخوياي ..

القصه ومافيها :
ان اجتمعنا بعض الشباب وعزمنا اننا نكشت بالبر ..
<-- اكيد بالبر اجل احد يكشت بالبيت :D

المهم تعرفون جاء محسبوكم راعي البران <<< الله من الخرط :D
وقلت لهم مال لابو عزيز الا الشوكي قال ما نعرف طريق الشوكي ..
قلت ابد الدليله معكم ولو تبون نروح لللشمال >> حنا حدنا طريق المطار شمال ومخرج 15 جنوب :D

قال الشباب الشوكي الشوكي ما بدهاش ... والظاهر اني توهقت :( والله ما عمري طبيت الشوكي

قلت انزل موضوع عند هل البر والعلوم الزينه ..
ولا عليكم امر يا شباب ابي وصف الشوكي مع احداثيته ..
لا تورطوني مع الشباب .. مير ارفع عليكم شكوى لمحكمة الجرائم الدوليه :p

مكشوتي ;)

[مكشوتي]

واذا فيه احد يقدر يوصلني لها بسيارته يكون ازين :(
ددسني تعباااااان

وان قدر يعطيني سيارته اروح للبر يومين وارجع ما اقول لا .. وفوق هذا ابعبي البنزين فل واغير الزيت >> على نياته

:rolleyes:

اخوكم
مكشوتي اللي دايم يغرز بالطعوووووس :(
لا تضحكون تراكم كنتم زيي :mad:

:D :D :D

[مكشوتي]

وين الناااااااس ..

يامال العافيه يا شباب تكفون ردو علي :(

[عروان]

الشوكي , شعيب

N 25,57,150
E 46,10,745

[درب مبيحيص]

اخوي مكشوتي
اذا تبي تروح للشوكي وبعيد عن الازعاج اطلع من عند روضة نورة عن طريق طلعة ام الارشيه وهذا الاحداثي تبعها
N 25.47.454
E046.07.791
وبعد ماتطلع فوق الخطوط كلها توديك للشعيب وكل ماتعمقت لقيت الربيع صح
وهذي بعض الصور لشعيب الشوكي يوم الخميس الي فات اتمنى ان تعجبك

http://www.hatan.net/sa7ab/alshwky1.jpg

http://www.hatan.net/sa7ab/alshwky2.jpg

http://www.hatan.net/sa7ab/alshwky3.jpg

http://www.hatan.net/sa7ab/alshwky.jpg

http://www.hatan.net/sa7ab/alshwky4.jpg

http://www.hatan.net/sa7ab/alshwky5.jpg

وهذا احداثي المواقع السابقه ان رغبت ذلك

N 25.34.657
E046.16.391

مع تمنياتي لك برحلة ممتعه

[عريدان]

السلام عليكم ورحمة الله وبركاته
مكـ ـــشــ ـــوتي هل لديك رخصة قياده أم لا . وبعدين ترى الطوقي أقرب لك عند الثمامه.

[المربد]

شف بارك الله فيك ، اطلع من حارتكم ولف يمين لين تمسك الخط السريع، ثم اتبعه الى الظلع الشمالي من الخط الدائري، ثم امسك الدائري الشمالي واتجه غرب الى ان يجيك مخرج رقم 4 (طريق الملك فهد) الى القصيم.
اتبع خط القصيم الى يجيك مخرج رقم 9 مكتوب عليه الرويغب اخرج معه يمين ثم امش الى ان يجيك مفرق يمين اتبعه يتجه للرويغب والخاتلة عقب حوالي ثلاثين كيلو او اقل شوي يجيك لوحة على اليسار خضراء تقول الى روضة نورة (910. 41. 25--629. 13. 46) انزل معها بعد 14 كيلو طرق برية تجيك نورة اذا وصلت لها قل لربعك خلاص هذي احسن من الشوكي !!!
او استمر عقب نورة مثل ما قال لك اخونا ( درب مبيحص)

[عروان]

أشتر لك خريطة طبيعية من المكتبة وأتبع الوصف اللي ذكره أخوانك فوق.


تحياتي

[مكشوتي]

عريدان للاسف ماعندي رخصه :(
طيب تنفع بطاقة احوال ;)

المربد الله يجزاك خير بس يخوي يقولون روضة نوره زحمة وعوايل وهذا لللي يكرهني بالفياض اللي حول الرياض تلقى العويل هناك ..
لكن ما قصرت نروح لنوره و نفرق من هناك للشوكي ...

عروان متشكر اووووووووي

[سنعوسي الرياض]

الاخ مكشوتي تبي اوصف لك من المصيف؟؟؟

[مكشوتي]

سنعوس الرياض ولا عليك امر عطن الوصف ..

وبسالكم كم كيلو من هنا ؟ وهل يوجد محطات على الطريق والا لا ؟؟

[العليمي]

أمسك طريق الرياض_ القصيم متجه شمال طبعا .. وبعد 115 كيلو تقريبا يجيك مخرج يقول لك تمير أطلع معه يمين ثم أمش لين تطب في تمير تعدها و خلك مسيد على طوووول :D بعدها تجي في وجهك قرية مبايض و يصبح الطريق يا يمين يا يسار أطلع يمين ثم شق على طووووووول بتشوف جبال العرمه قدامك ثم بتوصل لقرية الشعب أطلع معها (( مع الطلعه )) ثم أمش تقريبا 10 كلم بعد طلعة الشعب تجيك لوحه مكتوب عليها منتزه الشوكي يمين أنزل من عندها مع الطريق الترابي و ثم تطب في بداية الشوكي ... يعني من الرياض الى الشوكي تقريبا 160 كلم ...

المحطات : عندك محطة تمير و محطة مبايض و محطة الشعب كلها على طريقك ...
ارسال الجوال ينقطع بعد ما تطلع مع طلعة الشعب ...

[المربد]

ان سالت يا مكشوتي اي سؤال عقب هالتوصيفات ...!!!
بــيـــجـــيـــك شيء ما شفته !!!

[مكشوتي]

علملم مشكووووووووور ..
بس ممكن توضح شوي :rolleyes:

امزح معك ;)

بس عندي سوعال اخير ..:(

القارمن يشتغل هناك ؟؟؟؟

:D :D :p :D :D

صراحه ما قصرتوا يا شباب وتلقوني هناك يوم الثلاثاء بالليل ان شاء الله
:)