وش السواة مع قير الجيب ؟؟ افزعوا تكفون

[abo jojo]

السلام عليكم ورحمة الله وبركاته

يالربع عندي مشكلة بقير الموتر الجكسار 2002 طبعا القير عايدي وأحيانا مايقبل النمرة خاصة إذا كان واقف أقعد أحرحر به وأحايل وبعض الأوقات بالقوة يلقم خاصة عند 2 وعند الريوس
غيرت زيت القير لاكن ماتغير شي وش الحل ؟ هل به ورشه متخصصة بشغل القيور تنصحون أروح يمهم؟
الشي الثاني لمبة الدبل إذا كان الموتر بارد ما تولع يعني لازم أمشي عليه أو أشغله ربع ساعة عشان تولع إذا لقمت الدبل وأحيانا ترمش يعني كأنها بتطفي أحد مر بهالمشكلة؟

[ساري 111]

بالنسبه للقير انا عندي نفس المعاناه بـ 2007 طبعاً اذا صار الموتر بارد اذا احتمى صار لاباس

لكن اذا بتحطه بالريوس وعيى يلقم لاتعسره حطه بواحد وخل الموتر ينتهض نهضه بسيطه وبعدين رجعه للريوس على طول راح يلقم معك بسهوله

ولاتقلق ولاتلعب بموترك هذا شي طبيعي فيه وهو بارد

[نايلات11]

فيه ربله العصا بالجيوب القديمه وما ادري عن الموديل الجديد دائمآ ثقل العصا منها وتأكد

[بواسامه]

شيك على اصلاح كلتش علوي وسفلي
وباذن الله بيظبط
وامره سهل

[العمري-]

السلام عليكم ورحمة الله وبركاته اذا كان ما يلقم وانت تمشي دايم وبدون قره بدون صوت الي انتم خابرينه الي يزعج فهذا اذا ما خاب ضني انه من الخزينه عقت الكلش يا ناقصه زيت ولا ما فيها او الخزينه خربانه اتمنى اني افدتك...

[abo jojo]

ساري 111 مشكور بس يا أخي مزعجتني هالمشكلة وما أظن اللي عندي طبيعي

نايلات 11 حياك الله غيرت الربلات اللي هي أصلاح عصا القير لكن نفس المشكلة موجودة

بواسامة يامرحبا وش تقصد بإصلاح الكلتش ؟ أغير الكلتش وإلا ويش ؟ وكم يكلف ؟

العمري ـ هلابك أحيانا ماهو دائماً مايلقم وين مكان الخزينة حقت الكلتش حتى أشيك عليه ؟

مشكورين يالربع وبيض الله وجيهكم وأنتظر ردودكم

[abo jojo]

مشكور أخوي القبطان وبيض الله وجهك هل اتصل بابو سليمان مباشرة ؟
(لا تشره الرسائل الخاصة مابعد اشتغلت عندي)

[الهدد1111]

السلام عليكم نعم اتصل عليه

[ساري 111]

اليوم جربت طريقه ولقم على طول

في الصباح جيت ابحطه بالريوس عيا يلقم باللين جيت ابعطيه 2 عيا يلقم لازم تشد عليه شوي عشان يلقم وانا ماودي اعسره

جيت وحطيته بالخامس وبعده نزلته للرابع وبعده للثالث وكان يلقم بسهوله وبعده الثاني الاول وبعده للريوس ولقم معي على طووول بكل مرونه وسهوله جربه بموترك اعتقد راح تفرق معك

[بحر الموده]

طبيعي نفس الموتر معي زيت القير ثقيل واذاحمي الزيت يلقم بسهوله

[العارض]

السلام عليكم ورحمة الله وبركاته
اخي ابو جوجو احتمال يصير الكلتش بوه مشكله ابقول لك طريقتين حتى تفحص الكلتش إذا صار زين او محترق الطريقة الولى طال عمرك والقارئين : دبل على الكلتش ثلاث او اربع مرات وجرب تلقمه الريوش او النمره اللي يعيي يلقمها بسهوله ان لقمها بسهوله فهذا يعني من علبة الكلتش السفليه

الطريقة الثانيه امش بالموتر بالطريقة العاديه اول ثم ثاني ثم عطة الخامس إذا فضى القير على طول تأكد ان الكلتش محترق وإذا تردى عزمة وقام ينتفض الموتر فالكلتش زين وانت استشر اهل الخبره ابنصحك بواحد اليا ماعاد لقيت لك احد يصلحوه او يتططب فيه

[مزاجي فوق]

اخوي لا تشيل هم ابد ابد انا موتري 2002 ونفس المشكله لها ثلاث سنين والله ما سالت مخلوق لكن اذا بغيت احطه بالريوس اعطيه اول بعدين خامس بعدين ريوس اما الثاني اعطيه اول بعدين ثاني

طبعا هالمشكله ما تجيني الا اذا كانت السياره واقفه بارده ولا حاره اذا وقفت لازم اسوي كذا

وسلامتكم

[الباترول دمي]

انصحك حط زيت عيار 90 وبتدعيلي

[الإستراتيجي]

المشكلة جديدة ولا من خذت الموتر ؟؟

[همّام]

قبل لا تحطه بالثاني وكذا الريوس ،، حطه بالرابع .