المساعد الشخصي الرقمي

مشاهدة النسخة كاملة : جنوط الهلل للهدد .. وش الفرق بين التجاري والأصلي؟؟



ساري 111
01/11/2008, 10:43 AM
السلام عليكم ..

ياجماعة الخير لي كم يوم ادور جنوط هلل لموتري هدد 2007
ولقيت بالسوق اكثر من نوع يتراوح سعرهن من 800 الى 900 تجاري جديد(فيه احد جربه وينصح فيه)؟؟
والأصلي بالوكاله اربع جنوط بـ 1780 ريال

انا ادور اصلي مستعمل والسؤال .. وش الفرق بين التجاري والأصلي ؟؟

قالوا لي التجاري يجي فيه بروز بين المسامير والاصلي يجي ساده

رحت ولقيت التجاري ابو 800 ساده ولافيه بروز !!!

واللي عنده خبر كم يسوى الأصلي المستعمل بالسوق ياليت يفيدنا
لأني سمعت واحد يقول تلقاهن 1500
اذا هو على هالسعر اروح اطق وكاله اصرف لي


ياليت اصحاب الخبره يفيدوننا بهالموضوع ولهم جزيل الشكر



والسؤال الثاني
انا ناوي اركب كفرات هانكوك 245عرض ارتفاع 85
ياليت اذا فيه احد مجربهن يعطينا وشهن من لحيه هالكفرات ؟؟

هن يتحملن الحصى والخطوط والسرعه ؟؟

نايلات11
01/11/2008, 12:51 PM
ايضآ نتمنى احد يفيدنا

الهدد1111
01/11/2008, 01:06 PM
السلام عليكم اخى ساري افتح الخاص الاهنت

تركي الضرغام
01/11/2008, 01:23 PM
السلام عليكم ورحمه الله وبركاته
أخوي ساري 111
أنا مركب جنوط على موتري أصليات من الوكاله أشتر راحتك وخذ بشوري
اللي موجود بالسوق يسمونه جديد يجي بكرتون هذا يا طوي العمر يصنع بالأمارات ولا عليه أي ضمان ( هذا واحد من الشباب أخذهن من كرتونه وجربهن على مكطيت الترصيص يقول والله يا مكينت الترصيص ترج وخطر تتحرك من مكانها ) وبعدين فكر في السعر وسلامة موترك وسلامتك أنت ترى الرجه إذا صارت قويه تأثر على الموتر والله يستر من العواقب
وفكر فس السعر 800 أو 900 وهي صيني غاليه
وحقات الوكالة 1450 جديدة يايانية أصلية أقوى من الصينيه
وهذي رقم الجنوط بالوكالة 60580-42601
أو بأي محل قطع غيار أصلي للياباني ( النهدي أو الضحيان أو لكسزس )

أما بخصوص الكفرات أنا أنصحك بالدانلوب يكفي أنهن يابني والهانكوك زينات بس ماجربتهن فترة طويله أقل من شهر وصعب أحكم عليهن

أتمنى للجميع التوفيق ولا تنسوبي من دعائكم الصالح

وآسف على الأطالة

إعصار
01/11/2008, 02:47 PM
طيب مادري كم سعر الهلل حقت الباجيرو وكاااالة ..



ياليت أحد يفيدنا ..

طبعآ 6 مسامير ..

لاهنتو ..

محنك
01/11/2008, 03:21 PM
السلام عليكم ......
لاتركب جنوط صينيه انتبه . والفرق بينهن واضح الصيني خفيف جدا تشيله بيد وحده ومافيه رقم منحوووت بحافة الجنط . لكن الاصلي ثقيل ومنحوت رقمه ..
الكفرات الهانكوك استخدمتها وانشقت مع النص وستر ربك بس انا شاب عليهن بالجلد .
استخدمت برجستون مقاس 235 ارتفاع 85 جنط 16 حقت الجموس الاوله وكاله
والغاط 8 ... مسكته وكفر قوي هذا ثالث طقم اركبه امشي عليهن بالجلد 170 ومع الحصى فك وأفك . وجنبها قووي جدا مثل البالون . وأكيد الاخوان بالمنتدى يعرفونها ويعرفون قوتها . انصحك بها وراسه بالخط شي عجيب واذا ركبتاهن حط الهواء دايم
30 فقط .. ويزين ويروح المطب ....
اخونا إعصــــــار : ركب جنوط باجيرو . لاتركب الصينيه اللي منتشره بالغرابي
تلقى مستخدمات ومخروطــات للنيسان ونضاف وفيه مبرزات ومخروطات اصليه .. والجديد ماعندي خبر عنه .

إعصار
01/11/2008, 06:00 PM
محنك ..


يمال العافية على التوضيح .. بس متوسط أسعارها كم ..

وهل فيه شي بارز غير خفة الجنط .. والكتابة المنحوتة ..


تعبتك معي الله يكتب أجرك ..

بلاتين
01/11/2008, 06:47 PM
السلام عليكم ...

ياخوان عندي باترول ربع وابي جنوط الهلل حقت الباجيرو الاصليه تركب على طول ؟؟

وين احصلها بقطع غيار اصلي ؟ . اطلب اي مديل وذا كان عندكم السعر ياليت .
يعطيكم الف عافيه

البرحه
01/11/2008, 06:51 PM
بالوزن تفرقها .. الاصليه ثقيله والصيني على العكس

محب النياق
01/11/2008, 09:51 PM
يا اخوان الله لايهينكم ابي احسن جنوط للشاص لان الشنبر ثقيله والصينيات فيهن رجه

وش الحل

ساري 111
01/11/2008, 10:35 PM
ماقصرتو بيض الله وجيهكم وطول الله بعماركم



تركي الضرغام


وحقات الوكالة 1450 جديدة يايانية أصلية أقوى من الصينيه

متى خبرك بالسعر هذا ؟؟ لأني قبل اسبوع بالوكاله يقول 4 جنوط 1780 ريال


أما بخصوص الكفرات أنا أنصحك بالدانلوب يكفي أنهن يابني والهانكوك زينات بس ماجربتهن فترة طويله أقل من شهر وصعب أحكم عليهن


صدقت اخوي الدنلوب مايعلى عليه بس عيب الدنلوب بالمقاس هذا مصمم للشنبر ولذالك اذا ركبته تيوبلس تلقى شفته تشقق بعد فتره
وميزه الهانكوك بالمقاس هذا هو الكفر الوحيد اللي شفته مصمه تيبولس


....

محنك

البريجستون مشكلته عضل بالحيل واذا استخدمته 6 شهور صار حصاة



يا اخوان الله لايهينكم ابي احسن جنوط للشاص لان الشنبر ثقيله والصينيات فيهن رجه

ماادري اشوف الناس يركبون له جنوط هلل مثل جنوط الهدد ..

محنك
02/11/2008, 02:01 AM
السلام عليكم .....
اخونا ساري الكـــفر اللين فقط البالـون ,, جميــــع الكفرات الحجـــريه قاســــــــيه ماعدا ال 6 غاط منها وبشرط يكون الهــــــــــــــــواء 30 فقط يكون مطـــــبه معــــــقول وجمـــيع الحجريه دعــــستها قــــــويه لكــــن جنبها يكون عـــادة 6 غــــاط وضــعيفه . والهانـــكوك جــــنبه ضعيف أذا كان 6 غاط ,,,,,,,,
وال 8 غــــــاط هو عـــلاج اللي يخـــــاف من شـــــوك العاذر والحــــصى .. أنا نصحتك بالبرجستون لأنه قوي بشرط يكون الهـــــــــــــواء 30 بإستـــــمرار ويكون المطب ممـــــتاز ,, وتمــــشي مطمـــئن بالشعيب والجلد وبتعـــين خير . كـــفر يعــتمد عــــــليه . انا امشي مع جـــرة ربعــي اهل البـــوالين ال 8 غـــاط ناطا الحصى ونطب بالعاذر ومابنشرت ولله الحمد , كـــفر يستحـــق أني أمــــدحه ومايفشلك بالبر ,,
واكـــثر اللي يذكـــــرون ان البرجســـتون مطبها قاســـــي يحطــــون الهواء 40 او اكــــثر !!! فهــــذا طبيعي يكون المطب قاســــــــــــي . لذلك ال 30 مناســــبه .
أخونا إعصــــــــــــــــــــــــــــــــــــــار :
فقط هذا الفرق الوزن والكــــتبه , إضافه أن جنوط الباجيرو المخروطه يوضح الخـــرط من دائرة الخرط حــــــول الصـــــواميل
اما الصـــــينيه مايوضــــح لأنه قـــص مصنع !! تجـــده دائره بدون اعوجاج , لأن المخـــرطه اذا خرطــو الدائــره اللي بنصف الجـــــنط للنيسان مايضـــبطونه مــثل المـــصنع .... فقـــــط يســـتطيع بعضهم أنه يضبط التبريز ويعطيك عليه ضــــــمان انه مايرج ومــــوزون على المكينه . وسعر المخروطه المبرزه بالغرابي 250 للجنط الواحد اذا هو نظــــيف طبعا الاصلي , ...................................
اخونا راعـــــــــي الشـــــــــــــــــــــــــاص ركب جنوط الهـــدد الاصليه او جــــــنوط الجي اكس ال 6 انـــــش ,,, اذا كان شاصك 5 صواميل , واذا كان قديم 6 صواميل ركب جنوط الباجيرو تركب على موديل 99 ونازل للشاصات ............

محنك
02/11/2008, 02:12 AM
اخونا بلاتــــــــين .. جنوط الباجيرو ماتركب مباشره لابد خرط وســـــــط الجنط ..
ويكلفك الخرط 200 تقريبا ,,,,, للاربع جنوط ,,
وعند وكيل متسوبيشي تلقاها العيسائي اعتقد .. لكن تلقى بالغرابي مستعملات ..

بلاتين
02/11/2008, 07:07 PM
يعطيك العافيه اخوي محنك ماقصرت

ساري 111
02/11/2008, 07:57 PM
محنك بيض الله وجهك ماقصرت ياغاااالي

اباصل السوق واشوف هاللي انت تقول