المساعد الشخصي الرقمي

مشاهدة النسخة كاملة : أواجه مشكلة وأبي حل لها ،،،، في سيارتي الجيب (باترول سفاري 2005 )



GRRAF
02/11/2008, 01:01 PM
بسم الله الرحمن الرحيم
أرجو أن أجد عنكم حل للمشكلة التي تواجهني ولكم مني خالص الدعاء

مشكلتي سلمكم الله بدت لما صارت مكينة السيارة تكتم ولنبة المكينه اللى بالطبلون تولع يعني أدعس ولا ما أدعس ماتمشئ غير ثمانين

كانت المشكله تروح وتجي ماهيب دايم تجيه واذا جات ماتطول وديتها للوكالة وقالوا لي عندك التريسترات تحتاج لتغير قيمتها بحدود 3500 ريال وعندك إصلاح بالظفيرة

أنا ماقتنعت بكلامهم وديتها لسوري الله يصلح قلبه مابي اسبه قال عندك تي بي إس منظم الدعسه وحساسات القير سألت عنها جديده طلعت بتكلف حدود 6000 ريال وقال لي بإمكانه يصلحها وطلب مني 1500 ريال قلت له صلحها واخذت عليه ضمان صلحها ،، وطلعت منه اليوم الثاني رجعت نفس المشكله واخذت فلوسي منه بناء على الضمان اللى تم بينى !!!

بعدها رحت لكهربائي تتبع الاسلاك وحصل سلك بالظفيره مفصول وشبكه وانتهت المكشله بس رجعت لمبة المكينه اللى بالطبلون تولع والقير صار يفضي وماصار يبدل

رحت لفني قيرات قال قيرك سليم ولا تلعب فيه سحب العيار ولقاه ناقص نصف علبة زيت وزاده ،، حتى يوم شم الزيت لقاه ما فيه احتراق !! بس للحين الموتر يفضي بس مايطول والمبه حقت المكينه مولعه على طول ،، ولما رحت افحص كمبيوتر طلع لي حساس الاكسجين وحساسات القير وماعاد ادري من اصدق وتخبرون قطع غيار السفاري نار حسبي الله على ......


ياريت ترشدوني ولا تلاقون لي حل لهالمشكله الله لا يحرمكم الاجر ،،


والسلام عليكم ورحمة الله وبركاته

ابو هشام
02/11/2008, 03:21 PM
الكلتش محروق

الوعب
02/11/2008, 03:22 PM
السلام عليكم ورحمة الله و بركاته


انا من وصلت في القراءة لنص الموضوع على طور خطر في بالي شغله ,, وهي حساس فلتر الهوى . حاليا الي فهمته من كلامك ان المشكلة بس في الجير و في ليت المكينه الي والع على طول ؟
اعتقد الشغله شغله حساسات لا اكثر . دور لك حد من ربعك يكون عنده مثل سيارتك و مر وياه لكهربائي و خل يغير لك الحساسات الي عندك و الي عندك (ابدا بحساس فلتر الهوى) و شف اذا استمرت المشكله معاك يعني الخلل في سيارتك لاسمح الله و اذا انتقل الخلل لسيارت الشخص الي بدلت معاه يعني الخلل من الحساس نفسه.
هذا النوع من الخرابات مزعج جدا لانك بتقعد تغير قطع غيار و تتبع المشكله لين تطيح عليها , بعد ماتبدل قطع تكون سليمه عندك.
وعليك بفحص الكمبيوتر ترى سيارات هاليومين كلها كمبيوتر في كمبيوتر ,, ودها لمحل ثاني و افحصها عنده كمبيوتر و شف شيقولك

ماتشوف مكروه ان شالله
الله يفك لك

بلاتين
02/11/2008, 07:05 PM
اخوي مشكله انه الجيب يكتم ويصير مافيه عزم صارت لي قبل في جيب تيوتا وطلعت المشكله ان مغسله بستم وتسرب شوي من الماء الى البواجي وتم تغير البواجي وتنضيف فلتر الهواء ورجع الموتر سليم .
ان شاء الله ان المشكله بسيطه وبالنسبه لمبة المكينه فك اصبع البطاريه 10 دقايق جرب يمكن تكون معلقه .

ABO AL-HESH
02/11/2008, 08:29 PM
اخوي بالنسبه للمبه افصل السلك الموجب قبل تنام وان شاء الله يضبط الموتر..

ضاحى السعيدى
02/11/2008, 11:30 PM
صارت معاى بس الفرق انه يكتم مرات ومرات تطول الكتمه فيه بس بدون توليع لمبه ورحت للوكاله فى الكويت وغيرو فلتر الهوا 8.500 دينار وانتهت المشكله