:.. رابطة ملاك فورد Explorer حياكم ..:

[Explorer 2010]

هلا بالشباب هلا في ملاك الفورد وبس انا اشتريت فورد 2002 v8 امريكي وحبيت اغير المسجل واحد افضل منه وش رايكم افضل المسجلات تصلح للفورد اكسبلورر من حيث الشكل و اللون و الخرائط و السيديات دفي دي و مشغل الافلام
ما عندي خبره عنهم فيه انواع كثيرة بس محتار الي عنده يخبرني بليز بليز شباب


شوف موديل اسمة افالون مركبه عندي وما شاء الله شي ممتاز جدا

[الحمر احمر]

السلام عليكم يا شباب كل عام وانتم بخيم ونشكركم ع هذا الجهد
انا توني شريت اكسبلورر 2005 حبيت اسال عن فعل الموتر وحبيت اسال كم يقطع بالبانزين
ومشكورين والسلام ختام...

[أبو إياس]

اخوي التميمي ..

بيض الله وجهك يالبناخي واللهم آمين وإياك وكل مسلم
الآن السيارة دخلتها مستشفى الفورد وكتبوا لها تنويم :) وباستلمها 5 ونص
قلت للمسؤول كل الملاحظات ووعدني خير انه يشوفها
وبالمناسبة القيمة الدقيقة لتشييك 48 الف هي 696 ريال << خف الهم شوي
الصفير احسه برى عند الكفرات لأني اسمعه بشكل أقوى إذا فتحت النوافذ ..
ولا يمكن يصير من الزجاج لأنه أصلاً يطلع وانا ماشي 20 أو 30 وإذا دعست شوي يختفي!
سألته وكأنه تفهم المشكلة ووعدني يشوفها وعلى الغالب بينظف الهوبات ويشيك على الفحمات
بالنسبة لموضوعك فاشكرك بعنف .. كأنك طرحت ما أفكر فيه تماماً..
وكلام الأخ هيثم مقنع ومنطقي ما عدا تحفظي على مسألة :
( اذا انت انسان مستخدم ومن النوع اللي ما يبدل السياره بسرعه يعني تكرفها وتحللها ف الافضل انك تستمر على الضمان )
أعتقد أن من يجب أن يحرص على التشييك هم من ينوون البيع لأنها مغرية للمشتري وترفع قيمة السيارة كما ذكر في نهاية رده .. أما المستخدم فأعتقد أنه بغنى عن ذلك إذا كان سيلتزم مع ورشة محترمة ومعتبرة ويعرف متى وماذا يغير خصوصاً زيوت الماكينة والقير والفحمات والقماشات .. هذا عدا أنه يتحكم في مدة تغيير الزيت الطويلة نوعاً ما ويخفضها إلى 5000 .. ناهيك عن (القروشة والقلق) اللي تصيبك وانت مسافر خوفاً من أن تتخطى موعد الصيانة كما حصل لي في دبي .. والله خير حافظ ..
ورغم ذلك كله شجعني الموضوع والردود على الاستمرار مع الوكالة على الأقل للمائة ألف كيلو الأولى.
بالمناسبة الهمني الله بتذكر مسألة سبق وقرأتها أنه فيه قطعة يغيرونها الوكالة بسبب عيب مصنعي وسألت المسؤول عنها
قال نعم .. بلف الحرارة .. وبيشوف إذا سيارتي من السيارات اللي فيها هالمشكلة أو لا
مدري مرت عليكم هالمسألة سابقاً ؟
كل التحية والتقدير أخي الكريم ،،،


بالنسبة لأسعار التشييك عموما عند الوكالة ..
أطلب من الموظف أن يعمل لك تخفيض وخصوصا الشخص المواظب على الصيانة وغالبا يعطيك تخفيض ( طبعا زن عليه شوي :D)
يعني مثلا أنا في الصيانة الـ 48000 ألف ريال الأصل فوق الـ 600 ريال وخفضها لي بعد الإلحاح إلى 490 ريال ما أذر بالضبط بس حول السعر
وفي صيانة 32000 ألف الأصل فوق الألف ريال وشوي طلعت علي في النهاية 950 ريال ..

[سفير القلم]

شباب .... بيض الله وجهكم

محتاج أعرف الورش الجيدة والمتخصصة في الاكسبلورر (ميكانيكا - تكييف) في الدمام أو الخبر

جزاكم الله كل خير

[سعدكو]

ســـلااااااام ... عندي سؤالين :

- هل يوجد فلتر هـواء غير الفلتر المعروف اللي داخل الكبوت ؟؟ لأنه بصراحة اي روائح خارجية تدخل عليه وسط السيارة !!! وش الحل
- وين مكان فلتر البنزين ( الصفاية ) واللي قد غيرها ياليت يفيدني .

وشكرا لكم

[T-Tamimi]

ســـلااااااام ... عندي سؤالين :

- هل يوجد فلتر هـواء غير الفلتر المعروف اللي داخل الكبوت ؟؟ لأنه بصراحة اي روائح خارجية تدخل عليه وسط السيارة !!! وش الحل
- وين مكان فلتر البنزين ( الصفاية ) واللي قد غيرها ياليت يفيدني .

وشكرا لكم


فيه فلتر للمكيف ينظف الهواء الي يدخل للغماره من الغبار
اذا السياره قديمه غير الفلتر يمكن متجمع فيه وصخ
ايضا الفلتر هذا اذا توصخ يضعف بروده المكيف ودفع الهواء
مكان الفلتر تحت الدرج في اغلب الموديلات
تفتح الدرج وتنزله تحت ويطلع لك مربع اسود في وسطه الفلتر
اسمه فلتر هواء المكيف
ايضا تقدر اذا ركبت الفلتر الجديد تحط معه معطر مثل القراطيس الي على شكل شراع سفينه ولا فراولا تعطي ريحه زينه مع المكيف.

فلتر البنزين تلقاه تحت مثبت عند الشاص
شكله تقل قوطي صلصه وداخل فيه لي وطالع من الجهه الثانيه لي ثاني

بالتوفيق

[عادل حامد]

****ياليت تفيدوني****

1)) سعر المرتبه الثالثه وين الاقيها انا بنزل بعد 10 ايام الرياض وابي اركبها
2))عوزال الوجهيه عشان الترميل الموتر وجهيته حلوه ومابيها تخرب انا راعي خطوط الدمام القصيم الرياض دول الخليج.
يعني افضل شركه وافضل نوعيه
طبعا حصلت في الدمام
ارمز ب1600وجهيه مع الاكتاف يعني ربع ماعدا الفيبر(بس خوفي على النيكل يقول يمكن اذا جيت تغيرها بعدين تخربها وتقشع معها )
كار كير 2500
كلهم نفس الضمان 5 سنوات
3))افضل نوع تضليل شنو وخاصه اللي قدام تعرفون الجو شمس على مستوى عالي .
4))تنجيد المراتب شنو افضل المحلات وكيف الاسعار ونوع القماش ابي اللين يقولون الغرابي اوكيه وسعره كويس ومدحوا لي ((السليماني)) .
5))الاكسسوارات وين الاقيها يعني جوال وغيره


6))هل تنصحوني برشة الرفارف نفس اللون (ابيض)وين وهل فيه احد رش قبلي ويعرف ورشه كويسه
( طبعا الرياض)
ندور الرخص والستر.



وفقنا الله واياكم لكل مافيه الخير والصلاح وغفر لموتانا وموتى المسلمين اجمعين وجمعنا واياكم في جنات النعيم وملئ اعيننا نورا برؤيا وجهه الكريم



مرحبا اخوي

بالنسبه للمرتبه الثالثه والله ما ادري عنها .
بالنسبه للواجه والترميل
فانا سألت قبل اركب واخذت اسعار
ومريت كذا محل والاسعار قريبه من بعضها لكن يفرق في الضمان
والكل مدحوا لي 3M
وانا مركب حمايه الواجهة عندهم وبصراحه قمة في الروعه
التركيب والخامه وضمان خمس سنوات
بالنسبه للنيكل طبعا حمايه الواجهة ما يركب على النيكل بصوره ممتازه
لأنه بعد فتره بسيطه يطلع وهذا الكلام صاحب المحل رغم ان قيمة تركيبه غاليه شوي
عشان فيه لفات كثر
لكن يالطيب انا مركب على النيكل تجليد لون فضي تقريبا نفس لون النيكل
اما يكون مطفي او لماع وبسعر 300 ريال
وانا مركب مطفي لأنه عاجبني (وكل حسب ذوقه)
بالنسبه للتضليل افضل نسبة عزل في نفس المحل 3M والنسبه 98%
لكن المحل في جده ما ادري هل موجود عندك او لا
بالنسبه للصور حاولت ازلها وما عرفت
لأنه يمكن هي توضح اكثر

واللي بيروح المحل ويسأل ويأخذ اسعار ويشوف الشغل
انا ادله على المحل واعطيه رقم المسئول
والله يوفق الجميع

اتمنى اني افدتك

[أبونورة777]

مرحبا من جديد .. وعودة لكم بعد انقطاع

صراحة بعت سيارتي اكسبلورر 2007

واشتريت يوكن

لكني رجعت للاكسبلورر .. اشتريت 2008

المهم .. لو تكرمتو ابي احد المتخصصين ( الاخ هيثم ) او من يبخص بالاكسبلورر يفيدني عن بعض الامور وله مني دعوة صادقة في هالشهر الكريم

الاستفسارات :

1- احيانا المكيف يتغير من نفسه لوضعية فتحات الزجاج الامامي ويرجع مرة ثانيه لوضعه الاول وش السالفه

2- سيارتي جايبها من امريكا وابي اضبط برمجة السيارة نفس السعودي وهل اقدر اخليها عربي ؟

3- واهم شي .. عندي صوت المراوح تشتغل باستمرار كأن الحرارة مرتفعه مع ان الحرارة على النصف .. شيكت على الاديتر .. مافيه شي تمام ؟ وش المشكله انا اعرف الاكسبلورر مو كذا ..

4- ابغا دعاسات ركوب .. موتري مافيه ؟

5- النور الامامي مولع علاطول في النهار .. كيف اطفيه ؟


شاكر ومقدر للي راح يتكرم ويرد ويساعدني

والسلام عليكم×

[جنوبي اصيل]

مرحبا من جديد .. وعودة لكم بعد انقطاع
يامرحبا بعودتك
صراحة بعت سيارتي اكسبلورر 2007
ليش بعت
واشتريت يوكن
كيف اليوكن اسمع الكل يمدحه وايش الفرق بينه والاكسبلور

لكني رجعت للاكسبلورر .. اشتريت 2008
ولييييه رجعت بع مابعت
المهم .. لو تكرمتو ابي احد المتخصصين ( الاخ هيثم ) او من يبخص بالاكسبلورر يفيدني عن بعض الامور وله مني دعوة صادقة في هالشهر الكريم

الاستفسارات :

1- احيانا المكيف يتغير من نفسه لوضعية فتحات الزجاج الامامي ويرجع مرة ثانيه لوضعه الاول وش السالفه
هذي والله قد صارت معاي يمكن مره وحده بس انا عندي 2006 امريكي بس اتوقع اذا دعست بقوه ع البنزين وشلت رجلك يرجع والله اعلم
2- سيارتي جايبها من امريكا وابي اضبط برمجة السيارة نفس السعودي وهل اقدر اخليها عربي ؟
انا حاولت ورحت لواحد مختص وقال عربي ماتقدر لانه البرنامج موجود بامريكا
بس فيه اشياء تعدلها عادي مثل الكيلو ودرجة الحراراه وعيار الزيت
3- واهم شي .. عندي صوت المراوح تشتغل باستمرار كأن الحرارة مرتفعه مع ان الحرارة على النصف .. شيكت على الاديتر .. مافيه شي تمام ؟ وش المشكله انا اعرف الاكسبلورر مو كذا ..
صوت المراوح مايشتغل الا مع المكيف وارتفاع الحراره فقط ويكون موقتا اذا وصلت سرعة اربعين يفصل تلقائيا اعتقد غير كذا في مشكله بالمراوح
4- ابغا دعاسات ركوب .. موتري مافيه ؟
دعاسات تلاقيها في محلات الاكسسورات اظن في التخصصي
بس انصحك تروح التشليح يمكن تلاقي شد بلد
5- النور الامامي مولع علاطول في النهار .. كيف اطفيه ؟
هذا اذا مالقيت له حل عند البيان ماراح تلاقي عند غيره

شاكر ومقدر للي راح يتكرم ويرد ويساعدني
هذا اللي قدرنا عليه
تحياتي لك

[أبونورة777]

بعد قلبي ياجنوبي .. تسلم والله على الرد السريع

وراح افيدك باللي سالتني :

بعت الاكسبلورر بعدين رجعت له .. صراحه انا ارتحت له خاصة بعد ماجربت اليوكن ثقيل وكبير عكس الاكسبلورر خفيف وحجمه معقول جدا

وتسال عن اليوكن .. اللي عندي ٢٠٠٧ فل كامل .. بس طفشني بالخراب وايضا زي ماقلت لك ثقيل وكبير
( على فكرة مازال موجود عندي عارضه للبيع )


وبخصوص المراوح .. لا اخوي اللي عندي مو طبيعي ابدا .. انا كان معي اكسبلورر ٢٠٠٧ ماكان كذا ابدا متاكد انا ميه بالميه .. الصوت مزعج صراحه



اخيرا .. اكرر شكري لك .. وننتظر اذا فيه افاده من الشباب


سلام

[سالم الحبلاني]

اخواني في مشكله بسيطه عندي في المكيف

اتمنا احد يفيدني

عندي المكيف لمن ادعس على السيارة يطلع هواء المكيف من اعلى الطبلون

ولا ادري وش المشكله

تصير معي من فترة الى فترة مو كل مرة يعني كل شهر مرة وتروح من كيفها

وش المشكله

[أبونورة777]

اخواني في مشكله بسيطه عندي في المكيف

اتمنا احد يفيدني

عندي المكيف لمن ادعس على السيارة يطلع هواء المكيف من اعلى الطبلون

ولا ادري وش المشكله

تصير معي من فترة الى فترة مو كل مرة يعني كل شهر مرة وتروح من كيفها

وش المشكله


عندي نفس مشكلتك اخوي سالم وامس استفسرت ومازلت انتظر رد

[سفير القلم]

شباب الشرقية

يا ليت تدلوني على افضل الورش للاكسبلورر في الدمام أو الخبر

جزاكم الله خيرا

[أبو إياس]

عندي نفس مشكلتك اخوي سالم وامس استفسرت ومازلت انتظر رد

المشكلة هذي عندي من طلعت الموتر قبل سنتين موديل 2010 وكثير من الناس تشتكي من المشكلة ..وأنا ضارب حولة من طلعت الموتر :D

بس أذكر أحد الشبابا تكلم عنها ووجد مكان المشكلة وإن فيه قطعة بلاستيكية تغيرها وتصلح الوضع

[جنوبي اصيل]

طيب ياشباب من يفيدني انا عندي مشكله احترت فيها

السياره بعض الاحيان ماتشتغل من اول مره يعني من المره الثانيه او الثالثه

مع اني مغير البواجي وفلتر البنزين وفلتر الهواء

انا شاك باسلاك البواجي او الثروتل او البخاخات اوحساس الكرنك

رغم اني فحصت كمبيوتر ماطلع لي شي

اتمنى اللي مرت عليه المشكله يفيدني مع الشكر

[محمد عزيز]

اخواني لقيت اكسبلورر سعودي نص فل 2008 ماشي 180,000 بـ 62,000
وش رايكم يا اخوان

[جنوبي اصيل]

اخواني لقيت اكسبلورر سعودي نص فل 2008 ماشي 180,000 بـ 62,000
وش رايكم يا اخوان
والله من رايي اذا نظيف سعره مناسب جدا مع ان ممشاه شوي كثير بس يقولون الممشى مايضر

[ابوياسر2010]

السلام عليكم ورحمة الله
عندي ياشباب مشكله اذا شغلت السياره يأشر النور بسرعه ويطفي الى قد مر عليه مثل هالحاله يفيدنا

[سواق شيوخ]

ابو ياسر
بطاريت موترك يبغالها تغيير واذا موترك على الضمان يغيرونها لك وحاول انك تعجل بتغييرها يمكن انها توقف في اي لحظة وسعرها بالمحلات 230 او 270 وركب موتر كرفت
بالتوفيق

[سواق شيوخ]

سؤال يا شباب
موتر 2006 ماشي 115 نظيف اكياس الوكالة باقيه على السيت الثالث سعودي ستاندرد كم يسوى لاهنتم

[أبونورة777]

المشكلة هذي عندي من طلعت الموتر قبل سنتين موديل 2010 وكثير من الناس تشتكي من المشكلة ..وأنا ضارب حولة من طلعت الموتر :D

بس أذكر أحد الشبابا تكلم عنها ووجد مكان المشكلة وإن فيه قطعة بلاستيكية تغيرها وتصلح الوضع

الحقنا ابواياس فديتك .. وش القطعه هذي

[Abo-Fajr]

أحلى صباح لأحلى أعضاء وأحلى رابطة


عندي موضوع ودي أستشير فيه اللي عندهم خبره في الصبغ وماصبغ للسيارة
سيارتي موديل 2010 شاريها أول السنه 1432هـ


وعندي بعض الخدوش البسيطة بالسيارة رغم حرصي الشديد عليها لكن السالفه بسيطة ولله الحمد


أول شي خدوش بسيطة بالصدام الخلفي نتيجة دقه بسيطة بأحد المجمعات قبل كم شهر والصورة هذي توضحها بشكل أكبر


http://www8.0zz0.com/2011/08/10/02/146133826.jpg (http://www.0zz0.com/)



ثاني شي خدش بسيط مدري شلون صار وممكن يكون من عج قابلته قبل كم يوم بطريق الجنوب مكة المكرمة ( طريق الساحل) والصورتين توضحها بشكل أكبر


http://www10.0zz0.com/2011/08/10/02/144625116.jpg (http://www.0zz0.com/)


http://www8.0zz0.com/2011/08/10/02/570836705.jpg (http://www.0zz0.com/)



السؤال هل ممكن لو أروح الوكالة أو أروح لورشة شغلهم مضبوط بالصبغ
هل ممكن يرقعون الخدوش ويصبغون بدون رش كامل للصدامات أو لازم من الرش الكامل لأنه لو رش كامل ماراح أسوي فيها شي وراح أخليها على طبيعتها
واللي عنده خبرة تكفون لاتبخلو علي بشوركم ربي يوفقكم ويبارك فيكم,,,,



أخوكم أبو فجر الغامدي

[ابوياسر2010]

ابو ياسر
بطاريت موترك يبغالها تغيير واذا موترك على الضمان يغيرونها لك وحاول انك تعجل بتغييرها يمكن انها توقف في اي لحظة وسعرها بالمحلات 230 او 270 وركب موتر كرفت
بالتوفيق

الله يجزاك خير ماقصرت:good2:
اليوم ان شاء الله بطاريه جديده

[ذئب الصحراء]

السلام عليكم
صباح /مساء الخير
تقبل الله صيامنا و قيامنا
سيارتي اكسبلور
اخواني عندي بعض الاسئلة اريد معرفة اجابتها وهي :
1:هل يوجد نظارات(حماية) للشمعات الامامية
2:هل يوجد دعامة مناسبة وذات منظر أمامية
3:هل هناك تجمع لرابطة الاكسبلور بعد رمضان

[T-Tamimi]

أحلى صباح لأحلى أعضاء وأحلى رابطة


عندي موضوع ودي أستشير فيه اللي عندهم خبره في الصبغ وماصبغ للسيارة
سيارتي موديل 2010 شاريها أول السنه 1432هـ


وعندي بعض الخدوش البسيطة بالسيارة رغم حرصي الشديد عليها لكن السالفه بسيطة ولله الحمد


أول شي خدوش بسيطة بالصدام الخلفي نتيجة دقه بسيطة بأحد المجمعات قبل كم شهر والصورة هذي توضحها بشكل أكبر


http://www8.0zz0.com/2011/08/10/02/146133826.jpg (http://www.0zz0.com/)



ثاني شي خدش بسيط مدري شلون صار وممكن يكون من عج قابلته قبل كم يوم بطريق الجنوب مكة المكرمة ( طريق الساحل) والصورتين توضحها بشكل أكبر


http://www10.0zz0.com/2011/08/10/02/144625116.jpg (http://www.0zz0.com/)


http://www8.0zz0.com/2011/08/10/02/570836705.jpg (http://www.0zz0.com/)



السؤال هل ممكن لو أروح الوكالة أو أروح لورشة شغلهم مضبوط بالصبغ
هل ممكن يرقعون الخدوش ويصبغون بدون رش كامل للصدامات أو لازم من الرش الكامل لأنه لو رش كامل ماراح أسوي فيها شي وراح أخليها على طبيعتها
واللي عنده خبرة تكفون لاتبخلو علي بشوركم ربي يوفقكم ويبارك فيكم,,,,



أخوكم أبو فجر الغامدي

والله مشكله
الصدامات و البلاستيك على الرفارف بعد
لو اي دقه بسيطه على طوول تطير البويه

ياليت يكون فيه حل بدون رش بويه كاامل

لو وصلت لحل كويس ياليت تعطيني خبر على الخاص يالغالي

دمت بود

[سعدكو]

فيه فلتر للمكيف ينظف الهواء الي يدخل للغماره من الغبار
اذا السياره قديمه غير الفلتر يمكن متجمع فيه وصخ
ايضا الفلتر هذا اذا توصخ يضعف بروده المكيف ودفع الهواء
مكان الفلتر تحت الدرج في اغلب الموديلات
تفتح الدرج وتنزله تحت ويطلع لك مربع اسود في وسطه الفلتر
اسمه فلتر هواء المكيف
ايضا تقدر اذا ركبت الفلتر الجديد تحط معه معطر مثل القراطيس الي على شكل شراع سفينه ولا فراولا تعطي ريحه زينه مع المكيف.

فلتر البنزين تلقاه تحت مثبت عند الشاص
شكله تقل قوطي صلصه وداخل فيه لي وطالع من الجهه الثانيه لي ثاني

بالتوفيق

الأخ التميمي

اشكرك جزيل الشكر على معلوماتك وتجاوبك السريع ,,, ماقصرت وبيض الله وجهك

[LE2010]

http://www.mekshat.com/vb/showthread.php?p=7112486#post7112486

[بيق مان]

السلام عليكم ورحمة الله
عندي ياشباب مشكله اذا شغلت السياره يأشر النور بسرعه ويطفي الى قد مر عليه مثل هالحاله يفيدنا
البطارية .. قاربت على الانتهاء واللي اعرفه ان هذه الحالة ما تطول .. من ثاني يوم البطارية ما تشغل الموتر.

[محمد عزيز]

اخواني اشتريت اكسبلورر 2008 ماشي 186,000
اللون ازرق 3 مراتب مكيفين ودبل
تم فحص السيارة في توكيلات الجزيرة و مشاء الله تبارك الله كل شيء سليم
السعر 60,000
وش رايكم

[al7eran]

ابو فجر

اترك السيارة خدوشك عادية

لاتروح تصبغ

لو مكانك تركتها

[ابو عادل22]

ياشباب من يقدر يؤكد لي نوع الزيت اللي يغيرونه في الوكالة ، لاني نااوي اغير الزيت برا الوكالة ، لانه 8000 اشوف انها طويلة شوي ؟

[شارف]

ياشباب من يقدر يؤكد لي نوع الزيت اللي يغيرونه في الوكالة ، لاني نااوي اغير الزيت برا الوكالة ، لانه 8000 اشوف انها طويلة شوي ؟

زيت كاسترول 30\10 الالماني الاصلي يمشيك 8000 وانا استخدمه غيرت منه 3 مرات تقريبا

[سالم الحبلاني]

السلام عليكم
صباح /مساء الخير
تقبل الله صيامنا و قيامنا
سيارتي اكسبلور
اخواني عندي بعض الاسئلة اريد معرفة اجابتها وهي :
1:هل يوجد نظارات(حماية) للشمعات الامامية
2:هل يوجد دعامة مناسبة وذات منظر أمامية
3:هل هناك تجمع لرابطة الاكسبلور بعد رمضان
بالنسبه لدعسات ما اعرف

وبالنسبه لرابطه مدري بعد

وبالنسبه النظارات
انا دورت كثير عليها وما حصلتها لكن فصلت تفصيل
في الدمام شارع الملك سعود في محل على اليمين اسمه العليان

[عبدالعزيز40]

اخوي : ذئب الصحراء
بما إن الأنوار الأمامية " البلاستيكية " ممكن أن تصبح باهتة وتفقد شفافيتها ويرجع ذلك إلى تأثير الأحجار والرمال عليها.أما الأنوار "الزجاجية" فتكون عرضة للتحطم والتكسر بسبب الأحجار.
استخدام تقنيات الحماية التلقائية افضل شي (حيث يقوم الكمبيوتر بقص طبقة سميكة واقية واضحة )ستلاءم وتحمي مصابيحك الأمامية.
وهذا موجود في اي فرع لوكيل فورد قسم العناية بالسياره , او محلات تركيب التضليل الحراري .

[ابو عادل22]

زيت كاسترول 30\10 الالماني الاصلي يمشيك 8000 وانا استخدمه غيرت منه 3 مرات تقريبا


الله يعطيك العااافية ياشااارف ، بس فيه واحد من الشباااب في المنتدى هنا يقول ان الزيت اللي يغيرونه في الوكااالة هو زيت فــوكس ، بس مااكان متأكد منه ، عموماً شكرا لك وجزااك الله خيـر

[عبدالعزيز51]

ياشباب السلام عليكم ورحمة الله وبركاته
انا سيارتي مشت الا الان 7300 ك والصيانه على 8000 ك.. والمشكله عندي مشوار حوالي 1500ك .. كيف اسوي عشان الوكاله هل تقبل تسوي لي صيانه على على 7300ك.. افيــــــــــدونــــــــــي ياشباب

[العبدي1]

ياشباب السلام عليكم ورحمة الله وبركاته
انا سيارتي مشت الا الان 7300 ك والصيانه على 8000 ك.. والمشكله عندي مشوار حوالي 1500ك .. كيف اسوي عشان الوكاله هل تقبل تسوي لي صيانه على على 7300ك.. افيــــــــــدونــــــــــي ياشباب

ايه عادي اخوي يستقبلك الصيانه ويفحص على 8000 مااحد يردك انا اروح للفرع اللي بالبديعه .

[عاشق صيد]

بالنسبة للأخوان اللي يشتكون من مشكلة المكيف يكون مع فتحات الطبلون الأمامية انا كان عندي نفس المشكلة وراجعت الصيانة وغير بلف الباكم وسبق اني اشرت له هنا ..


اخواني الكرام سيارتي 2010 كان فيها مشكلة انها عند الطلوع يتحول المكيف الى الهوايات اللي فوق الطبلون واذا رفعت رجلي عن دواسة الببنزين يعود المكيف للوضع الطبيعي.. الشاهد وديتها قبل امس للوكالة وغير ( بلف الباكم ) واختفت المشكلة والحمدلله

عموما اللي عنده نفس المشكلة ينبه عليها الفني وهذي القطعة في الكبوت تحت ليات المساحات وهذي صورتها

او قريب منها

http://cache-images.pronto.com/thumb2.php?src=http%3A%2F%2Fimages.pronto.com%2Fim ages%2Fproduction%2Fproducts%2Fc8%2Fbf%2Fbizr79490 902cab8d1619ccbe7ee1369-1296902884_160x160.jpg&wmax=180&hmax=180&quality=80&bgcol=FFFFFF

[سالم الحبلاني]

بالنسبة للأخوان اللي يشتكون من مشكلة المكيف يكون مع فتحات الطبلون الأمامية انا كان عندي نفس المشكلة وراجعت الصيانة وغير بلف الباكم وسبق اني اشرت له هنا ..

مشكور اخوي

ولا هنت يا الغالي على الشرح

[سالم الحبلاني]

السلام عليكم
صباح /مساء الخير
تقبل الله صيامنا و قيامنا
سيارتي اكسبلور
اخواني عندي بعض الاسئلة اريد معرفة اجابتها وهي :
1:هل يوجد نظارات(حماية) للشمعات الامامية
2:هل يوجد دعامة مناسبة وذات منظر أمامية
3:هل هناك تجمع لرابطة الاكسبلور بعد رمضان

اخوي ذئب الصحراء

اطلعت على الرساله المرسله لى في الخاص لكن لم استطع الرد عليك والاسباب اني لم اشارك 50 مشاركة

يا الغالي انا في منطقه بالخفجي ويبعد عني الدمام 300 كيلو ولا استطيع احضار رقم المحل العليان حق تفصيل غطيات النور ( النظارات )

لكن بوصف لك وصف رهيب علشان تكون على بينا

انت تقول من اهل الشمال اتوقع بتجي عن طريق ابو حدريا يا الذيب

فا اذا انت جيت من ابو حدريو وبقي عن الدمام كيلوات معدودة يعني من 20 الى 30 كيلو باقي على الدمام يجيك كبري المطار بعد كبري المطار يجيك كبري شارع الملك سعود خذ يسار من الكبري وادخل شارع الملك سعود متجه شرق تتعدي 5 اشارات تقريباً او اقل تحصل على اليمين كثير محلات زجاج تقريباً الأغلبيه يضبطون لك نظارات او غطيات لنور حاميه عن الترميل مو شرط العليان فا لو وصلت هناك بتحصل كثير محلات تفصل . الوقت تقريباً من نص ساعة الى خمس واربعين دقيقه وانتبه لا تفصل من البلستيك السعودي يصير اصفر وينكسر بسرعه ام البلستيك الثاني لا ممتاز وعلى العموم هو نوعان سعودي والثاني اتوقع امريكي . والروئيه فيه ميه الميه تحس في فرق عن الاول شي بسيط فقط

واي خدمة يا الغالي تحت امرك تراني بحفر الباطن حالياً اذا ودك انزل اشوي شمال وانت تطلع اشوي شرق واعطيك الغطيات واقصر عليك العنوة ترا حاضرين يا الغالي

[اوه مافيه اسم]

سجل عندك اكسبلور2009

[اوه مافيه اسم]

اسلام عليكم ورحمة الله وبركاتة.سلمكم الله من كل مكروه 1- لمبت الارباكات تظهر علي الشاشة عند فتح السوتش. 2 -كانت تطلع عندي تحذير اشارة السرعة120 والحين ماتطلع أش للمشكله افيدوني×

[iRakan]

السلام عليكم ورحمة الله وبركاته
وشلونكم طيبين
بعطيكم قصتي كامله وابي رايكم

اول شي الجيب فورد اكسبلور 2004
شريته قبل سنه برمضان الي فات
ممشاه زين كان نظيف بس اني دمرته
الموتر فيه رجه مهب طبيعية تبدا من 30 الى مالا نهاية
فكيت عمود الدبل وصار الموتر راااسي الحمد الله

الشي الثاني

, المكيف ذبحني توي مغير فريون مالي كم شهر
فتحه تطلع بارد
وفتحه تطلع حار
تقل براده !

وقبل كم يوم طلع ريحة كهرب مع المكيف ولاشغلته تركته


قالي يماني بورشة بالصناعية
اشيك لك عالمكيف
وانظف لك الفلتر
واعبي لك فريون امريكي
ويقول عندك تهريب بالجلب بصلحه
كل هذا ب 350 ماادري سعره مناسب ولالا
وبيعطيني ضمان,
ل

الشي الثالث


وانا امشي لمبة البطارية تشتغل وتطفي ويكتب لي بالكمبيوتر سيستم وماسيستم
لممبة الكفرات دايم مولعه والكفرات مابهن شي , وفيه كلام بالكمبيوتر يقول غير زيت
وانا مغير زيت المكينة وزيت القير ولاادري وش يبيني اغير!

الشي الرابع
لادعست والموتر على p او N الار بي ام مايتعدا 3 ليش ؟ اقدر افك هالامان ؟ وهل له اضرار لو فكيته ؟

الشي الخامس

وين تنصحوني اغير زيت ووش الزيت وكل مامشى كم اغيره ؟

ناوي اركب فلتر رياضي تنصحوني ؟

..

اخر شي
لمبة الدبل تشتغل وتطفا كل شوي , اقدر افصلها ؟ طبعاً انا فاك عمود الدبل .


الكفرات ب وش الطقم الي تنصحوني و بكم ؟



ياليت ردٍ يطيب الخاطر

[العضيد 7788]

احبتي
السلام عليكم
انا عندي مشكلة سببت لي القلق ورفعت ضغطي
وابغى فزعتكم يا شباب
المشكله هي انه سيارتي 2010 اذا طلعت فيها مشاوير في الحر

وطفيتها وبعد خمس دقايق اجي اشغلها ما تشتغل لين تبرد بعد عشر دقايق بعدين تشتغل ولا كأن شي صار

والله حيرتني
المشكله اني وديتها للوكالة وعيت تطلع المشكلة بس اني شرحتها لهم
ووريتهم تصوير فيديو للمشكلة

بس المشكلة انهم ما عرفو السبب

تكفون اللي قد مرت عليه المشكلة يفيدني لأنها تكررت معي كثير

سلامي للجميع

[ابو افنان]

احبتي
السلام عليكم
انا عندي مشكلة سببت لي القلق ورفعت ضغطي
وابغى فزعتكم يا شباب
المشكله هي انه سيارتي 2010 اذا طلعت فيها مشاوير في الحر

وطفيتها وبعد خمس دقايق اجي اشغلها ما تشتغل لين تبرد بعد عشر دقايق بعدين تشتغل ولا كأن شي صار

والله حيرتني
المشكله اني وديتها للوكالة وعيت تطلع المشكلة بس اني شرحتها لهم
ووريتهم تصوير فيديو للمشكلة

بس المشكلة انهم ما عرفو السبب

تكفون اللي قد مرت عليه المشكلة يفيدني لأنها تكررت معي كثير

سلامي للجميع

هلا والله اخوي
انا كنت اعاني من مشكله في سيارتي , اذا طفيت السيارة اكثر من مره وخصوصا اذا كانت المشاوير في عز الحر , كانت السيارة اتفتف واتقطع واحيانا تطفي لين اتركها تبرد ثم ترجع وكأن ما صار شي , كشفت عليها عند الكمبيوتر اكثر من مره ولا عرفوا السبب , ثم قالي احد الفنيين وهو غير متأكد ( يمكن من طرمبة البنزين ) ثم تراجع عن كلامه ,المهم انها مسكة معي ورحت اشتري طرمبة بنزين وايامها مالقيت في الرياض كلها لا وكيل ولا غيره ولقيتها في جده عن طريق احد المعارف وارسلي الطرمبة , وغيرتها عند احدى المراكز مع فلتر البنزين , والحمد لله من يومها اختفت المشكلة ,واسف على الاطاله
تقبل مروري

[أبونورة777]

شباب ظهر عندي ملاحظة في موتري ( اكسبلورر ٢٠٠٨ ) وهي

وانا ماشي .. اي مطب صغير .. تشتغل عندي لمبات السقف ؟

وش السالفه ؟ كان عندي بموتري الاول ٢٠٠٧ نفس الشي .. ممكن احد يفيدنا ؟؟

الاكسبلورر زين ومعجبني .. بس ملاحظاته كثيرة .. والا لا شباب ؟؟

[ذئب الصحراء]

اخوي ذئب الصحراء

اطلعت على الرساله المرسله لى في الخاص لكن لم استطع الرد عليك والاسباب اني لم اشارك 50 مشاركة

يا الغالي انا في منطقه بالخفجي ويبعد عني الدمام 300 كيلو ولا استطيع احضار رقم المحل العليان حق تفصيل غطيات النور ( النظارات )

لكن بوصف لك وصف رهيب علشان تكون على بينا

انت تقول من اهل الشمال اتوقع بتجي عن طريق ابو حدريا يا الذيب

فا اذا انت جيت من ابو حدريو وبقي عن الدمام كيلوات معدودة يعني من 20 الى 30 كيلو باقي على الدمام يجيك كبري المطار بعد كبري المطار يجيك كبري شارع الملك سعود خذ يسار من الكبري وادخل شارع الملك سعود متجه شرق تتعدي 5 اشارات تقريباً او اقل تحصل على اليمين كثير محلات زجاج تقريباً الأغلبيه يضبطون لك نظارات او غطيات لنور حاميه عن الترميل مو شرط العليان فا لو وصلت هناك بتحصل كثير محلات تفصل . الوقت تقريباً من نص ساعة الى خمس واربعين دقيقه وانتبه لا تفصل من البلستيك السعودي يصير اصفر وينكسر بسرعه ام البلستيك الثاني لا ممتاز وعلى العموم هو نوعان سعودي والثاني اتوقع امريكي . والروئيه فيه ميه الميه تحس في فرق عن الاول شي بسيط فقط

واي خدمة يا الغالي تحت امرك تراني بحفر الباطن حالياً اذا ودك انزل اشوي شمال وانت تطلع اشوي شرق واعطيك الغطيات واقصر عليك العنوة ترا حاضرين يا الغالي
تسلم تسلم يا سالم
عز الله انك ذيب وكفيت ووفيت يا الغالي
وبيض الله وجهك

[سعد777]

السلام عليكم
يغلق الموضوع ويمكنكم متابعته على هذا الرابط التالي

http://www.mekshat.com/vb/showthread.php?p=7131497#post7131497 (http://www.mekshat.com/vb/showthread.php?p=7131497#post7131497)