المساعد الشخصي الرقمي

مشاهدة النسخة كاملة : :.. رابطة ملاك فورد Explorer حياكم ..:


الصفحات : 1 2 3 4 5 6 [7] 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33
ensaaan
11/03/2009, 11:52 PM
ابو عبدالله2
مبروك ماجاك في 2009 ويستاهل اكسبلورر 2009
يتربى في عزك والله يجعله مقدوم السعاده ويبر في والديه

تحياتي
الإنسان
ensaaan
11/03/2009, 11:57 PM
بصراحة كسبنا انسان غالي وراقي بأخلاقه وتعامله وتشرفنا بمعرفته وانضمامه معنا .. وهو الأخ الانسان (ابو الجوهرة) حفظه الله .. قمة في الأخلاق بدون مجاملة ...





الطلعة الجاية ان شاء الله انا بسوي مقلوبة :D :) ;) ...







وصور المقلوبة موجودة عندي بالتفصيل الممل :D بنزلها ان شاء الله ..





سعد الأحمد

والله انا اللي كسبت معرفة رجال شرواك انت واعضاء الرابطه
وسعدت كثير بمعرفتكم حفظك الله ورعاك
وماقلته فيني تراه من طيبك وطيب اصلك


ننتظر مقلوبتك في الطلعه الجايه وبنسوي تقييم ترا يعني توصى فيها

وننتظر صور الطبخه على نار

تحياتي لك
الإنسان
ensaaan
12/03/2009, 12:03 AM
السلام عليكم .. طبعا في واحد من العيال بينجلد .. :j


كيف حالكم ان شا الله بخير ... والله لكم وحشه مايعلم بها الا الله ..

بصراحه انا اعتذر عن انقطاعي الفجائي ولكن البعض كان عنده علم بوضعي .. مايحتاج فضايح

خصوصا القاصي الله لا يهينه ماخلى شي بأول اجتماع ما شا الله ماغير يعيد ويقول ويقول ويعيد

عموما الحمدلله اني اشوف هالرابطه كل مالها تكبر وتكبر .. واشوف ما شا الله كيف انكم على قلب واحد

عساكم بس ذكرتوني بالخير .. لأني والله مانيب اذكركم الا بالخير .. واحب ارحب بكل الاعضاء الجدد

اللي انضموا لرابطة المستكشف .. والله يا اخوان العذر والسموحه منكم .. ادري اني مقصر كثير في حقكم

وفي حق الرابطه .. وبصراحه رابطه مثل هذي تحتاج جهد كبير وانا جهدي والله متواضع ويمكن ماقدر الحق

يقولون صغير القوم خادمهم .. وانا بصراحه اصغر مافي قومي .. حلوه اصغر مافي قومي

اقصد اهلي يعني .. ومحتاس .. خلوها على الله بس الحمدلله تحسنت الاوضاع وخلصنا يالقاصي ركزت معي

اهم شي الفضايح خلصنا وبس بعدين اعلمك وش خلصت .. اذا كتب الله واجتمعنا بكم ..

احب اني اشكر كل عضو .. فردا فردا .. على مجهوداتهم الكبيره .. واخلاقهم العاليه ..

الله يديم هالمحبه ان شا الله .. وتراني اخوكم الصغير ان كان احد بيشره لا يشره . .لأني منكم وفيكم ..

تحياتي لكم .. واحد واحد .. لنا عوده لكم ان شا الله .. ونبي نطيب خاطر الجميع بإذن الله ..

رغم اني احس اني بنجلد وبس ..

تحياتي لكم ..


اخوكم E.07




الغالي اكسبلورر 2007

الحمدلله على السلامه
وأخيرا رجع لنا مؤسس الرابطه وفرحنا بشوفة ردودك هنا
واتمنى مانشوف غيابك بعد اليوم


واحب ابارك للاعضاء وصول الموضوع للصفحه 100
وهذا الشيء ماتأتى اللا بفضل الله ثم بجهود اعضاء سخروا انفسهم لخدمة الرابطه
واعضاءها الغالين

تحياتي للجميع
والى الأمام
يامستكشفون

الإنسان
khaledmaa
12/03/2009, 12:51 AM
بسم اله الرحمن الرحيم
السلام عليكم ورحمة الله وبركاته
تسمحو لي بالانضمام لرابطتكم انا مالك جديد لاكسبلورار 2006 مستعمل من توكيلات الجزيرة ان شاء الله استلم الاثنين القادم
موتور نظيف ماشي 100 الف كيلو متر وغيرو لي الشبكة نيكل الامامية لونه ابيض وداخلي بيج
بماذا تنصحوني عند استلام السيارة علما بانني حديث بالسيارات 4*4 لاكن حبيت السيارة من كلامكم عليها
ابتدي بتغير الزيت والفلاتر ولا اية بالضبط
ولكم الدعاء ان شاء الله:rolleyes:
الوادعي 2008
12/03/2009, 01:23 AM
يا شباب لا هنتم

كم كان سعر الاكسبلورر 2008 فل اوبشن ؟

ودي أقارنه بسعر 2009 وأشوف النصب وين وصل :)

في البدايه احيي أعضاء رابطة ملاك اكسبلورر
" هذه السياره الاسطوره "
التي سبقت منافساتها بمراحل


وكم كنت اتمنى الانضمام معهم في الطلعه ومفاجئتهم
والتعرف عليهم والاستفاده من خبراتهم
ولعل الله ييسر لي اللقاء بهم
ولنا معكم في هذا المنتدى تواصل
اما سؤال اخي عن "إيدي بوير"فل اوبشن
فتحه،6اسطوانات سي دي،دي في دي،عتبات متحركه
لاتوجد فيه شاشة الملاحه
2008
126000 ريال
وهو نفس الصوره اللي في الاسفل بالضبط ماعدا الجنوط فهي نفس المتعارف عليها عندنا
:
:
بالتوفيق


http://www12.0zz0.com/2009/03/11/22/374960627.jpg (http://www.0zz0.com])


http://www12.0zz0.com/2009/03/11/22/709383034.jpg (http://www.0zz0.com])


http://www12.0zz0.com/2009/03/11/22/217426045.jpg (http://www.0zz0.com])


http://www12.0zz0.com/2009/03/11/22/394746416.jpg (http://www.0zz0.com)
Explorer2007
12/03/2009, 05:30 AM
أبو أحمد ..

الله يسلمك ان شا الله ياربي من الشر .. اعذرووونا والله .. والله انا اللي فرحان بشوفتكم ..

لنا ان شا الله لقاء بإذن الله ..

-------------------------

أبو مشاري 2008

الله يعافيك ويحييك يارب ان شا لله .. ماتفقدون غالي يارب ان شا الله

-------------------------

فارس الديره

الله يعافيك ان شا الله يارب ويسلمك .. والله اخجلتني بإطراءك .. الله يبارك بعمرك ان شا الله ويعافيك ويسلمك
وان شا الل نبي نلتقي فيكم عما قريب بإذن الله اشكرك ..

-------------------------

أبو بدر ..

والله ضحكتني ههههههههههههههه عاد كل موتر انا عاد تصدق انا ادورك هههههههههههههههه

الله يعافيك يارب ويبارك بعمرك ان شا الله

فيك الخير يابو بدر .. والله شف عقب الطلعه الاولى انا اعتذر عن الرئاسه .. بعدين اقولك ليش
هههههههههههههههههه

لا والله انت عارف وضعي .. مو نقصا بالباقين .. كلهم فيهم الخير لكن اعتقد انك قدها وقدود يابو بدر
وان شا الله اني بتواصل معكم دائما ً بدون انقطاع

-------------------------

انسان

ياهلا فيك والله وحياك .. الله يسلمك ان شا الله على هالعبارات الرقيقه .. تسلم والله
ان شا الله اننا ماراح نغيب عنكم بإذن واحد احد .. ونبي نلتقي فيكم بإذن الله عما قريب ..
الله يعافيك ويسلمك يارب ..

---------------------------------------------

احب ابارك اولا للرابطة وجميع اعضاءها بمناسبة الوصول للـ 100 وان شا الله ماتوقف ابد ..

واحب ابارك لأبوعبدالله .. طير البر .. على المولود الجديد .. الله اني مدري عنكم هو مولود

ولا موتر اشوفكم تقولون اكسبلورر و2009 .. هههههههههههههههه الله يجعله قدومه خير عليكم

يارب ..

تحياتي لكم واحد واحد .. ولنا لقاء بإذن الله قريب ..

متواصل بإذن الله معكم
سعد الاحمد
12/03/2009, 03:04 PM
السلام عليكم .. طبعا في واحد من العيال بينجلد .. :j




وعليكم السلام .. ايه انا ابجلده :D ..

هلا والله وغلا ابو مساعد .. الف الف مبروك على التخرج .. واسعدنا جدا عودتك وحضورك ..
نحن مشتاقين لك اكثر ... نتمنى الاجتماع بك في اقرب فرصة ممكنة واخذ اخبارك وعلومك ...
وصحيح من يقول .. من طول الغيبات جاب الغنايم ... وانت جبت لنا غنيمة التخرج ..
سعد الاحمد
12/03/2009, 05:34 PM
ابو عبدالله2

شكرت الواهب وبورك لك في الموهوب وبلغ أشده ورزقت بره


الف الف الف مبروووك المولود الجديد ويتربى في عزك ان شاء الله .. وجعله الله عبداً صالحاً ..
وجعله اطيب من ابوه :D ان شاء الله ...

بس ياجماعة ترى البشارة لي .. انا اللي معلم القاصي(ابو بدر) وهو علمكم :D ..
ابوشوق 4005
12/03/2009, 06:50 PM
السلام عليكم ورحمة الله وبركاته
يسعدني ويشرفني ان اكون احد اعضاء رابطة ملاك فورد
عندي سؤالين فقط امل ان تجيبوني عليها
سيارتي فورد اكسبلورر 2002 .
س1 تطلع عندي كلمة اويل شينج بالطبلون دائما كيف اشيلها ؟
س2 اذا ضاع كود المسجل وش الحل .
اتمنى ان اجد الاجابة ولكم مني كل الشكر والتقدير
القاصي1
13/03/2009, 01:57 AM
بسم اله الرحمن الرحيم
السلام عليكم ورحمة الله وبركاته
تسمحو لي بالانضمام لرابطتكم انا مالك جديد لاكسبلورار 2006 مستعمل من توكيلات الجزيرة ان شاء الله استلم الاثنين القادم
موتور نظيف ماشي 100 الف كيلو متر وغيرو لي الشبكة نيكل الامامية لونه ابيض وداخلي بيج
بماذا تنصحوني عند استلام السيارة علما بانني حديث بالسيارات 4*4 لاكن حبيت السيارة من كلامكم عليها
ابتدي بتغير الزيت والفلاتر ولا اية بالضبط
ولكم الدعاء ان شاء الله:rolleyes:


وعليكم السلام
مرحبا بك اخوي خالد
واسف على التأخير في الرد
اولا : مبروك عليك السياره والله يعطيك خيرها ويكفيك شرها.
ثانيا: الله يحييك معنا في الرابطة.
ثالثا: انت قلت ان السياره شاريها من التوكيلات مستعمل اذا كانت من التوكيلات اكيد هم عاملين لها تشيك كامل ، واسألهم عن ها النقطه .
اما اذا ماشريتها من الوكاله ففيه مراكز الصيانه المتطوره يعني بالكمبيوتر فحص وبعدها يعطيك النتيجه وايش تحتاج ، والزيت يفضل تغير له الزيت -المكينه والقير وكذلك الفلاتر مكينه وقير وبنزين.
وبالتوفيق
Explorer2007
13/03/2009, 06:16 AM
سعد الاحمد

هههههههههههههههههههههههههههههههههههه يا هلا فيك والله .. الله يبارك بعمرك
ان شا الله .. والله وانا أكثر .. بإذن الله نبي نجتمع قبل لا يجينا الصيف ..
بالنسبه للتخرج .. ترا مهوب تخرج تخرج بس يعني خلصت تقريبا .. بعدين عاد اشرح لكم
ياهلا فيك والله وماقصرت .. جعلكم ماتفقدون غالي ان شا الله ..
تحياتي لك
Explorer2007
13/03/2009, 06:23 AM
السلام عليكم ورحمة الله وبركاته




يسعدني ويشرفني ان اكون احد اعضاء رابطة ملاك فورد

عندي سؤالين فقط امل ان تجيبوني عليها
سيارتي فورد اكسبلورر 2002 .
س1 تطلع عندي كلمة اويل شينج بالطبلون دائما كيف اشيلها ؟
س2 اذا ضاع كود المسجل وش الحل .
اتمنى ان اجد الاجابة ولكم مني كل الشكر والتقدير






هلا بك اخوي ابو شوق ..


بالنسبه للـ اويل شينج .. هذي علامة تقولك استبدل زيت المحرك .. طبعا لازم تتصفر مع كل تغييرة
للزيت ..يعني ترجعها من جديد .. بالنسبه لموديل 2002 والله ماعندي فكره بالضبط كيف الطريقه
لكن موجود بأجهزة القياس .. عموما الطريقه سهله جدا ً وماتحتاج شي .. ومافيها ان شا الله خوف
مجرد تحذير لتغيير الزيت فقط .. وترجع تصفره الى 100 % عند تغيير الزيت ..
اذا اجهزة القياس مثل الـ 2006 او موديلاتنا .. فيها
Info .. Setup .. Reset

ادخل على الـ Setup وانتقل للقوائم بالضغط على نفس الزر
لحد ماتحصل Set Oil life 100%
او عباره شبيهه بها عن الزيت وضبطه للـ 100 %
وبعدها اضبط بضغطك على زر الـ Reset
واستمر بالضغط عليه حتى تصل للـ 100 %
استمر بالضغط عليه اكثر من مره وليس ضغطه واحده


بالنسبه للإستفسار الاخر .. قرأت بأحد المنتديات انه رقم الكود يوجد بما يسمى السده او الصندوق امام الراكب الامامي
لا اعلم عنها الكثير وانما يقال ان الرقم موجود بها .. افحص الصندوق الامامي للراكب وربما تجدها ..


اتمنى اني افدتك ..
وان شا الله الاخوان الاخبر مني مايقصرون بعد


وياهلا فيك
بيق مان
13/03/2009, 11:02 AM
بسم اله الرحمن الرحيم
السلام عليكم ورحمة الله وبركاته
تسمحو لي بالانضمام لرابطتكم انا مالك جديد لاكسبلورار 2006 مستعمل من توكيلات الجزيرة ان شاء الله استلم الاثنين القادم
موتور نظيف ماشي 100 الف كيلو متر وغيرو لي الشبكة نيكل الامامية لونه ابيض وداخلي بيج
بماذا تنصحوني عند استلام السيارة علما بانني حديث بالسيارات 4*4 لاكن حبيت السيارة من كلامكم عليها
ابتدي بتغير الزيت والفلاتر ولا اية بالضبط
ولكم الدعاء ان شاء الله:rolleyes:

وعليكم السلام ورحمة الله وبركاته
وأهلاً وسهلاً بك في رابطة المستكشف .. أقوى رابطة بالمنتدى بفضل اعضائها المتميزين
أولاً: بشأن تغيير الزيوت والفلاتر يفضل بعد سؤالك للمختصين في الوكالة واذا لم يتم تغييرها بإتباع جداول الصيانة المخصصة للأكسبلوررر 2006 وبإمكانك ايضاً الاطلاع على سجل تاريخي لصيانة السيارة من واقع الكمبيوتر لديهم.
ثانياً: أرجو إفادتي عن سعر تغيير الشبك الامامي وتحويله الى نيكل لديهم لأن سيارتي 2006 وأرغب في تعديله إذا كان سعره معقول.
وتقبل شكري وخالص تحياتي.
القاصي1
13/03/2009, 11:18 AM
تـقـريـر
اليوم ابعرض لكم مقتطفات من جميع الرحلات والطلعات التي تم تصويرها
وسيكون لكل طلعه او رحله صوره واحده فقط
ونبدأ بأول إجتماع وكان في يوم
الخميس 22-11-1429هـ


http://www.mekshat.com/pix/upload03/images104/mk92773_image00005.jpg


ثاني طلعه الى روضه العكرشية بالقرب من القصب في اجازة عيد الاضحى 1429


http://www.mekshat.com/pix/upload03/images104/mk92773_image00006.jpg


الاجتماع الثاني اكبر تجمع كان في الثمامة يوم الخميس الموافق 20-12-1429هـ


http://www.mekshat.com/pix/upload03/images104/mk92773_image00007.jpg


طلعة شعيب حريملاء بتاريخ 12-1-1430هـ


http://www.mekshat.com/pix/upload03/images104/mk92773_image00008.jpg


رحلة الصمان واستحقت ان تكون الرحلة الذهبية وكانت بتاريخ 26- 1- 1430 هـ
http://www.mekshat.com/pix/upload03/images104/mk92773_image00009.jpg


طلعه روضة الخفس 9-3-1430هـ


http://www.mekshat.com/pix/upload03/images104/mk92773_image00010.jpg


تحياتي للجميع
اخوكم القاصي1
ابو بدر
Explorer2007
13/03/2009, 11:28 AM
يعطيك العافيه يابو بدر .. ما شا الله .. بصراحه الاجتماع الثاني وطلعة شعيب حريملاء

اثلجت صدري والله .. ماكان ينقص هالطلعه الا تواجدي معكم .. ما شا الله احس الطلعه كانت

ممتازه والاشخاص كثيرين يارب لك الحمد .. ان شا لله في ازدياد .. ونبي الطلعات ماتوقف

فكره حلوه وممتازه .. ما شا الله .. لا وتقول لي بعد ارجع امسك الرئاسه ماشا الله عقب هالحركات

ماا احس اني بقدر امسكها .. الله يعطيك الف عافيه ان شا الله ..
ابومحمد111
13/03/2009, 10:12 PM
على البركة ياابوعبدالله الله يجعله من عباده الصالحين ويكون بارا بوالديه
Explorer2007
14/03/2009, 06:08 AM
جيت بحط لكم مقاطع مارضى ليش ؟؟
القاصي1
14/03/2009, 08:02 AM
يعطيك العافيه يابو بدر .. ما شا الله .. بصراحه الاجتماع الثاني وطلعة شعيب حريملاء



اثلجت صدري والله .. ماكان ينقص هالطلعه الا تواجدي معكم .. ما شا الله احس الطلعه كانت


ممتازه والاشخاص كثيرين يارب لك الحمد .. ان شا لله في ازدياد .. ونبي الطلعات ماتوقف


فكره حلوه وممتازه .. ما شا الله .. لا وتقول لي بعد ارجع امسك الرئاسه ماشا الله عقب هالحركات



ماا احس اني بقدر امسكها .. الله يعطيك الف عافيه ان شا الله ..



جيت بحط لكم مقاطع مارضى ليش ؟؟


تسلم يابومساعد
امر الرئاسه في الطلعه القادمه بيتغير شيء كثير

اما بالنسبه للمقاطع
هاليومين الموقع ثقيل شوي عليه ضغط كبير
ممكن هذا السبب

تحياتي لك
الفتى سندباد
14/03/2009, 08:52 AM
الطلعة الجاية ان شاء الله انا بسوي مقلوبة :D :) ;) ...

وصور المقلوبة موجودة عندي بالتفصيل الممل :D بنزلها ان شاء الله ..



:heart: لا تتعب عمرك يا بعدي :heart:

وكل طباخاتك السابقة كانت روووعة ما شاء الله
أكيد "المقلوبة" بتكون بيدك شىء ثاني
الفتى سندباد
14/03/2009, 09:02 AM
تهنئة


يتقدم اعضاء رابطة المستكشف جميعا ، بالتهنئة للعضو ابوعبدالله2 بمناسبة قدوم المولود الجديد
، راجيا من الله أن يكون قدومه قدوم خير على اهله ، وأن يجعله من عباده الصالحين .


أعضاء رابطة المستكشف


ألف ألف مبروووووك يا أبوعبدالله
اللهم أجعله من مواليد السعادة ومن حفظة القرآن

على كذا ما لك حجة يا أبوعبدالله لازم تشتري
أكسبلورر 2009 للمولود وأنضمه معنا للرابطة
الفتى سندباد
14/03/2009, 09:15 AM
بسم اله الرحمن الرحيم
السلام عليكم ورحمة الله وبركاته
تسمحو لي بالانضمام لرابطتكم انا مالك جديد لاكسبلورار 2006 مستعمل من توكيلات الجزيرة ان شاء الله استلم الاثنين القادم
موتور نظيف ماشي 100 الف كيلو متر وغيرو لي الشبكة نيكل الامامية لونه ابيض وداخلي بيج
بماذا تنصحوني عند استلام السيارة علما بانني حديث بالسيارات 4*4 لاكن حبيت السيارة من كلامكم عليها
ابتدي بتغير الزيت والفلاتر ولا اية بالضبط
ولكم الدعاء ان شاء الله:rolleyes:

ألف مبروك الموتر الجديد
الله يطعمك من خيرها ويكفيك شرها
ويسعدنا أنضمامك معنا بالرابطة تفيد وتستفيد

بعض اللوازم يستحسن تواجدها معك بما أنك من ملاك الدفع الرباعي
مثل (ماطور الهواء - معيار الهواء - الواير - لمبة صغيرة - عزبة قهوة وشاهي)

وهناك أشياء أخرى من الواجب حوزتك لها في كل السيارات
مثل (لوازم الأمن والسلامة - حقيبة اسعافات أولية - الاشتراك - فرشة صغيرة)

اتمنى أكون أفدتك بما أتذكر الآن والشباب لن يقصرون معك بأذن الله
سعد الاحمد
14/03/2009, 09:17 AM
:heart: لا تتعب عمرك يا بعدي :heart:



وكل طباخاتك السابقة كانت روووعة ما شاء الله

أكيد "المقلوبة" بتكون بيدك شىء ثاني



اخجلتم تواضعنا ... واعجبتني حركات القلوب قام قلبي يدق معها وعلى قولتهم دقدقني ...:D

بالنسبة للمقلوبة .. هين ما اوصل مستواكم انت والقاصي في طبخها ما شاء الله عليكم .. لكن من باب المغاير (الغيرة) بسويها عناااااد ...

وصور مقلوبتك .. حاولت انزلها امس بس المنتدى صار عليه ضغط شوي ... وقلت وش الله حادني خلها بعدين على الفضوة ...
الفتى سندباد
14/03/2009, 09:21 AM
أبو أحمد ..



الله يسلمك ان شا الله ياربي من الشر .. اعذرووونا والله .. والله انا اللي فرحان بشوفتكم ..


لنا ان شا الله لقاء بإذن الله ..





ننتظر أقرب فرصة لشوفتك بأذن الله

وترانا مجهزين لك سوط نبي نتفاهم معك فيه
حتى لا عاد تكرر هالغيبات مرة ثانية :D
atamami
14/03/2009, 09:25 AM
تحية طيبة
ابارك لاخي ابو عبدالله بمولود الجديد
واللهم اجعله حافظ لكتابك بار بوالديه

-----
ارحب باخي ابو مشاري E07 بالعودة بعد هالغيبة الطويله

ولكم تحياتي
الفتى سندباد
14/03/2009, 09:26 AM
تـقـريـر

اليوم ابعرض لكم مقتطفات من جميع الرحلات والطلعات التي تم تصويرها
وسيكون لكل طلعه او رحله صوره واحده فقط


جهد رائع منك يا أبوبدر
لكن أعتقد نسيت طلعة شعيب ملهم ما أضفتها من ضمن الرحلات
الفتى سندباد
14/03/2009, 09:30 AM
اخجلتم تواضعنا ... واعجبتني حركات القلوب قام قلبي يدق معها وعلى قولتهم دقدقني ...:D



بالنسبة للمقلوبة .. هين ما اوصل مستواكم انت والقاصي في طبخها ما شاء الله عليكم .. لكن من باب المغاير (الغيرة) بسويها عناااااد ...


وصور مقلوبتك .. حاولت انزلها امس بس المنتدى صار عليه ضغط شوي ... وقلت وش الله حادني خلها بعدين على الفضوة ...


اخجلتم تواضعنا >> متعوب عليها بقوووة :D
sohaib6600
14/03/2009, 09:56 AM
ابو عبدالله2

شكرت الواهب وبورك لك في الموهوب وبلغ أشده ورزقت بره
sohaib6600
14/03/2009, 10:05 AM
استفسار من أهل الخبرة
ناوي أبدل كفرات السيارة ( أكسبلورر 2004 ) لأن الكفرات اللي راكبة على السيارة وارد أمريكا وأعتقد ماتصلح للحر
وسؤالي : ماذا تنصحون من خبراتكم بأي نوع من الكفرات؟؟
وماهي الأسعار ؟ وأين توجد في مدينة الخبر؟؟؟

مع جزيل الشكر لأعضاء هذه الرابطة المتميزة

أخوكم / أبو أيمن
القاصي1
14/03/2009, 11:23 AM
استفسار من أهل الخبرة
ناوي أبدل كفرات السيارة ( أكسبلورر 2004 ) لأن الكفرات اللي راكبة على السيارة وارد أمريكا وأعتقد ماتصلح للحر
وسؤالي : ماذا تنصحون من خبراتكم بأي نوع من الكفرات؟؟
وماهي الأسعار ؟ وأين توجد في مدينة الخبر؟؟؟

مع جزيل الشكر لأعضاء هذه الرابطة المتميزة

أخوكم / أبو أيمن


مرحبا بك اخوي ابو ايمن

طبعا لابد عند تغيير الكفر ان يكون مثل شد البلد في المقاس ..وبالضبط
وانواع الكفرات من حيث الاستعمال تتعدد فهناك لاستخدام على الرمل او على الحجر وهناك الطرق العاديه
فيه تقرير هنا عن كفرات قودريتش وهي اللي تجي على موديل 2006 وطالع ، وكل اللي جربوها من مده يمدحونها ، مثل الاخ بلولدرد من 2006 الى الان ..وهو من هواة السفر والبر .
فهي نوعيه ممتازه وشد بلد
ولقيتها في الصناعيه في الرياض ب560
ولكن نصيحتي اولا انتبه لتاريخ الكفر
وثانيا لاتشتري من الوكالات لانها اغلى
يعني اشتر من محلات تغيير الكفرات .
لكن للاسف الخبر ما اقدر افيدك لاني في الرياض.

تحياتي
Explorer2007
14/03/2009, 12:38 PM
والله ماش يابو بدر من تالي صاير تخوف انت الله يستر منك :D

ان شا لله خير بإذن الله ..

بيض الله وجهك ..

------

ابو احمد

ماش شكلكم بتسوون انقلاب انتم الله يستر منكم :D

ماهكذا تورد الابل ..

موب كل شي بالطق :D

ان شا الله خير بإذن الله نشوفكم
sohaib6600
14/03/2009, 04:46 PM
مرحبا بك اخوي ابو ايمن



طبعا لابد عند تغيير الكفر ان يكون مثل شد البلد في المقاس ..وبالضبط
وانواع الكفرات من حيث الاستعمال تتعدد فهناك لاستخدام على الرمل او على الحجر وهناك الطرق العاديه
فيه تقرير هنا عن كفرات قودريتش وهي اللي تجي على موديل 2006 وطالع ، وكل اللي جربوها من مده يمدحونها ، مثل الاخ بلولدرد من 2006 الى الان ..وهو من هواة السفر والبر .
فهي نوعيه ممتازه وشد بلد
ولقيتها في الصناعيه في الرياض ب560
ولكن نصيحتي اولا انتبه لتاريخ الكفر
وثانيا لاتشتري من الوكالات لانها اغلى
يعني اشتر من محلات تغيير الكفرات .
لكن للاسف الخبر ما اقدر افيدك لاني في الرياض.



تحياتي


مشكور أخي القاصي 1
كفيت ووفيت بارك الله فيك
khaledmaa
14/03/2009, 09:01 PM
السلام عليكم ورحمة الله وبركاته
بالنسبة لسؤال الاخ عن
ثانياً: أرجو إفادتي عن سعر تغيير الشبك الامامي وتحويله الى نيكل لديهم لأن سيارتي 2006 وأرغب في تعديله إذا كان سعره معقول.
وتقبل شكري وخالص تحياتي.
السعر 6450 ريال ولابد من تغيير الصدام مع الشبك ورشة بنفس لون السيارة هذا ماذكره لي مسؤل المبيعات قسم المستعمل من غير خدمة التركيب
والله واعلم
الفتى سندباد
15/03/2009, 01:45 AM
ابو احمد


ماش شكلكم بتسوون انقلاب انتم الله يستر منكم :D


ماهكذا تورد الابل ..


موب كل شي بالطق :D



ان شا الله خير بإذن الله نشوفكم


عند اللقاء ان شاء الله ما راح ينفعك لا أبل ولا غيره :D
abumae
15/03/2009, 09:43 AM
هدية لملاك اكسبلورر صورة في قلب الصمان

http://file13.9q9q.net/img/34677638/P1010183.JPG (http://file13.9q9q.net/preview/34677638/P1010183.JPG.html)
القاصي1
15/03/2009, 10:56 AM
هدية لملاك اكسبلورر صورة في قلب الصمان

http://file13.9q9q.net/img/34677638/P1010183.JPG (http://file13.9q9q.net/preview/34677638/P1010183.JPG.html)



تسلم على الهدية
واحلى سيارة في احلى مكان



تحياتي لك
Explorer2007
15/03/2009, 11:59 AM
ابو احمد


ماش خليتني اشك فيكم .. شكلي بجهز نفسي بأدوات الدفاع عن النفس هههههههههههههه



ابو مي


يعطيك العافيه يابو مي على هالصوره الحلوه ..
ensaaan
15/03/2009, 08:32 PM
هدية لملاك اكسبلورر صورة في قلب الصمان

http://file13.9q9q.net/img/34677638/P1010183.JPG (http://file13.9q9q.net/preview/34677638/P1010183.JPG.html)



ابو مي

يعطيك العافيه
على هالصوره الروعه
تسلم يالغالي
القاصي1
15/03/2009, 10:53 PM
تـقـريـر

اليوم ابعرض لكم مقتطفات من جميع الرحلات والطلعات التي تم تصويرها
وسيكون لكل طلعه او رحله صوره واحده فقط
ونبدأ بأول إجتماع وكان في يوم
الخميس 22-11-1429هـ


http://www.mekshat.com/pix/upload03/images104/mk92773_image00005.jpg


ثاني طلعه الى روضه العكرشية بالقرب من القصب في اجازة عيد الاضحى 1429


http://www.mekshat.com/pix/upload03/images104/mk92773_image00006.jpg


الاجتماع الثاني اكبر تجمع كان في الثمامة يوم الخميس الموافق 20-12-1429هـ


http://www.mekshat.com/pix/upload03/images104/mk92773_image00007.jpg


طلعة شعيب حريملاء بتاريخ 12-1-1430هـ


http://www.mekshat.com/pix/upload03/images104/mk92773_image00008.jpg


رحلة الصمان واستحقت ان تكون الرحلة الذهبية وكانت بتاريخ 26- 1- 1430 هـ
http://www.mekshat.com/pix/upload03/images104/mk92773_image00009.jpg


طلعه روضة الخفس 9-3-1430هـ


http://www.mekshat.com/pix/upload03/images104/mk92773_image00010.jpg

تحياتي للجميع
اخوكم القاصي1

ابو بدر




وهذي الطلعه اللي نسيناها
وكانت طلعه شعيب ملهم

http://www.mekshat.com/pix/upload03/images104/mk92773_image00015.jpg

تحياتي للجميع
Explorer2007
16/03/2009, 12:48 PM
الحين يوم جيت صرت ماعد اشوفكم .. كنكم نايمين شوي .. !!! :D

يعطيك العافيه يابو بدر على تكملة الطلعات ..
الآسيف2
16/03/2009, 02:58 PM
السلام عليكم رئيس واعضاء رابطة المستشكف
واعضاء المنتدى

تحية طيبة

انا من فترة ادور موتر وكنت بين الفورد واليوكن والبليزر .. اخوي شرا بليزر انا سمعت الكلام ان السيارات بترخص وانتظرت والحين انا بشهر ثلاثة كنت راصد من 45الى 50الف ولكن جات ظرووف وشالت النص .. وانا لازم اشتري سيارة دورت تقسيط سلف بس ماحولك احد مع الازمه .. قلت ياولد شف المعارض وش اخبارها وعملت جوله امس بمعارض النسيم بالرياض .. من غير مبالغة اللي كنت اشوف سعرها 40الف صارت من 42-45الف طبعا اكسبلورر .. الشاهد طحت لي في واحد شباب عنده اربع سيارات اكسبلورر موديل 96 استعمال ياباني وارد دبي قال لي تخير اي وحده بـ 20الف شامل كل شي (فحص+تامين +استمارة) قلبت المواتر وانا والله ماكانت لي نيه لان الشكل مو عاجبني بالحيل والموديل قديم .. بس ظروف الميزانية تحكم .. وقعد ادردش مع ابو الشباب وشرحت له حظي مع السيارات خصوصا .. وبعدها قال والله اني ابي لك الخير شف انظف وحده (( هذي )) ماشيه 90الف كيلو +فحص الوكالة في اليابان قبل التصدير +الكاتلوجات حق الوكالة كلها .. ووالله ياجماعة الخير ويا اعضاء الرابطه وكما تعلمون بانه ........ ماخاب من استخار وماندم من استشار ...... انا حقيقة استخرت الله بالدعاء المعروف ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) ..
والحين باقي الاستشارة .. قلت مالها الا اهلها وناسها ..

فما رأيكم .. اشتري او لا اشتري
القاصي1
16/03/2009, 03:07 PM
السلام عليكم رئيس واعضاء رابطة المستشكف
واعضاء المنتدى

تحية طيبة

انا من فترة ادور موتر وكنت بين الفورد واليوكن والبليزر .. اخوي شرا بليزر انا سمعت الكلام ان السيارات بترخص وانتظرت والحين انا بشهر ثلاثة كنت راصد من 45الى 50الف ولكن جات ظرووف وشالت النص .. وانا لازم اشتري سيارة دورت تقسيط سلف بس ماحولك احد مع الازمه .. قلت ياولد شف المعارض وش اخبارها وعملت جوله امس بمعارض النسيم بالرياض .. من غير مبالغة اللي كنت اشوف سعرها 40الف صارت من 42-45الف طبعا اكسبلورر .. الشاهد طحت لي في واحد شباب عنده اربع سيارات اكسبلورر موديل 96 استعمال ياباني وارد دبي قال لي تخير اي وحده بـ 20الف شامل كل شي (فحص+تامين +استمارة) قلبت المواتر وانا والله ماكانت لي نيه لان الشكل مو عاجبني بالحيل والموديل قديم .. بس ظروف الميزانية تحكم .. وقعد ادردش مع ابو الشباب وشرحت له حظي مع السيارات خصوصا .. وبعدها قال والله اني ابي لك الخير شف انظف وحده (( هذي )) ماشيه 90الف كيلو +فحص الوكالة في اليابان قبل التصدير +الكاتلوجات حق الوكالة كلها .. ووالله ياجماعة الخير ويا اعضاء الرابطه وكما تعلمون بانه ........ ماخاب من استخار وماندم من استشار ...... انا حقيقة استخرت الله بالدعاء المعروف ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) ..
والحين باقي الاستشارة .. قلت مالها الا اهلها وناسها ..

فما رأيكم .. اشتري او لا اشتري



هلا بك اخوي الاسيف2
اولا مشكور على ثقتك في اخوانك اعضاء الرابطة .
ثانيا : نصيحه من اخوك القاصي اذا كان معك الان سياره تستعملها ..فاصبر شوي ..مو علشان السيارات بترخص ..لا ..ولكن علشان تزود فلوسك شوي .
ثالثا: الاكسبلورر دائما لاتشتري اقل من 2005 لان من هذاالموديل وطالع حلت الشركه كثير من مشاكلها التي كانت في الموديلات السابقه .ولو تلاحظ انتشار الاكسبلورر من 2005 وطالع وقريت تقرير ان مبيعات 2008 في السعوديه زادت 70% عن 2007 ...لثقة الناس في ها السياره وسعرها المناسب .
هذه نصيحه من اخ لك اذا بتقبلها والا...ز اللي تشوفه
والله يوفقك للسيارة النظيفه والرخيصه
ويرزقنا واياك من واسع فضله.


تحياتي لك
القاصي1
ابو بدر
الآسيف2
16/03/2009, 03:27 PM
هلا بك اخوي الاسيف2
اولا مشكور على ثقتك في اخوانك اعضاء الرابطة .
ثانيا : نصيحه من اخوك القاصي اذا كان معك الان سياره تستعملها ..فاصبر شوي ..مو علشان السيارات بترخص ..لا ..ولكن علشان تزود فلوسك شوي .
ثالثا: الاكسبلورر دائما لاتشتري اقل من 2005 لان من هذاالموديل وطالع حلت الشركه كثير من مشاكلها التي كانت في الموديلات السابقه .ولو تلاحظ انتشار الاكسبلورر من 2005 وطالع وقريت تقرير ان مبيعات 2008 في السعوديه زادت 70% عن 2007 ...لثقة الناس في ها السياره وسعرها المناسب .
هذه نصيحه من اخ لك اذا بتقبلها والا...ز اللي تشوفه
والله يوفقك للسيارة النظيفه والرخيصه
ويرزقنا واياك من واسع فضله.


تحياتي لك
القاصي1
ابو بدر


اشكر ردك السريع وانا حقيقة كتب الموضوع وصرت كل شوي اعمل تحديث الى ان طلع ردك .. مع العلم انني من المتابعين للمنتدى وللرابطه من قرابة الستة شهور ..
الحقيقة نعم عندي سيارة وهي فور رنر 94 فل كامل .. لكن السارة خلاااص انتهى اجلها ... والحين يبي لها اصلاحات بحوالي الخمسة الف وكلها اشياء اساسية منها القير .. وهذا اللي خلاني استعجل في الموضوع والسبب الثاني هو سكني في جنوب الرياض ودوامي في شمال الرياض المسافة 40كيلو ذهابا ومثلها عوده والصيف ع الابواب وتعرف مع الحر الشديد .. يطلع المستخبي .. زي ما يقولو .. يعني اذا ماشريت لازم اصلح لذا قلت لازم اغير .. وشي فاتي في موضوعي وهو ان زيارتي للسوق للاطلاع وماكان هناك نية للشراء خصوصا لما دخلت اول السوق شفت السيارات اسعارها غاالية ونظافتها .. الله المستعان ..
بس شفت الموتر ذا وقلب راسي شوي .. وأنا على علم بان هذا الموديل مش ولا بد بس لنظافته يحمسك على الشراء ..

بانتظار تعليقك ..
abumae
16/03/2009, 03:49 PM
القاصي 1
Explorer2007
ensaaan

الف شكر على الردود
والله ماشاء الله عليها سيارة بيض الوجة في الصمان

تحياتي للجميع
فارس الديره
16/03/2009, 04:52 PM
تـقـريـر



اليوم ابعرض لكم مقتطفات من جميع الرحلات والطلعات التي تم تصويرها
وسيكون لكل طلعه او رحله صوره واحده فقط
ونبدأ بأول إجتماع وكان في يوم
الخميس 22-11-1429هـ


http://www.mekshat.com/pix/upload03/images104/mk92773_image00005.jpg


ثاني طلعه الى روضه العكرشية بالقرب من القصب في اجازة عيد الاضحى 1429


http://www.mekshat.com/pix/upload03/images104/mk92773_image00006.jpg


الاجتماع الثاني اكبر تجمع كان في الثمامة يوم الخميس الموافق 20-12-1429هـ


http://www.mekshat.com/pix/upload03/images104/mk92773_image00007.jpg


طلعة شعيب حريملاء بتاريخ 12-1-1430هـ


http://www.mekshat.com/pix/upload03/images104/mk92773_image00008.jpg


رحلة الصمان واستحقت ان تكون الرحلة الذهبية وكانت بتاريخ 26- 1- 1430 هـ
http://www.mekshat.com/pix/upload03/images104/mk92773_image00009.jpg


طلعه روضة الخفس 9-3-1430هـ


http://www.mekshat.com/pix/upload03/images104/mk92773_image00010.jpg


تحياتي للجميع
اخوكم القاصي1


ابو بدر



الله يبيض وجهك على هالتقرير والملخص عن جميع الطلعات التي قام بها فريق رابطة المستكشف وكان لي شرف الحضور والمشاركة ببعضها .
وحقيقة جهد جبار في تجمع وإنتقاء وتصميم وأخراج الصور .



هدية لملاك اكسبلورر صورة في قلب الصمان





http://file13.9q9q.net/img/34677638/P1010183.JPG (http://file13.9q9q.net/preview/34677638/P1010183.JPG.html)




الله يعطيك العافيه على هالهدية الرائعة يابو مي.... وفعلاً شكله في الصورة يخوف

تصوير رائع وتسلم عليه
القاصي1
16/03/2009, 06:57 PM
اشكر ردك السريع وانا حقيقة كتب الموضوع وصرت كل شوي اعمل تحديث الى ان طلع ردك .. مع العلم انني من المتابعين للمنتدى وللرابطه من قرابة الستة شهور ..
الحقيقة نعم عندي سيارة وهي فور رنر 94 فل كامل .. لكن السارة خلاااص انتهى اجلها ... والحين يبي لها اصلاحات بحوالي الخمسة الف وكلها اشياء اساسية منها القير .. وهذا اللي خلاني استعجل في الموضوع والسبب الثاني هو سكني في جنوب الرياض ودوامي في شمال الرياض المسافة 40كيلو ذهابا ومثلها عوده والصيف ع الابواب وتعرف مع الحر الشديد .. يطلع المستخبي .. زي ما يقولو .. يعني اذا ماشريت لازم اصلح لذا قلت لازم اغير .. وشي فاتي في موضوعي وهو ان زيارتي للسوق للاطلاع وماكان هناك نية للشراء خصوصا لما دخلت اول السوق شفت السيارات اسعارها غاالية ونظافتها .. الله المستعان ..
بس شفت الموتر ذا وقلب راسي شوي .. وأنا على علم بان هذا الموديل مش ولا بد بس لنظافته يحمسك على الشراء ..

بانتظار تعليقك ..


والله مشكله
لكن الاكيد انا ما ابغاك تشتري سياره وبعد شهر او ثنين تبدا تطلب منك ،لان السياره اذا كانت استعمال غير سعودي ، ففيه مشاكل مثل الحراره وغيرها ، وبعدين السياره اللي تتكلم عنها تعتبر قديمه يعني لها 15 سنه وهذا بحد ذاته يخوف ، اقترح عليك تاخذ تقسيط من احد البنوك سياره جديده مثلا اكسبلورر او كانك حق كرف خذ فورتشنر، او تروح لتوتيوتا التقسيط وتدفع لهم كم الف علشان القسط يقل عليك ، او معرفه يقسط عليك سياره .
والله يكتب اللي فيه خير
وعلمنا وش يصير معك
ensaaan
16/03/2009, 07:02 PM
اشكر ردك السريع وانا حقيقة كتب الموضوع وصرت كل شوي اعمل تحديث الى ان طلع ردك .. مع العلم انني من المتابعين للمنتدى وللرابطه من قرابة الستة شهور ..
الحقيقة نعم عندي سيارة وهي فور رنر 94 فل كامل .. لكن السارة خلاااص انتهى اجلها ... والحين يبي لها اصلاحات بحوالي الخمسة الف وكلها اشياء اساسية منها القير .. وهذا اللي خلاني استعجل في الموضوع والسبب الثاني هو سكني في جنوب الرياض ودوامي في شمال الرياض المسافة 40كيلو ذهابا ومثلها عوده والصيف ع الابواب وتعرف مع الحر الشديد .. يطلع المستخبي .. زي ما يقولو .. يعني اذا ماشريت لازم اصلح لذا قلت لازم اغير .. وشي فاتي في موضوعي وهو ان زيارتي للسوق للاطلاع وماكان هناك نية للشراء خصوصا لما دخلت اول السوق شفت السيارات اسعارها غاالية ونظافتها .. الله المستعان ..
بس شفت الموتر ذا وقلب راسي شوي .. وأنا على علم بان هذا الموديل مش ولا بد بس لنظافته يحمسك على الشراء ..

بانتظار تعليقك ..



يالغالي

انا شوري من شور أبو بدر القاصي1

ياتشوف لك تقسيط يا انك تصبر لين الله يفرجها

وكثر من الدعاء واستخر والله يكتب اللي فيه الخير

بس فعلا السياره قديمة مره وشكلها يختلف كليا عن
الشكل الحالي
فيه فرق كبير

راجع نفسك
واعرف وش وضعك
واجزم امرك على اللي فيه خلاصك

تحياتي لك
الإنسان
الآسيف2
16/03/2009, 07:30 PM
والله مشكله

لكن الاكيد انا ما ابغاك تشتري سياره وبعد شهر او ثنين تبدا تطلب منك ،لان السياره اذا كانت استعمال غير سعودي ، ففيه مشاكل مثل الحراره وغيرها ، وبعدين السياره اللي تتكلم عنها تعتبر قديمه يعني لها 15 سنه وهذا بحد ذاته يخوف ، اقترح عليك تاخذ تقسيط من احد البنوك سياره جديده مثلا اكسبلورر او كانك حق كرف خذ فورتشنر، او تروح لتوتيوتا التقسيط وتدفع لهم كم الف علشان القسط يقل عليك ، او معرفه يقسط عليك سياره .
والله يكتب اللي فيه خير

وعلمنا وش يصير معك




الف شكر لك اخي القاصي1
سعد الاحمد
16/03/2009, 11:08 PM
اخوي الآسيف2 ..

حياك الله وبياك في الرابطة ونتشرف بحضورك ومتابعتك للرابطة ..

ان رأيي من رأي اخو القاصي1 .. لا تشتري إلا من موديل 2006 وطالع وذلك من اجل الشكل الجديد واختفاء بعض المشاكل التي كان يشتكي منها الناس في الموديلات القديمة ...

اطلب من الله لك الرزق والتوفيق ولا تنسى الاستخارة والاستشارة قبل كل شيء .. ثم اجزم وتوكل على الله ..

اسأل الله لك التوفيق والسداد ...
الآسيف2
17/03/2009, 08:08 AM
اخوي الآسيف2 ..

حياك الله وبياك في الرابطة ونتشرف بحضورك ومتابعتك للرابطة ..

ان رأيي من رأي اخو القاصي1 .. لا تشتري إلا من موديل 2006 وطالع وذلك من اجل الشكل الجديد واختفاء بعض المشاكل التي كان يشتكي منها الناس في الموديلات القديمة ...

اطلب من الله لك الرزق والتوفيق ولا تنسى الاستخارة والاستشارة قبل كل شيء .. ثم اجزم وتوكل على الله ..

اسأل الله لك التوفيق والسداد ...


جزاك الله خير الجزاء
راعي الشاذلي
17/03/2009, 12:13 PM
السلام عليكم ورحمة الله وبركاته
بارك الله فيكم جميعا من رئيس واعضاء
عاى هذه الرابطة المباركه
وعموما والله لكم وحشه
ensaaan
17/03/2009, 07:53 PM
السلام عليكم ورحمة الله وبركاته
بارك الله فيكم جميعا من رئيس واعضاء
عاى هذه الرابطة المباركه
وعموما والله لكم وحشه



الله يبارك فيك ياراعي الشاذلي

وحياك الله ولك فتره ماتنشاف

عسى المانع خير

ولك وحشه بعد يالغالي
نورتنا

تحياتي
الإنسان
القاصي1
18/03/2009, 05:56 PM
السلام عليكم ورحمة الله وبركاته
بارك الله فيكم جميعا من رئيس واعضاء
عاى هذه الرابطة المباركه
وعموما والله لكم وحشه


وعليكم السلام ورحمة الله وبركاته
الحمد لله على السلامة
من طول الغيبات جاب الغنايم

.
B52MHM
18/03/2009, 11:00 PM
السلام عليكمورحمة الله بركاته



يا جماعة الخير اكسبلورر 2005

مواصفات توكيلات الجزيرة

كيف أشيك على زيت الجربوكس بكل تفصيل لو سمحتو

وكمان عندي يدخل هواء من فتحات المكيف كيف أسكرها

مع العلم اني منزل السخان علشان يزود التبريد

وماهي الكفرات الأفضل برجستون أو فيرستون


أبي كفرات ناعمه مع الخط وجيدة مع الجلد
القاصي1
19/03/2009, 10:44 AM
السلام عليكمورحمة الله بركاته



يا جماعة الخير اكسبلورر 2005

مواصفات توكيلات الجزيرة

كيف أشيك على زيت الجربوكس بكل تفصيل لو سمحتو

وكمان عندي يدخل هواء من فتحات المكيف كيف أسكرها

مع العلم اني منزل السخان علشان يزود التبريد

وماهي الكفرات الأفضل برجستون أو فيرستون


أبي كفرات ناعمه مع الخط وجيدة مع الجلد


وعليكم السلام
بالنسبه للتشييك على زيت الجيربوكس .. اللي اعرفه ...ما تقدر لان لايوجد له عيار ...فلابد من الوكاله .
اما الفتحات التي تطلع هواء ...ما اقدر افيدك لان هناك اكثر من احتمال .
الكفرات ...لازم تكون ماركة معروفه ومحلات الكفرات يعلمونك هذا يصلح للطريق او الجلد ...ومن خلال تجربة الشباب ينصحون بالقدرتش اللي يجي على موديلات 2006 وطالع ويجي على الباث فايندر 2008 وطالع ، وهو ممتاز في البر والطريق .


تحياتي لك
B52MHM
19/03/2009, 03:42 PM
القاصي

الف شكر ع ردك واهتمامك


ونتطلع لمشاركات أهل الخبرة
Explorer2007
19/03/2009, 06:32 PM
وين الشباب .. وراكم نايمين .. اصحووووووووووا
القاصي1
20/03/2009, 05:06 PM
وين الشباب .. وراكم نايمين .. اصحووووووووووا







انا موجوووووووووووووووود
Explorer2007
20/03/2009, 07:11 PM
الله يبارك فيك يا بو بدر .. نبي الشباب كلهم بعد .. الحين صرت انا اللي ادور عليكم :D

يالله صحصحوا شوي .. نبي لنا طلعه قريبه .. ان شا الله الاسبوع هذا احسه متحسن كثير بالنسبه

للجو .. وغالبا من 25 مارس احس الجو بيصير زين يعني هاه ان شا الله نبي الاسبوع الجاي نكون منسقين

الطلعه .. وش رايك يابو بدر .. وش تشوف انت ؟!
القاصي1
21/03/2009, 06:44 AM
الله يبارك فيك يا بو بدر .. نبي الشباب كلهم بعد .. الحين صرت انا اللي ادور عليكم :D




يالله صحصحوا شوي .. نبي لنا طلعه قريبه .. ان شا الله الاسبوع هذا احسه متحسن كثير بالنسبه


للجو .. وغالبا من 25 مارس احس الجو بيصير زين يعني هاه ان شا الله نبي الاسبوع الجاي نكون منسقين



الطلعه .. وش رايك يابو بدر .. وش تشوف انت ؟!



جيد
طلعه من بعد العصر
يوم الخميس الى الساعه 10او 11
انا موافق



.
سعد الاحمد
21/03/2009, 08:55 AM
يالله صحصحوا شوي .. نبي لنا طلعه قريبه .. ان شا الله الاسبوع هذا احسه متحسن كثير بالنسبه


للجو .. وغالبا من 25 مارس احس الجو بيصير زين يعني هاه ان شا الله نبي الاسبوع الجاي نكون منسقين




ما شاء الله تبارك الله متحمس اخوي ابو مساعد .. والله حتى احنا ودنا بشوفتك وناخذ علومك واخبارك خاصة بعد غطستك ذي .. كنك غواصة داخل المحيط الاطلسي ..:D

انا موافق ومعكم ان شاء الله ولكن قراري هذا الى يوم الاربعاء اعطيكم OK او NO لاني معطي الشباب في الاستراحة كلمة لانهم بيطلعون للبر يوم الخميس ولكن الى الآن لم يتأكد الموضوع ...
الفتى سندباد
21/03/2009, 09:41 AM
يالله صحصحوا شوي .. نبي لنا طلعه قريبه .. ان شا الله الاسبوع هذا احسه متحسن كثير بالنسبه


للجو .. وغالبا من 25 مارس احس الجو بيصير زين يعني هاه ان شا الله نبي الاسبوع الجاي نكون منسقين




ما شاء الله عليك يا أبومساعد على تفاعلك وحماسك

والفكرة أكثر من رائعة ومنها فرصة نشوفك بعد هالغيبة
ونشوف باقي الشباب خاصة اللي يتغلون علينا من فترة :cool:
القاصي1
21/03/2009, 09:58 AM
ما شاء الله تبارك الله متحمس اخوي ابو مساعد .. والله حتى احنا ودنا بشوفتك وناخذ علومك واخبارك خاصة بعد غطستك ذي .. كنك غواصة داخل المحيط الاطلسي ..:D





انا موافق ومعكم ان شاء الله ولكن قراري هذا الى يوم الاربعاء اعطيكم OK او NO لاني معطي الشباب في الاستراحة كلمة لانهم بيطلعون للبر يوم الخميس ولكن الى الآن لم يتأكد الموضوع ...



مواعد شباب الاستراحه :confused:
يعني بتروح معنا :D
لانهم ما قد صملوا على الروحه:j


المهم طلعه بدونك ما تصلح يابو بدر :)


تحياتي للجميع
أبومشاري2008
21/03/2009, 11:41 AM
شباب هل أحد جرب يمشي للخلف بسرعه تفوق40كم؟ من جرب يعلمني وش صار معه؟
فيه واحد يقول أن عداد السرعه مايعد :no2: ؟
NOYEB
21/03/2009, 11:48 AM
شباب هل أحد جرب يمشي للخلف بسرعه تفوق40كم؟ من جرب يعلمني وش صار معه؟
فيه واحد يقول أن عداد السرعه مايعد :no2: ؟

ابو مشاري السرعة بالرجوع للخلف بالسيارة تعتبر مجازفه وخطورة ...اما عن العداد فأغلب السيارات اذا رجعت بها للخلف مايعد عدادها.
أبومشاري2008
21/03/2009, 12:06 PM
ابو مشاري السرعة بالرجوع للخلف بالسيارة تعتبر مجازفه وخطورة ...اما عن العداد فأغلب السيارات اذا رجعت بها للخلف مايعد عدادها.
أنت قربت من الأجابه الصحيحه بس على العموم العداد يعد بنسبه لموديلات 2006فمافوق
الفتى سندباد
21/03/2009, 12:08 PM
شباب هل أحد جرب يمشي للخلف بسرعه تفوق40كم؟ من جرب يعلمني وش صار معه؟
فيه واحد يقول أن عداد السرعه مايعد :no2: ؟

غالباً يرتفع ضغط العداد وأمبير السرعة لا يتحرك
أبومشاري2008
21/03/2009, 12:22 PM
غالباً يرتفع ضغط العداد وأمبير السرعة لا يتحرك


يخوي يعدعداد السرعه ليش أنا قلت 40كم.
الفتى سندباد
21/03/2009, 12:37 PM
يخوي يعدعداد السرعه ليش أنا قلت 40كم.

:D :D :D :D :D :D :D :D :D :D
atamami
21/03/2009, 01:51 PM
جيد

طلعه من بعد العصر
يوم الخميس الى الساعه 10او 11
انا موافق





.

فيها ونه

تحياتي
NOYEB
21/03/2009, 02:11 PM
الظاهر ابو مشاري عامل لنا لغز ههههه

ابو مشاري يمكن ان العداد ما يعد بعد اكثر من سرعة 40 كليو متر بالساعة..الحقيقة ماجربت .
أبومشاري2008
21/03/2009, 02:18 PM
طلعه من بعد العصر
يوم الخميس الى الساعه 10او 11
انا موافق
أبومشاري2008
21/03/2009, 02:21 PM
الظاهر ابو مشاري عامل لنا لغز ههههه

ابو مشاري يمكن ان العداد ما يعد بعد اكثر من سرعة 40 كليو متر بالساعة..الحقيقة ماجربت .
هههههههههه صحيح هولغزوكذلك ميزه في الاكسبلورر وكذلك لتحفيز الاخوان على المشاركه
Explorer2007
21/03/2009, 08:31 PM
انا شاء الله موافق بإذن الله مالم يحصل شي لاسمح الله يعني . اقصد نقول ان شا الله

نسقوووا .. ابو بدر الاحمد وش دعوه ياخوك تطلع استراحه وماتبي شوفتنا ياخي .. :D

الله يعافيكم ان شا لله ..

اخوي ابو مشاري .. اعتقد انه يبي يوصل لشغله .. واتوقع انها عندي ..

انا جربت الرجوع للخلف بسرعه لكن مادري كم .. طلع لي صوت طقه ..

وطلع لي كأن السيارة تتفتف ولاحظتها اكثر من مره .. غريبه يعني مدري وش سببها ..

تحياتي لكم
أبومشاري2008
21/03/2009, 09:19 PM
اخوي ابو مشاري .. اعتقد انه يبي يوصل لشغله .. واتوقع انها عندي ..


انا جربت الرجوع للخلف بسرعه لكن مادري كم .. طلع لي صوت طقه ..


وطلع لي كأن السيارة تتفتف ولاحظتها اكثر من مره .. غريبه يعني مدري وش سببها ..


تحياتي لكم


أحسنت هذا يخوي فاصل للحمايه من السرعه الزائده مثل الفاصل الذي يأتي في السرعه الاماميه.
وكذلك للعلم فأن عداد السرعه يعمل في حالة الرجوع للخلف

أمل أن تعم الفائده
ensaaan
21/03/2009, 11:13 PM
معلومة قيمة أبو مشاري يعطيك العافيه

والمعذره على الغياب اللاب توب كان مريض وكاد أن توافيه المنيه
لولا رحمة الله وعمليات الإنعاش اللي سو يتها له:rolleyes:

وهذا انا رجعت لكم من جديد:D


وبالنسبه لطلعة الخميس انا معكم اذا ماسافرت

تحياتي لكم
الإنسان
Explorer2007
21/03/2009, 11:56 PM
ياحياك اخوي انسان ان شا الله يصملون الشباب ..




أحسنت هذا يخوي فاصل للحمايه من السرعه الزائده مثل الفاصل الذي يأتي في السرعه الاماميه.
وكذلك للعلم فأن عداد السرعه يعمل في حالة الرجوع للخلف

أمل أن تعم الفائده






اخوي ابو مشاري .. والله قلبي حاس :D .. عطني نجمه طيب جاوبت صح خخخخخخخ :p

الله يعطيك العافيه على هالمعلومه والله اني اوسوس دايم حتى اخوي سعد الاحمد يقولي وش فيك

انت دايم توسوس .. ياخي مدري لازم كذا ولاني احب اي صوت بالسياره ,,

بس تعال .. ابسألك فاصل الحماية بالخلف وعرفناه .. شلون بالسرعه الاماميه ؟!

معليش ابو مشاري بتعبك معي شوي .. ودي تشرح شرح بسيط لو تكرمت .. ومشكووور
الفتى سندباد
22/03/2009, 03:37 PM
بالنسبة للطلعة المقترحة يوم الخميس
أفضل تأجيلها إلى يوم آخر بسبب الأخبار التي تشير
إلى احتمالية حدوث موجة غبار بأجواء الرياض بالأيام القادمة
Explorer2007
22/03/2009, 03:55 PM
هلا بك ابو احمد ..

شلون يقولون من تاريخ 25 ان شا الله بيكون الجو زين .. ومراويح زينه

متى طلع هالخبر !؟
القاصي1
22/03/2009, 07:14 PM
بالنسبة للطلعة المقترحة يوم الخميس

أفضل تأجيلها إلى يوم آخر بسبب الأخبار التي تشير

إلى احتمالية حدوث موجة غبار بأجواء الرياض بالأيام القادمة



هذا تقرير من الارصاد الجويه

اتربة مثارة اوعواصف ترابيةعلى مناطق المملكة
من يوم الأثنين 26/3/1430هـ الموافق 23/3/2009م
إلى يوم الأربعاء 28/3/1430هـ الموافق 25/3/2009م
تتأثر مناطق المملكة بتقلبات جوية ونشاط في الرياح السطحية تصل سرعتها إلى 55 كم/س تؤدي إلى أتربة مثارة قد تتحول إلى عواصف ترابية وتباين في درجات الحرارة, أبتدأً من مناطق شمال وغرب المملكة ومن ثم مناطق وسط وشرق المملكة تباعاً وحتى بقية المناطق , يعقب ذلك إنخفاض ملموس في درجات الحرارة .
كما يشمل نشاط الرياح السطحية البحر الأحمر ومن ثم الخليج العربي .
ملاحظة :
وإذ تصدر الرئاسة العامة للأرصاد وحماية البيئة هذا التقرير تدعو الأخوة المواطنين لأخذ الحيطة والحذرفي مثل هذه التقلبات الجوية كما تقوم إدارة التحاليل والتوقعات بمراقبة وتحليل الظواهر الجوية على مدار الساعة لإصدار التوقعات والتحذيرات اللازمة في حينه .


تحياتي
Explorer2007
22/03/2009, 08:40 PM
ابو بدر .. الله يعطيك العافيه .. قالوا للربوع .. مهوب الخميس .. ؟!

عموما على راحتكم .. راقبوا الجو وان شا الله خير .. المراويح وانا خوك مايفيد فيها تقرير طقس

ولا رادارات .. المراويح زينه بس مفاجأه يعني الحين مطر بعد شوي عج بعد كم ساعه برد بعد يوم

فيضان ..زي كذا ماتدري وش وضعها .. عموما الله يكتب اللي فيه الخير مايمنع اننا نتناقش

والخيار الاخير لكم .. اللي تشوفونه ماني جابر احد على الطلعه ..

تحياتي
سعد الاحمد
23/03/2009, 12:02 AM
ما ادري حسن كراني مشارك معنا هنا ...:D

انا يسعدني ويشرفني الطلعة معكم .. والله لو تبون المريخ ما عندي مشكلة .. بس مثل ما قلت لكم يوم الاربعاء اعطيكم ok ان شاء الله ... (ربع الاستراحة حاجزيني ..:D) بس اذا ما صملوا كالعادة :mad: بروح معكم ان شاء الله .. لو تبون من بعد صلاة الفجر يوم الخميس الى اذان الفجر يوم الجمعة ما عندي مشكلة ..:p ..
ابو صقر 111
23/03/2009, 12:12 AM
يا أخوان انا سبق وشرحت مشكله وهي ان لمبة Absاضاءت بلونها البرتقالي وبدأ 4×4يؤشر اثناء السير وذهبت لورشة مشهوره فقالوا لديك حساس الدبل وحساس ال ا بي اس ولابد من تغيير الحساسات المذكوره وذهبت للتأكد الى صاحب ورشة آخر وقال انا متأكد ان المشكله من دينمو الدبل فاحترت ايهما اصح لأن قطع الغيار نار ولم اجد دينمو الدبل وقالوا لابد من طلبيه استشير من لديه خبره ولكم جزيل الشكر
ابوعبدالله 2
23/03/2009, 12:24 AM
سلام على الجميع كلن بأسمه اشوفكم تتشاورون على الطلعه :no2: من رأيي انكم تركدون شوي الجو هالايام يغدربكم والله ماتدرون وين انتم فيه ولكن اذا اضطر الأمر احد يشوف واحد عنده مزرعه ونتجمع فيها يمكن يكون احسن والرأي يرجعلكم اول وتالي وش تقول يأميرنا القاصي 1 (ابوبدر)
Explorer2007
23/03/2009, 12:39 AM
ياهلا والله بأبو عبدالله .. من طول الغيبات جاب الغنايم ..

كلام سلام يابو عبدالله .. بس يبي يذبحنا هالجو ماطلعنا .. عموما اللي تشوفونه

حياك الله منور الرابطه .. :rolleyes:
الفتى سندباد
23/03/2009, 01:34 AM
سلام على الجميع كلن بأسمه اشوفكم تتشاورون على الطلعه :no2: من رأيي انكم تركدون شوي الجو هالايام يغدربكم والله ماتدرون وين انتم فيه ولكن اذا اضطر الأمر احد يشوف واحد عنده مزرعه ونتجمع فيها يمكن يكون احسن والرأي يرجعلكم اول وتالي وش تقول يأميرنا القاصي 1 (ابوبدر)


أؤيد كلام أبوعبدالله
بحيث يتم الالتقاء في مزرعة أو استراحة
khalid54
23/03/2009, 06:52 AM
سلام على الجميع كلن بأسمه اشوفكم تتشاورون على الطلعه :no2: من رأيي انكم تركدون شوي الجو هالايام يغدربكم والله ماتدرون وين انتم فيه ولكن اذا اضطر الأمر احد يشوف واحد عنده مزرعه ونتجمع فيها يمكن يكون احسن والرأي يرجعلكم اول وتالي وش تقول يأميرنا القاصي 1 (ابوبدر)




هذا الكلام،، الجو متقلب هالايام
ولو اني ما نيب حاضر.... لكن حبيت التذكير ،، نبيلكم رحلة سعيده
الله يريد بنا خير
القاصي1
23/03/2009, 07:37 AM
يالربع
ترا الطلعه يوم الخميس من بعد العصر الى بعد العشاء
يعني ما تستاهل
وانا نزلت حاله الجو علشان تدرون انها الى الاربعاء
وبعدين لو تغير الجو
نروح الى اي مكان مثل الرمال او اي مكان نتعشى فيه ونسولف
او حتى نرجع
ترا ها في الثمامه مهوب في المريخ

تحياتي
Explorer2007
23/03/2009, 10:35 AM
ابو بدر مافهمت قصدك .. يعني انت مؤيد يكون في طلعه الخميس ولا تؤيد اننا نأجلها ؟!

:D
ابوعبدالله 2
23/03/2009, 11:28 AM
ياهلا والله بأبو عبدالله .. من طول الغيبات جاب الغنايم ..



كلام سلام يابو عبدالله .. بس يبي يذبحنا هالجو ماطلعنا .. عموما اللي تشوفونه



حياك الله منور الرابطه .. :rolleyes:


هلا والله ويييييييييييييييييييييييييييين الناس ياخلفهم وش الدنيا بك عسى المانع خير بس اني سمعت انك شاري vxrصح او لا اكسبلورر مو قد مقامك طال عمرك هههههههههههههههههه
قصايدوله
23/03/2009, 12:52 PM
شباب حبيت استفسر منكم عن عدد علب الزيت للاكسبلورر ثمانيه سلندر 2006

لاني اشتريت واحد وابي اتأكد من عدد العلب

واي نوعيه زيت الأفضل w20 او ماذا
Explorer2007
23/03/2009, 01:58 PM
هلا والله ويييييييييييييييييييييييييييين الناس ياخلفهم وش الدنيا بك عسى المانع خير بس اني سمعت انك شاري vxrصح او لا اكسبلورر مو قد مقامك طال عمرك هههههههههههههههههه





هلا والله بمعزبنا .. :D .. ابد المانع كل خير .. ان شا الله لين اجتمعنا نبي نتناقش حول هالموضوع

افاااااااا وش هالحكي يابو عبدالله لا تطلع اشاعات الله يهديك ..

انا اشتري VXR ؟؟؟ والله مابعد انهبلت يابو عبدالله احط 200 في جيب ابو جميل .. خله عنده مانبيه

لو هو ببلاش .. هذا الاكسبلورر وانا اخووك مهوب لعبه .. ياكثر اللي يقولون والله انه جبار ..

انتبه بس لا تطلع اشاعات تخرب علينا :D

نشوفك على خير ..
القاصي1
23/03/2009, 06:54 PM
ابو بدر مافهمت قصدك .. يعني انت مؤيد يكون في طلعه الخميس ولا تؤيد اننا نأجلها ؟!





:D





معكم في الطلعة
لا للتأجيل


.
Explorer2007
23/03/2009, 08:46 PM
اهااا .. كفووو ابو بدر .. ياخي بس الباقيين متخوفين من الجو ..

:: اعلان هام ::

طلعة يوم الخميس .. موافقين ان شا الله ياكويسين ولا لا ؟!

طيب اذا موافقين ياليت .. نتفق على البرنامج .. ونبي اراءكم

واذا مو موافقين الشكوى لله عاد وش نسوي .. :o
ssalamoka
23/03/2009, 11:48 PM
مساكم الله بالخير
يالربع عندي استفسار عندي اكسلبورر 2004 استخدام امريكي المشكله ونا ماشي لمبة 4*4 تولع وتطفي من نفسها مدري وش القصه ياليت الي عنده خبر يفيدني الله يجزاكم خير
ensaaan
24/03/2009, 12:36 AM
اهااا .. كفووو ابو بدر .. ياخي بس الباقيين متخوفين من الجو ..



:: اعلان هام ::


طلعة يوم الخميس .. موافقين ان شا الله ياكويسين ولا لا ؟!


طيب اذا موافقين ياليت .. نتفق على البرنامج .. ونبي اراءكم



واذا مو موافقين الشكوى لله عاد وش نسوي .. :o





مرحبا بالغالين والله إشتقنا لشوفتكم

معكم اذا ماضطريت اني اسافر

تحياتي لكم

الإنسان
Explorer2007
24/03/2009, 02:02 AM
مساكم الله بالخير
يالربع عندي استفسار عندي اكسلبورر 2004 استخدام امريكي المشكله ونا ماشي لمبة 4*4 تولع وتطفي من نفسها مدري وش القصه ياليت الي عنده خبر يفيدني الله يجزاكم خير



حياك الله اخوي .. والله بصراحه اول مره تمر علي مشكلتك .. شوف هو يمكن يكون خلل بالفيوز ..

او انه في مشكله بالدبل .. لذلك افحص علبة الفيوز .. وافحص الدبل عن ورشه متخصصه

يفضل تروح لفورد يفحصون لك .. او ورشة البيان الجديد بحي الملك فهد متخصصه بالفورد والفكتوريات الامريكيه

ودام موترك امريكي ان شا الله بيفيدونك .. مجرد توقع لأن مامرت علي .. وحبيت اساعدك وانتظر

باقي الاعضاء يفيدونك .. حياك الله
Explorer2007
24/03/2009, 02:05 AM
مرحبا بالغالين والله إشتقنا لشوفتكم


معكم اذا ماضطريت اني اسافر

تحياتي لكم


الإنسان





حياك الله اخوي الانسان .. والله ودنا بشوفتكم لكن ماندري وش الظروف ..

بالنسبه للجو .. والله احسه متقلب والتوقعات مامنها فائده لأن المراويح متابعه وليست توقعات ..

قالب حسن كراني خخخخخ على قول ابوبدر الاحمد خخخخخ :D

لكن مانقول الا خير ان شا الله ان الله كتب وصارت خير على خير ..

لأن اشوف العالم حايسه بالحاله الجايه الغبار اللي بيجي من مصر والقريات حاليا ً الساعه 2:05 لازالت غبار

مو طبيعي والعالم بالقريات يقولون من المغرب وهي غبار وتسمع صفير الهوا والعاصفه بسرعة 60 كيلومتر

لكن نقول خير ان شا الله ننتظر تحسن الاجواء

تحياتي لكم ..
سعد الاحمد
25/03/2009, 08:46 AM
اليوم الجو مغبر وغير مستقر ..

هل لا زلتم على وعدكم لطلعة بكرا قصدي غداً ؟؟؟

عموماً انا معكم ان شاء الله وزي ما قال اخوي القاصي1 (ابو بدر) ربعي ما يصملون ما عندهم الا سواليف ..:D ..
القاصي1
25/03/2009, 05:47 PM
اليوم الجو مغبر وغير مستقر ..




هل لا زلتم على وعدكم لطلعة بكرا قصدي غداً ؟؟؟


عموماً انا معكم ان شاء الله وزي ما قال اخوي القاصي1 (ابو بدر) ربعي ما يصملون ما عندهم الا سواليف ..:D ..




انا اشوف
وبسبب استمرار الغبار
وقلة الاعضاء الراغبين في الطلعه( بسب هذا الغبار)
ان يتم تأجيل الطلعة الى يوم آخر.
والأمر متروك للتداول


تحياتي
سعد الاحمد
25/03/2009, 07:35 PM
انا اشوف

وبسبب استمرار الغبار
وقلة الاعضاء الراغبين في الطلعه( بسب هذا الغبار)
ان يتم تأجيل الطلعة الى يوم آخر.
والأمر متروك للتداول



تحياتي



الله يكتب اللي فيه خير .. انا اتفق معك .. ونرى بقية الآراء ...
ابوابرااهيم
25/03/2009, 07:45 PM
السلام عليكم ورحمة الله وبركاته....
بعد ماشاهدته في هذه الرابطة الكريمة....والأعضاء المتميزين.....ابشركم اني شريت اكسبلورر 2008..جديد....
ولونه رصاصي......

واحب اكون احد اعضاء الرابطة الكرام....اذا مافيه مانع.......ونكون من الاعضاء الفاعلين ان شاء الله...

والسلام عليكم.....؛
ابوابراهيم-الرياض
Explorer2007
25/03/2009, 08:10 PM
يا هلا والله بأبو ابراهيم .. مبرووووووووك .. الله يعطيك خيره ويكفيك شره ان شا الله

وش دعوه حياك الله معنا بالرابطه يابو ابراهيم .. وان شا الله تبي تشوف كل علم غانم ..


رحبوا معي بالعضو الجديد ابو ابراهيم


---------------------------------

ابو بدر 1 القاصي + ابو بدر 2 كيف بس :D

والله بصراحه الجو غير مستقر والغبار يعني يروح ويجي ..

لكن براحتكم الموضوع للتداول .. اصلا من اللي صمل انا والقاصي وابوبدر الاحمد

يعني شكلها مافي احد .. طيب تبونها يوم ثاني ماعندي مشكله

تبونها بكره برضوه ماعندي مشكله الامر راجع لكم

بس شكلها الظاهر بتتأجل . .

تحياتي لكم
القاصي1
25/03/2009, 08:50 PM
السلام عليكم ورحمة الله وبركاته....
بعد ماشاهدته في هذه الرابطة الكريمة....والأعضاء المتميزين.....ابشركم اني شريت اكسبلورر 2008..جديد....
ولونه رصاصي......

واحب اكون احد اعضاء الرابطة الكرام....اذا مافيه مانع.......ونكون من الاعضاء الفاعلين ان شاء الله...

والسلام عليكم.....؛
ابوابراهيم-الرياض


هلا بك
اخوي / ابو ابراهيم

والله يعطيك خيره ويكفيك شره
ومبروك عليك انضمامك لمنتدى مكشات

بس ماقلت من اي ديره


تحياتي
القاصي1
25/03/2009, 08:55 PM
ابو بدر 1 القاصي + ابو بدر 2 كيف بس :D


والله بصراحه الجو غير مستقر والغبار يعني يروح ويجي ..


لكن براحتكم الموضوع للتداول .. اصلا من اللي صمل انا والقاصي وابوبدر الاحمد


يعني شكلها مافي احد .. طيب تبونها يوم ثاني ماعندي مشكله


تبونها بكره برضوه ماعندي مشكله الامر راجع لكم


بس شكلها الظاهر بتتأجل . .



تحياتي لكم




انا قلت ها الكلام بعد ماشفت الجو غير مستقر
والأمر الأخر الشباب غير متفاعلين
يمكن اللي بيروح انت وسعد الاحمد وابو مشاري وابو عبدالله 2 وانسان وانا
ولا هو اكيد لان بعضهم يقول ممكن
لكن مثل ما قلت تؤجل الى يوم أخر
واذا اصريتوا على الطلعه ...انا معكم .

تحياتي
أبومشاري2008
26/03/2009, 08:02 PM
هلا بك
اخوي / ابو ابراهيم

الله يعطيك خيره ويكفيك شره
ومبروك علينا انضمامك لرابطه
ابوبدر يقولك من الرياض
ensaaan
26/03/2009, 08:41 PM
انا اشوف

وبسبب استمرار الغبار
وقلة الاعضاء الراغبين في الطلعه( بسب هذا الغبار)
ان يتم تأجيل الطلعة الى يوم آخر.
والأمر متروك للتداول



تحياتي




والله كنت احسبكم طلعتوا

بالنسبه لي اضظريت اسافر وبرجع الجمعه للرياض
المعذره من الجميع

وكويس انها تأجلت عشان يكون فيه فرصه نلتقي فيكم
في وقت أنسب

وتساعدنا الضروف على ذلك

بالتوفيق للجميع
ensaaan
26/03/2009, 08:45 PM
السلام عليكم ورحمة الله وبركاته....
بعد ماشاهدته في هذه الرابطة الكريمة....والأعضاء المتميزين.....ابشركم اني شريت اكسبلورر 2008..جديد....
ولونه رصاصي......

واحب اكون احد اعضاء الرابطة الكرام....اذا مافيه مانع.......ونكون من الاعضاء الفاعلين ان شاء الله...

والسلام عليكم.....؛
ابوابراهيم-الرياض




أبو ابراهيم

حياك الله أخوي الغالي ومبروك عليك السياره والله يطعمك من خيرها ويكفيك شرها

ونتشرف بنظمامك معنا في هذه الرابطه الرائعه بروعة أعضائها

وياليت تخبرنا كيف انطباعك عن السياره وآدائها ومدى رضاك عنها

تحياتي لك
ومرحبا بك

الإنسان
أبو الجوهرة
الربوه
27/03/2009, 02:35 PM
السلام عليكم،،،عضو جديد واريد مشورتكم اريد شراء فورد اكسبلور موديل2008 رقم2 العداد اصفار عليه عرض بـ86900ريال اللون اسود ويش رايكم
عم الجميع
27/03/2009, 05:18 PM
السلام عليكم،،،عضو جديد واريد مشورتكم اريد شراء فورد اكسبلور موديل2008 رقم2 العداد اصفار عليه عرض بـ86900ريال اللون اسود ويش رايكم
هل هو دبل؟؟
اعتقد سعره جدا مغري
ابوابرااهيم
27/03/2009, 06:08 PM
يا هلا والله بأبو ابراهيم .. مبرووووووووك .. الله يعطيك خيره ويكفيك شره ان شا الله



وش دعوه حياك الله معنا بالرابطه يابو ابراهيم .. وان شا الله تبي تشوف كل علم غانم ..



رحبوا معي بالعضو الجديد ابو ابراهيم



---------------------------------


ابو بدر 1 القاصي + ابو بدر 2 كيف بس :D


والله بصراحه الجو غير مستقر والغبار يعني يروح ويجي ..


لكن براحتكم الموضوع للتداول .. اصلا من اللي صمل انا والقاصي وابوبدر الاحمد


يعني شكلها مافي احد .. طيب تبونها يوم ثاني ماعندي مشكله


تبونها بكره برضوه ماعندي مشكله الامر راجع لكم


بس شكلها الظاهر بتتأجل . .


تحياتي لكم

الله يحييك اكثر....وزاد غلاك غلا ...حيث انك اول المرحبين ..والرابطة كلهم والنعم فيهم.......



هلا بك

اخوي / ابو ابراهيم


والله يعطيك خيره ويكفيك شره
ومبروك عليك انضمامك لمنتدى مكشات


بس ماقلت من اي ديره



تحياتي


مرحبا فيك ...وهذا يدل على ان الرابطة جميلة ومترابطة فعلا.....والجواب...من السعودية....وبالتحديد من الرياض...وبالتحديد ....بيتنا.....هههههههه



هلا بك

اخوي / ابو ابراهيم


الله يعطيك خيره ويكفيك شره
ومبروك علينا انضمامك لرابطه
ابوبدر يقولك من الرياض


تحيا وتدوم يا ابومشاري...والله يتقبل دعواتكم جميعا...

والسيارة كلها بركة اللي تعرفنا عليكم من خلال هالرابطة.....واللقاءات جاية باذن الله....
ابوابرااهيم
27/03/2009, 06:14 PM
أبو ابراهيم



حياك الله أخوي الغالي ومبروك عليك السياره والله يطعمك من خيرها ويكفيك شرها


ونتشرف بنظمامك معنا في هذه الرابطه الرائعه بروعة أعضائها


وياليت تخبرنا كيف انطباعك عن السياره وآدائها ومدى رضاك عنها


تحياتي لك
ومرحبا بك


الإنسان

أبو الجوهرة

حياك ربك اكثر يا ابوالجوهرة....
السيارة ماعليها كلام ولا ملام.......انا اشوفها كثير في الشوارع ....وخاصة الموديل الجديد.روووووووعة....
وفيها تقنية متطورة.....طلعت بالسيارة للبر والرمل ماشاء الله تبارك الله....خذ سيارة بر وديرة....
وعندي صور للتطعيس مع الربع...في اقرب فرصة بحطها في الرابطة الموقرة.....ورحت للصمان قبل فترة وللديرة....وبعض الشعاب والاودية حول الرياض........ماعليها قصور وتبيض الوجه......
فهد456
27/03/2009, 08:04 PM
السلام عليكم

انا ارغب بشراء اكسبلورر موديل 2005

فضي دبل ويكون نظييييييف

واللي عنده مطلوبي

يرسلي على الخاص او يتصل علي

ج / 0554247456 ابوصالح
سعد الاحمد
28/03/2009, 07:35 AM
السلام عليكم ورحمة الله وبركاته....
بعد ماشاهدته في هذه الرابطة الكريمة....والأعضاء المتميزين.....ابشركم اني شريت اكسبلورر 2008..جديد....
ولونه رصاصي......

واحب اكون احد اعضاء الرابطة الكرام....اذا مافيه مانع.......ونكون من الاعضاء الفاعلين ان شاء الله...

والسلام عليكم.....؛
ابوابراهيم-الرياض


هلا وغلا بك اخوي ابو ابراهيم ..

تشرفنا بانضمامك معنا ونبارك لك شراءك للسيارة وندعوا لك بالتوفيق وان يطرح لك البركة فيها وان يجنبك شرورها ..

ويسعدنا ان نراك في اجتماعات الرابطة خلال الفترة القادمة ان شاء الله .. وان نستفيد منك ومن خبراتك ونتشرف برؤية شخصك الكريم ..
اخوك
سعد الاحمد
ابو بدر
ابوابرااهيم
28/03/2009, 12:20 PM
هلا وغلا بك اخوي ابو ابراهيم ..



تشرفنا بانضمامك معنا ونبارك لك شراءك للسيارة وندعوا لك بالتوفيق وان يطرح لك البركة فيها وان يجنبك شرورها ..


ويسعدنا ان نراك في اجتماعات الرابطة خلال الفترة القادمة ان شاء الله .. وان نستفيد منك ومن خبراتك ونتشرف برؤية شخصك الكريم ..
اخوك
سعد الاحمد
ابو بدر

مررررررررررحبا ابوبدر......وفرصة طيبة نتعرف على هالرجال.....

وبإذن الله سأكون معكم في أول اجتماع قريب ....وأتمنى يكون قريب جداااا....
عشان نشوف مهارات الشباب مع السيارة الطيبة؛؛؛؛؛وكذلك أوريكم حاجات في السيارة يمكن بعضكم يعرفها وبعضكم لا..........
وندعو الله أن يسقينا المطر ويزين الجو.......آمين آمين آمين؛؛؛؛؛؛؛؛؛
القاصي1
28/03/2009, 05:42 PM
اولا ... مبروك ها الامطار
ثانيا ... ايش رايكم بطلعه يوم الخميس القادم

تحياتي
القاصي1
ابو بدر
أبومشاري2008
28/03/2009, 06:06 PM
ماشاالله تمطر عندكم؟؟
بأذن الله أكون معكم
ensaaan
28/03/2009, 07:24 PM
ماشاالله تمطر عندكم؟؟
بأذن الله أكون معكم


أبو مشاري

أمطار يحبها قلبك وجو باريسي جنان

الله يزيد ويبارك

لازالت الأمطار تهطل الى وقت ردي هذا

تحياتي للجميع
الإنسان
صقر الدهناء
28/03/2009, 09:56 PM
السلام عليكم
وش اخباركم
فزعه يارجال
وش رايكم بل الكسبلورر 2009
كيفة بل المدينة والخط السريع و الطعوس
ابوابرااهيم
28/03/2009, 10:57 PM
اولا ... مبروك ها الامطار

ثانيا ... ايش رايكم بطلعه يوم الخميس القادم


تحياتي
القاصي1
ابو بدر
ايييييييييه هذااااااااا الكلام الزيننننننننننننن

اعتبروني اول المؤيدين والحاضرين بإذن الله........جمعة مع اعضاء الرابطة الكرام تنشرى ىىىىىىى

واقترح الكشتة تكون من بدري يعني فجريةةةةةةةة والراي لكم؛؛؛؛؛؛؛؛؛سلام
ensaaan
29/03/2009, 01:31 AM
السلام عليكم
وش اخباركم
فزعه يارجال
وش رايكم بل الكسبلورر 2009
كيفة بل المدينة والخط السريع و الطعوس



اهلين أخوي صقر الدهناء

ومرحبا بك معنا في الرابطه

ونتشرف بنضمامك والله يوفقك في شراء الموتر اللي يرضيك في كل الاحوال

وبجاوبك على سؤالك
انا معي اكسبلورر 2009
الفل كامل في الاكس ال تي

وماشاء الله السياره كل يوم يزيد اعجابي فيها

سواء في المدينه او على الخط او في البر جربتها وبيضت الوجه

هذا إنطباعي عن السياره

واذا بخاطرك تسال عن اي شيء انا حاضر وانا أخوك

تحياتي للجميع
الإنسان
أبو الجوهرة
Explorer2007
29/03/2009, 01:48 AM
حيا الله كل باسمه .. شلونكم شعلومكم .. والله الجو يفتح النفس ..

ابو بدر .. انا اتفق معك وبقوه .. ان شا الله تستمر الاجواء امطار وغيوم ..

انا بالنسبه لي ان شا الله ماعندي مشكله .. لكن عندي شغله بسيطه .. ابدخل السياره الصيانه

ان شا الله .. بس المشكله مع هالدوام مدري يمديني ولا لا .. لكن ان شا الله اننا معكم ..

تحياتي
woode11
29/03/2009, 10:13 AM
إخواني الكرام ...

بحمد الله و توفيقة ، تم شراء أكسبلورر 2006 لميتد ، اي كامل المواصفات ، بس لدي سؤال ؟

السيارة جاية معاها شاشة نفيقيشن وكالة ، خبركم السيارة جاية من امريكا ، و النفيقيشن الي جاي معاها ما يشتغل بحكم انه السي دي الخاص بها فقط لأمريكا ، سؤال هل في مكان أحصل السي دي حق الملاحة للشرق الاوسط أو الخليج ، و إذا موجود بكم السعر ..

ممكن الرد في حال توفر المعلومة , و الله يجزاكم الجنة ان شاء الله ..


تحياتي ...

اخوكم ..

وليـw@leedـد

http://www.mekshat.com/vb/images/misc/progress.gif
ابوابرااهيم
29/03/2009, 12:04 PM
حيا الله كل باسمه .. شلونكم شعلومكم .. والله الجو يفتح النفس ..




ابو بدر .. انا اتفق معك وبقوه .. ان شا الله تستمر الاجواء امطار وغيوم ..


انا بالنسبه لي ان شا الله ماعندي مشكله .. لكن عندي شغله بسيطه .. ابدخل السياره الصيانه


ان شا الله .. بس المشكله مع هالدوام مدري يمديني ولا لا .. لكن ان شا الله اننا معكم ..



تحياتي

الحمدلله أمطار خير وبركة.......
ونشوفك بإذن الله في الكشتة الجاية مع بقية الأعضاء الكرام...لأني اتشرف كثيرا في التعرف على اعضاء الرابطة الاعزاء,,,,,,,,,,,,,,ولاتنسا تعطينا معلومات عن الصيانة بالكامل....خبرك عضو جديد هههه

إخواني الكرام ...

بحمد الله و توفيقة ، تم شراء أكسبلورر 2006 لميتد ، اي كامل المواصفات ، بس لدي سؤال ؟

السيارة جاية معاها شاشة نفيقيشن وكالة ، خبركم السيارة جاية من امريكا ، و النفيقيشن الي جاي معاها ما يشتغل بحكم انه السي دي الخاص بها فقط لأمريكا ، سؤال هل في مكان أحصل السي دي حق الملاحة للشرق الاوسط أو الخليج ، و إذا موجود بكم السعر ..

ممكن الرد في حال توفر المعلومة , و الله يجزاكم الجنة ان شاء الله ..


تحياتي ...

اخوكم ..

وليـw@leedـد


http://www.mekshat.com/vb/images/misc/progress.gif

الله يعطيك من خيره ويكفيك شره يااااااااااارب........
راجع الصفحات السابقة من نفس موضوع الرابطة ستجد ما تريد.....
ملحوظة/انا اعتبر هذه الرابطة ((((((((((((قاموس)))))))))))) فعلي لكل شيء عن هذه السيارة العجيبة..............
ولا لالالالالالالالالالالالالالالالالا تنسون طلعة الخميس......عضو جديد ومتحمس ههههه
سلاممممممممممم
woode11
29/03/2009, 01:22 PM
أبو إبراهيم ..

تحياتي لك ,, و جزاك الله خير ,, و الله يبارك فيك ,, و مقدر مساعدتك لي ، بس عملية اني ابحث في الموضوع نفسه الذي يتجاوز 100 صفحة ، اعتقد إنها سوف تأخذ مني اكثر من يومين و انا ابحث في طلبي .. عموما جزاك الله الجنة أخي أبو إبراهيم و سهلت علي المهمة بأن ابحث في هذه الرابطة فقط ..

أخوك ...

وليـw@leedـد
الفتى سندباد
29/03/2009, 02:52 PM
اولا ... مبروك ها الامطار

ثانيا ... ايش رايكم بطلعه يوم الخميس القادم


تحياتي
القاصي1
ابو بدر

فكرة أكثر من رائعة يا أبوبدر
وسجلني معك خوي بإذن الله
أبومشاري2008
29/03/2009, 06:46 PM
أبو إبراهيم ..

تحياتي لك ,, و جزاك الله خير ,, و الله يبارك فيك ,, و مقدر مساعدتك لي ، بس عملية اني ابحث في الموضوع نفسه الذي يتجاوز 100 صفحة ، اعتقد إنها سوف تأخذ مني اكثر من يومين و انا ابحث في طلبي .. عموما جزاك الله الجنة أخي أبو إبراهيم و سهلت علي المهمة بأن ابحث في هذه الرابطة فقط ..

أخوك ...

وليـw@leedـد

أتمنى ان يفيدك هذا الرابط
http://www.mekshat.com/vb/showthread.php?t=164187&page=89
ابوابرااهيم
29/03/2009, 09:20 PM
ياشباب الرابطة الاكسبلورر....نقول شباب عشان مايزعل البعض....ههههه

وش رأيكم تكون طلعة الخميس الى الشوكي..جهة تمير......

أعرف بعض الشباب هناك يمدحون الربيع كثير....وجايهم سيل وامطار طيبة....

وانتم على هواكم........سلاممممممممممم
Explorer2007
29/03/2009, 09:33 PM
يا هلا بك ابو ابراهيم .. شباب شيبان ماتفرق ههههههههههه يالله حسن الخاتمه :D

اقتراح جيد .. مايمنع .. نشوف الاقتراحات وتعليقات الشباب وان شا الله خير ..

الله يعافيك ويسلمك
ابوعبدالله 2
29/03/2009, 10:34 PM
ياشباب الرابطة الاكسبلورر....نقول شباب عشان مايزعل البعض....ههههه



وش رأيكم تكون طلعة الخميس الى الشوكي..جهة تمير......


أعرف بعض الشباب هناك يمدحون الربيع كثير....وجايهم سيل وامطار طيبة....



وانتم على هواكم........سلاممممممممممم


الي عايف سيارته يروح للشوكي كله حصيان تكسر السيارات ارى والرأي لكم ان تكون بالتنهات من فجر الخميس قبل طلوع الشمس علشان تلقون مكان نظيف وزين والرجاء عدم( التأخير عدم التأخير عدم التأخير )حتى منها نشوف هالأمطار على الطريق وتكون رحله جيده هذا رأيي والرأي السديد لكم شدو حيلكم بس اجزمو بارك الله فيكم 0 تحياتي لكم والرساله تراها وصلت على جوالي ومشكور
Explorer2007
29/03/2009, 11:40 PM
الي عايف سيارته يروح للشوكي كله حصيان تكسر السيارات ارى والرأي لكم ان تكون بالتنهات من فجر الخميس قبل طلوع الشمس علشان تلقون مكان نظيف وزين والرجاء عدم( التأخير عدم التأخير عدم التأخير )حتى منها نشوف هالأمطار على الطريق وتكون رحله جيده هذا رأيي والرأي السديد لكم شدو حيلكم بس اجزمو بارك الله فيكم 0 تحياتي لكم والرساله تراها وصلت على جوالي ومشكور





بارك الله فيك يابو عبدالله .. والله اني مانيب اعرف الشوكي زين .. عاد ما شا الله انت الدليله مايحتاج ..

ونعم الرأي .. وانا أؤيد واشد على يدك .. الصمله وعدم التأخير .. وافضل تكون الفجر قبل طلوع الشمس

انا موافق وبشده .. عاد نبي نشوف الباقين .. خلونا نرتب هالطلعه مضبوط .. بحكم والله اعلم احتمال تكون

اخر طلعه .. مادري على اساس ان الصيف ع الابواب .. بارك الله فيك يابو عبدالله ..

ونبي نشوف الشباب ان شا الله ..
ابوعبدالله 2
29/03/2009, 11:48 PM
على كل حال الفرصه متاحه للجميع يقول رأيه وأخر فرصه يوم الثلاثاء لأبداء الرأي علشان نشوف وش حنا عليه الرجاء من الجميع ابداء رأيه وليكن عاجل ويجب على الجميع التفاعل مع رأي أخوي اكسبلورر 2007 نبي هالطلعه تاريخيه هاه وش رايكم عجلو يالربع
الفتى سندباد
30/03/2009, 01:55 AM
فيه إقتراح من أبوطلال (فارس الديرة)
تكون الطلعة لجهة شقراء (المكان الذي سبق للرابطة زيارته)
وإن كان لدى الشباب رغبة في المبيت لا بأس وننتظر رد باقي الشباب

أو نتفق مع رأي أبوعبدالله لجهة روضة التنهات سواء بمبيت أو إلى آخر الليل

والله يكتب ما فيه الصالح للجميع
الجلكسي
30/03/2009, 02:28 AM
الاخوان الشباب رابطة ملاك المستكشف(Explorer)

الحمد لله زانت الامور ونويت اشتري سيارة من فورد لكن والله محتار ما بين الاكسبلورر والاكبدشن . ايهم اطلع للبر والطعوس(الله واكبر يا الطعوس اللي عندنا بالشرقية)

وودي اعرف وش الفرق ما بين السعودي و وارد الامريكي؟؟

الله يبارك فيكم لا تخلوني ؟ اذا في احد من اهل الشرقية يا ريت يواصلني على الايميل
ahmedanazi@yahoo.com

ولكم تحياتي
ولد الخليج
الفتى سندباد
30/03/2009, 10:20 AM
الاخوان الشباب رابطة ملاك المستكشف(Explorer)

الحمد لله زانت الامور ونويت اشتري سيارة من فورد لكن والله محتار ما بين الاكسبلورر والاكبدشن . ايهم اطلع للبر والطعوس(الله واكبر يا الطعوس اللي عندنا بالشرقية)

وودي اعرف وش الفرق ما بين السعودي و وارد الامريكي؟؟

الله يبارك فيكم لا تخلوني ؟ اذا في احد من اهل الشرقية يا ريت يواصلني على الايميل
ahmedanazi@yahoo.com

ولكم تحياتي
ولد الخليج

حياك الله يالغالي بين أخوانك أعضاء الرابطة

بالنسبة للأكسبلورر والاكسبيديشن عيال عم
وبما أنك حددت رغبتك بموتر يكون مناسب للبر والطعوس
فمن وجهة نظري المتواضعة أرى "الأكسبلورر" الاختيار الأنسب
بحكم حجمه الانسيابي ولا يقلل ذلك من إمكانيات الاكسبيديشن في الطعوس

ولا أنصحك أبداً بإقتناء سيارة استخدام أمريكي إلا إذا كانت موثوقة
ومطابقة لمواصفات ومقاييس الأجواء السعودية والأهم لا تكون 8 سلندر

الله يسمح أمرك لما فيه الخير ونراك عضواً معنا بالرابطة
سعد الاحمد
30/03/2009, 12:09 PM
فكرة جميلة الطلعة يوم الخميس وانا معكم ان شاء الله ..
واتمنى ان لا يخدعنا الجو ويهب علينا العج والغبار :( ..
<<<< مولود في فرنسا ..:D
Explorer2007
30/03/2009, 12:26 PM
اخوي ابو عبدالله الله يعطيك العافيه .. ماقصرت كفيت ووفيت .. طيب .. انا بالنسبه لي


ماهنا ذاك الزود بالاماكن .. لكن المشكله الربيع هالسنة تحسه مدري شلون قايل ..


تجيه قبل اسبوعين وش زينه بعده ماتلقاه ماكنك جيت هالمكان ابد .. لكن ننتظر الباقين ان شا الله بالاقتراحات


-------------


ابو احمد .. ياهلا والله وغلا .. بالنسبه لإقتراح ابو طلال انا ماعندي فيه مشكله .. بس بالنسبه للبعض


يعني المكان تم زياته من قبل .. فإذا ماعندكم مشكله ماعندي مشكله .. واذا ودكم تجديد يكون احسن


بالنسبه للمبيت مدري ما احسها مناسبه .. لكن مادري عن الباقين ابد على راحتكم .. بس بالنسبه لي


ماعتقد اني راح اقدر ابيت لو تم الاتفاق على المبيت .. ولتكن من بعد صلاة الفجر لحد اخر الليل


ومايمنع يكون في برامج او شغلات عشان الوقت الغالب بيقول طويل وش نسوي من الفجر لآخر الليل


طيب الحين عندنا شقراء وعندنا التنهات .. نشوف الباقين ونرسي على الاختيار بإذن الله غدا على قول


اخوي ابو عبدالله ويتم ذلك بالتصويت والاتفاق جميعا على المكان .. ماقصرت كفيت ووفيت


--------------


ابو بدر الاحمد .. الله يرجك ضحكتني على سالفة فرنسا :D .. يا هلا بك والله .. بإذن الله ان شا الله بتكون


الاجواء مناسبه ويازين لو يجي معها غيم ومطر تكمل .. ان شا الله على قول ابو عبدالله نبيها طلعه تاريخيه


لأنه والله اعلم مثل ما قلت ربما تكون اخر طلعه لأن الصيف على الابواب .. وهالاسبوع مناسب بإذن الله


خصوصا مع نزول درجات الحراره .. حياك يابو بدر ..


--------------


انا بالنسبه لي بإذن الله سيارتي اليوم العصر ابوديها للصيانه وان شا الله تكون جاهزه في الغد صباحا ً


بالنسبه للإعضاء الصاملين بإذن الله


1- ابو عبدالله
2- ابو بدر
3- ابو بدر الاحمد
4- ابو احمد
5- ابو ابراهيم على كلامه معنا
6- ابو طلال بناءا ً على اقتراحه
7- محدثكم E7


وان شا الله نشوف الباقين بعد .. والله يجعلها جمعة خير ان شا الله


تحياتي لكم وماقصرتوا
الفتى سندباد
30/03/2009, 01:33 PM
بالنسبة لي أؤيد طلعة التنهات
من الساعة 8:00 صباحاً حتى الليل


واللي تتفقون عليه أنا معكم بإذن الله
ابوعبدالله 2
30/03/2009, 01:39 PM
يالربع وين الناس مافيه تفاعل وش دعوه ترا التنهات افضل مكان ارى وأذا خليناها كلن يقول الي تشوفونه راح الوقت ولا اتفقنا نسيتو انا عرب نحب الأتفاق على طول او بس نبي نطلع وش رايكم الي تشوفونه اجزمو الله يعطيكم العافيه واتحدو ترا بالأتحاد قوه هههههههههههههههههه عجلو علينا ياناس وأذا الجو صار فيه غبار ابي اعزمكم على حسابي بالفور سيزنس وش قلتو هاه
Explorer2007
30/03/2009, 01:53 PM
بالنسبة لي أؤيد طلعة التنهات

من الساعة 8:00 صباحاً حتى الليل



واللي تتفقون عليه أنا معكم بإذن الله





حياك يابو احمد .. ماتحس انها لو كانت عقب الفجر مباشره ماتكون احلى ؟!!

انا بصراحه افضل انها عقب صلاة الفجر .. مادري عن الباقين
Explorer2007
30/03/2009, 01:58 PM
يالربع وين الناس مافيه تفاعل وش دعوه ترا التنهات افضل مكان ارى وأذا خليناها كلن يقول الي تشوفونه راح الوقت ولا اتفقنا نسيتو انا عرب نحب الأتفاق على طول او بس نبي نطلع وش رايكم الي تشوفونه اجزمو الله يعطيكم العافيه واتحدو ترا بالأتحاد قوه هههههههههههههههههه عجلو علينا ياناس وأذا الجو صار فيه غبار ابي اعزمكم على حسابي بالفور سيزنس وش قلتو هاه



هههههههههههههههههههههههه الله يرجك يابو عبدالله ..

والله تبي تشوف وشلون العرب .. تابع العربيه الحين .. اللهم لا شماته ماعلينا الحين ..

هو عرفت كل واحد وده يقول وماوده .. مدري تعرف الاعضاء ما شا الله حياويين كلن يستحي :D

بالنسبه لي يابو عبدالله ماعندي مشكله .. لكن جهة شقراء اتوقع واعتقد والعلم عند الله انه بيكون فيها شي طيب

انا اتذكر قد طلعوا اخوياي من فتره الظاهر بدايات الشتاء والامطار .. كان فيها شي يسر العين

بحر وسيول يالله من فضلك .. حنا اول شي يهمنا المكان يكون زين ويكون فيه طبيعه

والاهم متابعة حالة الجو عشان نعرف لو في عج ونعرف وين جهة السحب والغيوم

الله يكتب اللي فيه الخير .. انا موافق على اي شي ههههههههههه معاهم معاهم عليهم عليهم

انا يعرفوني اخويا اخوي ما شا الله ماعندي ريوس ابد اي شي قداام بإذن الله
الفتى سندباد
30/03/2009, 02:14 PM
يالربع وين الناس مافيه تفاعل وش دعوه ترا التنهات افضل مكان ارى وأذا خليناها كلن يقول الي تشوفونه راح الوقت ولا اتفقنا نسيتو انا عرب نحب الأتفاق على طول او بس نبي نطلع وش رايكم الي تشوفونه اجزمو الله يعطيكم العافيه واتحدو ترا بالأتحاد قوه هههههههههههههههههه عجلو علينا ياناس وأذا الجو صار فيه غبار ابي اعزمكم على حسابي بالفور سيزنس وش قلتو هاه


والله "فور سيزنس" يغري يا أبوعبدالله :looney:
الفتى سندباد
30/03/2009, 02:18 PM
[/center]




حياك يابو احمد .. ماتحس انها لو كانت عقب الفجر مباشره ماتكون احلى ؟!!



انا بصراحه افضل انها عقب صلاة الفجر .. مادري عن الباقين


طلعة بعد الفجر رائعة لكن بتكون صعبة على الكثير وأنا أولهم :D
الشىء الثاني ما تجي صلاة المغرب إلا الشباب كلهم طافين يدورون النومة

والرأي رأي الجماعة اللي يتفقون عليه احنا معهم بإذن الله
Explorer2007
30/03/2009, 02:59 PM
طلعة بعد الفجر رائعة لكن بتكون صعبة على الكثير وأنا أولهم :D

الشىء الثاني ما تجي صلاة المغرب إلا الشباب كلهم طافين يدورون النومة


والرأي رأي الجماعة اللي يتفقون عليه احنا معهم بإذن الله




اهااااا .. ايه قل كذا من اول يابو احمد :D .. حطيتها في الشباب الله يهديك :p

عموما ابد اللي تشوفونه .. هي اصلا كذا ولا كذا موب جاي المغرب الا انت مدروخ وتبي المخده

طبعا ما استبعد في ناس بتقيل على العصر او الظهر عادي جدا وطبيعي :D

مايقصد نفسه ابد :rolleyes:

ابد اللي تشوفونه
ensaaan
30/03/2009, 03:00 PM
ياهلا والله بالغوالي

ايه والله في الهلال قوه زي ماقال ابو عبدالله :D

وانا مبدئيا معكم اذا قدرت اتخلص من بعض الظروف
يوم الخميس والإرتباطات
لكن بحول الله معكم

وأحبذ ان تكون الطلعه من الصباح
وليس من قبل الفجر

والمكان انتو ابخص واحنا معكم على الحلوه والمره

تحياتي للجميع

الإنسان
أبو الجوهرة
Explorer2007
30/03/2009, 03:08 PM
ياهلا والله بالغوالي


ايه والله في الهلال قوه زي ماقال ابو عبدالله :D

وانا مبدئيا معكم اذا قدرت اتخلص من بعض الظروف
يوم الخميس والإرتباطات
لكن بحول الله معكم

وأحبذ ان تكون الطلعه من الصباح
وليس من قبل الفجر

والمكان انتو ابخص واحنا معكم على الحلوه والمره

تحياتي للجميع

الإنسان

أبو الجوهرة




ياهلا والله بأبو الجوهرة .. اييييه بدييينا الحين الهلال والاتحاد عاد التعصب الله يكفيك شره

اشوا اني اتابع الدوريات الاوروبيه ولا علي من المطرسه ..

حياك والله يابو الجوهرة .. ان شا الله انك تبي تطلع معنا بإذن الله ..

الصباح الصباح .. بعد الفجر بعد الفجر .. ابد اللي تبونه .. فصلوا وحنا نلبس

زين الحين عدد الاعضاء :

1- ابو عبدالله
2- ابو بدر
3- ابو بدر الاحمد
4- ابو احمد
5- ابو ابراهيم .. بناءا ً على كلامه
6- ابو طلال .. بناءا ً على اقتراحه
7- محدثكم E7
8- أبو الجوهرة .. يعتمد على حسب مايخلص ارتباطاته

تحياتي لكم
ابوابرااهيم
30/03/2009, 03:22 PM
السلام عليكم ياشباب.....والله اني احبكم في الله جميعا....ردودكم تظهر مدى الترابط الجميل بينكم؛؛؛؛؛؛؛

يالله توكلوا على الله........انا معكم بإذن الله.........

اللي تبون---------التنهات-الشوكي--------الوشم......

لا ويمدحون المناطق اللي جهة المجمعة...........اهم شيء نكون مجتمعين ومتوحدين ......

هاااااا وش قلتوا............سلامممممممممممم
woode11
30/03/2009, 05:38 PM
أتمنى ان يفيدك هذا الرابط
http://www.mekshat.com/vb/showthread.php?t=164187&page=89


بيض الله وجهك يا أخوي @ أبو مشاري @ و مين يسمع ... و شاكر و مقدر لك التعاون الاخوي ..


اخوك ..

وليـW@LEEDــد
سعد الاحمد
30/03/2009, 05:50 PM
عندي خبرية بقولها وبروح لاني مستعجل ..


ابومشاري2008 .. بيطلع معنا ان شاء الله .. لانه وصاني عن طريق الجوال (رسالة) وقال رد بالنيابة عني لانه مشغول ما يقدر يدخل على النت ..


وايضاً .. اخونا الغالي هاوي بر (ابوابراهيم) .. قال لي انه معنا ... وانا هنا ارد بالنيابة عنه ..


يعني سجلوا اثنين سكر زيادة .. :D
القاصي1
30/03/2009, 05:54 PM
سلام عليكم
بما ان لكل عضو ..حرية إبداء رأيه
فانا اقول
من صلاة العصر الى حدود الساعه 11-12
ويكون المكان الثمامه او حواليها
والسبب
ودنا بالاجتماع ، لكن الجو هاليومين مش مضمون .



تحياتي
Explorer2007
30/03/2009, 05:55 PM
عندي خبرية بقولها وبروح لاني مستعجل ..


ابومشاري2008 .. بيطلع معنا ان شاء الله .. لانه وصاني عن طريق الجوال (رسالة) وقال رد بالنيابة عني لانه مشغول ما يقدر يدخل على النت ..

وايضاً .. اخونا الغالي هاوي بر (ابوابراهيم) .. قال لي انه معنا ... وانا هنا ارد بالنيابة عنه ..


يعني سجلوا اثنين سكر زيادة .. :D




هههههههههههههههههههههههههههه الله يرجك يابو بدر .. واثنين سكر زياده ياهلا ومسهلا والله فيهم

عدد الاعضاء الان :
1- ابو عبدالله
2- ابو بدر
3- ابو بدر الاحمد
4- ابو احمد
5- ابو ابراهيم .. بناءا ً على كلامه
6- ابو طلال .. بناءا ً على اقتراحه
7- محدثكم E7
8- ابو مشاري 2008
9- هاوي بر ( ابو ابراهيم )

يعطيك العافيه يابو بدر
Explorer2007
30/03/2009, 05:58 PM
سلام عليكم

بما ان لكل عضو ..حرية إبداء رأيه
فانا اقول
من صلاة العصر الى حدود الساعه 11-12
ويكون المكان الثمامه او حواليها
والسبب
ودنا بالاجتماع ، لكن الجو هاليومين مش مضمون .



تحياتي




افاااا وش بلاك يابو بدر .. الحين الاعضاء متحمسين وابو عبدالله يقول نبيها تاريخيه ..

لا ان شا الله ان الاجواء زينه بإذن الله عموما الى الاربعاء يتبين ان شا الله معنا كل شي ..
فارس الديره
30/03/2009, 06:24 PM
السلام عليكم ورحمة الله وبركاته ويالله تحيي الجميع وماشاء الله عليكم مبدعين أراء وأقتراحات وردود ..... ايه كذا نبيكم .
بالتوفيق إن شاء الله ........... المهم العزيمة والتوكل على الله .......... لأن اذا كثرت الأختيارات أحتاروا الشباب .
بالتوفيق واللي تشوفونه ............إن شاء الله معكم .

كل الشكر لرئيس ومؤسس الرابطة وباقي الأعضاء الفاعلين في الربطة .

اخوكم
ابو طلال
ensaaan
30/03/2009, 07:13 PM
هههههههههههههههههههههههههههه الله يرجك يابو بدر .. واثنين سكر زياده ياهلا ومسهلا والله فيهم

عدد الاعضاء الان :
1- ابو عبدالله
2- ابو بدر
3- ابو بدر الاحمد
4- ابو احمد
5- ابو ابراهيم .. بناءا ً على كلامه
6- ابو طلال .. بناءا ً على اقتراحه
7- محدثكم E7
8- ابو مشاري 2008
9- هاوي بر ( ابو ابراهيم )

يعطيك العافيه يابو بدر



أيها المؤسس

مو كنك نسيت واحد نفرات:confused: :j [/CENTER]
ابوعبدالله 2
30/03/2009, 07:39 PM
بالنسبه عن الطلعه انا ابي اجيب الخيمه عندي 3في 3 على كيف كيفكم وبعد صلاه الفجر انشاء الله قبل بوابه التنهات ب500 متر على اليمين ابي ادخل شوي واطقها وابي اصلح الحميسه والكبده وقرص البر وحياكم فجر الخميس الدرب ممتاز واضح مايضيع علشان لو صارت شمس نلقى الذرى وش قلتو اخر موعد للتصويت غداً مساءاً الثلاثاء 4/4/1430 علشان ما أرتبط مع احد ودنا بشوفتكم يالربع وانت ابو أحمد نم من بعد صلاه العشاء يوم الأربعاء واشبع نوم علشان ماتتعب طال عمرك ترا الشغله فله حجاج ومن تعب يحط راسه شوي ويريح وانا أخوك عجلو علينا يالربع يالعرب
Explorer2007
30/03/2009, 09:53 PM
أيها المؤسس


مو كنك نسيت واحد نفرات:confused: :j



العذر والسموحه يابو الجوهره حقك علي سقط سهوا ً

1- ابو عبدالله
2- ابو بدر
3- ابو بدر الاحمد
4- ابو احمد
5- ابو ابراهيم .. بناءا ً على كلامه
6- ابو طلال .. بناءا ً على اقتراحه
7- محدثكم E7
8- ابو مشاري 2008
9- هاوي بر ( ابو ابراهيم )
10- انسان ( ابو الجوهرة ) على حسب مايخلص ارتباطاته

حقك علينا يالغالي بس مع الحوسه والتفكير
انا كتبته بالصفحه اللي قبل بس يوم كتبت مره ثانيه
نسخت اللي ماكان فيها اسمك .. حقك علينا
تحياتي لك
Explorer2007
30/03/2009, 09:57 PM
بالنسبه عن الطلعه انا ابي اجيب الخيمه عندي 3في 3 على كيف كيفكم وبعد صلاه الفجر انشاء الله قبل بوابه التنهات ب500 متر على اليمين ابي ادخل شوي واطقها وابي اصلح الحميسه والكبده وقرص البر وحياكم فجر الخميس الدرب ممتاز واضح مايضيع علشان لو صارت شمس نلقى الذرى وش قلتو اخر موعد للتصويت غداً مساءاً الثلاثاء 4/4/1430 علشان ما أرتبط مع احد ودنا بشوفتكم يالربع وانت ابو أحمد نم من بعد صلاه العشاء يوم الأربعاء واشبع نوم علشان ماتتعب طال عمرك ترا الشغله فله حجاج ومن تعب يحط راسه شوي ويريح وانا أخوك عجلو علينا يالربع يالعرب




ايه هذا الكلام يابو عبدالله.. كفووو والله ..

بس ماودنا يابو عبدالله كلن يطلع لحاله .. نبي نجتمع سوا ونطلع سوا موب زينه كذا متفرقين

انا عني مصوت ان شا الله انها تكون كذا مادري عن باقي الشباب ..

الشباب ودهم ينومون ومتخوفين من الجو ..

ننتظر ونشوف
ولد الخليج
31/03/2009, 12:20 AM
جزاك الله خير يا الفتى السندباد على النصيحة.وشاكر لك ردك المتواضع.
الفتى سندباد
31/03/2009, 01:05 AM
وانت ابو أحمد نم من بعد صلاه العشاء يوم الأربعاء واشبع نوم علشان ماتتعب طال عمرك ترا الشغله فله حجاج ومن تعب يحط راسه شوي ويريح وانا أخوك عجلو علينا يالربع يالعرب


:D ههههههههه :D
فيه مباراة المنتخب بعد العشاء يا أبوعبدالله
"كلنا مع الأخضر" وأنا أخوك

علشان كذا أنا أشوفها صعبة تكون من بعد الفجر
لكن أن صملوا الشباب على بعد الفجر أحنا معكم
وما نخالف رأي الجماعة ونكملها نومة هناك :o
الفتى سندباد
31/03/2009, 01:08 AM
جزاك الله خير يا الفتى السندباد على النصيحة.وشاكر لك ردك المتواضع.

وإياك والسامعين والمسلمين أجمعين
هذا واجبنا وأنا أخوك والله يوفقك في اختيارك
ابوابرااهيم
31/03/2009, 08:52 AM
ياشباب ....السلام عليكم.وصباح الخير؛؛؛؛؛؛

هذا اول سؤال فني لي عن السيارة.....

الموديل اللي معي 2008م...اذا ضغطت على الريموت عشان يفتح السيارة تولع الانوار الصغيرة للسيارة الداخلية والخارجية،

السؤال/كيف ألغي فتح الأنوار الخارجية فقط؟؟؟؟ اقصد ان الريموت يفتح السيارة ولا يولع اللمبات؟

ياليت اللي يعرف طريقة ما يفيدني.........سلامممممممممممممم
هاوي بر12
31/03/2009, 09:19 AM
السلام عليكم ورحمة الله وبركاته........؛

أصبح على الجميع بلا استثناء وكان لانقطاعي بعض الظروف وانا معاكم قلبا وقالبا

وطلعة الخميس سجلونا معكم....لاتنسون,,,,وخاصة وان ابوعبدالله مواعدنا بالفور زيسن...ومع مين مع ابواحمد؛هلا والله

وارحب بالضيوف الجدد للرابطة فالرابطة ملك للجميع.....فلولا اعضائها لما قامت واستمرت بهذا الشكل<<<<<<<<<<<<<<<<
الفتى سندباد
31/03/2009, 09:46 AM
السلام عليكم ورحمة الله وبركاته........؛



أصبح على الجميع بلا استثناء وكان لانقطاعي بعض الظروف وانا معاكم قلبا وقالبا


وطلعة الخميس سجلونا معكم....لاتنسون,,,,وخاصة وان ابوعبدالله مواعدنا بالفور زيسن...ومع مين مع ابواحمد؛هلا والله



وارحب بالضيوف الجدد للرابطة فالرابطة ملك للجميع.....فلولا اعضائها لما قامت واستمرت بهذا الشكل<<<<<<<<<<<<<<<<


حياالله أبوإبراهيم
أنا حاجز مكان بالفور سيزنس من الحين :D
ابوابرااهيم
31/03/2009, 07:56 PM
ياشباب ....السلام عليكم.وصباح الخير؛؛؛؛؛؛



هذا اول سؤال فني لي عن السيارة.....


الموديل اللي معي 2008م...اذا ضغطت على الريموت عشان يفتح السيارة تولع الانوار الصغيرة للسيارة الداخلية والخارجية،


السؤال/كيف ألغي فتح الأنوار الخارجية فقط؟؟؟؟ اقصد ان الريموت يفتح السيارة ولا يولع اللمبات؟


ياليت اللي يعرف طريقة ما يفيدني.........سلامممممممممممممم



؟؟؟؟؟؟؟؟؟؟؟؟؟؟؟
Explorer2007
31/03/2009, 08:06 PM
؟؟؟؟؟؟؟؟؟؟؟؟؟؟؟




هلا بك اخوي ابو ابراهيم حياك .. والله على حسب علمي انه لا توجد طريقه لإلغاء النور الخارجي

بالنسبه للداخلي ممكن انك تطفيه ومايشتغل والطريقه شفت فتحت الهواء حقت المكيف اللي عند السواق

تحت في مثل الفرار صغير يتحكم لك بإضاءة العدادات والنور الداخلي

تحياتي لك ..

-----------------

هام ياشباب هاه وش اتفقتوا عليه عطونا العلم عشان نرتب ونوزع المهام
والوقت ومكان الاجتماع ..
ابوابرااهيم
31/03/2009, 08:53 PM
هلا بك اخوي ابو ابراهيم حياك .. والله على حسب علمي انه لا توجد طريقه لإلغاء النور الخارجي

بالنسبه للداخلي ممكن انك تطفيه ومايشتغل والطريقه شفت فتحت الهواء حقت المكيف اللي عند السواق

تحت في مثل الفرار صغير يتحكم لك بإضاءة العدادات والنور الداخلي

تحياتي لك ..

-----------------

هام ياشباب هاه وش اتفقتوا عليه عطونا العلم عشان نرتب ونوزع المهام
والوقت ومكان الاجتماع ..[/center]
ششششششششششكرا على هذه المعلومات الجميلة.......
هاوي بر12
31/03/2009, 09:11 PM
هام ياشباب هاه وش اتفقتوا عليه عطونا العلم عشان نرتب ونوزع المهام
والوقت ومكان الاجتماع ..[/center]

ههههههه

متحمس يالمؤسس، على العموم

اعتمد

اعتبرني اول المؤيدين والواصلين للموقع اللي تحددونه

والظاهر ان الهواء شمالي...الله يعدينا شره
القاصي1
31/03/2009, 09:18 PM
وأنــــــــــــــــا بإذن الله معكم


بس تكفون لا تبعدون

القاصي1
ابوعبدالله 2
31/03/2009, 10:27 PM
يلله يالمؤسس شف شغلك وانا اخوك رتب بدون حيا قل الي تبيه المكان والزمان الشباب شكلهم متفقين وانت يالقاصي رتب مع اخوانا اكسبلورر2007 حطو الأسماء لكي نتعرف على العدد ولالأحد عذر بعد ذلك شد حيلكم يمال العافيه وحددو لنا مكانكم والبرنامج ولكم تحياتي
أبومشاري2008
01/04/2009, 12:19 AM
وأنــــــــــــــــا بإذن الله معــــــكم
Explorer2007
01/04/2009, 12:37 AM
السلام عليكم .. ما شا الله عليك يابو بدر .. وانا معكم ماكنك الرئيس وانا خوك :D

تعال الله يهديك نسق ورتب معي .. بعدين وين المنسق الاعلامي حقنا ووين الحركات وين الشاهي وين الماهي :D

هاوي بر ( ابو ابراهيم ) ضحكتني وانا خوك .. اي والله متحمس لأنها بتكون اخر طلعه وشفق على طلعة

تكون زينه وممتازه .. الله يكتب اللي فيه الخير ..

ابو بدر وراك ياخوي متروع لا تبعدون ومدري وشو .. وش عندك وانا خوك ؟!

ابو عبدالله .. ولايهونون الجميع .. هذي قائمة الاعضاء لحد الان :

1- ابو عبدالله
2- ابو بدر
3- ابو بدر الاحمد
4- ابو احمد
5- ابو ابراهيم .. بناءا ً على كلامه
6- ابو طلال .. بناءا ً على اقتراحه
7- محدثكم E7
8- ابو مشاري 2008
9- هاوي بر ( ابو ابراهيم )
10- انسان ( ابو الجوهرة ) على حسب مايخلص ارتباطاته

وبالنسبه للمكان .. فما يحتاج يعني ما شا الله انت اخبر مننا بالاماكن الزينه

لكن شف لك حل مع ابو بدر يقول لاتبعدون .. اذا ماراح نبعد وشوله نطلع من الفجر وانا خوك

الحين ابي منكم اتفاق جمعي على المكان والوقت .. انا عني ماعندي مشكله

اللي تبون .. لو تبون نروح دبي ونعود ماعندي مشكله :D

لنا عوده بس عجلوا علينا عشان نلحق نبلغ الاعضاء ونحط اعلان ..

تحياتي
Explorer2007
01/04/2009, 01:03 AM
يالله عجلوا علينا عشان نعرف وش نبي نجيب ووش الوضع هو غدا وعشا ولا

فطور وغدا وعشا .. ولا وجبه وحده مثل واحد الله يذكره بالخير عنده سياسة تجويع .. وجبه وحده فقط

سواء طلعنا من الصبح او بالليل هي وجبه وحده وبس .. الله يذكره بالخير مسافر الحين ..

ماعلينا ..

بالنسبه لي .. انا بحضر عزبتي كامله .. فيها من الى مع المعاميل الشاهي والقهوه ومستلزماتها .. وذا الدعوه طبخ احد يجيب معه قدر كبير ..

بحضر زوليه معي .. رواق .. قز صغير على علب الغاز الصغيره .. بواقي الحطب من الطلعات السابقه

طبعا ماتكفي نبي زود .. عندي جركل ابو 6 ريال من طلعتي الخميس اللي راح 20 لتر .. وفي عندي جراكل

اذا تبون اعبيها موية واجيبها معي كل جركل 20 لتر بعد مثل حقات زمزم .. عندي منها واجد كبير وصغير

وبس .. واقترح تزيين الشاهي والقهوه تكون هناك يعني مايحتاج نجيب جاهز .. الاشياء الجاهزه

نبي فقط مؤونة الاكل فقط .. يعني خفايف الشاهي والقهوه .. واغراض الطبخ ان كان طبخ ولا شوي

ولا اللي تبون .. اي شي جديد احد يذكرني
القاصي1
01/04/2009, 07:22 AM
نبغى لنا مثل اللي صورته تحت
مثل اللي معنا في الصمان
http://www.mekshat.com/pix/upload02/images96/mk92773_22012009501.jpg

تحياتي
للجميع
ابوعبدالله 2
01/04/2009, 08:01 AM
وانا ابي اجيب الرواق معي والعزبه حقت الطبخ ونبي قطمت رز صغيره من اي نوع والبصل والطماط والفلفل الحار والبطاطس وشوي كوسه من ضمن القطه وابو بدر الأحمد يجيب معه العزبه معه قدر كبير وكلن يجيب معه جركل ما علشان حنا كثيرين ماشاء الله وبالنسبه للهرفي كلن يجيب قطته وناخذه من عند مفرق الطوقي ونقولبه لو تبون هناك ولا فيه ناس يذبحونه عند دوار الحفنه ويقطعونه وش باقي بعد ذكروني بس يالربع الرجاء الرجاء الساعه خمس ونص الوعد عند مفرق الطوقي ولا عذر للمتأخر جزائه سوف يكون عسيرا ههههههههه والسلام ختام حلوه ابو ابراهيم من شيبان الروادو الأولين
سعد الاحمد
01/04/2009, 08:05 AM
صبحكم الله بالخير حبايب ألبي ..


ما شاء الله وش ذا الحماس وحركة فتح وطالبان ..:D


انا ان شاء الله معكم .. بس بصراحة انا ما اقدر اسوق الى التنهات لان عندي اصابة ملاعب ... قصدي رجلي توجعني وامس كنت بالمستشفى والحمد لله اليوم افضل شوي مع العلاج والتدهين والتدليك .. يعني واحد يتبرع ويخليني اركب معه يوصلني ..


من ناحية العزبة .. انا عزبتي كاملة من ادوات طبخ وغيره والشباب عارفينها وهي تكفي اكثر من عشرة رجاجيل بالراحة لانه يوجد بها القدور الكبار والصغار واباريق الشاهي والقهوة وخلافه يعني ما راح ينقصكم شي بإذن الله .. لكن المشكلة في تحميلها من الاستراحة ... مثل ما قلت لكم انا الحين امشي واعرج عندي واحد من الكفرات محبل :D فما اقدر احمل عزبة ولا اسوق مسافة طويلة ... وش الحل ؟؟؟


وفيه اقتراح ثاني يناسبني بصراحة :
تسمحون لي اجيكم على الساعة 11 الصبح بحيث اني اقوم الصبح على راحتي وادهن رجلي وبعدها امشي على راحتي واثبت السرعة على 120 لين اوصلكم ان شاء الله .. وهذه ميزة من ميزات الاكسبلورر انه فيه مثبت سرعة :D ..
ابوعبدالله 2
01/04/2009, 08:11 AM
الله يرجك يابو بدر نسويلك انزال جوي وكماندوز ونخطفك من مكانك ونذهب فيك لجهه غير معلومه وبعد فتره نطلعك بشريط ونقول لهلك نبي ريالين ونطلق صراحه هههههههههههه
سعد الاحمد
01/04/2009, 09:17 AM
الله يرجك يابو بدر نسويلك انزال جوي وكماندوز ونخطفك من مكانك ونذهب فيك لجهه غير معلومه



أويلاه بس يا ابو عبدالله ... لها الدرجة انا مهم :D يا حبي لك
سعد الاحمد
01/04/2009, 09:18 AM
رابط للإفادة عن طلعة بكرة .. :D

http://www.mekshat.com/vb/showthread.php?t=198488 (http://www.mekshat.com/vb/showthread.php?t=198488)
الفتى سندباد
01/04/2009, 09:22 AM
ما شاء الله الشباب متحمسين وما هي غريبة هذه عوايد الشقردية
بس ودنا أحد الشباب يتكرم علينا ويضع برنامج للطلعة بحيث يكون
كل شىء واضح لنا عن "وقت ومكان الاجتماع - الموقع - وقت العودة"


والله يكتب ما فيه الخير للجميع
سعد الاحمد
01/04/2009, 09:55 AM
اعتبرني اول المؤيدين والواصلين للموقع اللي تحددونه




.....؟؟؟؟....
:D :D :D
الفتى سندباد
01/04/2009, 10:19 AM
8 8 8 8 8 8 8 8 8 8 8

:D ههههههههههههه الله يرجك يا أبوبدر :D
ابوعبدالله 2
01/04/2009, 11:15 AM
يالربع عطونا الزبده وش العلم تراني مرتبط مع ناس وعطيتهم اخر فرصه اليوم الاربعاء بعد صلاه الظهر اوكي او لا علمونا وينك يالمؤسس وينك يابو بدر (القاصي ) عطونا العلم وسوو البرنامج وتعتبر أخر مشاركه لي
Explorer2007
01/04/2009, 02:41 PM
السلام عليكم .. كان ودي اسوي لكم مقلب واقول الطلعه انلغت هماهم يقولون كذبة ابريل .. وحنا في ابريل


شكله بينجلد <<< :D ... مساكم الله بالخير كلن باسمه ..


الاعلان النهائي والبرنامج المقترح لطلعة رابطة المستكشف يوم الخميس بإذن الله تعالى 6 \ 4 \ 1430 هـ الموافق 2 \ 4 \ 2009 م ..


وطبعا حطيت الميلادي عشان ماحد يتعذر ويقول مدري .. اللهم بلغت اللهم فاشهد .. بسم الله على بركة الله


اول شي اعضاء الرحلة بإذن الله .. واللي يجي تالي رجاءا ً يسجل اسمه عشان نضيفه .. وبالنسبه للأعضاء


اللي عندهم ظروف او قالوا ان شا الله وعلى حسب رجاء يقرون الموضوع ويعطون الاوكيه عشان نعتمد


الاعضاء :


1- ابو عبدالله
2- ابو بدر
3- ابو بدر الاحمد
4- ابو احمد
5- ابو ابراهيم .. بناءا ً على كلامه
6- ابو طلال
7- محدثكم E7
8- ابو مشاري 2008
9- هاوي بر ( ابو ابراهيم )
10- انسان ( ابو الجوهرة ) على حسب مايخلص ارتباطاته


بالنسبه لأغراض الطلعه :


الرجاء من كل شخص يحضر ماعنده من ادوات يمكننا الاستفاده منها
رواق خيمه عزبه اي شي ممكن يجيبه معه .. لأن الاغراض هذي بإذن الله


راح تفيدنا في حالة لاسمح الله لو انقلب ضدنا الجو ولأي طاريء .. كلن يجيب


مايخالف زيادة الخير خيرين ..


الاجتماع سيكون بإذن الله في تمام الساعه 5:45 صباحا ً عند مقابل محطة خزام على اليمين


مثل القافله .. وسيكون بإذن الله الى الساعه 6:30 صباحا ً الانتظار بحد اقصى


حتى يتم التجمع ومن ثم الانطلاق بإذن الله ..


بالنسبه لمكان الجلوس .. سيتم تحديده في حال الاجتماع نظرا لقرب الاماكن


بمكان الاجتماع سواء روضة الخفس او الطوقي او الاماكن المحيطه ..


ستكون الطلعه بإذن الله الى اخر الليل .. وعلى حسب الجو .. يعني الطقس اقصد


موب جو الجلسه لأن اللي بيمشي بدري لايلوم الا نفسه ابجيب معي سوط :D


اوخص يالقوي <<


بالنسبه لما اسلفت عن الاغراض الرجاء كل واحد يجيب معه كل شي ممكن


نستفيد منه زوالي مراكي كل شي .. واهم شي الماء مثل ما قال اخوي ابو عبدالله


انا عني لدي جراكل راح اجيب معي ان شا الله 4 جراكل كل جركل 20 لتر ماء


عزبتي كذلك .. وبالاضافه الى رواق راح اجيبه ان شا الله


بالنسبه للشاهي والقهوه .. راح نزينها بإذن الله هناك .. الفطور كذلك والغداء والعشاء بإذن الله


طبعا القطه حقت الهرفي غالبا من 120 الى 150 تحدد لاحقا ً


الحطب سيكون من عند خزام ناخذه ان شا الله ..


طيب بقت الآن اغراض الطبخ وان شا الله انها عند ابو بدر الاحمد .. لكن بما


ان عنده اصابه نبي نشوف وش اخر التطورات ..


هذا مايخص البرنامج المقترح .. اي ملاحظات الرجاء اخبارنا او اي اقتراحات


ارجوا ان تكون الاقتراحات والملاحظات اليوم وبأسرع وقت ..


على اساس نوزع المهام او واحد فينا يتكفل بها ..


انتظر عاد اشوف ردودكم .. تحياتي لكم وان شا الله تكون جمعة خير بإذن الله


ملاحظه بالنسبه للوقت .. ربما يتغير ولا تكون الى اخر الليل
لأن غالب التوقعات تشير الى ان اليوم الخميس سيكون حافل
بإذن الله بالامطار الغزيرة والرعديه والمصحوبه بالبرد بحجم كبير
لذلك حين حدوث اي طاريء لاسمح الله ربما يتغير البرنامج نهائيا ً
والله يكتب لنا ولكم اللي فيه الخير ويحفظنا من كل مكرووه
الفتى سندباد
01/04/2009, 03:42 PM
نشكرك يا أبومساعد على جهدك في وضع البرنامج الرائع

بالنسبة لي أنا وأبومشاري لا نستطيع الحضور من بعد الفجر
وبنكون متواجدين بإذن الله ما بين الساعة 8 - 9 صباحاً
وبأخذ احتياطي من الأغراض بكل ما يتواجد عندي واحطها بالسيارة

وأبلغكم صار اتصال بيني وبين أبوعبدالله ويبلغ الجميع سلامه الحار
ويعتذر عن الحضور بسبب التأخر في وضع برنامج الرحلة وأضطر
أنه يرتبط بموعد آخر .. ولكن بيحاول يلحقنا العصر إذا سمحت الظروف

وأشكرك مرة أخرى يا أبومساعد وأتمنى تحدد شخص لتأمين المؤونة >> متعوب عليها
Explorer2007
01/04/2009, 04:45 PM
**تم تعديل بعض فقرات البرنامج بالاضافه الى اعتذار ابو عبدالله
وهذه اخر قائمة للتحديث**


الاعلان النهائي والبرنامج المقترح لطلعة رابطة المستكشف يوم الخميس بإذن الله تعالى 6 \ 4 \ 1430 هـ الموافق 2 \ 4 \ 2009 م ..


وطبعا حطيت الميلادي عشان ماحد يتعذر ويقول مدري .. اللهم بلغت اللهم فاشهد .. بسم الله على بركة الله


اول شي اعضاء الرحلة بإذن الله .. واللي يجي تالي رجاءا ً يسجل اسمه عشان نضيفه .. وبالنسبه للأعضاء


اللي عندهم ظروف او قالوا ان شا الله وعلى حسب رجاء يقرون الموضوع ويعطون الاوكيه عشان نعتمد


الاعضاء :
1- ابو بدر
2- ابو بدر الاحمد
3- ابو احمد
4- ابو ابراهيم .. بناءا ً على كلامه
5- ابو طلال
6- محدثكم E7
7- ابو مشاري 2008
8- هاوي بر ( ابو ابراهيم )
9- انسان ( ابو الجوهرة ) على حسب مايخلص ارتباطاته


بالنسبه لأغراض الطلعه :


الرجاء من كل شخص يحضر ماعنده من ادوات يمكننا الاستفاده منها
رواق خيمه عزبه اي شي ممكن يجيبه معه .. لأن الاغراض هذي بإذن الله


راح تفيدنا في حالة لاسمح الله لو انقلب ضدنا الجو ولأي طاريء .. كلن يجيب


مايخالف زيادة الخير خيرين ..


الاجتماع سيكون بإذن الله في تمام الساعه 8:00 صباحا ً مقابل محطة خزام على اليمين


مثل القافله .. وسيكون بإذن الله الى الساعه 8:40 صباحا ً الانتظار بحد اقصى


حتى يتم التجمع ومن ثم الانطلاق بإذن الله ..


بالنسبه لمكان الجلوس .. سيتم تحديده في حال الاجتماع نظرا لقرب الاماكن


بمكان الاجتماع سواء روضة الخفس او الطوقي او الاماكن المحيطه ..


ستكون الطلعه بإذن الله الى اخر الليل .. وعلى حسب الجو .. يعني الطقس اقصد


موب جو الجلسه لأن اللي بيمشي بدري لايلوم الا نفسه ابجيب معي سوط :D


اوخص يالقوي <<


بالنسبه لما اسلفت عن الاغراض الرجاء كل واحد يجيب معه كل شي ممكن


نستفيد منه زوالي مراكي كل شي .. واهم شي الماء


انا عني راح اجيب عزبتي كذلك .. وبالاضافه الى رواق راح اجيبه ان شا الله


بالنسبه للشاهي والقهوه .. راح نزينها بإذن الله هناك .. والغداء والعشاء بإذن الله


طبعا القطه حقت الهرفي غالبا من 120 الى 150 تحدد لاحقا ً


الحطب سيكون من عند خزام ناخذه ان شا الله ..


طيب بقت الآن اغراض الطبخ وان شا الله انها عند ابو بدر الاحمد .. لكن بما


ان عنده اصابه نبي نشوف وش اخر التطورات ..


هذا مايخص البرنامج المقترح .. اي ملاحظات الرجاء اخبارنا او اي اقتراحات


ارجوا ان تكون الاقتراحات والملاحظات اليوم وبأسرع وقت ..


على اساس نوزع المهام او واحد فينا يتكفل بها ..


انتظر عاد اشوف ردودكم .. تحياتي لكم وان شا الله تكون جمعة خير بإذن الله



ملاحظه بالنسبه للوقت .. ربما يتغير ولا تكون الى اخر الليل
لأن غالب التوقعات تشير الى ان اليوم الخميس سيكون حافل
بإذن الله بالامطار الغزيرة والرعديه والمصحوبه بالبرد بحجم كبير
لذلك حين حدوث اي طاريء لاسمح الله ربما يتغير البرنامج كليا ً
والله يكتب لنا ولكم اللي فيه الخير ويحفظنا من كل مكرووه
القاصي1
01/04/2009, 05:39 PM
يالربع
اخر كلام
انا ما اقدر احضر الا بعد صلاة العصر
لظروف شرحتها للكسبلورر 2007

وآسف لانه ظرف خارج عن الارادة
سعد الاحمد
01/04/2009, 06:23 PM
تم ان شاء الله .. مع اني زعلان لاني ما شفت ولا رد يقول الحمد لله على السلامة والا يقول خلاص بمرك انا .. واشكر من قام بالاتصال علي للإطمئنان على صحة سعادة حضرتي .. مع اني عارف ان الاتصال كان لأغراض اخرى ولحاجة في نفس يعقوب :D ... ومع ذلك بجي ان شاء الله ...
ensaaan
01/04/2009, 07:07 PM
تم ان شاء الله .. مع اني زعلان لاني ما شفت ولا رد يقول الحمد لله على السلامة والا يقول خلاص بمرك انا .. واشكر من قام بالاتصال علي للإطمئنان على صحة سعادة حضرتي .. مع اني عارف ان الاتصال كان لأغراض اخرى ولحاجة في نفس يعقوب :D ... ومع ذلك بجي ان شاء الله ...




الحمدلله على السلامة يا أبو بدر
ماتشوف شر

وابشر نمرك ونشيلك على الراس

وانا معكم ان شاء الله للحين الضروف مؤاتيه للحضور

مدري وين بقية الأسامي هل أحيطوا علما بالموضوع

اتمنى تبليغ البقيه

وانا بحضر عزبتي والدافور واللي بقدر عليه وبيطيح بين يديني خخخخخخخخخخخخ

يالله الهمه

تحياتي لكم
الإنسان
أبو الجوهرة
الفتى سندباد
01/04/2009, 07:56 PM
تم ان شاء الله .. مع اني زعلان لاني ما شفت ولا رد يقول الحمد لله على السلامة والا يقول خلاص بمرك انا .. واشكر من قام بالاتصال علي للإطمئنان على صحة سعادة حضرتي .. مع اني عارف ان الاتصال كان لأغراض اخرى ولحاجة في نفس يعقوب :D ... ومع ذلك بجي ان شاء الله ...




مين يعقوب هذا :D :D
الفتى سندباد
01/04/2009, 08:01 PM
للإحاطة ولجميع الأعضاء الذي يريدون مشاركتنا برحلة الخميس
نبلغكم بأن موعد الإلتقاء تم تغييره إلى الساعة العاشرة صباحاً
طبعاً عند محطة خزام ويتم تحديد المكان بالمشاورة والتصويت
atamami
02/04/2009, 12:14 AM
ما شاء الله عليكم
اتمنى لكم طلعه موفقه ...
واقول لاخي سعد .. الحمد لله على سلامتك ...
تحياتي للجميع
اخوكم

ابو نواف
wafe
02/04/2009, 01:38 AM
السلام عليكم رابطه مباركه وسياره مبارك اتمنى لكم التوفيق
Gantool
02/04/2009, 06:18 PM
ياشباب ....السلام عليكم.وصباح الخير؛؛؛؛؛؛

هذا اول سؤال فني لي عن السيارة.....

الموديل اللي معي 2008م...اذا ضغطت على الريموت عشان يفتح السيارة تولع الانوار الصغيرة للسيارة الداخلية والخارجية،

السؤال/كيف ألغي فتح الأنوار الخارجية فقط؟؟؟؟ اقصد ان الريموت يفتح السيارة ولا يولع اللمبات؟

ياليت اللي يعرف طريقة ما يفيدني.........سلامممممممممممممم





عزيزي تقدر تحصل البرمجة بالكاتالوج
تقدر تتحكم بكل شي
مثلا تخلي البوري يدق لما تقفل السيارة.

بالكاتالوج
أبو فهد 2020
02/04/2009, 08:53 PM
الأخوة الكرام السلام عليكم ورحمة الله وبركاته ,,ومساكم الله بالخير . أولا وقبل كل شي سلامة أخوي سعد الأحمد :سلامة رجلك وراسك وعينك والله مادرينا عن إصابتك وتكافير ذنوب بحول الله ...الطلعة وترتيباتها مادرينا عنه والله عارفين ليش ؟؟؟ لأنني أتصفح صفحات جيب فورد إكسبلورر مشاكل وحلول وأشارك فيها وعدد ضفحاتها حتى الآن 25 صفحة وأثناء التصفح وجدت الدعوة للقاء والطلعة وهذا مما يشرفنا ولكني لم أتصفح إلا بعد العشاء من يوم الخميس ....يعني طارت الطيور بأرزاقها وما دريت أصلا إن فيه صفحات عددها 113 صفحة تخص ملاك الاكسبلورر ..ولكن لعل في الأمر خيرة ولعل الجايات أكثر من الرايحات ..وطلعة متألقة ومشرقة أتمناها للإخوان وإن شاء الله ترجعون لنا بالسلامة والغنايم ....حفظكم الله /// آآآآآآآآمين .
ضمير المستقبل
02/04/2009, 09:13 PM
وشلون السياره في المطر وفي مستنقعات شوارع الرياض
بيق مان
02/04/2009, 09:56 PM
وشلون السياره في المطر وفي مستنقعات شوارع الرياض

ما عليها سيارة كذا :good:
أو بالاحرى بلدوزر ;)
هاوي بر12
11/04/2009, 02:59 PM
السلام عليكم جميعااااااااا.....................

يا اخوان فيه شيء مهوب طبيعي في المنتدى..........الرابطة تعدت صفحاتها 120 صفحة.....

والحين 113 ؟؟؟؟؟؟؟؟؟؟ فيه شيء غلط في المنتدى!!!!!!!!!!!!!
الآسيف2
11/04/2009, 07:15 PM
السلام عليكم جميعااااااااا.....................

يا اخوان فيه شيء مهوب طبيعي في المنتدى..........الرابطة تعدت صفحاتها 120 صفحة.....

والحين 113 ؟؟؟؟؟؟؟؟؟؟ فيه شيء غلط في المنتدى!!!!!!!!!!!!!









كلامك صحيح .. فيه مشكله نامل ان تحلها ادارة المنتدى
سعد الاحمد
11/04/2009, 07:20 PM
يا خساااااااارة الصفحات اللي انحذفت ..
فيها معلومات مهمة ومفيدة وردود مميزة ..
لكن وش نقول ...
الشكوى على الله ..
خرب سيرفر المنتدى وحاس علينا كل شي ...
سعد الاحمد
11/04/2009, 07:32 PM
هذا رد ادارة مكشات على المشكلة التي حدثت ..

تنويه هام بخصوص الخطأ في قواعد البيانات
السلام عليكم ورحمة الله وبركاته
مساء الخيرات والمسرات
حدثت مشكله فجر اليوم للقرص الصلب الخاص بمكشات والتي أدت إلى حدوث خلل في قواعد البيانات والنسخ الاحتياطيه الخاصه بها أيضا ..
ولتعذر إصلاح الخلل كان لابد من إسترجاع آخر نسخة إحتياطية للمنتدى وكانت بتاريخ 6 / 4 / 2009 م
مما يعني خسارة مواضيع 5 أيام
يؤسفنا ماحدث ونعتذر للجميع عن المواضيع المفقودة والتي لم تكن بإرادتنا .
"قدر الله وماشاء فعل"
وسيتم إن شاء الله مخاطبة مركز البيانات والمعلومات في الولايات المتحدة بخصوص مشكله القرص الصلب وبحث إمكانية تغييره بشكل عاجل ...

وتجدونه على هذا الرابط
http://www.mekshat.com/vb/announcement.php?f=76 (http://www.mekshat.com/vb/announcement.php?f=76)
ensaaan
11/04/2009, 07:38 PM
السلام عليكم جميعااااااااا.....................

يا اخوان فيه شيء مهوب طبيعي في المنتدى..........الرابطة تعدت صفحاتها 120 صفحة.....

والحين 113 ؟؟؟؟؟؟؟؟؟؟ فيه شيء غلط في المنتدى!!!!!!!!!!!!!


شكل فيه مشكله في السيرفر وانحذفت صفحات
ومن أهمها صفحة التقرير حق الطلعه

خساره لكن العوض من عند الله

نتمنى القائمين على هذا المنتدى أن يبادروا بإيجاد حل جذري
لمشكلة التعليق والبطء الشديد والمشاكل والتوقفات اللي جالسه تصير

أعان الله الجميع

تحياتي

الإنسان
هاوي بر12
11/04/2009, 08:56 PM
هذا رد ادارة مكشات على المشكلة التي حدثت ..



تنويه هام بخصوص الخطأ في قواعد البيانات
السلام عليكم ورحمة الله وبركاته
مساء الخيرات والمسرات
حدثت مشكله فجر اليوم للقرص الصلب الخاص بمكشات والتي أدت إلى حدوث خلل في قواعد البيانات والنسخ الاحتياطيه الخاصه بها أيضا ..
ولتعذر إصلاح الخلل كان لابد من إسترجاع آخر نسخة إحتياطية للمنتدى وكانت بتاريخ 6 / 4 / 2009 م
مما يعني خسارة مواضيع 5 أيام
يؤسفنا ماحدث ونعتذر للجميع عن المواضيع المفقودة والتي لم تكن بإرادتنا .
"قدر الله وماشاء فعل"
وسيتم إن شاء الله مخاطبة مركز البيانات والمعلومات في الولايات المتحدة بخصوص مشكله القرص الصلب وبحث إمكانية تغييره بشكل عاجل ...


وتجدونه على هذا الرابط
http://www.mekshat.com/vb/announcement.php?f=76 (http://www.mekshat.com/vb/announcement.php?f=76)

???????????????????????????????????
سيد الجو
11/04/2009, 09:21 PM
السلام عليكم

معليش ياشباب وش احسن كفرات للاكسبلورر 2005


وبكم البواجي حقته ؟ وفلتر القير والقطع الاستهلاكيه لأني شاري الموتر مستعمل وودي اسوي له تغييرات للقطع الاستهلاكيه
سيد الجو
11/04/2009, 09:28 PM
ووشلون اضبط موجات الراديو على موجات المملكه العربيه السعوديه لأن الموتر امريكي


وياليت بعد تعلموني وشلون اخلي درجة الحراره بالدرجه المئويه بدل الفهرنهايت
فارس الديره
12/04/2009, 12:13 AM
يالله تحيي كل واحد بسمه المنتدى وش بلاه مرتفعة حرارته
فارس الديره
12/04/2009, 12:15 AM
افا يعني راحت ردودنا

الله يعين
الفتى سندباد
12/04/2009, 12:24 AM
فقدنا الردود السابقة

الله يعوضنا خير
سحابه
12/04/2009, 01:22 AM
السلام عليكم
ماأطيل عليكم ياأخوان واحد من الزملاء أمتلك 2009 ماشاء الله المهم يسأل عن الستارة التي تحمي الأغراض في الشنطة مثل التي تكون في الرنج والباث وين يحصلها لان مكانها موجود على حسب قولة
الستارة لاتريك الأغراض التي اسفلها هل هناك مكان لبيعها ؟
جزاكم الله ألف خير
hamha1394
12/04/2009, 12:00 PM
يا اخوان استشارة
انا معروض على اكسبلورر 2006 فضي امريكي
الحقيقة نظيف مرةةةة وردة بس يقول 63 الف والله انا خايف من الاكسبلورر عموما
ابي نصيحة اخ لي اخوة وبعدين وش رائيكم في السعر
نصيحتكم بتخذ عليها قرار فرجاء النصيحة
القاصي1
12/04/2009, 07:56 PM
السلام عليكم
ماأطيل عليكم ياأخوان واحد من الزملاء أمتلك 2009 ماشاء الله المهم يسأل عن الستارة التي تحمي الأغراض في الشنطة مثل التي تكون في الرنج والباث وين يحصلها لان مكانها موجود على حسب قولة
الستارة لاتريك الأغراض التي اسفلها هل هناك مكان لبيعها ؟
جزاكم الله ألف خير


حياك الله اخوي سحابه
cargo shade
تطلب من الوكاله اللي في خريص

http://www.mekshat.com/pix/upload02/images94/mk92773_55.jpg
hamha1394
12/04/2009, 10:34 PM
يا اخوان استشارة
انا معروض على اكسبلورر 2006 فضي امريكي
الحقيقة نظيف مرةةةة وردة بس يقول 63 الف والله انا خايف من الاكسبلورر عموما
ابي نصيحة اخ لي اخوة وبعدين وش رائيكم في السعر
نصيحتكم بتخذ عليها قرار فرجاء النصيحة


اه ه ه محد يرد
يا ناس انا شاري بكرة ان شاء الله ترى الموتر نص فل يعني مكيف وراء
وانا شفت بعد ايدي بور يقول 78الف 2007 ماشي 50 الف 6 سلندر
وش الراى يا اخوان استنصحكم فأنصحو اخوكم
ensaaan
13/04/2009, 01:48 AM
اه ه ه محد يرد
يا ناس انا شاري بكرة ان شاء الله ترى الموتر نص فل يعني مكيف وراء
وانا شفت بعد ايدي بور يقول 78الف 2007 ماشي 50 الف 6 سلندر
وش الراى يا اخوان استنصحكم فأنصحو اخوكم


أهلين يالغالي
حياك وأسفين على التأخر في الرد
بالنسبه للسعر اللي تكلمت عنه انا ماعندي خلفيه عن ماهية الأسعار

لكن لو خيرتني بشتري سعودي وارد التوكيلات يكون افضل

بس انت افحص الموتر وشف كيفه شيك عليه
وبعد كذا شف نفسك ترتاح لأي واحد

وترا 2009 قيمته الحين يبدأ من 95 الف

فكر وشف اللي ترتاح له نفسك والله يسهل لك كل عسير

تحياتي
لك

الإنسان
hamha1394
13/04/2009, 05:53 AM
مشكو يا غالي
سيد الجو
13/04/2009, 11:14 AM
السلام عليكم

معليش ياشباب وش احسن كفرات للاكسبلورر 2005


وبكم البواجي حقته ؟ وفلتر القير والقطع الاستهلاكيه لأني شاري الموتر مستعمل وودي اسوي له تغييرات للقطع الاستهلاكيه



ووشلون اضبط موجات الراديو على موجات المملكه العربيه السعوديه لأن الموتر امريكي


وياليت بعد تعلموني وشلون اخلي درجة الحراره بالدرجه المئويه بدل الفهرنهايت
القاصي1
13/04/2009, 01:36 PM
السلام عليكم

معليش ياشباب وش احسن كفرات للاكسبلورر 2005


وبكم البواجي حقته ؟ وفلتر القير والقطع الاستهلاكيه لأني شاري الموتر مستعمل وودي اسوي له تغييرات للقطع الاستهلاكيه



ووشلون اضبط موجات الراديو على موجات المملكه العربيه السعوديه لأن الموتر امريكي


وياليت بعد تعلموني وشلون اخلي درجة الحراره بالدرجه المئويه بدل الفهرنهايت


ابجاوب عن واحد من استفساراتك
لان يمكن افهم فيه شوي
وهي الكفرات
اهم شيء في الكفر اذا بتركب مايلي
مقاس الكفر يكون مثل شد البلد وبالضبط
ويكون تاريخ الكفر جديد
وتكون من شركه معروفه
وانصح بماركه اسمها قودرتش
وهي شركه امريكيه وهي نفس الكفرات اللي على موديلات 2006 وطالع وشفتها بعد على الباث فايندر 2008 وطالع
واما القطع اللي تسأل عنها ماعندي خلفيه عن الاسعار لكن احرص تكون اصليه
وللمعلومية مافيه عيار لزيت القير في الاكسبلورر

تحياتي
سيد الجو
13/04/2009, 10:26 PM
الله يعطيك العافيه يالقاصي 1 بس ماذكرت كم سعر الكفر


بس ياليت احد يفيدنا بباقي الاستفسارات
سيد الجو
13/04/2009, 11:17 PM
واذا احد عنده هوك حق 2005 او يركب عليه ووده يبيعه يعطيني خبر
الفتى سندباد
14/04/2009, 01:29 AM
أحد الزملاء المقربين أخذ بنصيحتي ودفع عربونه على
أكسبلورر 2009 لون لؤلؤي ويستلمه بإذن الله يوم السبت القادم

الله يعطيه من خيره ويكفيه شره ونشوفه معنا بالرابطة قريباً

المفروض توكيلات الجزيرة تعطينا عمولة لكل من
يشتري أكسبلورر بنصيحة من أعضاء الرابطة :D
ensaaan
14/04/2009, 09:15 AM
أحد الزملاء المقربين أخذ بنصيحتي ودفع عربونه على

أكسبلورر 2009 لون لؤلؤي ويستلمه بإذن الله يوم السبت القادم


الله يعطيه من خيره ويكفيه شره ونشوفه معنا بالرابطة قريباً


المفروض توكيلات الجزيرة تعطينا عمولة لكل من

يشتري أكسبلورر بنصيحة من أعضاء الرابطة :D




هلا أبو أحمد
انا معك في انهم المفروض يعطون لنا نسب في كل شخص يشتري عن طريقنا

والله يطعمه من خيره ويكفيه شره

بس يايت يروح يشتريه من فرع التخصصي
ويروح لحمود باذات
واذا ماتعرفهم خله يقول له من طرفي
وراح يراعيه بحول الله في السعر

تحياتي
لك
الإنسان
الفتى سندباد
14/04/2009, 09:25 AM
هلا أبو أحمد

انا معك في انهم المفروض يعطون لنا نسب في كل شخص يشتري عن طريقنا


والله يطعمه من خيره ويكفيه شره


بس يايت يروح يشتريه من فرع التخصصي
ويروح لحمود باذات
واذا ماتعرفهم خله يقول له من طرفي
وراح يراعيه بحول الله في السعر


تحياتي
لك

الإنسان


هلا وغلا أبوالجوهرة

الرجال دفع عربونه خلاص في فرع خريص
الله يجزاك خير يالغالي ما نستغني عن خدماتك
سحابه
14/04/2009, 09:36 AM
القاصي 1
بيض الله وجهك
ensaaan
14/04/2009, 09:48 AM
هلا وغلا أبوالجوهرة



الرجال دفع عربونه خلاص في فرع خريص

الله يجزاك خير يالغالي ما نستغني عن خدماتك




والله كان ودنا نخدم
س هو خذ اي فئه وبكم طلع عليه مع اللوحات الإستماره وهل سوى عليه اضافات
ياليت تخبرني

وتعامل وكاة التخصصي غير عن خريص اسال مجرب
ليته خذه من عندهم

تحياتي لك
الإنسان
به مهوبه
14/04/2009, 10:35 AM
السلام عليكم ورحمة الله وبركاته

شباب لقيت اكسبلورر 2006 استعمال امريكي فل كامل بس 8 سليندر,
سؤالي, هي نفس مكينة الاكسبيدشن؟ وقيره ودفرنسه؟
ensaaan
14/04/2009, 11:21 AM
السلام عليكم ورحمة الله وبركاته

شباب لقيت اكسبلورر 2006 استعمال امريكي فل كامل بس 8 سليندر,
سؤالي, هي نفس مكينة الاكسبيدشن؟ وقيره ودفرنسه؟


أهلين أخوي الغالي
بداية الله يوفقك في مانويت فيه
بالنسبه للأمريكي وجهة نظري لا أنصح فيه خاصة لو كان 8 سلندر
يفضل تاخذ شيء عن طريق توكيلات الجزيره ويكون عليه ضمان لان الوكالة لا تجلب اللا 6 سلندر وهو السعودي والمضمون منهم
بالنسبه للقطع لا أعتقد بتوفرها كاملة اللا بحتمال أن تكون طلبيه
وتنتظر وقت

اما بالنسبه للمكينه فهيا ليست نفس مكينة الإكسبدشن لان مكينة الإكسبلورر 8 سلندر 4.6 والإكسبدشن 5.4
اما بالنسبه لقير الإكسبلورر 8 سلندر فهو 6 سرعات وكذلك الإكسبدشن 6 سرعات لكن هل هو نفس القير
لا اعلم ولا أعتقد ذلك

وكذلك بالنسبه للدفرنس لا اعلم وبعتقادي انه ليس نفس الدفرنس لإختلاف الحجم بين السيارتين

تحياتي لك
وبنتظار آراء البقيه لكي يفيدوك

دمتم بحب
الإنسان
به مهوبه
14/04/2009, 11:25 AM
الله يجزاك الجنه
الفتى سندباد
14/04/2009, 02:42 PM
والله كان ودنا نخدم

س هو خذ اي فئه وبكم طلع عليه مع اللوحات الإستماره وهل سوى عليه اضافات
ياليت تخبرني


وتعامل وكاة التخصصي غير عن خريص اسال مجرب
ليته خذه من عندهم


تحياتي لك

الإنسان


أخذ الفئة الأقل من الفل (أرقام وحساسات)
لكن ما أعرف التفاصيل الأخرى

أشكرك يا أبوالجوهرة على اهتمامك وتجاوبك
القاصي1
14/04/2009, 11:00 PM
الله يعطيك العافيه يالقاصي 1 بس ماذكرت كم سعر الكفر



الله يعافيك
كان اني مانسيت بـ560 ريال
وهالكلام قبل شهرين تقريبا
ولقيت تقريري عن الكفر على ها الرابط
http://www.mekshat.com/vb/showthread.php?t=164187&page=56 (http://www.mekshat.com/vb/showthread.php?t=164187&page=56)


بس ياليت احد يفيدنا بباقي الاستفسارات


ان شاء الله الشباب مايقصرون



القاصي 1
بيض الله وجهك


حياك الله
ماسوينا الا الواجب


تحياتي للجميع
سعد الاحمد
15/04/2009, 09:52 AM
صباح الخير على الجميع ..

ما تلاحظون ان فيه واحد اختفى ثاني مرة ..:(
طبعا انا ما اقصد مؤسس الرابطة ..:D
ابوعبدالله 2
15/04/2009, 08:47 PM
صباح الخير على الجميع ..



ما تلاحظون ان فيه واحد اختفى ثاني مرة ..:(

طبعا انا ما اقصد مؤسس الرابطة ..:D


انا اعرفه ابو بدر
فارس الديره
15/04/2009, 10:14 PM
سلامي وتقديري لكل ملاك المستكشف
بس مدري أغلب الشباب غايبين
ياعسى المانع خير
اليوم جربت المستكشف في سحب سيارة مغرزة وبيض الوجه ماشاء الله تبارك الله .

شكل اللي غايب يحضر ماجستير ;)
صح ياسعد الأحمد
ensaaan
16/04/2009, 10:32 AM
سلامي وتقديري لكل ملاك المستكشف

بس مدري أغلب الشباب غايبين
ياعسى المانع خير
اليوم جربت المستكشف في سحب سيارة مغرزة وبيض الوجه ماشاء الله تبارك الله .


شكل اللي غايب يحضر ماجستير ;)

صح ياسعد الأحمد





هذا انا واحد نفرات أسجل حضور

صباح الخير على الجميع
من جو الشرقيه الجميل

تحياتي لكم
وياليت نشوف بعض قريب ونلتقي
القاصي1
17/04/2009, 07:08 PM
انا اعرفه ابو بدر






اذا كان تقصدني انا يابوعبدالله
فانا موجود

تحياتي
Explorer2007
18/04/2009, 03:34 AM
صباح الخير .. :o .. حيا الله كلن باسمه ..

ياشين اللي يدقون بالحكي .. ماختفيت ياجماعه .. صارت لي مشكله بالاتصالات مع الانترنت

عشاني رفعت السرعه .. ولا موجود .. ابو طلال ماتخلي عنك الذب :D .. الله يسمع منك ونحضر ماجستير

ان شا الله ..

بيني وبينكم رفعت السرعه بسبة مكشات .. صاير يعلق وبطيء وتخبرون سالفة الرد اللي يتكرر 20 مره

ودي اقترح على الادراة يغيرون كل شي بالمنتدى من ناحية الشكل والسيرفر ..

شكل الموسم انتهى ماعد فيه طلعات .. ما شا الله عليكم غبت فتره طفيتوا ؟!
سعد الاحمد
18/04/2009, 10:29 AM
فورد اكسبلورر سبورت تراك الجديدة


http://www.middle-east-online.com/pictures/biga/_28069_ford-5-1-2004.jpg
ابوعبدالله 2
18/04/2009, 01:11 PM
اذا كان تقصدني انا يابوعبدالله

فانا موجود



تحياتي


لا يابو بدر يالقاصي مو انت
سعد الاحمد
19/04/2009, 08:46 AM
صباح الخير على الجميع ..

وينكم حبايب ألبي ..؟؟

مالكم حس ولا خبر ...
رومنسي غير
19/04/2009, 02:15 PM
أو شي هذي اتوقع ثالث مشاركة لي لاكن الأولى في الخيمة .
وطبعا حبيت اشاركم بالسيارة اللي عندي والحمد لله طبعا جديدة والخبرة السابقة في سيارتي الخاصة من نوع آخر .
(طبعا السيارة سيارة الدوام ) .
جيب اكسبلور: 2009 .
اللون : ازرق فاتح (اللون الجديد ) .
النوع : اتوقع انه استاندر وانا ما عندي خبرة فيه والله .
ملاحظة : عندي طبعا استفسارات عن السيارة بس انشالله بتكون في وقتها وابغى خدمتكم ودمتم بألف خير .
اخوكم : رومنسي غير
ensaaan
20/04/2009, 01:31 AM
أو شي هذي اتوقع ثالث مشاركة لي لاكن الأولى في الخيمة .
وطبعا حبيت اشاركم بالسيارة اللي عندي والحمد لله طبعا جديدة والخبرة السابقة في سيارتي الخاصة من نوع آخر .
(طبعا السيارة سيارة الدوام ) .
جيب اكسبلور: 2009 .
اللون : ازرق فاتح (اللون الجديد ) .
النوع : اتوقع انه استاندر وانا ما عندي خبرة فيه والله .
ملاحظة : عندي طبعا استفسارات عن السيارة بس انشالله بتكون في وقتها وابغى خدمتكم ودمتم بألف خير .
اخوكم : رومنسي غير




رومانسي غير

حياك الله أخوي الغالي
ونتشرف بأرائك ومقترحاتك وإستفساراتك
لكن ياليت تتابع الردود السابقه كويس راح تلقى فيها معلومات وافيه
وخصوصا موضوع الاخ سعد الاحمد
عن الإستفسارات والمشاكل في الإكسبلورر

واالسياره رائعه معي نفس مديلك

تحياتي لك
الإنسان
سعد الاحمد
20/04/2009, 12:52 PM
هذا لون الاكسبلورر الجديد نازل في 2009
اعجبني جدا هذا اللون ..
http://www.aljazirahford.com/dbpics/vehicles/images/exterior/images/25_ext2.jpg
رومنسي غير
20/04/2009, 04:07 PM
هلا بك إنسان ، ومشكور على التجاوب .
اي نعم دخلت والله وصراحة شدتني بعض المواضيع المميزة .
لاكن ,, عندي استفسار ؟؟؟؟؟
بخصوص الوصلة الخاصة في الجوال ، سيارتي ما فيها . بالعلم انها أٌرسلت من الرياض عن طريق البسامي إلى فرعهم في جدة طريق المطار . وصراحة بعيد والله الشك لاكن من ناحية الاستفسار هل يوجد فيها ( وصلة ) الخاصة بالجوال بالعلم بعد حصلت ( الأسبير ) بعد مافي هواء ابد ( منسم للآخر ) .
شكرا : لك اخوي انسان على التواصل .
شكرا : لجيمع اخواني الموجودين الذين اتحفونا بالتجربة ، وصراحة عندي إعجاب تام وقناعة بالسيارة بما تتسم في بمواصفات جميلة .
ensaaan
20/04/2009, 06:41 PM
هذا لون الاكسبلورر الجديد نازل في 2009

اعجبني جدا هذا اللون ..
http://www.aljazirahford.com/dbpics/vehicles/images/exterior/images/25_ext2.jpg


ابو بدر

انا شفت هاللون في الصالة بس مادخل مزاجي بالمره
عشان كذا مافكرت فيه
ويمكن لإنارة الصالة خلته مو حلو في عيني

بس اللون بصراحه حلو ويستاهل

لكن مو أفضل من الأسود من وجهة نظري

تحياتي لك
الإنسان
ensaaan
20/04/2009, 06:44 PM
هلا بك إنسان ، ومشكور على التجاوب .
اي نعم دخلت والله وصراحة شدتني بعض المواضيع المميزة .
لاكن ,, عندي استفسار ؟؟؟؟؟
بخصوص الوصلة الخاصة في الجوال ، سيارتي ما فيها . بالعلم انها أٌرسلت من الرياض عن طريق البسامي إلى فرعهم في جدة طريق المطار . وصراحة بعيد والله الشك لاكن من ناحية الاستفسار هل يوجد فيها ( وصلة ) الخاصة بالجوال بالعلم بعد حصلت ( الأسبير ) بعد مافي هواء ابد ( منسم للآخر ) .
شكرا : لك اخوي انسان على التواصل .
شكرا : لجيمع اخواني الموجودين الذين اتحفونا بالتجربة ، وصراحة عندي إعجاب تام وقناعة بالسيارة بما تتسم في بمواصفات جميلة .




أهلين أخوي الغالي

ونتشرف بالإجابة على استفساراتك

وبجاوبك على سؤالك بهذا الرابط
شف الصفحه الأولى تحصل إجابتك فيه

وياليت تتابع باقي الصفحات

http://www.mekshat.com/vb/showthread.php?t=181502 (http://www.mekshat.com/vb/showthread.php?t=181502)

انا بالنسبه للسبير يمكن ضربه شيء جرب انفخه هوا شف راح ينسم أو لا

تحياتي لك
الإنسان
سعد الاحمد
21/04/2009, 11:41 AM
ابو بدر

انا شفت هاللون في الصالة بس مادخل مزاجي بالمره
عشان كذا مافكرت فيه
ويمكن لإنارة الصالة خلته مو حلو في عيني

بس اللون بصراحه حلو ويستاهل

لكن مو أفضل من الأسود من وجهة نظري

تحياتي لك
الإنسان
[/center]


ابو الجوهرة يا بعدهم كلهم ..

كل انسان وله قناعاته ... واللون الأسود جميل وشكله حلو وجذاب وله من يرغبه كثير من الناس .. وحتى بقية الالوان لها من يقتنع بها .. في الحقيقة انا احب اللون الأزرق بجميع درجاته الفاتحة والغامقة واحس اني قريب من هذا اللون وهو قريب مني .. (لاتقول عشان الهلال) :D .. بس انا اعشق هذا اللون بشكل عام ..

ويليه اللون البني فهو يعجبني كثيرا .. واعتقد ان الاكسبلورر الموجود في الصورة هو من درجات البني او قريب منه الى حد ما .. وهذا ما اعجبني فيه ..

تحياتي لك ؛؛
ابوابرااهيم
21/04/2009, 11:59 AM
ماشاء الله تبارك الله على هالتفاعل الطيب بين الاعضاء......

وسجلوا حضوري في الرابطة،
فأنا موجوووووووووووود...هههههه

متابع دقيق لكل الموضوعات، وللجميع تحياتي فالرابطة تضم معلومات مفيدة تغني عن مذلة السؤال هههه

عن السيارة الررررررررررهيبة....................سلاممممممممممم ممممم
سعد الاحمد
21/04/2009, 12:19 PM
صورة لأخر طلعة لأعضاء الرابطة ...

الله ذكريات ..:D


http://www.mekshat.com/pix/upload02/images100/mk13597_20090402(001).jpg
سعد الاحمد
21/04/2009, 12:28 PM
احلى كبسة من يد ابو مساعد في اخر طلعة لنا ...


http://www.mekshat.com/pix/upload02/images100/mk13597_20090402(011).jpg
أبو فهد 2020
21/04/2009, 05:25 PM
والله ما شاء الله طلعات وكبسات ...ودلال وعلوم رجال... تجمعهم الصداقة فتتقوى بينهم العلاقة ...طلعات برية و ياليتها شهرية ...عندها سنقول الرفيق قبل الطريق ...أجواء ربيعية ونفوس ملائكية ...ولا شك أن الحال يغني عن المقال ...وياليتني فاضي عشان أسوي نفسي قاضي ...وللحديث إن شاء الله بقية
ensaaan
22/04/2009, 01:30 AM
صورة لأخر طلعة لأعضاء الرابطة ...


الله ذكريات ..:D


http://www.mekshat.com/pix/upload02/images100/mk13597_20090402(001).jpg





إيه والله يا بو بدر ذكريات بس ذكريات رائعه
خصوصا وانت تعيبان وتعرج

الله يعيد هالطلعه خصوصا ان الجو
كان خيال
ورائع

نتمنى أن نلتقي قريبا

تحياتي
الإنسان
الفتى سندباد
22/04/2009, 11:52 AM
صورة لأخر طلعة لأعضاء الرابطة ...



الله ذكريات ..:D



http://www.mekshat.com/pix/upload02/images100/mk13597_20090402(001).jpg


كانت رحلة ممتعة برفقة الشباب
والجو كان خيالي

الله يعيدها علينا بالخير قريباً
صاحب الفورد
22/04/2009, 11:57 AM
عندك واحد إكسبلورر أسود 2008 وصلحوا

معكم أخوكم ابو حاتم من الخرج

يشرفني ان اكون أحد أعضاء رابطة ملاك إكسبلورر

عندي سؤالين بس

الأول : أحياناً اسمع صوت طقة في القير بعد ما أعشق الريوس عند محاولة إدخال السيارة للكراج

لا تقولون يمكن الدفع الرباعي إشتغل لأني متأكد إنه ليس الدبل

الثاني : ودي أغير الوطايات إللي عند البيبان مثل الإكسبديشن أشوف بعض الإكسبلورر فيه الظاهر إنها 2007

ما أدري وين أحصلها وكم يا خذون القديمه إللي عندي

ومشكورين وجزاكم الله ألف خير

تحياتي للجميع
ابو راكان 321
22/04/2009, 12:52 PM
السلام عليكم
اتشرف بالانضمام للرابطة
واوجه الشكر الجزيل للأخ ابو احمد ( الفتى سندباد )

اكسبلورر 2009