يااهل الخبره وش رايكم بالذيخ الحص هذا

[الدرب البعيد]

بسم الله الرحمن الرحيم

السلام عليكم ورحمة الله وبركاته اخواني جميع


احد الاخوان عنده ذيخ حص وارسل لي هالصور
وقال ابي رايك فيه قلت له
انا ماعندي اي خبره بالمجال هذا ولكن مالك إلا طيب الفال اعرض لك الصور بمنتدى مكشات والخبراء راح يقيمونه يازين ياشين ;)
الرجال موصيني يبي رايكم بكل صراحه وبدون مجامله


اليكم الصور


http://www.9o9i.com/download/1674490dc34c0dbb0.jpg


http://www.9o9i.com/download/3463490dc34c37f50.jpg


صور من الامام بعد طلب اخونا سلطان العوني الصوره

http://www.9o9i.com/download/4584490dd6a4cd58e.jpg


وهذا تقييمي مع اني ماني خبير
السلق باين عليه مهمل ويبيله اهتمام وعنايه

[سلطان العوني]

الذيخ عمره من السنتين ووفوق يعني اكتمل نموه


الذيخ ما عليه فوق المتوسط


لكن نبي له صورة من قدام

[مدامع الحر]

الذيخ ماعليه حليو وسط او اقل شوي اصيل مررره قليل تحصل اصيل والسلق فعل بعضهن يعجبك شكله لاكن مايفعل بعضهن نتحاقره لاكن يجي ماهو بسيط

[الدرب البعيد]

مشكور اخوي سلطان العوني على التقييم
وتم اضافة الصوره التي طلبت وبإنتظار نتيجتك النهائيه

اخوي مدامع الحر اشكرك على التقييم وفعلا كلامك صيحيح الزين بعفله ماهو بشكله
ولكن هنا نبي رايكم على مظهره الخارجي فقط

[دنيا بلا معنى]

اخوووووووووووووووي السلق كبير مثل ما قالو الاخوان لكن السلق جررررررررم وهذا جرم وعضمه كبير وخابطه زينه وهدي مبين وصدره فوق المتوسط ومن السلقان الاوله الي صعب تلقى زيها الحين وانت قلت ابغى تقييم خارجي فقط وانا لي بالسلقان عمر وهذا تقييمي ولو اتفقت الاراء لبارت السلع وتقبل مروري ........................

[أبو فيئ]

السلام عليكم.. السلق باين عليه كبير مثل ما قالو الاخوان...
لاكن مواريه بالنسبه لي عاديه وراسه كنه كبير شوي... وباين عليه انه خلط... او انه اوفل..
وصدره متوسط.. يعني الذيخ ما عليه وسط...
وتقبل مروري بصدر شرح...

[هتلر مدايه]

الذيخ طيب لا باس يبغاله اهتمام

وتاكل من صيده

تقبل مروري

[رماع]

الذيخ مثل ما قالو الاخوان متوسط


المشكله في مظهره راسه مثل سلقه عندي وجهها كنه وجه ثعل

تقبل مروري


(التقييم خارجي )
والخافي الله واعلم

[رماع]

هاذا مجرد راي لاحد يزعل

[طلو]

انا اقول السلوقي وسط لا هو ازين السلق ولاهو ارداها
والفعل علمه عند الله سبحانه وعند راعيه

[سق أمها]

السلام عليكم ورحمة الله وبركاته

اخوي سلوقي اذا كان جايك هدو رده لراعيه السلوقي مقرنس اي سنتين ياحبيب هذا تلقاه جد وعمره باين عليه من عيونه .... اخوي لاترجاء منه شي لنه مافيه حي واذا طرح الجربوع انسدح جنبه ....

ما من ناحيت الوصف فهو لازين ولاشين ...

وارجو انه مايزعلك ردي ... مع اني ماخليت شي :)

[الدرب البعيد]

عزالله ماقصرتو اخواني جميع


وتقريبا الاغلب اتفقو على انه وسط لا زين ولاشين

وجميع ملاحظتكم سوف اقوم بنقلها لصاحبه وراح يستفيد منها بالتأكيد
فأنتم اصحاب التجربه والخبره

ولكن ودي بطلب بسيط
ياليت تعطونا مواصفات السلق الأصيل ليستفيد منها اللي ماعندهم خبره مثلي

اكرر شكري وتقديري للجميع

[ص ن ح 888]

دامك تبي الصراحه خذها مني الذيخ راسه كبير وعيونه صفر اسئل اهل السلق عن العيون الصفر وشف ردهم 2 الذيخ مافيه نحر ولا تقاسيم عظلاته 3 السلوقه ماجرد يعني ماتطلعوبه واجد ماتلع ما يمس دايم السلوق يبيله في الاسبوع اربع مرات تقنصبه او تمسه على ارض زينه ولا الزين النفود عندك في (رماح الحفنه الثمامه المزاحميه )ولا جرابيع رماح ياهي طياره تفتق السلوقه والله يتعب على جربوع واحد ومن حق وشكرا وتقبل صراحتي لانك طلبتها والسلام عليكم وتقبل مروري

[نفاج]

بدون أطاله السلوقي فيه موصفات زينه وفيه شينه بس أهم شي الفعل وترى الموصفات الزينه أكثر من الشينه للعلم وتقبل مروري

[الابتر]

الله يشبعه من صيده
وعلى ماقالو الشباب يعتبر من الذيخه المتوسطه يفتقد بعض
التحسينات والله يوفق راعيه .

[شهاب حايل]

ماشاء الله عليه الله
باين عليه طيب وماعليك من كلام الي قال ماهو طيب .وفـاله الضبي

اخوكـ / شهـاب حـايل

[بسرعه]

السلق طيب بس يبيله تنحيف ويطلع تزه يعني وكله كل بعد يوم يومين ويصير دزه اذا كان نحيف واعضامه تطلع وسلقه الي عندي اول ماجبتها سمينه وصرت اخليها ثلاثه ايام ماتاكل والحين صارت نحيفه ودخلتها في سباق وخذت المركز الاول وسيمت 40000هاذا الاول وعطوني جوال وسياره يوم فزت
واسمها دمعه
قولو ماشاء الله

[ابو راسيل]

ماشاء الله لكن مثل ماقالوا الأخوان شكله كبير وتقييمي له ((متوسط))

[راعي الهدبا99]

االذيخ عادي ولا فيه اي وصف زززين

لاكن العيوون الصفر.خخخخخخخخخخخخخخخخخخ

لاتعليق

[البحري606]

رايي اتعب علا اطيب من هذا