المساعد الشخصي الرقمي

مشاهدة النسخة كاملة : شوروا على بالجيب السنع حدى 70 الف



sasooo315
02/11/2008, 07:55 PM
انا يا شباب ارتحت لمنتداكم وحرصكم على افادة بعظكم البعظ

ابى شوركم بجيب تتوفر فيه هذه المواصفات

1- زياراته قليله للورش
2- شيك
3- لا يهمنى كثرة الميزات فيه عدا انه يكون القير اوتوماتيك
4- يكون دارج فى كل مكان
5- صيانته تكون متوفره وقطعه رخيصه ومتوفره حتى بالتشاليح
6- حدى بالسياره سنتين لانى مو ناوى اظيفه بدفتر العائله :d لانه مولود غير شرعى

انا شفتلى جيب نيسان مورانو 2008 ماشى 17 الف فقط وراعيه حاده ب 70 الف فقط هل اتوكل على الله واشتريه

لا تحرمونى من خبرتكم

L I M I T E D
02/11/2008, 07:59 PM
متأكد انه مورانو ؟ و 2008 ؟

سعره ماينزل على الـ 100 الف

تأكد لا يصير ملعوب فيه والا منقلب

ساري 111
02/11/2008, 08:02 PM
مورانو2008 بـ 70 الف

هذا وش جايه شكله قالب او مخبط اوفيه بلا

لأني اذكر سعره جديد حول 130 الف

زودهن شوي وخذلك برادو 2005
اوخذلك باترول موديل 2000 او 2001 واعتقد تلقاه اقل من 70 الف بواجد

ابو سحاب
02/11/2008, 08:14 PM
تبي النصيحه يا أخوي
إذا كنت راعي بر و مكشات لا تقربه و لا تجيه
يا خوي هاذي مواتر زفلت و انت بكرامه ولا تتحمل البر
إذا تبي جيب عز و معزه عليك ( بالفتك ) الي هو الباترول و لا تدور غيره
راح تلقى لك بفلوسك
من 2002 إلى 2003 و راح تلقى فل كامل
صدقني راح تدعي لي وانا ما قلت لك إلا من واقع تجربه بالنيسان فكر و استخر و شاور و لا تستعجل و إذا بغيت شي أو مشوره أرسلي على الخاص
و أنا ما راح أقصر معك بالي يرضي رب العالمين
* أما عن كلام أخوي ساري 111 بالنسبه للباترول من موديل 1998 إلى 2001 لا تقربه و لا تجيه
لأن مكينته مهيب شي و مقاسها 4500 و موديل 2002 و طالع 4800 و هي أكيد أقوى و فرق بالعزم و الهدوء مو بسيط هذا ما أردت توضيحه
أخوكم _ أبو سحاب _

ساري 111
02/11/2008, 08:53 PM
* أما عن كلام أخوي ساري 111 بالنسبه للباترول من موديل 1998 إلى 2001 لا تقربه و لا تجيه
لأن مكينته مهيب شي و مقاسها 4500 و موديل 2002 و طالع 4800 و هي أكيد أقوى و فرق بالعزم و الهدوء مو بسيط هذا ما أردت توضيحه
أخوكم _ أبو سحاب _



كلامك على العين قبل الراس ياابو سحاب
لكن الرجال قال يبي موتر مهب راعي خراب

واللي اشوفه ان الباترول من 2002 وطالع له مشاكل ولذالك قلت له ياخذ 2001 او 2000
لأنه موتر مثبت وجوده ولايحتاج كلام احد

ليالي نجد
02/11/2008, 09:07 PM
الباترول راعي خراب !!!!!!

اخوي ساري ... انا معي سفاري 2004 والي الان ماعرفت الصناعية ماغير الصيانة
العادية في الوكالة عن قولت اني اعمله صيانة .. وماشي عليه 125 الف كم.. ولله
الحمد والمنه .

اما بالنسبة لاستفسار صاحب الموضوع ... فاقوله لا تبعد عن الاندكروزر ..او الباترول
سيارات شعبيه اثبتت جدارتها وقوة تحملها ... خرباتها قليله وقطع غيارها متوفره في كل
مكان .. وفي اي ورشه تقدر تعمل لها صيانه .... والخيار لك .

تحياتي

طبعي شمالي
02/11/2008, 09:16 PM
الهدد قوه تحمل كرف

بس صعب تحصل هدد سعره 70 الا اذا كان موديل 99 و98

ثانيا عليك بالفتك مايحتاج

اقوي من الهدد

مقلع الرمث
02/11/2008, 09:16 PM
كلامك على العين قبل الراس ياابو سحاب
لكن الرجال قال يبي موتر مهب راعي خراب

واللي اشوفه ان الباترول من 2002 وطالع له مشاكل ولذالك قلت له ياخذ 2001 او 2000
لأنه موتر مثبت وجوده ولايحتاج كلام احد


اسمحلي اقولك ان الباترول من 2002 وطالع فيه مشاكل هذا غير صحيح

انا معي 2003 فل ماشفت منه شي

زميلي معه واحد 2003 ماشاف منه شي الحين ماشي حول 300 الف

جارنا معه 2002 يكده كد مهنا مكان ماراح لمه ولا اشتكى منه ولا شي

ياخي لا تحكم بالسياره وانت ماجربتها وبما انك جربت موديل قديم تحسب هو الافضل لا

انما جرب الباترول وخاصه المحرك الجديد ممتاز جدا

وانا كلامي هذا لا ادافع عن الباترول او عن كذا وكذا

لكن فيه ناس تخرب عنده السياره ويجي يكتب فيها موضوع ويكبر السالفه وهي قصيره

واحب ازيدك من الشعر بيت معنا 99 اشغلنا اشغال بالحراره وكل شي والحين غيرنا الراس ونشوف يعني هذا بعد مو قياس

امل ان المعلومه وصلت

بالنسبه لصاحب الموضوع انا خابرلك باترول 2002 خليجي نظيف مره ذهبي لك رغبه ارسلي رساله على الخاص لكن الموتر لقطه ووالله لو ماعندي نيه اعمر لاااشريه اذا لك رغبه عطيتك رقمه تفاهم انت وياه كانك جازم على الباترول

عاشق الموطن
02/11/2008, 09:29 PM
لله يرزقك ال في بالك

ابو خــــالد
02/11/2008, 09:48 PM
كلامك على العين قبل الراس ياابو سحاب
لكن الرجال قال يبي موتر مهب راعي خراب

واللي اشوفه ان الباترول من 2002 وطالع له مشاكل ولذالك قلت له ياخذ 2001 او 2000
لأنه موتر مثبت وجوده ولايحتاج كلام احد

كلام غير صحيح >> معنا 2002 له 5سنين وماشفنا منه إلا كل خير (((لاتحكم على الشي وانت ماجربته))

ابو خــــالد
02/11/2008, 09:53 PM
تلقا اللحين فتك 2002سفاري ب70

fusfus
02/11/2008, 10:39 PM
اخي ابو سحاب لقد اصبت كبد الحقيقه غير الباترول لا تدور انشهد شهاده حق انه موتر مع احترامي لباقي الدراديع اسف قصدي السيارات

الستانس
02/11/2008, 10:48 PM
دور لك باترول سلق اربع بيبان تلقا حول سعرك

ولا لاند كروزر g ستاندر

خ الفياض
02/11/2008, 11:36 PM
لاندكرورز فقط لابديل له
بعد عن النيسان وتلقى خير من واقع تجربه
ولايغرك معي99 لاند وعندنا 2002 و2001 و2003 اثنين ولله الحمد لاخربات لا مشاكل اللهم 99 به رجه خفيفه وان شاء الله حصلت الحل ولافضيت اسويه ((مع انه به رجه خفيفه لكن سفر وبر واصلا الواحد ينسى ان به شي ولله الحمد منسم الكفرات ومخليهم على25 داخل البلد ومهنا خلاااااف))

انا انصحك انك تاخذ لاند اخوي كان معنا واحد الشايب مطلعه وكاله92 جلس معنا 2002 حتى طقينا اخوه جنبه والله ومشى معنا وااااااااجد وميكنته مانفكت وتشرشر ماء من زود النظافه واكثر شي طلب اصلاح دوده مدري علبه شي زي كذا وبعناه حول 50 كاااااااااااااااااش



انا لانكر ان الباترول موتر لكن مومثل اللاند ابد الباترول يطلب ويتفكك وهذا معروف بالسوق

واذا مره ملزم على شي دونهن عندك البرادو ذيب

بردوق صندقان
03/11/2008, 01:17 AM
سوبر سفاري 2003 تحصله بالراحه ب 70000

أبو فهد11
03/11/2008, 01:30 AM
تبي نصيحتي لك خذ لك باث فيندر 2004 أو 2005

هو الموتر شبابي وموتر بر يسند عليه الظهر

والسعر اللي معك يجيب لك أنظف باث فيندر

والله يكتب لك اللي فيه الخير

شبح الموت
03/11/2008, 01:38 AM
لاندكروزر 99 او 2000 او باترول 2002 او 2003

ايهما يسبق اولا

sasooo315
03/11/2008, 08:03 AM
أخوانى L I M I T E D (http://www.mekshat.com/vb/member.php?u=14134) ساري 111 (http://www.mekshat.com/vb/member.php?u=71774) ابو سحاب (http://www.mekshat.com/vb/member.php?u=39836) ليالي نجد (http://www.mekshat.com/vb/member.php?u=40366) طبعي شمالي (http://www.mekshat.com/vb/member.php?u=91952) مقلع الرمث (http://www.mekshat.com/vb/member.php?u=65313) عاشق الموطن (http://www.mekshat.com/vb/member.php?u=35576) هاوي الذيب (http://www.mekshat.com/vb/member.php?u=84637) fusfus (http://www.mekshat.com/vb/member.php?u=67371) الستانس (http://www.mekshat.com/vb/member.php?u=60272) خ الفياض (http://www.mekshat.com/vb/member.php?u=47325)
بردوق صندقان (http://www.mekshat.com/vb/member.php?u=27626)أبو فهد11 (http://www.mekshat.com/vb/member.php?u=80493)
شبح الموت (http://www.mekshat.com/vb/member.php?u=46980)

اشكر لكم تفظلكم بالمشوره والنصح وهذا يدل على اصالة وطيب معدنكم واتمنى القاكم بالصمان هذا الشتاء بعد ان اشترى الفتك اللذى نصحتونى به :D
وكل سنه وانتم بربيع

عشانا
03/11/2008, 09:15 AM
الباترول زين بس التويوتا ما يعلى عليه
على ان سيارتي باترول سوير سفاري
الباترول من مديل 2002 وفوق لك عليه وخصوصا مسمار الثلاجة وكثرة التفكك وصرفية الوقود

المكشات
03/11/2008, 11:54 AM
بعد ان اشترى الفتك اللذى نصحتونى به :D
وكل سنه وانتم بربيع

إن شاء الله إنك أصبت كبد الحقيقة ههههههههه

شورن مبروك .. اعزم و انا اخوك ولا انت متحسف ابد ابد باذن الله


بس / اننننتبه دور النظيف و ادفع به زووود وا بعد عن المعدوم ولو برخص التراب

و نلقاك ان شا الله تلقط فقع بالصمان بعد كم اسبوع - بإذن الله -

ابو خــــالد
03/11/2008, 02:01 PM
سوبر سفاري 2003 تحصله بالراحه ب 70000

ماعندك سالفة 2002سفاري ب70 وشلون تقول سوبر 2003 ب70

ليالي نجد
03/11/2008, 09:00 PM
الباترول زين بس التويوتا ما يعلى عليه
على ان سيارتي باترول سوير سفاري
الباترول من مديل 2002 وفوق لك عليه وخصوصا مسمار الثلاجة وكثرة التفكك وصرفية الوقود

اما الفتك يصرف بنزين !!!!.... هذه كبيره ...!!!!

يا اخوان انتم من وين تجيبون هذا الكلام !!!! لا يكون عندكم سيارات غير الي عندنا!!!

ابو سحاب
03/11/2008, 10:27 PM
أخوي يا sasooo315 توكل على الله و اشتره لكن انتبه من المصدوم و المسمكر
و لنا الشرف طال عمرك اننا نلاقيك أنت و أمثالك بالصمان في هالشتاء
و تقبل مروري أخوك أبو سحاب