المساعد الشخصي الرقمي

مشاهدة النسخة كاملة : الجو هاليومين = بيّاع الخامل عباته


كشات
15/02/2004, 01:50 AM
بسم الله الرحمن الرحيم
السلام عليكم ورحمة الله وبركاته

يالله حي الجميع
اعضاء
وزوار

البعض منا ضاق صدره من هالحر اللي جانا
ويمكن انا اولكم
وبدى البعض يحث ويحرض على اغتنام هاليومين للكشتات قبل لا يجينا الصيف
والحقيقه اني استغربت كثير
شلون حنا مابعد جينا نص شهر 2 * ميلادي وبدى الجو يتغير
ورغم ان البرد ماكان كايد وشديد هالسنه
وقديما قالو

السنة الدافيه جافيه
لكن هالسنه الحمد لله ماجفتنا بل رزقنا الله خير كثير ووفير لا نستحقه
وان شاء الله جاينا البراد الراكد المتزن اللي مايخوف بالحيل(عقب ماطلعن الشبط)

وهذه مناسبة الموضوع
مقولة بياع الخامل عباته
مقوله قديمه

واللي مايعرفها ابقول له مناسبتها
سلمكم الله
هالحر اللي جانا مب ذا وقته كانه جاي بدري شوي

واكيد هالظاهره المناخيه الغريبه مارت(ن) على جدودنا وشيابنا منول
واكيد بعد ان بعضهم (تخيشو , وتدربو على خششهم) يحسبون ان البرد انتهى دون رجعه للسنه الجايه
ومن آثار التدربي والتخييش
ان بعضهم (وربما)لقلة ذات اليد آثر بيع عباته الشتويه حينما صادفه هذا المناخ

ومن ثم جاه البراد وندم على بيع عباته

ومن هنا أتت هذه المقوله
بــيّـــــــاع الخامـــــــل عباتــــــــــه

والله تعالى اعلم
كايين
15/02/2004, 04:31 AM
اخوي كشات ..

انا معك بالنسبه للجو لاننا لحد الان في فصل الشتاء وحنا الحين في أول العقارب .. :)

بس لي تعليق على مقولتك ( بياع الخامل عباته )

وش معنى ( الخامل ) ؟!!

اللي انا اخبره واسمعه دايم من الشياب ( بياع الخبل عباته )

والخبل يعني الغبي ( تكرم :) ) ..

وتحياتي لك .. :)
خوي حسن
15/02/2004, 09:22 AM
تسلم اخوي كشات وماقصرت والبرد توه عندك
العقارب
العقرب الاولى السم الي يقول العوام برده بالعضم
العقرب الثانية الدم الي يقول العوام من برده (الحمار) اعزكم الله يشخ دم اعزكم الله
من البرد
العقرب الثالثه الدسم وفيها يعتدل الجو يعني بالنهار تدور الضلال وباليل تدور الفروه
شاهد عيان
15/02/2004, 11:20 AM
والله ياجماعه الجو ما يعرف له سالفه ...

الحين عندنا بالقصيم برررررد بالحيل
وأمس حررررررر ومشغل مكيف السيارة !!!