المساعد الشخصي الرقمي

مشاهدة النسخة كاملة : ولاعة السيارة



hofof9211
03/11/2008, 01:12 PM
السلام عليكم
كيف أحل مشكلة ولاعة السيارة (لاندكروزر 99 ) شبكت عليها جهاز المحادثة وبعد قليل فصل وتأكدت من الفيوز السفلي داخل السيارة وغيرته الى فيوز جديد ولا زالت المشكلة حتى الآن. أرجو منكم المساعدة وشكرا

234
03/11/2008, 02:29 PM
ورى ماتبيع
الموتر ...

خيال الغلبا
03/11/2008, 02:32 PM
يـبـيـع الموتر عشان الولاعة تعطلت !!!!!!!!!!!!!!!!!!!!

الشنه
03/11/2008, 03:40 PM
شف كهربائي
وافحص ب 5 ريال

محنك
03/11/2008, 03:50 PM
السلام عليكم . اذا كان قصدك بجهاز المحادثه الكنود والايكوم فطبيعي أنه يأثر على الفيز لأن الواط حق الجهاز اللاسلكي 50 ولابـــــــــــــــد مـــــــــــن توصـــــــيله مباشــــــــــــره بأصــــــابع البـــــــــــــطارية ..............
أضف إلى ذلك فإن استعمـــالك له عن طريق الولاعه يضعف الارسال وبالتالي يكون ارسالك فقط 5 كيلو أو 10 كيلو .. بينما أرسالك بالكهرب المباشر من البــــــطارية يعطيك الواط الحقيقي للجـــهاز والمسافه الاقوي 50 كيلو تقريبا حسب جودة الاريل الهـــوائي الذي تســتخدمه وكذلك جودة سلك الاريل .. فإستخدامه عن طريق الولاعه خاطئ حتى ولو وضعو له سلك خاص بإستخدام الولاعه !! وهذى هي النتيجه ّّّّ!!!

جيبي جايزلي
04/11/2008, 10:08 PM
السلام عليكم . اذا كان قصدك بجهاز المحادثه الكنود والايكوم فطبيعي أنه يأثر على الفيز لأن الواط حق الجهاز اللاسلكي 50 ولابـــــــــــــــد مـــــــــــن توصـــــــيله مباشــــــــــــره بأصــــــابع البـــــــــــــطارية ..............
أضف إلى ذلك فإن استعمـــالك له عن طريق الولاعه يضعف الارسال وبالتالي يكون ارسالك فقط 5 كيلو أو 10 كيلو .. بينما أرسالك بالكهرب المباشر من البــــــطارية يعطيك الواط الحقيقي للجـــهاز والمسافه الاقوي 50 كيلو تقريبا حسب جودة الاريل الهـــوائي الذي تســتخدمه وكذلك جودة سلك الاريل .. فإستخدامه عن طريق الولاعه خاطئ حتى ولو وضعو له سلك خاص بإستخدام الولاعه !! وهذى هي النتيجه ّّّّ!!!


كلام سليم 100%

سطام vip
05/11/2008, 12:10 AM
مع فائق أحترامي لجميع الاعضاء الي سبقوني في الرد

ما عطيتوا الرجال خبر الي يقول بع السياره

والي يتكلم عن مدى وقوة الارسال؟؟

الرجال يبي حل وياليت اجاباتنا تكون على قد السؤال

اخوي اول شي شيك على السلك الداخلي للولاعه

يمكن يكون محترق او منقطع وطالما ان الفيوز سليمه

ما فيه مشكله الا من السلك والله يسهل أمرك

وأرجوا ما احد يزعل من كلامي بس حط نفسك مكان صاحب الموضوع

وتطلب مشوره عن مشكله وتلاقي اجابات خارج الموضوع

بصراحه شي يقهر

ودمتم بخير

طارق الحربي
05/11/2008, 03:21 AM
عزيزي

انتبه تركب اي شي غير الشاحن حق الجوال بالولاعه

لانه ممكن يحرق عليك السياره


شيك على الفيوز اللي بالكبوت بعلبة الفيوزات وانتبه تحط فيوز امبيره اعلى من الاصلي

ابن مسعوده
05/11/2008, 08:13 AM
يا حبيبي اصلاً ولاعة السياره ماتتحمل
الحل اشبكه على بطارية السياره دايركت
مجرب

الكونترولCONTROL
05/11/2008, 08:17 AM
السلام عليكم
كيف أحل مشكلة ولاعة السيارة (لاندكروزر 99 ) شبكت عليها جهاز المحادثة وبعد قليل فصل وتأكدت من الفيوز السفلي داخل السيارة وغيرته الى فيوز جديد ولا زالت المشكلة حتى الآن. أرجو منكم المساعدة وشكرا
======
نفس الشيء : شبكت عليها الكنود و احترقت الفيوز ,,, و شبكت عليها محول كهرباء 220 صغير و احترقت الفيوز
طلعت من البطارية مباشرة كيبل ( سلك عريض ) ما أدري كم ملم و وصلته الى جنب القير ... و الآن أشبك عليه أي جهاز أو
محول و لا عندي أي مشكلة ,,, إضافة الى أني سلمت من ترك المفتاح على السيارة وقت الحاجة للكهرباء ... بحفظ الله ,,,,

خيال الغلبا
06/11/2008, 09:06 PM
'طارق الحربي ممكن توضح معنى جملتك هذه
وانتبه تحط فيوز امبيره اعلى من الاصلي

..ابوغلا..
07/11/2008, 04:57 PM
'طارق الحربي ممكن توضح معنى جملتك هذه
وانتبه تحط فيوز امبيره اعلى من الاصلي

انا بجاوبك وبعد اذنك يا طارق

الاخ طارق يقصد مثل اذا كان الفيوز 30 امبير ومحروق وانت تبي تغيره ما تحط فيوز 35 امبير
ويكون اعلى امبير من الاصلي 30 امبير

شامخ ألهيلا
07/11/2008, 08:56 PM
اخوي جهاز الكنود يكون له سلك خاص بالبطاريه وموصل له ويكون مركب له فيوز خارجي
وهالنظام موجود في الدوريات وسيارات الدوله

تحياتي

خيال الغلبا
07/11/2008, 10:53 PM
ابو غلا هذا توضيحك !!!!!!!!!!!!!!!!!!!!!!!!!!!

باوزير
08/11/2008, 12:07 AM
'طارق الحربي ممكن توضح معنى جملتك هذه
وانتبه تحط فيوز امبيره اعلى من الاصلي

الفايدة من الفيوز انه اذا جات كهربة اعلى من استحمال الجهاز يحترق الفيوز و يفصل الجهاز عن الكهربة و في حالة وضع فيوز اكبر من فيوز المصنع ستستمر الكهربة في المرور في الواير ولا يحترق الفيوز لانه ما وصل الى قوة الواط المفروض يحترق عندها مما يؤدي الا احتراق الجهاز و لانها الفيوزات و قياساتها كلها مدروسة لحماية الاجهزة الكهربائية

..ابوغلا..
08/11/2008, 04:56 PM
ابو غلا هذا توضيحك !!!!!!!!!!!!!!!!!!!!!!!!!!!

خيال الغلبا

اخوي كل جهاز كهربائي له استاندرد محدد في دخول الكهرباء له

وعلى شان يحافظ على الجهاز يحطون له فيوز ( مثل ما تقول تأمين على الجهاز )

بحيث اذا دخل للجهاز تيار اعلى فولت من اللي هو مخصص له من الكهرباء ينحرق

الفيوز فقط والجهاز يكون سليم .والفيوز يكون له مقاس معين من قبل المصنع للجهاز

بحيث لو كان الفيوز 25 امبير وانحرق ما تغيره بفيوز 30 امبير او اعلى لانك كذا

تكون تعطى الجهاز كهرباء اكثر من اللي مخصص له وبتتسبب في حرق الجهاز

واذا حطيت فيوز اقل من المطلوب يعني المطلوب للجهاز 25 امبير وانحرق الفيوز

وانت بدلته بفيوز 10 امبير بكون في ضغط على الفيوز وبينحرق بسرعة اضافة الى

ان الجهاز ما راح يشتغل بالشكل الصحيح اخوي خيال الغلبا ان شاء الله تكون واضحه هالمره

shaheenshah
16/11/2008, 12:37 PM
اخوي هفوف
صارت معي مرتين وكلها تكون الفيوز سليمة والمشكلة عندك في الولاعة نفسها.
ان كانك راعي فك وحثبره تفك نفس الولاعة (يبي لها ركاده مهوب بالقوة عشان ما تنكسر) وراح تنفصل الى جزئين وبينها صفيحة رقيقة هذي محطوطه كخط حماية ثاني بعد الفيوز ومع الحرارة الزايده تنطعج وتفصل الكهرباء عن الولاعة (اذا فكيتها راح تعرف وش اقصد)
والا غيرها وريح راسك.