ابي مكان اطلع فيه مع الشباب !!

[ولد العويني]

السلام عليكم


كيفكم مع هالاجواء والحمد لله


ياجماعه ابي اطلع مكان مع الشباب من الصباااح الى الليل بالمواصفات التاليه

1. نفود حلوه يعني مب حصى وتكسير ولا ام حزم !! يعني شي حلو ومعقول
2. ما يبعد عن الرياض اكثر من المسافه بين العليا والعاذريه يعني حول 80 كم <== يقلع ابو وصفك يااشيخ!
3. يفضل فيه سيل او شعيب او اااي شي يطرب الخاطر



مشكورين مقدما

[ولد العويني]

للرفع
،،،،،،

[Dr.PRO]

فيه على طريق مكه المكرمه نفود ام دكه وهناك فيه عاد الخراره وغيره بس ترا ما اعدل إلا ام دكه حتى الوصف ما اعرفه إلا انا ماسك الطريق , عرفته من طريق قوقل ايرث :)

بالتوفيق

[ولد العويني]

يعطيك العافيه

وعرفت قصدك <== قبال المزاحميه،،


لكن ودي بغيره


لاهنت

[سهيل تميم]

على مواصفاتك هذي مالك غير الثمامه(:

[عاشق4500]

حياك الله اخوي فيه مكان رائع شعبان ونفود
اذا طلعت مع طريق الثمامه ابتل الى ان يجيك التفتيش حق الثمامه اعقبه وخلك سيده
الى ان يجيك ملف الصمان والدهنا يمين اعقبه تقريبا ب3 او2 كيلو وشف الارض هذي تسمى الخفس ان بغيت الروض عندك وان بغيت الشعيب برضه عندك غرب الروض وان بغيت التفود شفه عندك شمال الروض
والمسافه ماتجيلها من الرياض ولا 90 كيلو والله ييسر امرك
تقبل مروري
واي استفسار انا حاضر