ما أهمية اصلاح هذه المشاكل في السيارة؟ أدخل وعطني رأيك؟

[BlackKnight]

؟
؟
؟
؟
؟
؟
بسم الله الرحمن الرحيم

مساكم الله بالخير جميعاً وعلى البركة الأمطار والسيول

انا دخلت سيارتي (لاندكروزر Vx-r) موديل 2003 لصيانة البازعي وسويت فحص للسيارة وقالو لي لازم تصلح وتغير بعض الأشياء منها:
1- تصفية مكينة + تغيير بواجي وصفاية بنزين
2 توظيب دودة دركسون
3- تغيير صوفة دفرنس امامي
4- تغيير ربلات دفرنس امامي
5- تغيير مقص اماي علوي
6- تغيير زيت وفلتر قير اوتوماتيك
7- تغيير جلب تحكم علوي يمين ويسار
8- تغيير جلب تحكم سفلي يمين ويسار
9- تغيير ذراع تعادل خلفي
10- تغيير عمود دوران امامي
11- تغيير عمود دوران خلفي
12 وزن رمانات كفرات امامية
13- تغيير كراسي مكينة
14- تغيير ذراع توازن امامي يمين ويسار
15- ترصيص ووزن الاذرعة

وهذي هي اللستة اللي قالوا لي عنها وبتكلف مبلغ مهوب بسيط.

انا ابغى اعرف وش الشي اللي يحتاج تغيير وتصليح (مهم) من القائمة هذي

وآسف على الاطالة

[Dr.PRO]

لحوووووووووول ,,
طيب نصيحتي لك افحص عند محلات ثانيه ,,

ما اتوقع كل هالقطع خربانه ’ والله يوفقك ويستر عليك ,

[ابوطاقية]

انا اشوف انها كلها مهمه شي لل اذرعه وصوف وكراسي مكينه واتوقع بتكلف حدود 6000 الاف ريال وبالنسبه للبازعي مشهود لصينتهم انها ممتازه وقطع اصليه
واذا اراد الله وصلحت عندهم اطلب كل القطع القديمه يحطونها لك بكرتون ولاتنسي تاخذ تخفيض على القطع

[بدوي جنوبي]

طيب ممكن تذكر المشاكل اللي تواجهها في سيارتك
ان وجدت ،،، حتي نقدر نبين لك اللي يحتاج تغيير

لان الاعضاء ما شاء الله خبرتهم ممتازة لتغيير الاجزاء المهمه

تحياتي

[BlackKnight]

مشكورين على الردود

انا الحمدلله مااعاني من مشاكل في السيارة

عندي صوت طقة في الدركسون اذا لفيت وبعدين عدلت.
وعندي بعد اذا شغلت االسيارة وهي باردة اسمع صوت تقطيع عند المكينة بس ما ادري وشو (صوت طقة وتحدث متتابعة)
طبعاً الأشياء الأخرى صعب اعرف مشكلتها لأنها تحت السيارة أو داخلها

[مزاجي فوق]

شوف اخوي اما لطقه فكانت تحدثلي بس ما ضربتلها اي اهتمام



تصفية مكينة + تغيير بواجي وصفاية بنزين / هذي اللي تسببلك تقطيع عندالمكينه

تغيير كراسي مكينة / طقطقه في المطبات او المرتفعات فتسمع صوت غريب عند المكينه

تغيير مقص اماي علوي / هذا غيره ولا تتردد سعره في التشليح ما يتعدا 200 ريال بشرط النظافه

اما بالنسبه للاذرعه فتاكد منها في ورشه عاديه

واتمنى اني افدتك

تقبل مروري

[لا يكثر]

كلها مهمه ما عادا الاول شف عزم موترك اذا زين لا يهمونك

[BlackKnight]

مشكورين على الردرود

لكن حتى الآن ماخذت اجابة كافية

[بدوي جنوبي]

1- تصفية مكينة + تغيير بواجي وصفاية بنزين
مهمه

2 توظيب دودة دركسون
الدودة مثل الكرونا اذا ما توضبت زين راح تتعبك مستقبلا
ممكن سبب توضيبها ؟

3- تغيير صوفة دفرنس امامي
مهم تغييرة ،،،، لكن فيها نوعين صوف عكس وصوف كرونا
4- تغيير ربلات دفرنس امامي
مهم

5- تغيير مقص اماي علوي
اذا سبب تغييرة وجود كسر مثلا يتغير

6- تغيير زيت وفلتر قير اوتوماتيك
مهم
7- تغيير جلب تحكم علوي يمين ويسار
مهم ،،،

8- تغيير جلب تحكم سفلي يمين ويسار
مهم
9- تغيير ذراع تعادل خلفي
اذا كان معووج او مكسور يتغير ،،، او يكتفي بتغيير جلد
10- تغيير عمود دوران امامي
اذا عندك رجة اثناء المشي يتغير
اما غيرة فلا تغيير

11- تغيير عمود دوران خلفي
نفس الكلام اللي فوق
12 وزن رمانات كفرات امامية
هذا وزنة بسيط ،،، ومهم ما ادري كم بيكلف وزنه عندهم

13- تغيير كراسي مكينة
اذا فيه رجة في المكينة خاصة وقت التشغيل يتغير
14- تغيير ذراع توازن امامي يمين ويسار
مهم

15- ترصيص ووزن الاذرعة

يا اخي اذا تغير الاذرعه لازم من الوزن ،،، يعني حتي الوزن بيحسبوة عليك

التكلفة بورشة خارجية بتكون اقل وانت تتكفل بشراء قطع الغيار
ويكون افضل تتأكد من القطع التالفه عن محل متخصص في اصلاح التعليق الامامي

بالتوفيق

[سهم قيادي]

بنسبه تهريب الدودة فلا تتعدى مصنع الطائر او محلات الهيدروليك فهم ارخص
وشغلهم زين ومضمون لان كل الورشه تصلح عندهم والبازعي بيغيير لك
جديد يمكن والجديد غالي

اما 9- تغيير ذراع تعادل خلفي
اذا كان معووج او مكسور يتغير ،،، او يكتفي بتغيير جلد للاسف تباع كامله مع الجلد

[البرحه]

افحص برى اذا ملزم التشييك

ولا شف وش المشاكل في السياره وحلها وبس

[BlackKnight]

انا رحت للعضيب وقال لي جب السيارة ونفحصها ب 100 ريال ونتأكد أكثر من الأشياء اللي تتغير!

فهل سيكون فحص العضيب دقيق جداً؟

ولا امشي على كلام البازعي واغير عنده

[BlackKnight]

وين الردود

[قطب 999]

روح ورشه ثانيه

[salih100]

وش الي تغيير ربلات دفرنس امامي ؟؟؟؟؟؟؟؟؟؟ اصلا هوه عكوس من وين جابو دفرنس الا اذا كان ديزل!!!!!!!!!!

[المميـز]

ماشاء الله

رجال مكشات ماقصروا معك

[BlackKnight]

بيض الله وجيهكم ماقصرتوا