المساعد الشخصي الرقمي

مشاهدة النسخة كاملة : يالربع تكفووون خويكم توهـق لحد يتوهق مثلي



مزاجي فوق
04/11/2008, 06:33 AM
السلام عليكم يالربع انا موتري لاندكروزر 2002 ورهمته ترهيم كامل 2007 والشهر ذا تنتهي الاستمار هل الفحص يستقعد ولا لا تكفون يالربع يامن يدخل يرد يقول اي شئ

لان الشباب يقولون لا رجعه شد بلد

عاشق الموطن
04/11/2008, 06:44 AM
اتوقع والله اعلم اهم شي الشاصي ورقم الهيكل........والله اعلم

القاصي1
04/11/2008, 06:45 AM
مافيه اي مشكلة

اهم شيء تدفع رسوم الفحص

مزاجي فوق
04/11/2008, 06:54 AM
بدفعها والله لو يطلبون 1000

اما بالنسبه لرقم الشاص سليم ما سويت فيه شئ

ومشكور يالربع على ردودكم

مزاجي فوق
04/11/2008, 07:27 AM
يالربع 32 واحد ما قدر يقول ولا كلمه وهذا وانا داخل عليكم

ريان 0007
04/11/2008, 08:36 AM
السلام عليكم ورحمة الله وبركاتة

يالغالي الفحص يدققون على الخطوط الجانبيه كان ترهيمك يتضمن الخطوط
وغيرها مايهم.

abu hlal
04/11/2008, 09:13 AM
نعم يدققون عليه؟؟؟

انا حصلت معي شخصيا...سيارتي 2004 محولها 2006 ..بس دخلت في مخهم حتى فحصوها!!!!!!

القهر انهم ينجحون سيارات الاجانب!!! مع ان اكثرها غير صالح للاستخدام!

نصيحه خاصه:

اذا دقرو لك.....اجلس عند المخرج..وكل ما ينجحون اي سيارة تعبانه صورها وهم يشوفون.......وبكذا تضغط عليهم!!!!!!!!!!!!!

شاص
04/11/2008, 10:15 AM
أذكر إني فحصت ربع 2001 عليه خط 2005 بدون أي مشاكل!

ابو99
04/11/2008, 10:29 AM
السلام عليم ورحمة الله وبركاته اخي العزيز \جرب الفحص ولا هناك الا العافيه الخساره بسيطه اتوقع اهم شي اللون ورقم الهيكل والله اعلم

عريدان
04/11/2008, 10:29 AM
والله أنا معي برادو 2005 مافيه أي تعديل ولا حتى صدمه بس إني كنت رايح رسمي قبل الدوام تقول مثل مديرعام شركة ولابس أبيض بأبيض والسياره أسود ملكي .. المهم الفلبيني ما خش مزاجي وأشوفه شخمط على الورقه للي بعده وكل شي إجتياز إلا حق الفحص السفلي شاف إن شحم المساعدات الخلفيه مدهن وسايل من الحراره بالصيف وكانه مفقوع وأنا ما عسلت السياره بستم المهم وقم وبخ عليه بالأصفر. والله إني بغيت أنزل أمزع وجهه حده تاكتوك في الفلبين وإلا سيكل مسروق 20 وأنا وياهم شيل وحط مع المدير و الزول المهندس والخمام حقين الفحص وإثاري الدعوى سرق عيني عينك إما إنك تدفع من تحت لتحت على قولة حسينوه بدرب الزلق وإلا بيخلونك تتمخول وتدفع ثانيهرسوم إعاده غير البهذله. ولكن الحمد لله ولا قرش دفعت لهم رشوة ... محقهم الله وأبشرك مشت أموري بعد لطعه ساعتين. رح وتوكل على الله وبيسر أمرك .. لاتنسو صلاة الفجر والدعاءفهم سلاح المؤمن الذي يحميك بإذن الله من جور الانس والجن... والله من وراء القصد

هدار
04/11/2008, 11:55 AM
السلام عليكم:
التغير الخارجي مافيه شي انا كان معي لاند كروزر 2001 محوله الى 2007 وجتاز الفحص
وعلى العموم جرب ترا مافيه ألا كل خير وهذا الكلام ماله سنه
طبعا التغير خطوط او انوار مافيه شي لاكن التغير الممنوع تركيب وجهية نوع سيارة على نوع سيارة ثانية

DARK2
04/11/2008, 01:09 PM
المهم الفلبيني ما خش مزاجي وأشوفه شخمط على الورقه للي بعدهالفاحصين بالسعودية اجانب ؟؟؟

خطر
04/11/2008, 01:38 PM
اتوقع مافيه اي مشاكل :)

fusfus
04/11/2008, 03:02 PM
وشف فيك متخوف يا الطيب لا تفكر وتوسوس بأشياء غير صحيحه موترك ما عليه خلاف ويبي يجتاز الفحص ان شاء الله وشلون لو تشوف سيارات هالاجانب بالفحص مافيه امل سياراتهم تجتاز الفحص وفوق ذلك تجتازه لك كل التوفيق

قرم العيال
04/11/2008, 04:37 PM
على حسب المزاج

والعاملين بالفحص

دبر واسطه وتفحص والموتر باليبت

خيال ابن خيال
04/11/2008, 04:47 PM
تبي النصيحه الزينه إذا كنت تعرف أحد في الديار اللي جنب الرياض مثل القويعيه وغيرها يجددون الاستماره بدون فحص بس رح أول حق الرياض جرب

(مواصل)
04/11/2008, 05:13 PM
ابد رح افحص ماعليك
فحت جيب شاص مديل الفين مغير خطوطه الفين واربعه ماقالو شي

التريبي
04/11/2008, 05:15 PM
السلام عليكم ورحمة الله وبركاته

اولا مبروك والله يطعمك من خيره ويكفيك شره

ثانيا لا يضيق صدرك وانا اخوك الأمر بسيط جدا رح لم اي مدينه ما فيها فحص دوري وجدد استمارتك هناك انا سبق وسويت هالطريقه بالزلفي من كم سنه .

fusfus
04/11/2008, 08:02 PM
يا رجال الموضوع بسيط توكل على الله ورح افحص بالرياض لا تروح لمنطقه ثانيه ولا هم يحزنون اهم شي رقم الشاصي مطابق

fusfus
04/11/2008, 08:09 PM
يا رجال الموضوع بسيط توكل على الله ورح افحص بالرياض لا تروح لمنطقه ثانيه ولا هم يحزنون اهم شي رقم الشاصي مطابق

kal440
04/11/2008, 09:41 PM
مافيه مششششششششششششششششششكله عادددددددددددددى جدددددددددددددا مثل ماقالو لك الاخوان اهم شى سلامة المركبه وانها صالح للقياده فقط

مزاجي فوق
05/11/2008, 08:02 AM
بيض الله وجيهكم على هالردود المقنعه اهم شئ انكم علمتوني ارووح القويعيه اذا استقعدو

لبى قلوبكم كفيتم ووفيتم

ملاعب الذيب
05/11/2008, 09:37 AM
جرب وبتيسر امورك 0ودي افيدك لكن لا اعلم

ابو ناصر2020
05/11/2008, 01:52 PM
لا ان شاء الله توكل على الله واهم شي غسل السياره ولا تخلي به ملاحظات عشان
من اول شي تنجح وتنتهي من الموضوع كله


موفق يارب ان شاء الله