وين بحيرة الكسر بالضبط؟

[م.أبوخلاد]

بسم الله الرحمن الرحيم
الحمد لله إلي أسقانا من فضله العظيم وهذا الخير رضى من رب العالمين بإذنه سبحانه

أخوكم بيجي من الرياض وناوي بحيرة الكسر لكني ماأعرف وصفها بالضبط فلا هنتم يا القروم كيف أوصل لها؟

جزاكم الله مرافقة نبيه محمد عليه الصلاة والسلام

[ابو مشاري6]

اخي الكريم
الكسر بمدينة الزلفي بجوار روضة السبلة

[م.أبوخلاد]

^
^
^
بيض الله وجهك يا أبومشاري6
أنا أدري إنها في الزلفي بس ماقد دخلت الزلفي في حياتي!!
بس أشوف لوحتها إذا رحت للقصيم

أبي-لاهنتم-وصف واضح من خروجي من الرياض إلى الكسر

وجزاكم الله كل خير

[الكمبيوتر]

والله اسمها يغري (بحيرة الكسر)

هل فيها ماء وهل الناس يكشتون عندها

والوصف واضح رح للقصيم واذا شفت لوحة الزلفي اتبعها واذا دخلت الزلفي اسال

بتلقاني هناك قدامك وبدلك واضح وانت لا تدقق رح وبس واسال

[مدمن الكشتات]

م أبو خلاد
السلام عليكم ورحمة الله وبركاته وبعد
أنصحك بعدم الذهاب للكسر لأن طريقه يعدم السيارة والآن خطر وطين
أنصحك تروح للتنهاة فطريقها سهل وحولها نفود يرد الروح وتتفرج على مياه التنهاة وأنت فوق النفود

[abdallh2020]

اخي الكريم
الكسر بمدينة الزلفي بجوار روضة السبلة
اخوي ابو خلاد السلام عليكم ورحمة الله وبركاته احيك واحي اخواني اعضاء مكشات الاعزاء بالنسبه لبحيرة الكسر في محافظة الزلفي بجور روضة السبله من جهة الشمال الغربي وهي اسفل نفود الضويحي وانا من اهل الديره وحسب علمي ان الكسر ما يصله السيل الا اذا مشي وادي النوم العظيم ارجو التأكد من وجود البحيره قبل التحرك اليها ويشرفني استضافتك في بلدي العزيز وعلي الرحب والساعه:bounce: :bounce: :bounce: :bounce: :bounce:

[ابوريان]

http://www.waraqat.net/2008/04/matar_zlfe5.jpg

http://www.waraqat.net/2008/04/matar_zlfe3.jpg

http://www.waraqat.net/2008/04/matar_zlfe1.jpg

أعتقد أن هذه المناظر لا يمكن تتفوت وتستحق العنوه
وهذه الصور للأمطار التي هطلت بشهر 4 لهذا العام

أما موقع البحيرة
بعد ما تتعدى المجمعة وأنت بطريق القصيم أول مفرق للزلفي يمين أفرق معه بأتجاه الشمال والمسافة حتى الدوار تقريبا 50 كيلو . تأخذ نص الدوار وتستمر شمال طريق ممهد وتستمر حوالي 14 كيلو تجد البحيرة.
وإن شاء الله تعجبك

[7azem]

^^^

وصف واااضح يا أبو ريان ..


تسلم أناملكــ

[عاشق النوق]

أخوي أبو خلاد الحمدلله بحيرة الكسر قد تكونت..
وهذه الصوره للأخ باحث آثار للتلك البحيره الرائعه..
وقد ألتقطها هذا الموسم..

http://www.alfaris.net/up/4/1225820564_zyzoom-56a9ca8355.jpg

[عاشق النوق]

أخوي أبو خلاد الحمدلله بحيرة الكسر قد تكونت..

وهذه الصوره للأخ باحث آثار للتلك البحيره الرائعه..
وقد ألتقطها هذا الموسم..



http://www.alfaris.net/up/4/1225820564_zyzoom-56a9ca8355.jpg


ووصف هذه البحيره هو أسلك المخرج الي يجي بعد المجمعه للزلفي وأمش مع الطرق تقريبا ستين كيلوا إلى إن يجيك دورا المصمك خذ الدور من الأمام وأسلك الطريق المطين إلى إن يجيك الكسر( الطريق ممهد للغايه)

[kal440]

هل يوجد الماء الان افيدونا ام الصور قديمه

[مهجد النت]

http://www.mekshat.com/vb/showthread.php?t=165120

[جهز السميري]

اسمها مغري يحث على ان الواحد يزورها

[م.أبوخلاد]

إلي يميز هالمنتدى وجود رجال يحبون يفيدون غيرهم فبيض الله وجوهكم وجمعكم ووالديكم وذرياتكم في أعلى جنات النعيم



والله اسمها يغري (بحيرة الكسر)
هل فيها ماء وهل الناس يكشتون عندها
والوصف واضح رح للقصيم واذا شفت لوحة الزلفي اتبعها واذا دخلت الزلفي اسال
بتلقاني هناك قدامك وبدلك واضح وانت لا تدقق رح وبس واسال



سلمك الله يا الكمبيوتر
ودي أتأكد من الوصف قبل ماأروح..ومسألة السؤالهناك تكون إذا ضيعنا بالحيل!!
نشوفك هناك إن شاء الله



م أبو خلاد
السلام عليكم ورحمة الله وبركاته وبعد
أنصحك بعدم الذهاب للكسر لأن طريقه يعدم السيارة والآن خطر وطين
أنصحك تروح للتنهاة فطريقها سهل وحولها نفود يرد الروح وتتفرج على مياه التنهاة وأنت فوق النفود



وعليكم السلام ورحمة الله وبركاته أخوي مدمن الكشتات
كيف طريقها يعدم السيارة؟معي جيب والصور الأخيرة للبحيرة تقول إن الأمور سهالات بإذن الله
مشكور على النصيحة..والتنهاة جايينها بإذن الله




اخوي ابو خلاد السلام عليكم ورحمة الله وبركاته احيك واحي اخواني اعضاء مكشات الاعزاء بالنسبه لبحيرة الكسر في محافظة الزلفي بجور روضة السبله من جهة الشمال الغربي وهي اسفل نفود الضويحي وانا من اهل الديره وحسب علمي ان الكسر ما يصله السيل الا اذا مشي وادي النوم العظيم ارجو التأكد من وجود البحيره قبل التحرك اليها ويشرفني استضافتك في بلدي العزيز وعلي الرحب والساعه



وعليكم السلام ورحمة الله وبركاته أخوي abdallh 2020
تحييك ملائكة ربي سبحانه ومشكور على ردك
البحيرة على كلام الشباب فيها خير ولله الحمد عساه دوم مب يوم
شرف لنا دخول محلك ولا هو غريب عليكم الكرم والمرجلة-ولا يهون الباقين-

[زمن ماجد]

لا يفوووووووووووووووتكالكسر 0000 ترااااااااااااه غير غير غير


والطريق حلو لي يعرفه

[م.أبوخلاد]

أعتقد أن هذه المناظر لا يمكن تتفوت وتستحق العنوه
وهذه الصور للأمطار التي هطلت بشهر 4 لهذا العام

أما موقع البحيرة
بعد ما تتعدى المجمعة وأنت بطريق القصيم أول مفرق للزلفي يمين أفرق معه بأتجاه الشمال والمسافة حتى الدوار تقريبا 50 كيلو . تأخذ نص الدوار وتستمر شمال طريق ممهد وتستمر حوالي 14 كيلو تجد البحيرة.
وإن شاء الله تعجبك


بيض الله وجهك أخوي أبوريان
والله إني تهيضت مع الصور
وصفك زين مثلك:D
إن شاء الله بكره فيها بحوله وقوته سبحانه



أخوي أبو خلاد الحمدلله بحيرة الكسر قد تكونت..
وهذه الصوره للأخ باحث آثار للتلك البحيره الرائعه..
وقد ألتقطها هذا الموسم..



هذا من فضل الله علينا أخوي عاشق النوق
بيض الله وجهك و وجه أخوي باحث آثار

[كاشت من مبطي]

السلام عليكم ورحمه الله وبركاته ..


خريطه لبحيرة الكسر من قوقل ..


http://www.mdmn.net/up/64187152a1.jpg (http://www.mdmn.net/)





اول كوبري لمحافظة الزلفي وانت جاي من سريع الرياض ومسافته 55 كيلو بعدها يجيك دوار المئوية الموضح بالخريطة


:D

[م.أبوخلاد]

سلمك ربي أخوي كاشت من مبطي

الله يجمعك ووالديك وذريتك في الفردوس

وعدنا بإذن الله مع البساط الأخضر

[كاشت من مبطي]

سلمك ربي أخوي كاشت من مبطي



الله يجمعك ووالديك وذريتك في الفردوس



وعدنا بإذن الله مع البساط الأخضر




الله يجزاك خير

[أبوسمر الجديد]

شكراً لوصف الطريق..

شكلها مغرية .. مغرية..

بإذن الله زايركم آخر الإسبوع وجايكم من الرياض..

بس سؤال هل فيه خدمات حوله الكسر.. يعني بقالات متنقلة ونحوها
وإلا لازم أجيب عدتي معي!!

[عاشق الزلفي]

السلام عليكم ورحمة الله وبركاته


الشباب ماقصروا وصفوا لك المكان


لكن لو بغيت تدخل للزلفي علشان تاخذ أغراضك بيصير عليك مسافة ترجع لطريق الكويت فعندي لك وصف ثاني


أمسك الطريق الرئيسي ( طريق الملك فهد ) وبعد العثيم فيه إشارة لف معها يمين وعلى طول حتى يجيك بلدة علقة بأولها على اليمين حديقة لف مع الحديقة يجيك حرف t بعدين يسار وأول شارع على يدك اليمين تقريبا 60 متر ( عرض ) لف معه بيوديك فوق الجبل حتى ينتهي القار بعدين لف يسار طريق ممهد ( على خبري ) بتطب طبوب على الكسر .


بخصوص البقالات لا يوجد عند الكسر شئ قبل الدوار فيه محطة وإذا أخذت الدوار وصار وجهك غرب تمشي مسافة تجيك محطة على يدك اليسار .

[ذيب 80 النفود]

الوعد ان شاء الله عيد الاضحى

[محمد6655]

اخوي اذا تعديت المجمعه بــــــــــــ20ك تقريبا تجيك لوحه الزلفي اطلع مع الكبري يمين وسيده تتجه لزلفي تمشي حوالي60ك يبي يجيك حرف تي وبه دوار بداخله مجسم لقلعة المصمك ان اتجهت يمين يوديك لسبله ويسار لزلفي وان ناضرت قدامك وانت مقبل على الدوارتشوف اعلى قمه لنفود بالسبله تبعد حوالي 15-20ك اتجه لها تراها تسمى خشم الضويحي خلها بيمينك وسيده للكسر ولو وقفت اي واحد وانت عند الدوار يبي يشر لك على طريق الكسر بكل وضوح وســـــــــــــلامتكم00000

[محمد6655]

شف الرسم اللي منزله اخونا (كاشت من مبطي) والما واجد واكثر من اي سنه000000

[turkey]

ما قصروا الشباب


أخوي
وانت ماسك طريق الرياض القصيم تمشي من محطة سمنان تقريبآ 200كم
رقم المخرج 18-من تطلع من الرياض المخارج أرقام متسلسلة -
تطلع معه يمين*
تمشي سيدة 55كم تقريبآ **
يجيك دوار على شكل تي بس فيه مقابل الخط اللي جاي منه خط مطين تمشي 15كم تطب ع الكسر دايركت
او تتجه يمين تمشي 10كم تاصل وادي مرخ ووادي النوم وروضة السبلةتشوف حدودها زي حدود خريم
اذا نزلت يسار وخليت الروضة على يمينك تمشي سيدة وتطب عليها
ولا تفوتك الروضة تقدر تدخل من مداخل مفتوحة للمكان اللي تبي


أذا تبي بقالة خذ الدوار يسار لين اول يوتيرن ارجع معه وتمشي شوي لين تصير المحطة يمينك
أذا تبي العثيم تاخذ الدوار يسار وسيدة لين تدخل الزلفي يقابلك دوار سيدة معه يجيك ثاني دوار سيدة وبعده تجيك اشارة (بجمبك تلفون مجسم كبر قريح :D سيدة ثاني اشارة (على يمينك السوق الكبير) ثالث اشارة بعدها يصير العثيم يمينك على طول وبنفس المبنى كودو والشارع هذا كله مطاعم










*(اول ما تنزل انتبه في فتحة صغيرة حقت تصريف الموية اللي نازلة من الكوبري بعرض 30سم تقريبأ حديد وحدة طايحة وفيه مطب أقشر واحد من العيال معه ياريس أنعفتت جنوطة الثلاث الخميس قبل أمس :D )


**(وأنتبه من البعارين العابرة للقارات :p )

حفظكم الله في حلكم وترحالكم واقامة سعيدة :D

[ابوذيب]

والله النشاما ماقصروا وفوا وكفوا

بس انا ابي او صف لك وصف احسن منهم وسهل

تروح من الرياض الى الدمام وقبل تدخل الدمام تلف يسار وتمسك طريق الجبيل

ولماتجي الجبيل تمسك طريق ابو حدريه
ومن ابو حدريه تلف يسار للنعيريه
ثم تستمر وتتعدى مفرق قريه
وتمر السعيره وتبتل
ويجيك مفرق الشيط وتبتل
وتوزن بك خبيرا وتبتل
وتمر الدبيه ومعرج السوبان وتبتل
ويجيك مفرق القاعده السفانيه الحفر الدمام وتلف يسار باتجاه قاعدة حفر الباطن
ولما تجي تقاطع القاعده مع طريق الحفر تلف يسار وتستمر حتى تجيك محطة البطيحان
وتبتل الى ان ترى بوابة موقع ام رقيبه لمزاين ملكات جمال الابل
تبتل وانت متحذر من الابل 6 سلندر و4 سلندر اما 8 سلندر فهي راكده ماتربع ( ماتطامر)
وتجيك ام الجماجم وتخليها وتجيك الارطاويه وتخليها حتى يجيك مفرق الزلفي على يمينك

لاحظ من طلعت من الرياض وانت تفرق يسار حتى تجي مفرق الزلفي تفرق يمين
وتدخل حتى يجيك مسيل شعيب يمينك ويسارك فهذا شعيب السبله اللي فيها معركه شهيره
وابو ذيب حاضرها وكان عريف بقسم الهجانه (سلاح المهندسين )
المهم تستمر حتى يجيك دوار المئويه ( فانتظرني اجيك )
او يمكن اتاخر عليك
اجل لف يمين
ودرب الغانمين يمين
واذا وصلت للبحيره لاتنسى تجهز سناره تصطاد دلافين لانها بكثره هناك
حيث ان العجاج يجيب بيض الدلافين بكثره ويطيح بالنفود ومع الوسم تبدا دورة البيض ويفقس وينموا بكل ساعه 3 سم

عموما حتى الجراد اللي تم دفنه قبل 10 سنين يفقس مع المطر الوسمي ويتكون جراده

شكلي طولت عليك بس هذا حسب اعتقادي افضل طريق من الرياض الى بحيرة فكتوريا اقصد الكسر
واذا بغيت تبتل للمجمعه وتستاجر راعي تكسي يجيبك للبحيره تراها اضمن

تحيتي للجميع

[سفير دثير]

اوصف الطريق الي يودي البحيره الله ليهينك

[العابر999]

لالالالالالايييييييييففففففففففوووووووووتتتتتتتتتت ككككككككككككك

[سعد الاحمد]

والله الشباب ما قصروا في ردودهم ووصفهم للبحيرة ..
وانا والله استفدت من الوصف والظاهر بروح اشوف البحيرة ان شاء الله ..

[السملق]

مرحبا بالجميع في محافظة الزلفي أقولها بالنيابه عن أهالي الزلفي
ثم أن وصف بحيرة الكسر واضح بعد خروجك من المخرج اللي بعد المجنعة ويشير الى الزلفي أمش قرابة 50 كم ثم ياتيك دوار خذ الدوار متجها للغرب كأنك ذاهب لمحافضز الزلفي ثم يأنيك دوار أخر بعد 5 كم من عند الدوار أنحرف يمين وستصبح وجهتك نحو الشمال وتجد طريق جديد اسلك الطريق حيث ينتهي وواصل المشوار حتى يعترض لك طريق أخر خذ يمينك معه حتى ينتهي ثم عند نهايته خذ يسارك وواصل متجها جهة الشمال ستقطع قراية 7 كم ثم تجد بوادر الكسر , واسلام .

[الذيب 30]

ياملا العافية
والله ماقصرتوا

بس والي جاي مع عنيزة وش الطريق الزين له

لإني الصراحة امس بغيت اروح له بعد صلاه الجمعه بس المشكله ماأعرف الطريق

ومادري اروح مع الطريق القديم ولا الطريق الجديد الي عند المجمعة بس ذا بعيد شكله

[عاشق النوق]

ياملا العافية
والله ماقصرتوا

بس والي جاي مع عنيزة وش الطريق الزين له

لإني الصراحة امس بغيت اروح له بعد صلاه الجمعه بس المشكله ماأعرف الطريق

ومادري اروح مع الطريق القديم ولا الطريق الجديد الي عند المجمعة بس ذا بعيد شكله
مرحبا تراحيب المطر الزلفي بتنور بوجودك..


تعال مع الطريق السريع إذا تعديت تفتيش ام سدره ب 5 كيلو تقريبا يجيك مخرج للزلفي اطلع معه إلى أن يجيك اتجاه اجباري لليمين رح للزلفي وطول إلى أن تخرج منها بعدين يجيك دوار فيه مجسم المصمك خذه يسار وامسك الردميه

ومرحبا بك

[الذيب 30]

الله يعطيك العافية ياخوي (عاشق النوق)
ونشاء الله اني ابي أجي
وشكراً

[فحيحيل]

مشكور

كنت فيها نهاية الأسبوع الماضي وبكل معنى الكلمة ( تسوى العنوة )

[الهواوي]

والله النشاما ماقصروا وفوا وكفوا

بس انا ابي او صف لك وصف احسن منهم وسهل

تروح من الرياض الى الدمام وقبل تدخل الدمام تلف يسار وتمسك طريق الجبيل

ولماتجي الجبيل تمسك طريق ابو حدريه
ومن ابو حدريه تلف يسار للنعيريه
ثم تستمر وتتعدى مفرق قريه
وتمر السعيره وتبتل
ويجيك مفرق الشيط وتبتل
وتوزن بك خبيرا وتبتل
وتمر الدبيه ومعرج السوبان وتبتل
ويجيك مفرق القاعده السفانيه الحفر الدمام وتلف يسار باتجاه قاعدة حفر الباطن
ولما تجي تقاطع القاعده مع طريق الحفر تلف يسار وتستمر حتى تجيك محطة البطيحان
وتبتل الى ان ترى بوابة موقع ام رقيبه لمزاين ملكات جمال الابل
تبتل وانت متحذر من الابل 6 سلندر و4 سلندر اما 8 سلندر فهي راكده ماتربع ( ماتطامر)
وتجيك ام الجماجم وتخليها وتجيك الارطاويه وتخليها حتى يجيك مفرق الزلفي على يمينك

لاحظ من طلعت من الرياض وانت تفرق يسار حتى تجي مفرق الزلفي تفرق يمين
وتدخل حتى يجيك مسيل شعيب يمينك ويسارك فهذا شعيب السبله اللي فيها معركه شهيره
وابو ذيب حاضرها وكان عريف بقسم الهجانه (سلاح المهندسين )
المهم تستمر حتى يجيك دوار المئويه ( فانتظرني اجيك )
او يمكن اتاخر عليك
اجل لف يمين
ودرب الغانمين يمين
واذا وصلت للبحيره لاتنسى تجهز سناره تصطاد دلافين لانها بكثره هناك
حيث ان العجاج يجيب بيض الدلافين بكثره ويطيح بالنفود ومع الوسم تبدا دورة البيض ويفقس وينموا بكل ساعه 3 سم

عموما حتى الجراد اللي تم دفنه قبل 10 سنين يفقس مع المطر الوسمي ويتكون جراده

شكلي طولت عليك بس هذا حسب اعتقادي افضل طريق من الرياض الى بحيرة فكتوريا اقصد الكسر
واذا بغيت تبتل للمجمعه وتستاجر راعي تكسي يجيبك للبحيره تراها اضمن

تحيتي للجميع


والله دلوله يابو ذيب :confused: :confused: :confused: ضيعت الشباب تراهم يصدقون :no2: :no2: :no2:

[بندر.ع]

الله يعطيكم العافية .. سؤالي هل لازال الكسر ممتلئ بالماء وهل تنصحون بزيارته للعائلة يوم الخميس المقبل 22 / 11 علما بأني قادم من الرياض .. هل لازالت تستاهل العنوة؟

وفق الله الجميع ورزقنا خير هذه الأمطار

[السملق]

يستاهل العنوة ونص ولعلمك فإن الماء يمكث به قرابة أربعة أشهر من الأن

ونصيحتي لك تعال أنت وجب معك من تحب أن ينسى همومه , وترد عليه روحه فالمكان جميل وأهله كرماء وحلوين وراعين فزعة .

[ذرب سدير]

تستاهل المطراش بحيرة الكسر في الزلفي

وعندك بعد بحيرة الحقاقة بتمير

وبحيرة العكرشية بالقصب

كلهن تسوى عنوتهن

[عاشق النوق]

الله يعطيكم العافية .. سؤالي هل لازال الكسر ممتلئ بالماء وهل تنصحون بزيارته للعائلة يوم الخميس المقبل 22 / 11 علما بأني قادم من الرياض .. هل لازالت تستاهل العنوة؟

وفق الله الجميع ورزقنا خير هذه الأمطار


لا زالت إلى الآن تستاهل العنوه.. ففي عام 1418 جلست البحيره مده طويله قد تقارب السنه على ما أذكر وهذه السنه الي جاها مو بعيد عن الي جاها بعام 18..


حياك الله وبياك أنت وعائلتك وأتمنى أن تستمعوا بهذه البحيره الغناء

[بندر.ع]

مشكورين يا الأجواد وأخص بالذكر "السملق" و"ذرب سدير" و"عاشق النوق" والزلفي ديرتي وأهلها عظام الرقبة .. بس الشكوى لله خذتنا الرياض والمدنية ولا عاد نشوفها إلا كل سنتين ولا ثلاث وفي زيارات العيد التي لا تدوم إلا لبضع ساعات .. لذا شهادتي مجروحة في أهلها وأرضها

فالكم الربيع والأمطار والعلوم الطيبة والله يجمل حال كل من ينفع الناس ويفزع لهم

[sosososo]

http://wikimapia.org/#lat=26.467923&lon=44.860611&z=14&v=2

[ولد ثادق]

السلام عليكم ورحمه الله وبركاته

ودنا بالروحه لـــ بحيرة الكسر الاربعاء القادم

هل تستاهل العنوه هالايام ؟

ارجو ان القى رد يفيدنا

[الولماني]

والله تستاهل العنوه بحيرة الكسر ما زال الماء موجود يبي له بحدود أربعة أشهر ويجف
والله يحييك في الزلفي نتشرف بكم يا أهل ثادق وغيركم نفرح بضيوفنا من كل مكان.

[ملاعب الذيب]

ليش سميت الكسر ارجو الرد من القروم اهل الزلفي

[ولد ثادق]

والله تستاهل العنوه بحيرة الكسر ما زال الماء موجود يبي له بحدود أربعة أشهر ويجف
والله يحييك في الزلفي نتشرف بكم يا أهل ثادق وغيركم نفرح بضيوفنا من كل مكان.



هلا وسهلا اخوي الولماني

يعطيك العافية وانتم يا أهل الزلفي لكم معزه خااااااااااصة

جزاك الله خير اخوي الكريم

[رعاد مطر]

رسمتلك هذا الكروكي

ان شاء الله يفيدك وجميع الاخوان

http://www.gulfup.com/uploads/12340874690.jpg (http://www.gulfup.com/)

وبعد 50 كلم من المخرج

http://www.gulfup.com/uploads/12340874691.jpg (http://www.gulfup.com/)

[رأس الزعامه]

أبوريان وصف واااااضح أشكرك
وترى طريقها ممهد للغايه التكاسي قصتي السيارات الصغار يدخلنها