المساعد الشخصي الرقمي

مشاهدة النسخة كاملة : فيضة الخفس 18 ذي الحجة "مصورة"


عروان
16/02/2004, 03:05 PM
بسم الله الرحمن الرحيم

كنت في الرياض لمهمة عمل وقلت يا ولد ما يبيلها أنقز يم روضة الخفس يمدحونها. فتشت عن الاحداثيات ولقيتها ودخلتها بالقارمن وفي يوم الأثنين بعد صلاه الظهر تحركت لها عن طريق الثمامة.

صراحة الفيضة كانت من جزئين جنوبية وشمالية

الجنوبية كان بها ناس واجد يمكن لانها أول وحد تصادف على الطريق والناس على طول تفرق لها.
بس كانت كلها غبرة المهم مريت عليها مرور الكرام وتعديتها متوجه شمال بأتجاه الجزء الشمالي
سئلت عنه دورية حماية البيئة ومدحوها أكثر.

وفعلاً لما وصلت الشمالية لقيتها أطيب ربيع وأقل غبار لانها في طرف نفود وعشبها مرتعف وبها زهر وخزامى ريحة يرد الروح.

أخذت بعض الصور:

http://www.mekshat.com/pix/upload/images4/alkhufs1.JPG


http://www.mekshat.com/pix/upload/images4/alkhufs2.JPG


http://www.mekshat.com/pix/upload/images4/alkhufs3.JPG


http://www.mekshat.com/pix/upload/images4/alkhufs5.JPG


http://www.mekshat.com/pix/upload/images4/alkhufs9.JPG

أحداثيات فيضة الخفس:

الشمالي: 680 27 25
الشرقي: 740 24 046

تحياتي للجميع
شاهد عيان
16/02/2004, 03:26 PM
يا ملا العافية على هذه الصور الرائعة ..

وحبيت أسأل عن الطريق المؤدي لروضة الخفس لأني من القصيم ...

وشكراً لك .
آل حسين
16/02/2004, 08:05 PM
السلام عليكم0
الطريق واضح جداً ياأخي0
تمشي على طريق القصيم الرياض السريع لين يجيك مخرج دقلة الثمامة تفرق يسار بالنسبة للي جاي من القصيم وتسير في الطريق لمسافة ثم يقابلك خط يقص الطريق لاتروح معه خلك ماشي ويقابلك بعد مسافة على يمينك نفود الثمامة وهو أخره ويسمى خشم رثمه وحوله غدران وأبل وقدامك جبل العرمة الفارع جهة الشرق وهو اللي في الصوروبعد هذا يلف الطريق بك ويبتديء يصير وجهك جنوب ستكون الروضة على يسارك وانتبه لمدخلها وبتشوف الناس واجد هذي الجنوبية وان بغيت الشمالية فهي سهلة اذا جاك شبك الجنوبية الغربي خلك على يمينك وبعد ماينتهي أمش في الطريق وجهك شمال شرق وبعد مسافة يجيك خفس الماء اللي سميت به الروضة وفيه ماء الى هالحين وانا زرته يوم الجمعة الماضية واذا خليت شبك الماء على يمينك بعد مسافة وجهك شمال شرق يجيك شبك الشمالية وترى طرفها الاخير من الشمال الشرقي ازين شيء وعسى الله يعجل بالامطار
ابو شكاع
16/02/2004, 11:46 PM
مشكوووووووووور على هالصور وما قصرت


في عطلة الحج وصلنا روضة الخفس يوم الخميس 14/12 قبل المغرب بقليل

كانت جميله ولكن زحمة

وفعلا .............. كان غبار السيارات مؤثر على الربيع


هلابك ولاهنت
بواردي الروضة
17/02/2004, 12:20 AM
ما شاء الله ربيع (ن) طيب مرة

الحقيقة ما قصرت والله أخوي عروان وجزاك الله ألف خير

بــ الروضة ـــواردي
عروان
17/02/2004, 08:08 AM
شاهد عيان

الله يعافيك يالغالي

الطريق ماقصر اَل حسن وصفه لك الله يعطيه العافية.
عروان
17/02/2004, 08:11 AM
الغالي أبو شكاع

الزحمة لانكم جيتو في أجازه الناس لكن يوم الاثنين كانت تقريباً خالية الى من القليل.

أما الغبار صراحة يضيق الصدر. تصدقون انه مغطي خضار العشب وصاير العشب أشهب. هذا في الخفس الجنوبية أما الشمالية فلا كما في الصور اعلاه.



تحياتي لك
شاهد عيان
17/02/2004, 02:22 PM
تسلمووووو على الوصف

وأشكر الأخ آل حسين على هذا الوصف الرائع ...
عروان
21/02/2004, 10:38 AM
تسلم أخوي بواردي الروضة


تحياتي
شايب الصمان
21/02/2004, 10:54 PM
السلام عليكم ورحمة الله وبركاته

الله يعطيك العافيه على الصور الرائعه جدا جدا جدا
صقر
21/02/2004, 11:14 PM
مشكور اخوي عروان

صور رائعة...

بارك الله فيك...
عروان
22/02/2004, 07:41 AM
شايب الصمان

صقر


مشكورين والله يعطيكم العافية.
عاشق الشروكي
22/02/2004, 08:22 AM
السلام عليكم ورحمة الله وبركاته
جزاك الله خير يا عروان على هالصور الرائعة وأنا مريت الروضة بعطلة العيد جميلة وتوسع الصدر والمزعج فيها الغبار مثل ما قالوا الاخوان وأضف على ذلك دوران بعض الشباب بسياراتهم رافعين على المسجل ورقص ومضايقات للعوائل وأرى أن ظاهرة الرقص كثرة هالايام وش القصة وهل لها حل 0وآسف للشطحه هاذي عن الموضوع 00
عروان
22/02/2004, 01:02 PM
أخوي عاشق الشيروكي

ألله يجزاك ألف خير ومشكور على مرورك بالموضوع.

مثل ما قلت دوران السيارات حول سور الفيضة هو اللي مثير الغبار في الفيضة.

أما الشباب الله يصلحهم ودك أن حماية البيئة يتدخلون في الموضوع.


تحياتي لك