المساعد الشخصي الرقمي

مشاهدة النسخة كاملة : للخبراء في السفاري 98 ربع (موتري يعاني من رجه& نفاضه)



اورنس الشمري
04/11/2008, 06:08 PM
عندي موتر سفاري 98 شريته ما في أحلى منه

عقبها يرج من أتعدى الثمانين , أحياناً بعد 120 ويرج رجه قويه جداً

سويت لوه ما يلي :

سويت كبس أذرعه

كذلك فصلت عمود الدبل ولا فاد ..

أو بالعربي هيئته الأماميه أغلبها جديده وأنا مغيرها أصلي ولا فاد..

كانت كفراتي الأماميه تويو , وغيرتها لدنلوب والترصيص سويته ولا فاد..

أتمنى من يعرف حل المشكلة أن يعلمني ومن يخبر ورش بالحفر أو بالقصيم

أو من يعرف حلها يطرحها هنا بالتفصيل الممل ...


وله مني دعوة بظهر الغيب....

بروق الرياض
04/11/2008, 06:44 PM
السلام المشكله عندك في الهوبات فيه ميزان المجد في الرياض شغلهم ممتاز مع الضمان

شحبار
04/11/2008, 06:51 PM
هذي مشكله في السفاري عيب فيه وانا موتري 2008 سفاري نفس المشكله قالو كبس الذراع ورجعت بعد فتره بس خفيفه انت تقول كبست الذراع ماراحت الرجه علمنا

ابودعسان
04/11/2008, 10:19 PM
لا يكون من صليب العمود الخلفي

الوعب
04/11/2008, 10:28 PM
السلام عليكم ورحمة الله و بركاتة

كل سياره فيها عيوب و من عيوب النيسان الرجه ,, موتري فيه نفس المشكله وحاولت احلها بالي اقدر عليه
خفت شوي و بعدين ياست لان موضوع الرجه موضوع متشعب
يعني بيقولون لك الاذرعه او كبس او التواير او الجنوط او الرود الخلفي او فضاوه في الدركسون
ويمكن تروح تغير شي و يطلع سليم و التغيير الي سويته يكون سبب من اسباب وجود الرجة
لو يقولي شخص اخذ منك الفين ريال و اشيل منك الرجه تماما والله موافق لو مايكلف تصليحها 200 ريال
هههههههههه مافيه الا نستحمل ولا حول ولا قوه الا بالله

اورنس الشمري
05/11/2008, 10:23 AM
بروق الرياض : الهوبات ما عندك أي مشاكل فيها ولا تحتاج لأي فك أو تركيب..

شحبار : كبست الذراع ولا فاد , المصيبة أنه يمشي توب لكن لا ضرب لوه حفرة أو مطب وانا مسرع قام يرج ..


ابو دعسان : والله ما فكرت بهذي , لكن ابشيك عليه..


الوعب : انت مثلي الله والعالم , الي تطوفك العالم على 120 واكثر وانت مهدي , أقسم بالله يا شيخ
لو أعرفلي فني سفاري كويس لا اشده يمه والي يبي ياخذه مني ..



مشكورين الغالين ولا هنتوا والي عنده معلومة من القراء لا يبخل علينا ..

شاص2007
05/11/2008, 12:13 PM
انا عندي نفس المشكله في سفاري 99 و إذا اكلت مطب خفيف وانا مسرع تجيه رجه قوي تخلين اهدي غصب المشكله الموتر تتعب وانت تقول نضيف إذا لقيت الحل اتمنى انك تعلمني الله يجزاك خير

adil33
05/11/2008, 12:33 PM
جرب اخوي بدل الكفرات بوضع علامة X وتاكد من وزن الهواء في الكفرات
روح لاي مخرطة وخلهم يكشفون على عمود الكدران وهو مكانه بدون فك ...( اذا تم فك العمود من قبل فلابد ان تغير الصلبان وتوديه للمخرطه عشان يردون له الوزنه حقته )
روح لاي ميكانكي وبلغه يقفل لك الفضاوة حقت عمود الدريكسون احتمال كبير فيه فضاوة عندك لانك مهما رصصت ما تحصل نتيجه ( لو طلب منك الميكانكي تغيير صلبان عمود الدريكسون قوله لا ابيك بس تقفل عليه شوي حتى ما يضايقك بالمشي ومع اي هزه للدريكسون يلف معاك الدريكسون )

salih100
05/11/2008, 12:45 PM
احتمال انه الدفرنس خربان وترا ما يفيد لا ترصيص عمود ولا كبس ولا شي انا كانت عندي نفس المشكله بجيب شروكي اذا لقطت حفره رج رجه تقول الكفرات بتتفكك وسويت كل شي سويته وفي النهايه بعته برجته واكتشفت بعدين ان الدفرنس خربان فشفلك واحد تمون عليه وخذ دفرنسه وشوف كلها ساعه فك وتركيب ب200 ريال او اقل

لا يكثر
05/11/2008, 02:48 PM
الرجه دوائها عندي

اشتريت باترول جديد من الوكاله وجتني ها الرجه الي بين 80 -100
من قوها شوي ويقلب وبعد فك وتركيب وتعديل وغير مع الوكيل الحمراني وجدنا العيب
من الكفرات وهو عيب تصنيعي كما يبدو لي
بس تتمسح الكفرات شوي تبدا في سيارتك هالرجه

المهم غير طقم اربع كفرات وستتلمس الفرق

ولا تنساني من دعائك

أبوأحمد2006
06/11/2008, 01:57 PM
اخوي انا معي سوبر سفاري 99 كان فيه رجه وامس القريب رحت للصناعية واكتشفوا ان فيه طعج في عمور الكردان وغيرته من التشليح وضبطوه بالمخرطه والحمدلله راحت المشكله

هذا النوع من الرجه في عمود الكردان خذ العلم :)

بروق الخير
06/11/2008, 02:19 PM
الرجة في الباترول
في كل موديلاته

انا معي سفاري 2005
في طريقة مؤقتة لإزالة الرجة
الا وهي الترصيص الارضي

وهو غير الترصيص العادي
ولكنه افضل منه بكثيييييييييير

الارضي


اذا كنت في الشرقية فيه محل اسمه ميزان مكي يسويه في صناعية الثقبة
تقريبا يطلع عليك بيميتين

mliar
06/11/2008, 02:29 PM
الحل عندي وأنا أخوك ماشيبي غير هالمشكلة أخذت فترة معي
المشكلة في عمود التوازن والمساعد حق الدريكسون الراكب فيه
تبي ترتاح أمسك عمود التوازن وأحدفه بالمساعد حقه إلا أنك تقول بغير جلبه
أما مساعد الدريكسون إذا خرب لازم يتغير
وإن شاء الله تدعيلي

ابو هشام
06/11/2008, 04:21 PM
شحبار : كبست الذراع ولا فاد , المصيبة أنه يمشي توب لكن لا ضرب لوه حفرة أو مطب وانا مسرع قام يرج ..




لاتضيع وقتك ودراهمك

المشكله من وصفك هي في عمود الذراع (حق اللف ) يحتاج تغيير. اللي كبسه ما كبسه زين أو أن العمود ما عاد ينفع معه الكبس.

ابو هشام
06/11/2008, 04:22 PM
الحل عندي وأنا أخوك ماشيبي غير هالمشكلة أخذت فترة معي
المشكلة في عمود التوازن والمساعد حق الدريكسون الراكب فيه
تبي ترتاح أمسك عمود التوازن وأحدفه بالمساعد حقه إلا أنك تقول بغير جلبه
أما مساعد الدريكسون إذا خرب لازم يتغير
وإن شاء الله تدعيلي


هذا الكلام السليم

3:16
06/11/2008, 09:27 PM
عامود الكردان وده للمخرطه يسوون له ترصيص ووزن وان شاء الله تروح انا جربتها في كل سياراتي الدفع الرباعي

الهاوي2008
07/11/2008, 02:43 PM
شيك على الجلب في الاذرعة والمساعدات

اورنس الشمري
25/11/2008, 09:35 AM
انا عندي نفس المشكله في سفاري 99 و إذا اكلت مطب خفيف وانا مسرع تجيه رجه قوي تخلين اهدي غصب المشكله الموتر تتعب وانت تقول نضيف إذا لقيت الحل اتمنى انك تعلمني الله يجزاك خير

والله انها مشكله , أجل في ناس معي تعاني ..
تابع الصفحة وشف اراء الإخوان..

ولا هنت على مرورك..

اورنس الشمري
25/11/2008, 09:37 AM
جرب اخوي بدل الكفرات بوضع علامة X وتاكد من وزن الهواء في الكفرات
روح لاي مخرطة وخلهم يكشفون على عمود الكدران وهو مكانه بدون فك ...( اذا تم فك العمود من قبل فلابد ان تغير الصلبان وتوديه للمخرطه عشان يردون له الوزنه حقته )
روح لاي ميكانكي وبلغه يقفل لك الفضاوة حقت عمود الدريكسون احتمال كبير فيه فضاوة عندك لانك مهما رصصت ما تحصل نتيجه ( لو طلب منك الميكانكي تغيير صلبان عمود الدريكسون قوله لا ابيك بس تقفل عليه شوي حتى ما يضايقك بالمشي ومع اي هزه للدريكسون يلف معاك الدريكسون )

أما عن تغيير الكفرات فغيرتهن وركبت جديد ولا فاد ..

لكن عمود الكردان ما جربت وأبشيك عليه اليوم..

ومساعد الدركسون سمعت انه لو تشيله يمكن يضبط الموتر..

وشكراً لك..

اورنس الشمري
25/11/2008, 09:39 AM
احتمال انه الدفرنس خربان وترا ما يفيد لا ترصيص عمود ولا كبس ولا شي انا كانت عندي نفس المشكله بجيب شروكي اذا لقطت حفره رج رجه تقول الكفرات بتتفكك وسويت كل شي سويته وفي النهايه بعته برجته واكتشفت بعدين ان الدفرنس خربان فشفلك واحد تمون عليه وخذ دفرنسه وشوف كلها ساعه فك وتركيب ب200 ريال او اقل

الدفرنس ما اتوقع فيه شي لأني فحصته يوم شريته وما في أحلى منه .

حتى ما في صوت أو شيء يبين ان الدفرنس خربان ...

لا هنت يا صالح على مرورك..

اورنس الشمري
25/11/2008, 09:41 AM
الرجه دوائها عندي

اشتريت باترول جديد من الوكاله وجتني ها الرجه الي بين 80 -100
من قوها شوي ويقلب وبعد فك وتركيب وتعديل وغير مع الوكيل الحمراني وجدنا العيب
من الكفرات وهو عيب تصنيعي كما يبدو لي
بس تتمسح الكفرات شوي تبدا في سيارتك هالرجه

المهم غير طقم اربع كفرات وستتلمس الفرق

ولا تنساني من دعائك



مشكور اخوي الكريم , والكفرات ما في نوع ما ركبته ولا فاد ..

اورنس الشمري
25/11/2008, 09:42 AM
اخوي انا معي سوبر سفاري 99 كان فيه رجه وامس القريب رحت للصناعية واكتشفوا ان فيه طعج في عمور الكردان وغيرته من التشليح وضبطوه بالمخرطه والحمدلله راحت المشكله

هذا النوع من الرجه في عمود الكردان خذ العلم :)

والله في آراء كثيرة تدعّم رايك وهذي غابت عني..

مشكور يا راع الزلفي..

اورنس الشمري
25/11/2008, 09:43 AM
الرجة في الباترول
في كل موديلاته

انا معي سفاري 2005
في طريقة مؤقتة لإزالة الرجة
الا وهي الترصيص الارضي

وهو غير الترصيص العادي
ولكنه افضل منه بكثيييييييييير

الارضي


اذا كنت في الشرقية فيه محل اسمه ميزان مكي يسويه في صناعية الثقبة
تقريبا يطلع عليك بيميتين

أشكرك أخوي والترصيص ما اتوقع يفيد لأن المشكلة ميكانيكية..

اورنس الشمري
25/11/2008, 09:45 AM
الحل عندي وأنا أخوك ماشيبي غير هالمشكلة أخذت فترة معي

المشكلة في عمود التوازن والمساعد حق الدريكسون الراكب فيه
تبي ترتاح أمسك عمود التوازن وأحدفه بالمساعد حقه إلا أنك تقول بغير جلبه
أما مساعد الدريكسون إذا خرب لازم يتغير

وإن شاء الله تدعيلي


هي والله ما تطلع عن هالاشياء :

عمود الكردان , أو مساعد الدريكسون ...

وداعي لك بدون لا يصلح...:D

اورنس الشمري
25/11/2008, 09:47 AM
أبو هشام : وارد ما ذكرت ..ولاهنت يابو هشام..

316 بعمل نصيحتك طال عمرك...


الهاوي 2008 مشكور على مرورك..

اورنس الشمري
25/11/2008, 09:49 AM
الوعب : حياك الله ...

وغير صحيح ما ذكرت ..

تحاياي

اورنس الشمري
25/11/2008, 02:07 PM
عرفنا المشكلة يالربع طلع عندي عمود التوازن يلزمه تغيير بالاضافه إلى تغيير عمود الدركسون وكذلك الي كبس لي الأذرعه كبسه خرطي , وبغير "اصلاح العكس اليسار"..

وإن شاء الله يضبط ...

سيف1420
25/11/2008, 02:49 PM
الحل عندي وأنا أخوك ماشيبي غير هالمشكلة أخذت فترة معي




المشكلة في عمود التوازن والمساعد حق الدريكسون الراكب فيه
تبي ترتاح أمسك عمود التوازن وأحدفه بالمساعد حقه إلا أنك تقول بغير جلبه
أما مساعد الدريكسون إذا خرب لازم يتغير


وإن شاء الله تدعيلي

صدق اخويmliar صار عندي رجه قويه وخصوصا اذا ضربت مطب يقعد الموتر يرج تقول فيه زيران اول شي غيرت مساعد الدركسون استرالي اصلي ومانفع وخرطة رمان الدفرنس ولانفع ورصصت الكفرات عند العضيب ومانفع اخر شي وبالصدفه كنت في الصناعيه ومريت على ميزان متواضع عندشخص سوري وعرضت عليه المشكله ونزل تحت السياره وقال غير جلب عمود التوازن فك العمود وارسله للمخرطه وكبسو الجلب الجديده وركبها ومن هاك اليوم يااورنس ماعاد عرفت الرجه واللجه ولله الحمد
اتمنى ان اكون قدمت مايفيدكم

راكان الاول
25/11/2008, 03:00 PM
العلة هذي مستحيل تكون من عمود كردان لانه لايتأثر ابدا بالمطب وانت تقول مع المطب ينتفظ.
الانتفاظة اللي تزيد مع المطب بسب احد التالي بالترتيب حسب الاحتمال الاكبر:
1/ مساعد الدركسون
2/ الجلب اللي في ااعمود حق المساعد
3/ المساعدات الامامية.

ثم الابعد فالابعد والله اعلم

مدور الخيرة
25/11/2008, 03:02 PM
الله يعينك يااخوي اورنس

انا معي باترول 99 تقريبا من سبع سنوات

وابي انصحك نصيحه لاني جربت الرجه كذا مره ووفقن الله اني احله

أول حل لازم تشيك على ربلات شيّال الدفرنس الربلات الاماميه والخلفيه عند افضل ميزان لانها يمكن منتهيه

وانا يوم كانت عندي منتهيه كانت تجيني رجه قويه بعد اي مطب ويوم اشتريت اصليه وركبتها وكبسوها لي انتهت المشكله

طلعت رجه بعد وقت ومالقو لها حل وفيه ميكانيكي قال لازم افك العكس واشد على رمان العكس ويوم شده رجع موتري طبيعي

وبعد سنين جتني رجه ولقيتها من مساعد الدركسون فغيرته وشديت ربلات ذراع الدركسون بكبس جديد وانتهت المشكله


علما بان كفراتي بالون على طول , والبالون هو اللي يسوي رجه لكن الحمدلله حاليا مااشكي منه ابد

صدقني يااورنس المشكله مستحيل تتعدى الاشياء هذي الا اذا كان نفاضه ماهي رجه فهذا يرجع لعمود الدبل أو الصليبات لكن فيه فرق بين النفاضه وبين الرجه


وعسى الله يعينك ويزين امورك يابن عمي :)

abodee-man
25/11/2008, 03:17 PM
يا خوي انا معي باتروم 98 وكان معي نفس المشلة اخوي اذا الذراع تمام فانه من الجرب اللي بالذراع انا غيرتهن وراحة الرجة وهي رخيصة بعد جرب ومانت خسران

تركي98
25/11/2008, 05:31 PM
لكل اللي يقولون الرجه طبيعيه بالسفاري...

صحيح الرجه طبيعيه بس تكون خفيفه... انا من خبرتي الحين حوالي 8 سنوات بالسفاريات اغلب السفاريات ترج من 80 الى 100 لكن بشكل خفيف (( هذا الطبيعي ))

لكن الرجال هنا يقول انه رجه قويه وحول مايقلب الموتر (( وفيه ناس ترد تقول طبيعي )) شي غريب

لا الطبيعي رجه خفيفه مو قويه ولا تاثر بعد ولا تزعج بالعكس رجه ماتستاهل انك تسوي شي بالموتر واحيانا تروح بعد وفجاه ترجع وهالشي طبيعي بالسفاري
هالشي حبيت انبه عليه

وبالنسبه لمشكلتك اخوي اقترح عليك تشيك على عمود الكردان والجلد بارضية الموتر يمكن تكون متاكله وشيك على كفراتك بعد والهوبات يمكن يكون واحد مخروط والثاني مو مخروط ((صارت لي من قبل )) وسببت رجه قويه جدا والحل خرطت الهوب اللي مو مخروط ورجع احسن من اول :)
اتمنى تلقى الحل لمشكلتك باقرب وقت
تحياتي للجميع

الربذي
02/02/2009, 11:40 PM
تقريبا حول مشكلتي...................................

1988
03/02/2009, 12:32 AM
ياخووووووووووووووووووووووووووووووووووووي رح لمركز التركي بالرياض بالصناعيه القديمه تخصصه باترول فقط

1988
03/02/2009, 12:36 AM
ياخوي رح لمركز التركي بالرياض بالصناعيه القديمه تخصصه باترول بس

DARK2
03/02/2009, 12:46 AM
بروق الرياض : الهوبات ما عندك أي مشاكل فيها ولا تحتاج لأي فك أو تركيب..

شحبار : كبست الذراع ولا فاد , المصيبة أنه يمشي توب لكن لا ضرب لوه حفرة أو مطب وانا مسرع قام يرج ..


ابو دعسان : والله ما فكرت بهذي , لكن ابشيك عليه..


الوعب : انت مثلي الله والعالم , الي تطوفك العالم على 120 واكثر وانت مهدي , أقسم بالله يا شيخ
لو أعرفلي فني سفاري كويس لا اشده يمه والي يبي ياخذه مني ..



مشكورين الغالين ولا هنتوا والي عنده معلومة من القراء لا يبخل علينا ..
شوف يغالي من وصفك انت عندك فضاوة في شي معين اما من ربلات الشيلات او الاذرعه وعلى فكرة مو شرط الكبس يضبط معاهم لانهم بالاصل مستعملين .. او عندك صلبان عامود الجاردن الاشياء هذاي تسبب مشكلة عموما اذا أيست ومالقيت الحل ارسل ارسل لي رساله على الخاص وان شاء الله راح نعالجة

ابوعراده
03/02/2009, 01:02 AM
الحل عندي وأنا أخوك ماشيبي غير هالمشكلة أخذت فترة معي

المشكلة في عمود التوازن والمساعد حق الدريكسون الراكب فيه
تبي ترتاح أمسك عمود التوازن وأحدفه بالمساعد حقه إلا أنك تقول بغير جلبه
أما مساعد الدريكسون إذا خرب لازم يتغير

وإن شاء الله تدعيلي



هذي هي المشكله 100% وهذا اللي حاصل لي في سيارتي موديل 98 وغيرته عند ميزان اليرموك ومن احلى مايكون ولله الحمد ومن تجيهم في الورشه لاتقولهم ابي أغير كذا وكذا اشرح لهم المشكله وبس وهم عارفين شغلته ويعطونك ظمان لمدة شهر وسأل مجرب بس لا تنس تدعيلي انا وعيالي ووالدي وانتظر ردك اذا طاب موترك

ابوسعودد
03/02/2009, 01:46 AM
مشكلتك حلها في ورشه الهبيش في بريده انا اضمن لك انك ماتطلع من عنده الا هو حال المشلكه واذا تبي وصفها راسلني على الخاص وابشر باللي يقوم بالواجب معك انت وموترك

ابو كرك
03/02/2009, 03:19 AM
اخوي وش نوع الكفرات اذا بوالين عادي الرجه واذا مو بوالين يمكن يكون مساعد ديركسون اذا مساعد ركب مساعد 284 حق جمس ويمكن ترى تصيص

ظبي نجد
03/02/2009, 01:31 PM
يالسنعوسي شرحك سرا
ووجدت الحل عند ابو سليمان الهبيش

خذ رقمه وورشته في بريدة وقل الوايلي غشني
0503142571