لقطات من التغريز وبطاقة شكر

[.. الشلاحي ..]

بسم الله الرحمن الرحيم
السلام عليكم ورحمة الله وبركاته
الحمد لله والشكر لله امطار خير ورحمة
تفصيل الرحلة
انطلاقة من الرياض الى تمير مرورا بام ارجوم الى التنهات ثم الى الحفنة ثم الى رويغب والمبيت في الحسي والحمد لله امطار وارزاق يوم الاحد
يوم الاثنين انطلقنا من الحسي الى براري تمير وحصل مالم يكن في الحسبان تغريزة تهاويل من الساعة 10 صباحا الى الساعة 6 مساء وكان المطر مايفصل والحمد لله على كل حال
تم خروجنا بفضل الله ثم بفضل شباب الفيصل من الموقع ونعم الرجال وبعد خروجنا تخاوينا جميع الى تمير الا ان احدى سياراتهم غرزت في احدى الاودية والوادي سيله قوي ونحن توجهنا الى علو الوادي مسوين نبي نقطعة :no2: ماتبنا المهم غرزنا ولم نطلع الا اليوم الساعة 7 صباحا بفضل راعي حلال والحمد لله جاني اتصال من راعي البل ان الشباب جوه واخذوا سيارته وطلعوا من الموقع

لقطات

http://kaifkom.com/up/images/x6g29mpm6urkyevepnf.jpg

http://kaifkom.com/up/images/8b4zgxqsbuun21eunw.jpg

http://kaifkom.com/up/images/gmak87yivenlfvbj7nkp.jpg



http://kaifkom.com/up/images/hpuyr988huwh4b5obs1.jpg


http://kaifkom.com/up/images/5nd416izv0e4utpakiky.jpg


http://kaifkom.com/up/images/xj3fm4o61g3z7idaavy8.jpg


http://kaifkom.com/up/images/h1jodvibqsgn9bxtii8v.jpg


http://kaifkom.com/up/images/7ro9nkh3so8yjo7q9pv.jpg


http://kaifkom.com/up/images/b6a2rzt0xwgb393yb92.jpg



ولا يسعني الاان اشكر راعي البل وراعي الحلال وان اشكر كل من ساهم او سعى في المساعدة والى كل من
اتصل بي شخصيا والى من سعى بالاتصال على الدفاع المدني وعسى الله ان يقدرني على رد الجميل وان اشكر شباب الفيصل من تمير ولهم جزيل الشكر ولو لا الله ثم هولاء لكانت الامور للاسواء

والشكر اولا واخيرا الى هذا المنتدى

[alrrahal]

الحمد لله على السلامة
وانتبه ما كل مرة تسلم الجرّة
الله يحفظ الجميع من كل مكروه

[ff-19]

بيض الله وجيههم والحمدلله على السلامة واجر اوعافيه وانا اخوك

[خبوبي تعاوني]

بس تكفى وش أخبار روضة التنهات بالضبط

[تميرااوي]

الله يجزاااااااااهم خير

[m1m]

خطاك السو

تغاريز السيول شينة ..

لكن واضح كأن الدبل ما شغّل .. طيحته غريبة ..

* وصلت رسالة على الجوال صباحا توحي بشخص مغرز بالقرب من تمير تطلب الفزعة هل هو انت ؟

[ابو سمر]

الحمد لله على السلامة ، وسبق أن غرزنا مثل تغريزتك قبل عدة سنوات ، كانت ذكرى جميلة رغم صعوبة الموقف ..
بالأمس كنت في بوضا والشعب ، أتحاشا كثيرا الأرض التي لم تطأها السيارات خوفا من الخفاس والتغريز ..

الحمد لله على السلامة ، وشكرًا لك ..

[جيبي جايزلي]

الحمد لله على السلامه تبى تصير ذكريات لك وانت الله يهديك الدعوى مطر وتبى تفتح درب جديد مره ثانيه الحمد لله على السلامه

[.. الشلاحي ..]

alrrahal الله يسلمك والحمد لله على كل حال
ff-19 الله يعافيك يالغالي
خبوبي تعاوني التنهات فل
تميرااوي وياك يالغالي
m1m والله وانا اخوك الدبل تمام والمسيله ماينفع دبل فيها حتى بالسحب يالله طلعت وانا اللي مرسل

[.. الشلاحي ..]

ابو سمر الله يسلمك يالغالي تقول تبقى ذكرى ياشيخ مانساها ابد اضلوعي لها لجلجه من البرد الى الحين
جيبي جايزلي الله يسلمك يالغالي

[خبوبي تعاوني]

alrrahal الله يسلمك والحمد لله على كل حال
ff-19 الله يعافيك يالغالي
خبوبي تعاوني التنهات فل
تميرااوي وياك يالغالي
m1m والله وانا اخوك الدبل تمام والمسيله ماينفع دبل فيها حتى بالسحب يالله طلعت وانا اللي مرسل


شكرا لمجاوبتك السريعه بس ياليت توضح أكثر أنت متأكد أن الروضه فل فل

ووش أخبار الشعبان اللي حوله

الشوكي وأخواتها

تكفى عطني الخبر بالحرف

لأنه الوالد كبير بالسن وعشقه الوحيد

الــــــــــــــــــــــتنــــــــــــــــــــــــ ـــهــــــــــــــــاة


وإذا كنت متأكد من كلامك راح أكشت به من بريده

أكرر شكري لك مره أخرى

[الشقروى]

الحمد لله على السلامة
وانتبه ما كل مرة تسلم الجرّة
الله يحفظ الجميع من كل مكروه

[abumashal]

الحمدلله على السلامه

[عاشق الموطن]

الحمدلله على سلامتكم وماتشفون شر

[m1m]

شكرا لمجاوبتك السريعه بس ياليت توضح أكثر أنت متأكد أن الروضه فل فل

ووش أخبار الشعبان اللي حوله

الشوكي وأخواتها

تكفى عطني الخبر بالحرف

لأنه الوالد كبير بالسن وعشقه الوحيد

الــــــــــــــــــــــتنــــــــــــــــــــــــ ـــهــــــــــــــــاة


وإذا كنت متأكد من كلامك راح أكشت به من بريده

أكرر شكري لك مره أخرى

التنهاة ( التنهات )

جايها شي طيب وأخر ما جاها اليوم العصر ..
إذا الشايب يحب المسيل خذ به فرة:) إذا يحب الربيع ..أصبر عليه .. بس ترى طينة التنهاة شينة في الغراز

[sameer_1798]

ماشاء الله .. الحمد لله على السلامة والله أنفجعنا عليكم وماخلينا طريقة إلا وصلنا رسائيلكم فيها .. والله يبارك باهل تمير من نخاهم ماخاب

[خبوبي تعاوني]

التنهاة ( التنهات )

جايها شي طيب وأخر ما جاها اليوم العصر ..
إذا الشايب يحب المسيل خذ به فرة:) إذا يحب الربيع ..أصبر عليه .. بس ترى طينة التنهاة شينة في الغراز

الله يعطيك العافيه معقوله اللي قريب من الروضه طين يخوف نوعا ما

وبعدين وينك يا
hhhhh

[ماء الغمام]

الحمد لله على السلامة

[.. الشلاحي ..]

شكرا لمجاوبتك السريعه بس ياليت توضح أكثر أنت متأكد أن الروضه فل فل

ووش أخبار الشعبان اللي حوله

الشوكي وأخواتها

تكفى عطني الخبر بالحرف

لأنه الوالد كبير بالسن وعشقه الوحيد

الــــــــــــــــــــــتنــــــــــــــــــــــــ ـــهــــــــــــــــاة


وإذا كنت متأكد من كلامك راح أكشت به من بريده



}أكرر شكري لك مره أخرى

الشوكي صب في التنهات من يوم الاحد كذلك وادي الطيري ويوم الاثنين المطر اكثر واظن التنهات امتلات

[.. الشلاحي ..]

اخواني الله يسلمكم جميعا

[.. الشلاحي ..]

ماشاء الله .. الحمد لله على السلامة والله أنفجعنا عليكم وماخلينا طريقة إلا وصلنا رسائيلكم فيها .. والله يبارك باهل تمير من نخاهم ماخاب
البركه فيكم وعزالله ماقصروا الشباب

[ابوتميم]

الحمدلله على السلامه
وستبقى ان شاء الله ذكرى جميله

[أبوياسر12]

الحمد لله على سلامتهم وما كل مرة تسلم الجرة

[قرناس صلا]

الحمد لله على السلامه

كل تغريزه بتعليمه :d

بارك الله باشباب اللي فزعوا وبيض الله وجيههم

[كن مع الله]

ياربي لك الحمد والشكر على سلامتكم

والحمدلله على ماكتب وقدر

عادي لا عد تعودها هاه :no2:

[غضنفر]

الحمد لله على السلامة

يا اخوي علقتك غريبة !
الجرة ما بان عليها ان الموتر كان يحفر
وي كأن
الموتر كان يمشي بالراحة ثم فجأة طاح بجفرة او مطينة
وشكلك قبل لا يعلق الموتر كنت تمشي بدون دبل ولا ؟

اذا الطريق هذا هو الردمية الي بين نورة و تمير
فانا كنت فيه يوم الاحد
وفعلا الطريق مليان ماء كله مطامن
وعلى ان الطريق قصير نسبيا 20 كيلو الى تمير الا انه
خذا معي ساعتين
وانا كل ما اقبلت على المنقع
احيوط عليه ولا اقطعه خوفا من ان يحدث لي ما اصابكم

[ردن]

حمدلله علـى الســـــلامــه

[ابوعيون]

الحمدلله على السلامه

[ولد اشيقر]

انتم حاقرين ذا النقعة الصغيره
انا مرة غرزت بجال شعيب ولا به ماء بس الموتر هلش للدعاسات وتعلق ما طلعت الا بشيول
وعلى قولت المثل المصري
يغرق في شبر ميه

[.. الشلاحي ..]

الله يسلمكم جميعا
الاخ كن مع الله الله يبيض وجهك يالغالي وجعل والديك للجنة ومشكور ماقصرت انشهد انك كفو وقليلة فيك
الاخ غضنفر اشكر لك اهتمامك والله يسلمك يالغالي وعزالله ان الغرازة غريبة ولا مرت علي ابد بطن الموتر كنة مصبوب عليه اسمنت ما يتحرك والكفر يدور بلوشي

[أبن حرب]

الحمد لله على السلامه ...
وما صار ... مقدر ومكتوب ...
وإن شاء الله تكون تجربة مفيده ...
وبارك الله في الشباب اللي تعاونوا معكم ..

[سهم قيادي]

الحمد الله على السلامه

[ابوشكر]

الحمدلله على السلامه

[آل علي]

الحمدلله على السلامه

[مكشاتي جهينه]

السلام عليكم

الحمد لله على السلامه وماتشوف شر يالغالي

والف شكر للأخوان اللي ساعدوك:good: