المساعد الشخصي الرقمي

مشاهدة النسخة كاملة : تكفون ياجماعه الي يعرف هالمشكله يرد علي ضروري



الفارس919
05/11/2008, 04:06 AM
السلام عليكم
صباح الخير
ياجماعه الخير انا عندي مشكله اذا غسلت السياره بستم غسيل كامل يعني غسلت المكينه بالعربي بعد مايخلصون الغسيل المغسله واجي اشغل السياره ماتشتغل يدخلها ماء وتبطي لين تشتغل بعد محاولات كثيره
طبعا عمال المغسله يحطون كيس على الديلكو وعلى الكويل ولافيه فايده مع ذالك يدخلها ماء وتصير ماتشتغل بعد الغسيل
سيارتي جيب97في اكس ار
والمشكله كذا واحد من الربع عندهم نفس الجيب وموديله مايتشكون من هالمشكله وش السواه يالربع
الحين انا ماعلي من المغسله لكن صرت ماعاد اقدر اطلع البر وقت الامطار اما نمر سيل او نظرب منقع ماء ويطفي الموتر وهذي مشكله بصراحه صعبه الواحد مايظمن حاله وقت الامطار والخير لايطفي عليه الموتر في مكان ونبلش فيه
وانا كان عند قبله في اكس ار 2001 والله اني ادخل به وسط مناقع المطر بالبر واطلع منها واغسله بستم ولاكان يطفي لكن هذا من اخذته وهو كذا ولاعرفت وش المشكله هذي هل لها دخل بالكويل او الديلكو او وين مشكلتها واغيرها والله لو انها تكلف وش اسوي منحد لايطفي الموتر بمكان ماحولي احد او بعيد عن الخط ؟؟؟
اتمنا الي يعرف هالمشكله او مرت عليه وصلحها يفيدني فيها الله يجزاكم خير ومتعودين منكم الفزعات والجواب المفيد دايم والله اني في حاجه اصلح هالمشكله اتعبتني وخلتني ماعاد اثق بالموتر اذا طلعت البر او جاء وقت الخير والامطار.......
ولكم مني جزيل الشكر والتقدير

عاشق السيل
05/11/2008, 05:57 AM
وعليكم السلام ورحمة الله وبركاته ،،

مشكلتك تحتاج لفحص فني دقيق فلابد من وجود خلل متسبب في وصول الماء للكهرباء !!

لكني دخلت علشان أنصحك : ابعد عن البستم قدر المستطاع تراه يدمر الموتر وخاصة على الربلات اللي تحت السيارة وعلى وجيه المكينة ،،،،

وتقبل مروري يالغالي .....

مزاجي فوق
05/11/2008, 08:07 AM
والله ماعندي اي خلفيه كان ودي افدتك مير العذر والسموحه

abu hlal
05/11/2008, 08:14 AM
مشكلتك بسيطه!

غير اسلاك البواجي مع غطا الديلكو!!

ابو ريان 2008
05/11/2008, 08:22 AM
وعليكم السلام ورحمة الله وبركاته ،،

مشكلتك تحتاج لفحص فني دقيق فلابد من وجود خلل متسبب في وصول الماء للكهرباء !!

لكني دخلت علشان أنصحك : ابعد عن البستم قدر المستطاع تراه يدمر الموتر وخاصة على الربلات اللي تحت السيارة وعلى وجيه المكينة ،،،،

وتقبل مروري يالغالي .....

:good::good::good::good::good::good::good::good:

خذ الكلام يالغلاء

ابو اسعود
05/11/2008, 08:27 AM
السلام عليكم ممكن يكون من الديلكو يبيله تفتحه وتحط عليه معجون اسود (لزقه)مسحه خفيفه وباذن الله مايجيها شر سارت معي تايوتا في اكس ار 1996 ونجحت العمليه

مقلع الرمث
05/11/2008, 08:51 AM
بعض الاحيان يكون الديلكو منشعر وتكون الاسلاك ماتوصل كهرب لكن اتوقع انه الديلكو غير الغطاء وعسى خير انشاء الله وانصحك بعدم غسيل السياره بستم (ديزل)يلعب بالسياره لعب والسلام عليكم

salih100
05/11/2008, 09:33 AM
شف يا ابوي حط شحم ع الديلكو وع البواجي ورشها بالماء وشف تطفاء ولا لا ,,,,لان الشحم يسوي عازل عن الماء واذا طفت اد انه فيه مشكله مستخبيه مو اسلاك بواجي و ديلكو.

الفارس919
05/11/2008, 11:01 PM
السلام عليكم
يعطيكم العافيه يااخواني على ردودكم
لكن اخوي الي قال افتح الديلكو واحط معجون ؟المعجون قصدك غراء يعني او صمغ او ايش يالغالي
ودي توضح لي اذا ممكن
.........
مشكورين على كل حال وجزاكم الله خير