المساعد الشخصي الرقمي

مشاهدة النسخة كاملة : جيب انفنتي Qx4 أرجو الإفادة



باترول 4×4
05/11/2008, 05:45 AM
أبارك للجميع هذه الأمطار والخيرات ، وأسأل الله أن ينفع بها العباد والبلاد .


إخواني المكشاتيين : حبيت أسأل عن جيب انفنتي Qx4 موديل 2004 - 2005 استخدامه في البر
والدبل (سمعت انه كهرب ) هل هو مثل العصا .
قوة تحمله وهل يفرق عن الباث فيندر.
أرجو الإفادة لمن يعرف لا أحد يبخل علينا بأي معلومة حتى لو معلومة بسيطة.
شاكرا للجميع مرورهم .

ابن صقيه
05/11/2008, 09:05 AM
مع زميلي واحد موديل 2003 ماشي حول 200000

ماشاء الله السيارة تمام ما عدا مشكلة الحرارة اللي في الباثفندر عموما ً ..

من ناحية الدبل صحيح انه كهرب .. ولكن قوته مثل الدبل العصا ما فيه فرق أبداً ..

تحياتي ..

باترول 4×4
09/11/2008, 06:03 AM
الله يعطيك العافية ولا يهينك أخوي ابن صقيه .

معلومات كافية ووافية

طيب 2001 - 2003 ما تعرف عنه شيء

hisham202
09/11/2008, 06:56 AM
اخوي الغالي..
الموتر هذا تم انتاجه فقط 2001 و 2002 و 2003
وبحكم تجربتي له موديل 2002 لم اواجه معه اي مشكله..
هو مطابق للقاعده الميكانيكيه للباثفندر..والمحرك حقه 3.5 لتر 6 سلندر 240 حصان..
نفس أداء الباثفندر 2005 التماتيك بالضبط..
سبق وجربت قومات مع الباثفندر التماتيك والنتيجه متساويه..مايتقدم الا اللي يضبط القومه بدون مايفحط..
الدبل حقه كهرب لكنه عملي جدا جدا..
ومشكلة الحراره كانت في موديل 2002 والسبب قطعه الكترونيه تترجم القراءه اللي جايه من الحساس..يعني اللي تشوفه بالعداد مو صحيح.
ولا ننسى ان رديتره نحيف جدا..يعني الله الله بالتصييخ ولا تراه بيتسكر بسرعه..
يمتاز بالعزل الأرضي افضل من الباثفندر....


لكن المشكله انك ماراح تحصل شي نظيف بالسوق..هذا اذا حصلته..
لأنه منقرض..

والله الموفق.

GT MAX
09/11/2008, 09:44 AM
اخوي باترول لاتاخذه باثفندر بس نسخه فخمه قطع الغيار الميكانيكيه نفس الباثفندر اما الداخليه والبدي (الواجهه والاسطابات والربلات )صعب تحصلها مثل الباثفندر انا استخدمت موديل 2001 (من 2003الي2006)حصلي حادث عليه قعد في الوكاله 3 شهور كل القطع طلبيه من الخارج وكلفني نص قيمت الموتر (كشن السايق 250 د ك) روح الوكاله وسال عن القطع واسعارها هذا اذا توفرت.
اذا امعزم خلك علي الباثفندر احسن .
اي استفسار انا حاضر

طبعي شمالي
09/11/2008, 06:09 PM
قطع الغيار غير متواجده

عرض علينا واحد 2002 ب55 الف ونزله الرجال الى 50 الف وبالاخير رسينا على الباث

تحياتي

باترول 4×4
09/11/2008, 08:05 PM
أخوي hisham202

بالنسبة للنظافة هذي شيئ نعاني منه في أكثر الجيوب خصوصا اللي مضى عليه أكثر من ست سبع سنوات .لكن يمكن أحيانا تلقى لقطة كذا ولا كذا .

الله لا يهينك كفيت ووفيت وأفتدتنا . يعطيك العافية .

باترول 4×4
09/11/2008, 08:12 PM
أخوي GT MAX

الحمد لله على سلامتك ، والحديد بداله حديد .

بالنسبة لي يالغالي معي حاليا باثفندر ، لكن أحد الإخوان معه باثفندر ويبغى يبيعه ويشري انفنتي Qx4 سألني وما عندي عنه أي خلفية فقلت أسأل ذيابة مكشات . وبيض الله وجيهكم ما قصرتوا .

الله لا يهينك ماقصرت أخوي ويعطيك العافية .

باترول 4×4
09/11/2008, 08:19 PM
أخوي طبعي شمالي

الله يبارك لكم بالباث .
قطع الغيار من أهم مايسأل عنه قبل شراء السيارة .

الله لايهينك يالغالي ويعيطك العافية .