يا اهل الخبره فزعه بسيييييطه

[alphaa]

السلام عليكم جميعا

مثل ما انتم خابرين الامطار والخير الله يجعلها امطار خير وبركه ويعم فيها بلاد المسلمين


العلم هو اني ناوي اطلع مع الوالد والعائله الكريمه غدا ان شاء الله

وش رايكم وين افضل الاماكن اللي بعيده عن الطين وبلاويه علما ان الطلعه حقت نهار بس يعني نفد زين وبرك زينه اما فيضه من بعيد


ابي رايكم يا راعين المكشات

ولكم الشكر مقدما

ابو بسمه

[شباب الذيب]

يابو بسمه ماادري انت باي منطقه لوذكرت المنطقه يمكن أني أفيدك في مكان
تقبل

[alphaa]

انا طول الله عمرك بالرياض الحبيبه

[سفير الشمال]

السلام عليكم ورحمة الله وبركاته
حياك الله اخي الكريم
يعد النفود من أفضل الأماكن التي يرتادها الناس في هذا الوقت لعدم الخطوره خاصة اذا كان ممطور وجايه سيل
أما الشعبان والفياض ما أنصحك فيها وعليك بالإبتعاد عنها لخطورتها بسبب توالي الخيرات عليها
تقبل تحياتي

[دغيم1]

السلام عليكم ورحمة الله وبركاته
حياك الله أخي الكريم
والخير عليك وعلى الجميع مبارك
بالنسبة لأفضل مكان بالقرب من الرياض
الشمال :
الثمامة بالقرب من نقطة التفتيش عند النفود تكون بعيدا عن الإزعاج والسيارات .
أو طريق بويب بعد الطلعة فيه شعبان قريبة على الخط لكن أحذر الدخول كثيرا والإبتعاد عن الطريق .
طريق القصيم ، شعيب دقلة
الشرق :
مدخل رماح . قبل روضة خريم مجموعة شعبان جميلة وممطورة
الجنوب :
طرييق الحاير . وادي نساح . ، وادي العين ، علما بأن اول طريق حفيرة نساح لم تصله أمطار كثيرة .
الغرب :
نفود الخرارة ، أو خبيب الريم
تمنياتي لكم برحلة ممتعة وآمنه
وأحذر كل الحذر الذهاب بعيدا عن الطريق لأن الأجواء لازالت تنذر بهطول امطار
تحياتي لك

[alphaa]

بيض الله وجيهكم وحرمها على النار

ما قصرتوا والله الله لا يخلينا من اهل العلم


تحياتي

ابو بسمه