المساعد الشخصي الرقمي

مشاهدة النسخة كاملة : عند موتر ابي ارهمة !!!! دلوني تكفون


حد السيف
17/02/2004, 03:00 PM
المشرف على الخيمة
مشرفنا الغالي ايمن
مساعد المشرف
طاير بالعجة
او اي واحد يدلني على الدرب
السلام عليكم ورحمة الله وبركاته
الحقيقة عندي سيارة كانت من اهم اسباب التي ساعدتني على اكتشاف البر وفك اسرارة وكانت عون لي بعد الله للوصول الى مناطق لم تكن تعرف او مر عليها انسان وكم كانت خير الصديق عند احلك الضروف
هذة السيارة هي جيب حبة وربع موديل 79 شراع ومتحسف على بيعها بالرغم من التغير الكامل لمثلها في هذا الوقت 2004 وارغب بترهيمها وتركيب مكينة سيارة امريكي مثل الكابرس او الجمس اوا لكدلك
وابحث عن ورشة ترهم مثل ها المواضيع ومثل ها المكاين
دلوني تكفون وكم تكلف ووين القاها

محبك اخيكم
حد السيف
أيمن
18/02/2004, 01:38 AM
هلا ومرحبا أخوي ..
حد السيف ..
وانا أشهد إن هالموتر ما مثله، وفيه مفتونين به في المنتدى واجد بس مالهم حس :) ,,
على العموم يا بعدي الموتر بعد الترهيم كما هو متعارف ماعاد تامنه للوصول إلى أماكن بعيده ونائية مثل أول، للمشاكل الكثيرة اللي تواجهك بعده ..
ومما لا شك فيه أن هناك ترهيم عن ترهيم وشغل عن شغل أيضا ..
فهناك ترهيم أشياء أوليه بسيطة أزعم أن ليس فيها ضرر على السيارة كالهدرز والفلاتر- فلاتر الهواء- مثلا ..
وفيه من الترهيم من تكون تبلش به طوال الأسبوع من تصليح ومتابعة ومعايرة حتى تكشت به خميس وجمعة ثم تبقى طوال الأسبوع الآخر على نفس منوالك من الإصلاحات والمتابعات وغيرها ..
حتى ليتك تسلم أيضا بل حتى في طلعتك بعد كل طلعة نفود أو "زرة:)" على المكينة بعدها لازم تفتح الكبوت لأن موترك سخّن ..
إضافة أن من الترهيم من يعيقك ويصيبك بالحرج عند بعض النقاط المرورية والتفاتيش، أيضا في الفحص الدوري للسيارات ..

أعرف أني أثقلت عليك بماليس من استفسارك لكن أحببت أن أذكر بعض النقاط اللي في بالي ..
لكن هل تواجه مشاكل من سيارتك حاليا؟ إذا كان نعم ما هي؟
وأفضل المكاين على المذكور آنفًا :D هي مكينة 350 مع تعديل نظام التبريد للموتر وتغيير كراسي المكينة وبعض التعديلات اللي يعرفها الميكانيكيين ..

والمعذرة على القصور ..

تحيتي
حد السيف
18/02/2004, 01:49 AM
السلام عليكم ورحمة الله وبركاته
مشرفنا الغالي والعزيز
ايمن
تسلم على الاقتراحات والنصايح التي سوف تكون مثل الوسم على الصدر يالغالي لدي سيارة غيره نوع اخر امريكي غمارة ونص
ولكن لحبي لهذة السيارة متحسف على بيعها وليس بها اي مشكلة ولله الحمد والمكينة ماتنقص والحرارة كنك بابهاء مابة خلاف يالله لك الحمد
ولكن بعد كلامك ونصيحتك غير كلامي وخصوصا اني راعي مشاوير بعيدة
وصحيح ماخاب من استشار ولا ندم من استخار
تسلم على دررك والله لايحرمنا من فزعتكم يالقروم

محبك اخيك
حد السيف
الباهي
18/02/2004, 04:39 AM
الغالي حد السيف

بالنسبه لاحسن الورش ورشه الماجد لكنها بعيده عليك لانها في دبي
وهم رواد الترهيم باشكاله لوبغيت يقلبون موترك لكزس قلبوه


اخوك
الباهي
حد السيف
18/02/2004, 02:29 PM
السلام عليكم ورحمة الله وبركاته
الباهي الغالي
استخرنا الله بعد كلام الريس مشرفنا الغالي



محبك اخيك
حد السيف
aahhhh2
21/02/2004, 02:57 PM
السلام عليكم ورحمة الله وبركاته
اذا بغيت ورشه جيده في الترهيم يركبون عليه مكينة جمس 350 ويطل موتر في عنيزة ورشه معروفه للترهيم وترهم زينين
Bader-M
21/02/2004, 09:39 PM
شف
الحبيب
انا طبعا مثلك
يعني
المعلومات الي راح اقولها لك
هي نظريه و على ما سمعت و قراة في المواقع
طبعا افضل على
هي محركات الهيمي ( دوج )
ولكن لتكلفتها الغاليه و صعوبه الصيانه
لذالك لست ذات شعبيه مثل محركات الشفر
محركات الشفر
تمتاز
بقوتها و قلة التكلفه ( مقارنه بالدوج )
وخاصه 350 ( 5700 سي سي )
طبعا هذا المحرك
اقل قوه تحصل عليها هي تقريبا 250 حصان
يعني بنفس قوة الاحصنه في محرك الاندكروز ذو ثمان اسطوانات
ويوجد من هذا المحرك نوع يرمز له ( LT1 )
هو محرك الكابرس SS و LTZ
وتبلغ قوة هذا المحرك 280 حصان ( على ما اذكر )
وسعره يتراوح بين 4500 الى 6000 ريال
مع الكمبيوتر و الظفيره
ومع تعديلات بيسطه على هذا المحرك ( توسيع مجاري الهواى و تركبيب بلوف اكبر)
لكي يدخل للمحرك اكبر كميه من الخليط الوقود والهواء مع الهدرز ( انابيب اخراج العادم )
وهي الشغله راح تكلفك عليك تقريبا 2000 ريال
تصل قوة الى 320 حصان تقريبا
ويمتاز ايضا انه عملي
يعني قليل الاعطال ( مقارنه بالمحركات الاخرى )
وكما قلت لك هذه معلومات سمعتها و البعضها اخذتها من مواقع
وهي معلومات ليست دقيقة
........
وان شاء الله
ياتي شباب اهل خبره بهذا المجال مثل الاستاذ ابو الريم و القناص و الجزوم
ويردون عليك
.......
ارجوا ان اكون قدمة لك ما هو يفيدك ان شاء الله
ولك مني اجمل تحية
;)
برق شلع
21/02/2004, 10:40 PM
والله شف اخوي حاولت اني ارهم سيارة عندي وفشلت.0.
لاني الصراحه ما اقدر اروح فيها بعيد تعرف ترهيم وخرابيط.0.0
والحمدلله لقيت سيارة جديده مرهم شد البلد يعني وكاله.0
واللي مرهمينه الوكاله بس اقرز قريشاتك.0.
تدري وشو
^
^
^
^
^
^
^
^
^
^
^
^
الجيب الحوض
مرهمن نفسه ويستاهل 90000 وحلال عليه
الخبير
22/02/2004, 01:08 AM
فيه ورشة يمكن تلقى عندها إلي تبي
في حي المصيف في الرياض خل بندة على يمينك و إتجه شرق بعد المديور الأول تبي تلقى ورشة على يسارك.
تراها ورشة عبد الحكيم البلوشي.
حد السيف
22/02/2004, 02:52 AM
Originally posted by حد السيف
السلام عليكم ورحمة الله وبركاته
الباهي الغالي
استخرنا الله بعد كلام الريس مشرفنا الغالي



محبك اخيك
حد السيف
الاخوة الاعزاء
aahhh2
طاير بالعجة
برق شلع
الخبير
شاكر تعاونكم ولكم تحياتي


محبكم اخيكم
حد السيف