المساعد الشخصي الرقمي

مشاهدة النسخة كاملة : كلام الميكانيكي ضيق صدري



جال النفود
06/11/2008, 01:59 PM
السلام عليكم ورحمة الله ..

كيف الحآل .. بخير إن شاء الله ..

يأ جماعة الخير .. عندي باترول 98 بخاخ .. وعندي مشكلة بالقزوز ..

ويبي له تغيير وجه قزوز بسسسسسس

المشكلة إن فيه مسمارين يشد فيه الوجه .. واحد منهن منكسر قبل قال لي المكآنيكي يفكه المخرطة

رحت للمخرطة قالوا ما نقدر لانه من ورى إلا اذا نزلت المكينة ..

يا جماعة معقولة انزل مكينة السياره علشان اركب وجه للقزوز

يعني ما اقدر افك المسمار المكسور بدون تنزيل مكينة

والمشكلة الثانية قالي الميكانيكي لا تتاخر لنا فتحت القزوز يطلع منها شرار كما زدت السرعة وهذا يأثر على راس الماكينة ..

ياجماعة الخير وش الحل وش السواهـ ..

آفيدوني لا عدمتكم ..

شمس المغيب
06/11/2008, 02:03 PM
يرجال وسع صدرك ولا يهمك روح لمخرطه ثانيه وياليت تذكر ديرتك على شان الاخوان يفيدونك

.. PATROL ..
06/11/2008, 10:53 PM
يسنايدي حاول تركب المسمار المكسور وتصمغه بغراء او شي بحيث يمسك المسمار المكسور وبعدين حاول تفكه وان مافاد مجرد محاولة :)

arrow
06/11/2008, 11:00 PM
قاعدة تعلمتها من تجربتي المؤلمة مع الورش ...

(( لاتاخذ بكلام ورشة ولا ثنتين))

اذا عندك مشكلة اعرضها على اكثر من متخصص ( منقيه)
ولا تخبر احد براي الاخر الا بعد مايعطيك رايه....

يعني شف مخرطة جيدة ثانية وقل له ابغاك تفكك لي الوجه بدون ماتقول له وش صار لك مع المخرطة الثانية..وان عجز شف ثالثة ...لين تطيح بواحد ذيب وهم واجد...

وفقك الله

عاشق الموطن
06/11/2008, 11:07 PM
الله يفك كربتك اخوي واكيد ان فيه ورشه او مخرطه راح تفكه الا اذا كان المسمار المكسور لايمكن الوصول اليه لانه اخبر البعض يعمل نقاط باللحام فوق المسمار المكسور حتى تظهر نقاط اللحام فيتم تلحيم النصف المكسور باللحام ويتم اخراج الجزء المكسور الذي بالاسفل

طبعا هذه طريقه قديمه ومعروفه عند الكثير لاكن من باب التذكير ........ارجو انني افدتك اخوي

منتج رسمي
06/11/2008, 11:14 PM
تبى تسمع كلام أخوك دور لك ميكانيكى سعودى وخلك من الخواجات مايفيدونك ولا بتبن كرمك الله :no2:

ملهوف
06/11/2008, 11:25 PM
الطريقه سهلة جدا


يبيلها وقت .. صارت معي في سيارتي
باترول 98
انكسرت عندي ثلاث مسامير
واحد من اول واثنين كسرها الميكانيكي يوم انه جاء يفك الاقزوز


وطريقة تغييرها يقدر عليها راع المخرطة
يقوم بلحام مسمار خارجي في المسمار المنكسر بالداخل
عن طريق لحام الاكسجين
بس تاخذ لها وقت


وانتبه للمسامير لا تغير الا اصلي
وحتى مسامير اللاند كرورز تركب تمام على النيسان


تحياتي


.

جال النفود
07/11/2008, 01:02 PM
شمس المغيب

PATROL

arrow

عاشق الوطن

منتج رسمي

ملهوف

.......

حي الله هالوجيه السفرهـ يآ هـلا والله يالغالين ..

لا عدمتكم رايكم على راسي والله تسلمون ..

نبي نسوي اللي قلتوهـ ونتوكل على الله .