من يأتينا بالخبر اليقين ؟

[الفلوجة]

دار بيني وبين أحد الربع نقاش عن اللاند كروزر - قير تماتيك -
ويش رأيكم فيه أحد جربه
إذا واحد وده يشتري لاند كروزر 2009 تنصحونه بالتماتيك أو العايدي ؟

وكيف القير التماتيك في الرمال والصحراء ؟

هل يؤثر البر على قير التماتيك ؟

[بيت طين]

عزيزي الفلوجه اذا انت بتشرى 8 سلندر انس القير العادي وخذ تماتيك او كماتيك علي قول بعض الشيبان واذا انت بتشري 6 سلندر عليك بالقير العادي .والله يعطيك من خيره ويكفيك شره.

[أبو راشد999]

القير التوماتيك أثبت جدارته على العايدي السنوات الأخيرة خاصة في الدفع الرباعي الياباني

خذ ولا تشاور

والله يبارك لك

[خن بط]

تبي شور واحد مجرب الاثنين ... ؟ اكيد نعم


خذ التماتيك ولا تشاور
ان بغيت زفلت وان كنت في زحمه


والاهم انه افضل في النفود بمراحل من القير العايدي


واحسن شي انك تصلي الاستخاره وما راح تندم


والله يبارك لك مقدما

[دويدار]

اخوي القير العادي احسن للتحكم في الطعوس مافيها كلام هذا بالطعوس وترا اول وتالي هي على السواقه والتماتيك اريح هذا رأي

[Bader-M]

القير الاتوماتيك

لاسباب التالية

1- اريح للسائق
2- استجابه اسرع من العادي
3- فقد اقل من قدرة المحرك

[الفلوجة]

الإخوة الأعزاء :
بيت طين
أبو راشد999
خن بط
دويدار
طايربالعجه

بيَض الله وجيهكم ما قصرتم
وجزاكم الله خير الجزاء

ولعلنا نستأنس بأراء جديدة
مؤيدة أو معارضة