ارجو الدخول تكفوووووووون

[الصقار طلال]

بسم الله الرحمن الرحيم

السلام عليكم ورحمة الله وبركاته

اخواني الصقارين كيففكم عساكم طيب

شباب انا ابي شيهانه 12×12 هديه تكفوووووووووون ابي هديه انا عمري 11 ابي طير

الله يوفق الي يعطيني ويعطيه العافيه

[ALAMIR]

الله يرزقك ياطلال

وتستاااهل

موفق خير :)

[مصوّب الدّخل]

.
.
.
الله يعطينا ويعطيك ياطلال..

[@قرناص@]

..

آبشر بسعدك يآغآلي

عندي شهانه 11*12

آصبر لي كم آسبوع وان شاء الله انها من نصيبك

..

[بالون]

ياشباب تكفون ودي اقنص وابي طير حر;)
وشرط ابيه طلع وركاده وذابح حباري وكراوين
وابي كفرات بالون ماكسس وش ابي وش ابي:cool:
ايه ابي عشة حمام ولو يحصل كلها أمهات ومابي اكلف عليكم
>>ماتبي زوجه بعد وبيت << وعلى قولة المثل
اذا اكلة بصل فكثر ولابغية تطلب اطللب شي يسوى مووو....

[روووح]

الصقار طلال ما قصر اخوي قرناص وبيض الله وجهه وكثر الله من امثاله

اخوي بالون الرجال ما قال شي جاء يطلب الريجيل

[ابرق آلريش]

الله يرزقه ويرزقنا

[فهد بن هادي]

الله يوفقك يا اخوي صقار طلال

[طارق الحربي]

الرجال يابالون عادكم اخوانه الكبار ويبي منكم مساعده وتعليم

اذا انت تبخل على الرجال بالمساعده والتوجيه فلا تزودها وتستهزئ فيهم

[ابرق آلريش]

انا مع كلام اخوي طارق واخوي قرناص ماقصر

[بالون]

اجل انا مخطي اسف بس الظاهر ان الرجال داخل على سوق موب على منتدى يايخي هاذا منتدى يعني استفاده وتبادل خبرات ومعارف موووووومكااااااان ........وانتم ابخص

[مشبر البران]

ما قصرت يا قرناص

[الكافي]

عزا الله ما قصرت يا قرناص وبيض الله وجهك

طلال >>> اللي اعطاك بالكريك يعطينا بالملعقهه ههههههههههههههههه

تستاهل يا طلال والله لو عندي ترخص بجالك