المساعد الشخصي الرقمي

مشاهدة النسخة كاملة : القزازة الامامية انكسرت .... وش الحل؟؟؟



ابوعبدالله400
08/11/2008, 12:53 AM
السلم عليكم ورحمة الله وبركاته


السالفة وما فيها

اني اليوم راجع من سفر وتصفق القزازة ذيك الحصاء الصغيرة الي ما ازين منها :mad:


والله وهي تسوي فيها حفرة صغيرة


يعني كسر دائري يمكن كبر انملة الاصبع



فقلت اسالكم وش السواة



هل اوديها الوكالة

هل يشملها التامين


هل فيه محل قزاز مشهور وممتاز يزينها


هل ممكن بعد التزين تصير القزازة ولا كانها انكسرت

لان سمعت ان فيه محلات تخفي الكسر بنسبة 80%

علما اني ساكن في الدمام


والسيارة اف جي كروز



وما قصرتوا انتظر الرد على احر من الجمر علشان ما يكبر الكسر ويصير شرخ

ابوقاسم
08/11/2008, 01:03 AM
الضمان ما ضنيت يشمل القزازة وخصوصا ان الضربة باينة انها من حصاة وليس الكسر من ضعف الزجاجة
لكن لو تروح لمحل اسمة ارمز بشارع تويوتا ممكن يفيدك ويعالج الكسر بحيث انه ما يزيد او ينتشر الي باق الزجاجة
وسلامات

ابوعبدالله400
08/11/2008, 01:11 AM
الله يسلمك اخوي


بس حبيت اسال هل صحيح محلات القزاز يخفون الكسر

منــاكد
08/11/2008, 01:34 AM
وعليكم السلام ورحمة الله وبركاته...

أخي الفاضل من الأفضل ان تلحمه لأن الأصلي لن تجد مثله...

ويوجد أخصائي زجاج على شارع الملك سعود قبل وكالة تويوتا وأنت بإتجاه الشرق موازي لمسجد أسواق الحياة بلازا...
وللأسف نسيت اسمه...

تحياتي...

.

ابوعبدالله400
08/11/2008, 01:49 AM
بس ما جاوبتوني الله يعافيكم هل التلحيم ذا يخفي الكسر نهائيا

Dr.PRO
08/11/2008, 02:00 AM
وانا بعد محتاج , بس ابي محلات بالرياض ,

ولاهنتم

طبعي شمالي
08/11/2008, 02:38 AM
اخوي روح الوكاله واسأل عن قزاز الاف جي الجديد كم سعره واذا عجبك اشتري

وااذا الكسر مو ذاك القد ومايستاهل خله على حالته او لحمه على قولتك

القاصي1
08/11/2008, 09:49 AM
مسألة يختفي
ما اعتقد
لانها صارت معي
لكن يلحم القزاز
علشان ما ينتشر الكسر
.

شمس المغيب
08/11/2008, 10:57 AM
اخوي ابو عبد الله الحمد لله انها كسره بسيطه
ثانيا اللححححححححححححححق بسرعه لحمه ترى ان طول يدخل بلقزاز هواء ومعاد ينفع به اللحام وهو مايكلف
ومن ناحية الاثر يترك نقطه بأخر الكسر والخط الباقي تشوفه على خفيف ......وكانك ....ابد ماتشوفه

ابوعبدالله400
08/11/2008, 11:50 AM
مشكورين وما قصرتوا يالربع


بس فيه احد يعرف محلات قزاز مضمونة في الدمام




وثاني شي

هل اذا غيرت القزازة في الوكالة يسونها نفس شغل شد البلد يعني ما يجي فيها تنسيم ومن هالبلاوي

المميـز
08/11/2008, 01:34 PM
فيه محلات تشفط الكسر هذا بنسبة 80 - 90 %

وتكلف من 100 - 150 ريال

speed 557
08/11/2008, 02:19 PM
الضمان لا يشمل القزاز و الكفرات انها استهلكي لكن في بعض المحلات تسوي اصلاح القراز ويختفي بنسبة 80% و احسن من قيمة قزاز جديد ومشكل القزز الجديد سلكون وشرطون ولا تغسل السيارة لا بعد ثلاث ايام الخ ...

khalid54
08/11/2008, 02:26 PM
اول شي يالغالي تحط تيب(لزقه) على الكسر علشان إذا كان فيه مجال انك تصلحة يكون انسب ويعطي نتيجة افضل (حسب كلام اهل الزجاج)
ثانيا فيه محل ارمز بصناعية الدمام على طريق سيهات(ما رحت المحل لكن وصف الاخوان) رحل له وشف وش يقرر لك
تحياتي

منــاكد
08/11/2008, 02:38 PM
بس ما جاوبتوني الله يعافيكم هل التلحيم ذا يخفي الكسر نهائيا


ابو عبدالله...

انا كان عندي الكسر اللي يسمونه نجمه يعني مثل البصمه...

ولحمته عند المحل اللي وصفه بالمشاركة رقم 4...

وهالحين له أكثر من سنتين ونسبة إختفاءه 95%...

واسم المحل ارمز...

.

star4000
08/11/2008, 03:28 PM
مشكورين
معلومات قيمه

مخ سعودي
08/11/2008, 04:52 PM
ياشباب في نوعين
كسر طولي وكسر نقطي
يتم اصلاح النقطي بسعر خمسون ريال
والطولي على حسب طوله ويخفي مانسبته 99% اي لابد التدقيق الصحيح علشان تشوفه ويعطيك زمان ستة اشهر عليها .

shaheenshah
16/11/2008, 12:42 PM
اذا كان كسر مهوب شعر فانصحك انك تخليها ولا عليها الا العافية لان ما فيه زي شد البلد