استفسار عن طريقة سحب السيارات المغرزه او المتعطله بواسطة الهاي

[ابن هياس الشهري]

السلام عليكم شباب

عندي استفسار زي ما تعرفون الهاي لكس 2008 دبل ما فيها شنكار في الخلف بس في الأمام وابغى اعرف اقوى مكان في الخلف اقدر اسحب فيه السيارات المغرزه او المتعطله يعني لو ربط الحبل في الدفرنس او في السست هل هناك مشكله .

وشكراً

[لن أمل من العطاء]

انا اشوف الهايلوكس في الجنوب مزوده بخطاف سحب في الخلف بالضبط في الشاص خلف السائق وشفتها انا بعيوني في دبل 2008

اذا لا يوجد محلات زينة اليارات تجد عندهم خطافات نيكل رخيصة وجيده اومن التشاليح من اي جيب تويوتا قديم

وانا متاكد ستجد في خلف السيارة في الشاص المكان جاهز والصواميل موجوده وملحمه في الشاص من الداخل وكل ما عليك هو تركيب الخطاف

وافضل مكان للربط هو في الدفرنس لانه ماعندك غير هالمكان في الهايلوكس 2008


تحياتي لك

[ابن هياس الشهري]

مشكور اخوي على ردك والصراحه ما حصلت الشنكار الي تقول في الخلف
وحتى لو ابغى اركي ما ادلري وين احطه . شكرا

[بواسامه]

هلا اخوي
هذه مشكله الهلي في الخلفيه
نصيحتي اذا انت معزم تشتري من التشليح خطاف ولا تركبه الا في الشاص
لا تضر السست ولا الدفرنس
واياني واياك تحسب بالدفرنس محد سواها قبلك

[لن أمل من العطاء]

هلا اخوي
هذه مشكله الهلي في الخلفيه
نصيحتي اذا انت معزم تشتري من التشليح خطاف ولا تركبه الا في الشاص
لا تضر السست ولا الدفرنس
واياني واياك تحسب بالدفرنس محد سواها قبلك


شكرا لك اخي بو اسامه على الاضافة

انا اقصد وقت الحاجه الماسة

يعني الهايلوكس مغرز للاخير ولا مجال للسحب من الامام ابدا ويجب السحب من الخلف

لا امامه الا السحب عن طريق الدفرنس فهو اقوى جزء بالخلف هذا ما اقصد

والا انه ليس المكان الصحيح لكن الحاجه

[abumohammad99]

حياك الله

كل ما غطس الهايلكس الجديد نركب الشنكار في اللي يشيل السست(حديد على شكل حرف U )

هذا اللي نسويه.

ونتمنى الاضافه ممن لديهم الخبره.

تحياتي

[ابن هياس الشهري]

مشكورين يا اخوان على الردود وهي فعلاً مشكله لأني مره سحبت واحد مغرز من الشنكار الي قدام وهو يدعس بغى يصدم الوجهيه عندي علشان كذ ادور طريقة للسحب من الخلف .

[88488]

نصيحة ... ابعد عن الدفرنس وحطه في السست من فوق

[shaheenshah]

اتوقع افضل مكان للسحب من الخلف (السست)

[ford]

والله غريبه مافيه مكان للشنكار لاني خابر يكون فيه مكان لمسامير الشنكار تحت الصدام الاصلي اللي هو صدام شاص السياره لكن في حل اذا دراهمك واجد غير الصدام الاصلي وخذلك صدام استرالي

[إعصار]

يامرحبا بك ..

أبشر بالي يسرك ..

انا مفصل شنكار ومثبته في الشاص ..

أصورة وانزل لك الصورة ..

واذا انت في الرياض علمتك الورشة الي صلحتها عنده ..

[بيبسي]

ركب الهوك بالصدام الخلفي او بجسر السدام اي حداد يسويه لك

[sameer_1798]

يا أخوي أنا سبق أني مركب شنكل بهايلكس مدبل 2000 رحت للحداد وخليته يصنع قطعة شنكل مثل اللي قدام ويركبة بمسامير بالشاصي عاد تخير يمين أو يسار عاد فيه ملاحظات أنتبة خليه يطول القطعة لين تصل أسفل من الصدام , والمسامير دور أكبر نوع عشان يتحمل .