استفسار عن باث فندر مصدوم

[عاشق أم القطا]

السلام عليكم ورحمة الله وبركاته
عندي جيب باث فندر قدر الله عليه جا واحد من الجماعه وصدم عليه وأنا مسافر
الصراحة أن الموتر أنعدم وجهه والأيرباقات طلعن والديكور تكسر والمكينه متحركه من مكانه بس يقولون أنه ما جه شي بس الكراسي أنعدمن
أبي شوركم وهداية الله
وش رايكم الموتر طابت نفسي فيه وودي أبيعه والتصليح ما ينفع
وش رايكم كم يجيب ووش تقترحون علي

[شروكي ربع]

يخلف الله عليك بخير منه ..

والله شوري لك زينه وماعليك , الايرباقات وتدخل عن محلات الفيبر الاثنين بـ 500 او 400 ريال وكنها ماقد انفكت ..

والمكينة شيء طبيعي جدا ً تتحرك من مكانها مع الصدمة وأكيد الكراسي تقطعت وذي أمرها بسيط ..

أما الوجهيه ياتشليح ياقطع غيار و عليك بالتجاري في قطع البودي ماتفرق عن الاصلي ..

بس أهم شي الورشة اللي تزين لك الموتر ..

وموفق يالغالي .

[عاشق أم القطا]

مشكور أخوي على مرورك الكريم
بس النفس طابت

[عاشق أم القطا]

الموتر للبيع
أحد له نظر

[Explorer2007]

الحمدلله على السلامه .. والله يخلف عليك ان شا الله ويعوضك خير .. دامك تقول النفس طابت ..
قل للباث النفس طابت مانبي اليوم منك معروف .. وماودي اضيق صدرك لكن .. عن تجربه بالنيسان

النيسان اذا تفكك تفكك .. وعن تجربه بصراحه بس موب جيب .. لكن هذا عيبه اذا تفكك وتهرقل خلاص

مستحيل يرجع مثل اول .. لذلك ان شا الله انك مانت خسران ان بعته وبيعوضك ربي خير ..