ديوان الشاعر/ عبدالعزيز الجلادي

[راعي مرات]

بسم الله الرحمن الرحيم
السلام عليكم ورحمة الله وبركاته
http://www.mekshat.com/pix/upload/images6/mk8178_abd al azaz.jpg
(((المقدمه)))
الشاعر عبد العزيز الجلادي من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
في متناول القارئ وهي تقدر للشاعر مايبذله من جهد وتفان ٍ في هذا المجال

((السيرة الذاتية))
الأسم المستعار/ *** المهند ****
الأسم الحقيقي/عبدالعـزيز بن مبارك الجـلادي الرشـيدي .
الميلاد/ الـكــويــــــــت
العمل/ مـوظـــف ،، ولازلــت أكـمل دراستـي الجـامعيــة .
الحاله / وغيـر متزوج
الـهوايـه / الشـعر بكل مجاله (نـظـم او محـاوره ) ،، القـنـص ،، والمـعرفـه
"""""""""""""""""
""""""""""

[راعي مرات]

http://www.mekshat.com/pix/upload/images6/mk8178_alglade@1a1.jpg

الـــســــلام عــليــكـم

بــــاخـــتــــصـــار ،، الابــيـــات هـــي الـــمـعـبــره وتــكــفـــي عــن الـــشـــرح

.................................


لحـظه قــبـل مـاتـقـفي تـرانـي فــي الــوادع اشتقت = اشــوف وصـوفـك اللـي كـن كـف الـزيـن قـانيها

واهني عـين مـشـتاقٍ تـشــوف اعـيـونـك اللــي ذقت = حـــلاوة حـبـنـا فــــيـهــا ولــــو انــي مـــاادانيها

ما ادني لحظةٍ فــيـها رجــولي عــن دروبــك عقت = عسى نفسي تعــاف الجـســـم وتنسـى كل امانيها

اعـيش الحظه اللي شـلـت فيـها الـنـفس ثــم اعتقت = دمــوعٍ كــلـــها ذكــرى عــــن اولــهــا وثــانـيها

تلاعبني كفوف الــوقت وانا كـفــي تحـسـب الوقت = علــى روس الأصــابع حسـبــتي تحسب ثوانيها

ياضلعٍ حاني بصدري وياصــــدرٍ بقــافــي ضـقت = وياقافٍ حاشر اضلوعـي تـســــرب مـن مثانيها

تروم النفس هاك الدرب ويــم الــــدرب هــذا سقت = رجولٍ في الشقا جـالت وعـــــادت فــي موانيها

على الدرب الشــقا كله فقدنــي حــلـمـك اللـي فقت = من ورودٍ زرعـها الشـوق ومــالت مـن محانيها

نسيت اني نسيت الحلم وحلــم النفـــس انا له رقت = ذكرت انـي ذكـرت الـحب وزانـــت لي معانيها

ذكـرت ايــام والذكرى تـزيـــد الشــــوق ثم عانقت = قصـيـدٍ صـار يـروي لـي عصـورٍ عشت كانيها

بغيت انـسـى ونـســياني يــزم العـــمر يوم اخفقت = عـجـزت انـسـى حـروفٍ ماضـية فمك عطانيها

ذكـرت الـوردة اللـي تخـــفـي الـولـــو ولا صدقت = وكـن الـحـلـم يـرجـع لـي ونـفـسـي فــي تـفـانيها

ياصبـحٍ غـايبٍ وينك ياليتك في ســمــاي اشرقت = ابـي تـركـت بـيـوت الـهـم وطـلـعـه مـن مبانيها

طواني ياسك الجـامـح وليـتك فـــي فـــوادي تقت = عـشـان تـشـوف حـبٍ سـاكـن بـروجـه وبـانـيها

فداك القلب وركـونـه مـع اضـــلوعٍ بـــها احرقت = زهـور الشـوق قـبـل الشوق يـجني من مجانيها

ابيك تشوف جرح الشوق ابيك تشوف وان برقت = تـقــول الله واكـبــر حــق خــالـقــهــا وفــانـيــها

ابـي الـذكـرى تـشوف اني على فرقاك انا وافقت = واقـول ارحـل عـلى شـوقــك واباخـذهـا بـدانيها

في أمـان الله سـافــر ياحـبيب الروح ولوي طقت = بـطيـق الـحـظـة الاولـى لاجـل حـبـك ســقانيها

في أمــان الله لــي كلـمـة ولــو انـك علـيّه ضقت = بـقــول الـكلـمة اللـي عشـت مــده كـنت اعانيها

لـحــظة قــبـل ماتـقــفي تـرانــي والــهٍ واشـتقت = اعيش الحظه اللي عـشـت ضامــي في سوانيها



وسلآمتـكم

الـــجــــ عــــــبـــــــدالـــــــعـزيــــــــــزـــــلآدي.

.................................................. .................


رابط القصيدة مع الردود هنـــا (http://www.mekshat.com/vb/showthread.php?s=&threadid=15823)

[ابو عايد]

http://www.mekshat.com/pix/upload/images6/mk8178_alglade@1a2.jpg

الشك الغير متوقع من الناس ياتي في بعض الاحيان ،،، باساليب غير صحيحه وليست موثوقه


فانا هنا اقدم لكم هذه المتواضعه في امرٍ حدث لي وقد يحدث للغالبيه منا .


فهي لكم على امل ان تصل الى حد من اعجابكم

.......

الصحـيب اللـي تمـادى فـ الشكوك=واسـفـهل فـي شـكــه الـكاذب كـذا
صـار شـكـة لـه مـواثـيـق وصكوك=وفي عروض الناس قد حط وخذا
وكاملٍ يمـلك حسن سيــرة وسلوك=مــا يـأذي ( حـد ) ومــايـعـرف اذا
عـلـمـوة ان الجـمل يـبـرك بـــروك=يعـسـف ويـحـرم مـن انـواع الـغذا
ولا رسـنته مـن مـفــاليـت الحنوك=والله الـ يـنـسـى كــلامــة والــهــذا
هـو مـشــا في درب مـليانٍ بشوك=حــافــي ولـيــتــة تــوقــا بـالــحـــذا
انـطـلق يطـــرد ورا عكف الوروك=لا جــلـهــنـه بــاع.. هــذاك.. وهذا
يسـحـبنه سـحـــب بأنـواع السلوك=يــحـســب انـه بـحــبــهّــنه قـد حذا
مادرى انه ضــاع ولا يملك كروك=يـرجــعـه.للحق. وللـدرب... ولـذا
والله انـي لـسـطـرة دايـــم.. بـلـوك=وان نـشــدنـي لــيـه بـاقـولـّه كـذا
خـل تـنـفـعـه الــعـذارى والـشـكوك=يـارفـيــقٍ حـط فــيـه ثــــــــم خـذا


الشاعر // عبد العزيز الجلادي

رابط القصيدة مع الردود هنا (http://www.mekshat.com/vb/showthread.php?s=&threadid=20319)

[ابو عايد]

http://www.mekshat.com/pix/upload/images6/mk8178_alglade@1a3.jpg
هــذه أحــدى قــصــائــــدي ،، وهــي تــحــكــي عــن الــتـحــديــات فــي هــذا الــوقـــــت .....

وبـــالـــــذات الـتــحـــــدي فـــي كــتابــت الــــشــــــعــر ....

فـانــا اقــدمــها لـــكــم عــلى ان تــحـوز عــلى اعـجــابـــكــــم :-


وش ابكتـــب ياقصيـدي وش بقــــول=كيـف اعبــــر عن عذابـــي والجــراح
المشـــاكل جـــــاوزت حــد الحـلول=والحلول استعــذبت صوت الصيـــــاح
والروايــه فاضــت بــكل الفـــصول=والفصــول استــهلكـت كل الصفـــــاح
المصـــايـب مـا يكــفيــــها الذهـــول=ودها تقضي على عـقـول الصـحــــاح
من يقـــول ان المصـــايب للخبـــول؟=ولله ان الشــيـخ تـــنصــــاه الرمــــاح
آه ياليـت الجـمـــل شــــال الحمـول=يـوم طارت فالسمــا طيــور الفـــــلاح
آه ياليتـــــه قــطع ذيــك الســـهــول=وا سفــابي من ثـقـيـل الحـمل طـــــاح
كيــف ابرحــل لا مطيــه لا ذلــــول=جيـت ابكـــفخ للاســف مالي جنـــــاح
كني الي عيـــت يــدينــه تــطــــول=فالوغى كنـــي وحيـــــد بلا ســـــلاح
بس ابكتب رغـم عن انف العــــذول=هـو بقـائي حـي ...هو رمز الكــــفـاح

الشاعر // عبد العزيز الجـلادي

رابط القصيدة مع الردود من هنا (http://www.mekshat.com/vb/showthread.php?s=&threadid=19571)

[ابو عايد]

http://www.mekshat.com/pix/upload/images6/mk8178_alglade@1a4.jpg

السلام عليكم ورحمة الله وبركاته



راعي المعروف دائماً لا ينسى فضله ومعروفه


فكل انسان طيب ،،، ياخذ حقه بالمدح ،،، سوءاً بالشعر او بانتشار صيت مدحه مع الناس .


فانا هنا قدمت هذه الي صاحب الفضل ... فمن المستحيل نكران فضله


وهي الي احد اصدقائي . اهديها لــه وهو :-

النقيب / عـبد الرحمن العتيبي (( ابو يوسف ))

فهنا لو تلاحظون ان في بدايتها صور وتشبيهات ،،، شبهت بها القصيده وكانها في سلك عسكري تحت قانون عسكري.


فهي لكم على امل ان تحوز على اعجابكم هذه المتواضعه :

"""""""""
""""'
"

(( أدي لـــــــــه تــحــيـه ))

"
يا قوافي استعدي واثبتي بجزل القصايد = ويا قصيده محتويها الطيب أدي له تحيه
وأستعدي يا قوافي للجزاله والفوايد =وأخضعي له يا قصيده مثل ما تخضع سريه
ويالله اني طالبك فالشعر من عذب الفرايد =للرجال الوافيه أوفي لها حقٍ عليه
للرجال اللي لهم بالطيب نظرتهم بعايد = يكسبون الطيب لو بعده كما نجم الثريه
مع شجاعه وهيبةٍ لا جالها بالعلم كايد =مثل حرٍ في هداده ضربته دايم قويه
لا أرتفع فوق السحابه ولا نزل فالقاع صايد= عز نفسه فارضتله هيبةٍ مع مقدريه
الرجال الطيبه في صيتها اعلومٍ وكايد= ثابته بفعل المراجل عزها الله عن رديه
يابويوسف لوابوصف في مديحك من جدايد=يعجزالتوصيف والتجديدابراعي الاوليه
سيدي يا ضابطي هذا اعتذاري لك وزايد =العقيد اللي بطيبه كنه اجبالٍ رسيه
والعذر كاني مقصر والسموحه بالوعايد= كان نفسي مخلفه بالوعد يالنفس الرضيه
واعذروني فالقوافي والخطا ما فيه فايد= يا عسى نار القوافي لكل طيب دوم حيه
فالبدايه والنهايه زايدٍ قافي وقايد = تشتعل روس القوافي للرجال اهل الحميه
واختتمها في سلامي لضابطٍ منصبه قايد=لـبويوسف بالخصوص وللقياده بحسن نيه
الشاعر // عبد العزيز الجـلادي


رابط القصيدة مع الردود من هنا (http://www.mekshat.com/vb/showthread.php?s=&threadid=20135)

[ابو عايد]

http://www.mekshat.com/pix/upload/images6/mk8178_alglade@1a5.jpg
اقــدم لـكـم هذه المـتواضعـه ،، على امل ان ترقا الي مسامعكم واستحسانكم .

فالانسان دائمـاً ،، يـمـر بـتجارب طيـلة حـياته ،، ويختلط بمجتمعات واشخاص مختلفين المذاهب ،، فالشخص الواعـي .. عليه ومجبر أن ينصح زميله اذا رآءه .. متغير عن مساره الصحيح .. وظــل طريقـه.


فنحن نعلم أن ما كل من عرفك احب لك الخير ..خاصةً اذا استشرته عن حاجه .. وضيعك وهو متعمد والسبب.؟؟

انــعــدام الثقـه بالنـفـس ،،، وقنــاعة النفس بما تخطوا اليـه ......!!

فالمـعروف ،، ان القناعه كــ الـكنـز ،، لايـفنـى ..الا بفناء الثقه .. من الشخص نفسه .

فـانا اقدم قصيدتي هذه لكـم ........ على امل اعجابكم :-


{الـقـناعـه كـنـــز}



تـاه فكرك من زمن لين تاهت خطوتك=بان دربك بالخطا بعد جنبت العدال


تايه أبكل الـدروب لين ضاعت خوتك=من يضيـع خـوتـه ما يـعـد مع الـرجال


قـد نصحتك فالـزمن مـالك الآ عـزوتك=الرجل في نـخوتـه لا أعـتزآ هـدّ الجبال


وش تفيدك دنيـتك يوم ضاعت قـوتك=الـمراجل من بغـاها يبـيله وسـع بــــال


لا تلوم ولا تـشـره ببـاقي نـخــــوتك=كـل نـفــسٍ عـزها اللـه ماترضا بالخـمال


أغتنـم باقـي زمانـك تـدارك بـلوتك=(الـقناعـه كـنز) في هالـزمن أبـكل حـــال

الشاعـر // عبـد العـزيـز الـجـلادي


رابط القصيدة مع الردود من هنا (http://www.mekshat.com/vb/showthread.php?s=&threadid=20041)

[ابو عايد]

http://www.mekshat.com/pix/upload/images6/mk8178_alglade@1a6.jpg
هــذه أحــــدى قــصـائــدي ... عـلى امـل أن تـعـجـبـكم ... فــهــي عـلى أمـرٌ حــصل لــي فـي خـيـمـة

الـقـصايـــــد .......؟ فـهـي لــكــم .....



يـاعـزيـزي...قـــل...لـخـلـك مـايـهـبا=ايـهـبـا..ثـم..ايـهـبـا..ثـم..اسـتـمـع

ود مــرســولٍ عـــلــى الـنـجـم ارتـبـا=ارتـبــا فـــوق الـثـريــا ثــم لــمـع

ود مــرســولـي...وقـــلـة... وش تـبـا=مـن يشـوف حصانـكـم لا ماطمع

عـلـمـه...كـانـة عــلــى الـنـعـمـة ربا=لـو يـقـول ايـوة تـرى خـلك سمع

مـن قــنـص بـالـطـيـر مـــادوّر ظـبـا=مـالـه الا طـعـمـتـة مـهـمـا جــمع

عـلــم...((الــ......)) تـرى لــو اخـتـبـا=خـلـف طـيات الـهـقـاوي ثم رمع

فـي لـسـانـة هــو حـصـانـة وان كـبا=مـالـه الا يـمـســح ابـجـفـنٍ دمــع

كـانـــة ابــدا مـعـك مـن حـلـو الـنـبـا=عـلـمة عن شيخ في ارضة قـٌمع

وكـان قـلــد مـثـل... بـلقيس... وسـبا=قـل تـرى مـانتـه بـشيخ المجتمع

رابط القصيدة مع الردودمن هنا (http://www.mekshat.com/vb/showthread.php?s=&threadid=19527)

[ريف النشاما]

http://www.mekshat.com/pix/upload/images6/mk8178_alglade@1a7.jpg

لــــــــــــســــــــ عـــــــــــلــــيــــكـــم ــــــــــــــلآآآم

الــزمــان ....؟ بــدون تــفــصيــــل تــر ى مــن الــزمـان مـاهـو

عـجيــب ،،وهــذه قــصــيــدتــي بـآخــر تـطـورات الــزمــان خـاصــةً

بــزمــيل لــي ،،وأصـــف بــهــا جــزآلــة الــقــصــيـد ؛؛؛ وهــي أحـــدى قـصائــدي


رفيـقي تمـهـل لا تـزيـد العلـوم علـوم = تـعـاتـب رفيـقك فـي علـومٍ تصــورها

أبقـول مـانـت مـن الخـطا يـافـتي معصـوم= وأبـدمـح لك الـزله وعشـرتـك أقــدرها

علـي الرايـه البيـضـا مـدام القـدر محتـوم = وأظـن الرجـال أهـل المـواقيـف خــابـرها

سلـوم الرجـال أمثـال جعـل السلـوم تـدوم = رجـالٍ تعـز سلـومـها الله يـكــثـرها

أنـا عـشـرتـي ويـاك مـاهيـب ليـل ويـوم= علي هـــون نفســك ليه بالله مكـــدرها

تـرا والله أنـك عـن كـلام الغـلـط محشـوم = ورفقـتك مـاضيـها نصـونه وحــاضـرها

علـي طـرقتي لانيـب غـادي ولا مـنـجـوم = أسـج القـدم بالعـز مـانيـب قـاصــرها

أنـا والله أني بـالوفـا مـالحقـني لـوم = ونفسـي عـن هـروج السمـاجـه مـكـبـرهـا

تـرانـا علـى خـبرك ونـنطـح وجـيه القـوم = وقــومٍ نـواجـها تكـاثـر حسـايـرهـا

مـدام الجـبال جبـال وإن الطيـور تحـوم = عسـى أهـل الوفـا رب المـلا مـا يـصغـرهـا

علـى عـز يـابـرق الحـيا والقـدر مـقسـوم = لعـل المـزون الغـر يـنـهل مـاطـرها

تنـومـس قصـيدي يـامزاجـي وصـح النـوم = وهـاج البحـر وبيـوت شـعـري مصـخـرها

هـلا بـالصحـيح المعتـمد والرخـوم رخـوم = رخـوم الرجـال الله بقـوله محـقـرها

تجـود المعـانـي والهـدف واضـحٍ مـرسـوم = يـاطيـب المـعانـي يـوم بـانـت بـوادرهـا

قصـيدٍ بـلا معـني يزيـد الهمـوم همـوم = ويبقـي مـن جـزال القـصايـد نـوادرهـا

تـرا الشـعـر فـن وذوق حيـث الرجـال عـزوم = دليـل القصايـد طيبـها طيـب شـاعـرها

يقـولـون كسـرا الفـرس رافـق زعيـم الـروم = وأنـا أقـول مـن كسـر عظـامـه يـجبـرهـا

مـدام الجمـل شقـران فـي غاربـه مـوسـوم = وسـومٍ صواديـف الزمـن مـاتـغيـرهـا

تـرا نـاقـة الغربـان لقحـت وجابـت تـوم = يـاسبـحان رب الكـون والنـاس بشـرها

ليـا كبـرت اللقـمه ونشبـت علـى البلعـوم= لاتـستغـرب دمـوع الرجـال بمـحـاجـرها

زمـان العجـايـب حـط ربـع الطريـق خصـوم= عجـايـب فـلا تـتعـب عيـونـك وتسـهرّها

أخـذ كلمـتي يـاصاحـبي وأتـرك أهـل الـزوم = مظاهـر عبـاد الله مـاهـي مخـابـرهـا

ليـاجيـت سـوق السـوم فـأطمـع بغـال السـوم= هـذا العلـم ومخـاشـر سميـرة يخـاشـرهـا

لـو إن المراجـل مـاتجـي غيـر حـب خشـوم = لقيـت الرجـال خشـومـها اللـي تـوقـرهـا




*** الشاعر/ عبدالعزيز الجلادي***
,,,,,,,,,,,,,,,,,,,,,,,,,,,,,
((،،، رفــيــقـــي تـــــمـــهـــل ،،،))

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،


،،،.وســـــلآمـتـكــم.،،،


؛؛؛؛؛أخـوكــم الــشـاعــر : المـسـتـحيـل الـصـعـب .؛؛؛؛؛

عبدالعزيز الجلادي

[ريف النشاما]

http://www.mekshat.com/pix/upload/images6/mk8178_alglade@1a9.JPG





"
"
"
"
"
"""""""""""
""""""
"