المكانيكي

[جبال الهملايا]

أي واحد عنده مشكلة في السياره . يقول لي. .. ( أول واحد) أيضاً .

[فتى البراري]

مبروك افتتاح القسم الجديد..
صراحة ما درينا الا يوم قلت لنا..

ان شاء الله تعم الفائدة...
وتفيد اخوانك بخبراتك..

مع اني والله ما ادري وشي الميكانيكا..
وما اظني افيدكم بأي شئ..
لكني بكثر الأسئلة..
وعليكم الاجابة ..
تحملونا..

اخوك..
نهاش فتى البـــــــــ مضيع ;) ـــــــراري والقفار..

[ashraf1970]

انا فنى اصلاح كربراتير اريد ان انضم اليك فى منتدى الميكانيكى واحاول الاجابة على اى سؤال ان شاء اللة

[محب الشمال]

الله يعطيكم العافية على تفانيكم وحب المساعدة

هؤلاء فعلاُ أهل مكشات ما شاء الله عليهم

واتوقع رايح تكون خيمة او موضوع الميكانيكي من اكبر مشاركات مكشات

والله يحفظكم

[ملطوع]

انا فنى اصلاح كربراتير اريد ان انضم اليك فى منتدى الميكانيكى واحاول الاجابة على اى سؤال ان شاء اللة

ممكن يا أخى جزاك الله خير تعطينى معلومات عن تعديل الكربراتير بالدقة بالصور الفيديو إن أمكن ولك جزيل الشكر
محمود أحمد من ليبيا ايميل agash20@yahoo.com

[ملطوع]

ممكن يا أخى جزاك الله خير تعطينى معلومات عن تعديل الكربراتير بالدقة بالصور الفيديو إن أمكن ولك جزيل الشكر
محمود أحمد من ليبيا ايميل agash20@yahoo.com

[قطن]

عندي سوال يا مكشاتين الجيب الشاصي ديزل شرايكم فيه شنهي حسناته وشنهو سياءته اول مشاركه

[قطن]

[quot السلام عليكم ورحمة الله وبركاته سوال حول الجيب الشاصي الديزل شنهي حسناته وشهي سياءته الرجو الرد اذا تكرمة حيث اني ابشتري سيارة او البنزين افضل E=جبال الهملايا]أي واحد عنده مشكلة في السياره . يقول لي. .. ( أول واحد) أيضاً .[/quote]

[باترول 4×4]

الله يعطيكم العافية جميعاً
أخوي قطن لو تكتب سؤالك في موضوع مستقل في خيمة السيارات لعلك تجد من يفيدك إن شاء الله فالشباب مايقصرون .

[الدبل الثقيل]

الاخ قطن اشتر البنزين ولاتنشد ... الله يكرمنا ويكرمك وجميع المسلمين..

[فتيان صلالة]

الاخ المكانيكي/
الاخـوة الكرام /
السلام عليكم ورحمة الله وبركاته
بأختصار عندي سؤالين مهمين عن الكبليتر والبنزين

السؤال الاول : هايلوكس موديل 2003 بنزين بخاخ يطلع احيانا منها ريحة بنزين قويه وينقص البنزين بسرعة.
السؤال الثاني: هايلوكس موديل 2000 بنزين كبليتر تكربن وتطلع دخان واشتغالها ماهو صافي .
الرجاء حل مشكلتي او تدلوني على ورشة تشهدون لها بالخبرة والامانة بمدينة الرياض.
وجزاكم الله خير

[sahil]

الاخون الافاضل انامعكم حتي لوبغيتو توضبو مكاين اصلاح اي شي في اي سياره باذن الله ولاتشيلو هم والله معانا ويغنينا عن الاجانب اللي مايعرفون الرحمه للسعوديين الاطياب والسلام

[البيـــــراوي]

انا الحمد لله ماعندي اي مشكله حاليا
لكن سؤالي لك اذا كان مافيه احراج
كيف تعلمت ميكانيكيه السيارات
مع خالص تحيات البيـــراوي

[قناص القطا]

السلام عليكم ورحمة الله وبركا ته ياهل الشروكى وشراكم فى قراند شروكى عملى واله موعملى

[sahil]

الشروكي بصفه عامه عملي بس يبيله شوية اداره وعملية الصيانه تكون مرتبه ودوريه :rolleyes:

[مسرع]

الله يعطيكم العافيه على هذا الموضوع الأكثر من رائع

بس حبيت اسأل بالنسبه للجيب الشيروكي وش اهم القطع اللي اخذها معي عند الطلعه للبراري وماهي اهم مشاكله ؟

[ابو فالح]

الله يجزاكم بالخير على ماتقدمون لأخوانكم.
عندي باترول موديل 96 عادي فيه مشكله بالكلتش كثير القير ما يلقم في التغيير خاصة اذا وقفت الا لين ادبل الكلتش مع أني مغيره ماله سنة وكل يوم تزيد الحالة سوءاً ابي رايكم هلاغيره بواحد جديد وين الورشه الي شغلها زين وهل الكلتش الرياضي افضل نغير به.

شاكر ومقدر تجاوبكم الكريم......................
ابو فالح

[تــــوني]

بعد اذنك يا جبال الهملايا اذا تسمح لي أنظم معك في هذا القسم ؟

سؤال الأخ أبو فالح :

إذا كان المشكلة عندك في التعشيق المشكلة عندك في علبة أو أنابيب الكلتش :
إذا كانت الدعسة نازلة تحتاج علبة الكلتش الى تنسيم هذا اذا كانت علبة الكلتش سليمة من التهريب وايضاً المواسير الخاصة بالكلتش لا يوجد بها أي تهريب وعلبة الكلتش ايضاً يكون بداخلها عامود صغير وربلة وعادتاً إذا تم تنسيم الهواء داخل مجموعة الكلتش ولم يتغير شيء تحتاج إلى طقم إصلاح واذا كان سعرها مناسب التغيير افضل لان الإصلاح غالباً لا ينجح الا تحت يد ميكانيكية بارعة (قليلين ها الأيام )..

أما إذا كان المشكلة هي ثقل في السيارة يعني تسمع صوت حنة والسيارة ما تعطيك الله يعينك على كلتش وديزق وفحمة

[سعد حمود]

السلام عليكم عندي هليلكس2004 في صوت ونه بس اذا دعست الكلتش تروح الونه ما السبب جزاك الله خير

[سعد حمود]

السلام عليكم عندي هليلكس2004 في صوت ونه بس اذا دعست الكلتش تروح الونه ما السبب جزاك الله خير

[تــــوني]

حياك الله اخوي سعد حمود

المشكلة عندك عادتاً فحمة الكلتش ووظيفتها تضغط الدزق (الديسك) عشان يفصل للتعشيق وفيها رمان
لكن اذا انت فاك القير فاكه ليتك تغير الدزق والكلتش والفحمة وتشيك على الذراع (يسمونه اللسان)
ولو يحصل لك تجيب القطع من عمان احسن لك ولا تسأل ليه ..

[11 سبتمبر]

على طاري الشيروكي

عندي شيروكي كلاسيك خليجي ابيض 2000 نظيف للبيع


للأستفسار ابوحمود/

0505102111

[ابو رشيد]

الى الاخ توني والاخوه اصحا ب الخبره
عندي جيب كروزر م/99 مشكلته اذا شغلته الصبح وبغيت اعشق القير يرفض التعشيق غير استخدم معاه القوة وبمجرد ما احرك السيارة تزول المشكلة ويعشق القير من احسن مايكون يعني المشكلة وقت تشغيل السيارة بعد وقفه طويله
وايضا فيه طقه تحصل احيانا ماهو دايم اذا قومته بالاول او الثاني
ياليت لو تفيدونا ايش المشكلة علشان نصلحها لان الوكاله تقول لازم اوضب القير كامل

[الدحبول]

[quot السلام عليكم ورحمة الله وبركاته سوال حول الجيب الشاصي الديزل شنهي حسناته وشهي سياءته الرجو الرد اذا تكرمة حيث اني ابشتري سيارة او البنزين افضل E=جبال الهملايا]أي واحد عنده مشكلة في السياره . يقول لي. .. ( أول واحد) أيضاً .[/QUOTE]
الديزل مهوب شين بس فية سلبيات منها:
1) صوت مرتفع
2)عزم ضعيف
3) قومتة مهيب ذاك زود
4) قوة في البر والاماكن الوعرة مهيب مثل البنزين
###############
إيجابيات :
1)التوفير ممتاز
2)مكائن الديزل إطول عمر من مكائن البنزين

@@@@@@@@@@@@@@@@
إنصحك ب البنزين الحمد الله البنزين عندنا في المملكة العربية السعودية
رخيص

والبنزين يمسك سعرة مهوب مثل الديزل

[الدحبول]

الاخ المكانيكي/
الاخـوة الكرام /
السلام عليكم ورحمة الله وبركاته
بأختصار عندي سؤالين مهمين عن الكبليتر والبنزين

السؤال الاول : هايلوكس موديل 2003 بنزين بخاخ يطلع احيانا منها ريحة بنزين قويه وينقص البنزين بسرعة.
السؤال الثاني: هايلوكس موديل 2000 بنزين كبليتر تكربن وتطلع دخان واشتغالها ماهو صافي .
الرجاء حل مشكلتي او تدلوني على ورشة تشهدون لها بالخبرة والامانة بمدينة الرياض.
وجزاكم الله خير

يمكن يكون عندك تهريب في البنزين أو البخاخات فيه مشكلة

ماعندي إي خلفي عن الكربريتر

[الدحبول]

السلام عليكم ورحمة الله وبركا ته ياهل الشروكى وشراكم فى قراند شروكى عملى واله موعملى

الشروكي بصفه عامه عملي بس يبيله شوية اداره وعملية الصيانه تكون مرتبه ودوريه :rolleyes:

ليس الشيروكي فقط بل جميع السيارات وخصوصن الأمريكي والاماني ونيسان اليبانية

[الدحبول]

الله يعطيكم العافيه على هذا الموضوع الأكثر من رائع

بس حبيت اسأل بالنسبه للجيب الشيروكي وش اهم القطع اللي اخذها معي عند الطلعه للبراري وماهي اهم مشاكله ؟

لازم قبل ماتطلع البر شيك على جميع السوائل من زيوت والوقود والمياة

بس لزم الواحد يأخذ إحطياط أنا كان عندي جراند شيروكي كنت إحط بعض الامور والحمد الله ما حتجتها
والان معي لاندكروزر وحط فية الحطياطات والحمد الله ماحتجتها
1)20لتر من الوقود
2) 2لتر زيت مكينة
3) علبتين ماء مقطر
4) 2 لتر زيت قير
5) علبتين زيت بريك

[اسهيل]

اخواي انا واحد من شباب معه سيارة كرسيدبخاخ ست سلندر اذا شغل المكيف وهو جاي من مشوار تطلع ريحت بنزين قويه وشرايك وناخوك وش السبب

[atair8]

بسم الله الرحمن الرحيم
السلام عليكم ورحمة الله وبركاته
وفقك الله اذا ولعت لمبة (تشك انجن) افحص المحرك
فما هي المشكلة وكيف تطفا اللمبة لاني مريت الوكالة وقالوا الاحتراق في السيارة غير مضبوط
وشكرا لكم

[ابو ناصر2020]

ياجماعه انا معي جيب باترول 97 عندي الحراره ترتفع إلى فوق الطبيعي اذا ولعت المكيف الخلفي مع الأمامي
واذا صرت امشي الحراره تصير طبيعيه واذا اسرعة وصلت 150 - 160 وطالع تبداء تزود بشكل سريع
مع العلم اني مغير المروحه واتماتيك المروحه اصلي والموتر شد بلد يعني ماجالوه تعديل او غير ذالك اتمنا الأفاده .


والمشكله الثانيه هي معي هايلوكس دبل 2002 عندي صوت عند الفحمات مع العلم اني مغير الفحمات
قبل شهر وخاط الهوب عند ميزان اليرموك ومع ذالك الصوت يجي وبعض المرات مايجي صوت
قلت يمكن رمل داخل بين الهوب والفحمه ونفخت هوا عليهن ومع ذالك مانفع .. هل يمكن الفحمه
تتحرك من محله يعني التركيب غلط ...

[جيب متشوبيشي]

سلام عليكم جبال الهملايا اخوي اناعندي جيب متسوبيشي 2005 سياره جيده بس المشكله انه في خطأ مصنعي في الهوبات او الفحمات ال الكليبر المهم هذى المشكله في كل موديلات 2005 كذا مره غيرتها مايتم 4000 كيلو والا تبداء ترج ومايجي 10000 كيلو الا وهي منتهيه وش الحل تكفى ولا يهنون الشباب الى عنده حل يفزع لنا والله يوفقكم 0

[العمرالحزين]

السلام عليكم يا أحباب

عندي كرسيدا قراندي 6 سلندر بخاخ قير تماتيك
المشكله هي وجود صوت غريب في القير عندما أشغل السياره وخاصه الصباح أو عندما تكون السيارة بارده
الصوت والسياره واقفه وعندما تتحرك يتأخر القير في التغيير يعني يبقى فتره حتى يغير ولكن عندما تحمى السياره يصبح كل شيء تمام 0 طبعا ً غيرت الفلتر والزيت ما نفع نفس المشكله 0

ما أدري إيش الحل تكفون يا الربع؟

[تــــوني]

حياك الله ابو رشيد
مشكلتك ان شاء الله بسيطة غير الزيت حق القير وحط فوكس تقنية المانية بس حط مقاس اقل من 90 درجة لزوجة

واذا استمرت الطقة عطني خبر يمكن تروح

هذا الكلام مبدئياً
بس هل فيه صوت مع دعسة الكلتش والا مافيه
انتظر ردك

[تــــوني]

الاخوان فتيان صلالة
الحمد لله على سلامتكم من الاعصار اولاً
بالنسبة لموديل 2003 غير البواجي اصلي وكالة وبتفرق معاك الصرفية وتخف ريحة البنزين واذا ما راحت الريحة فيه ربلات في البخاخ تتغير

بالنسبة لموديل 2002 كلبليتر يحتاج تصفية وتقدر تسويها في البيت عندك احسن من فك الكلبليتر اشتر بخاخ تنظيف كلبليتر من نوع Gm واحشر الكلبليتر والسيارة طافية وبعدين غير البواجي وشغل السيارة وبعدين تبخ الكلبليتر والسيارة شغالة وتعطية كم دعسة بس بعد ما تحتمي السيارة وفيه وزنيه للكربون لازم يسويها لك واحد فاهم هذا اذا ما ظبط معاك
بس على فكرة من صرامة القوانين عندكم في صلالة الظاهر المشكلة بترجع لك لان السيارة تحتاج انها تمشي ساعتين خلال الشهر بسرعة 120 كم/س

وبالتوفيق انتظر ردك

[تــــوني]

اخوي سهيل السته غير الاربعة
لابد من معاينة السيارة لان المشاكل تكون كثير خصوصاً من موديلاتها كثيرة ممكن تكون المكاين متغيرة ما تكون نفس الوكالة تكون يابانيه يعني لازم تنشاف من متخصص في ها المجال بس مبدئياً تغيير فلتر الهوا وماصورة راجع البنزين يمكن تكون مسدودة
وبالتوفيق

[تــــوني]

الاخ اتاري 8
ماذكرت نوع السيارة بس الظاهر انها كابرس استخدام امريكي
اذاكان امريكي لا تغير ولا شي ولا تتعب نفسك ماراح تطفى الا بعد ماترجع من الخطوط بس وانتبه تغير الكلبليتر على ما اتوقع

واذا متعبتك اللمبه فك الطبلون وشلها ولا حط لصق عليها

[تــــوني]

حياك الله يا بو ناصر مبطين عنك
مشكلة الحرارة لاز تتابعها يعني ما ينفع تقرا الكتاب بالمقلوب بس النياسين عادتاً اصحابها يركبون مراوح اضافيه في الشبك لنفس مشكلتك

بالنسبة للدبل الهايلوكس لابد من المعاينة وعلى الاغلب الصوت من الهوبات الخلفية يكون فيها رمل ..

بالتوفيق

[هولوكس2005]

السلام عليكم ورحمته وبركاته

اشكرك على هذا الخدمه الانسانيه وإنشاءلله بأن تعم الفائده على الجميع
وأسمحلي انضم معك لخبرتي البسيطه
وانشاءلله يطلع مني شي يستفاد منه




الاخ المكانيكي/
الاخـوة الكرام /
السلام عليكم ورحمة الله وبركاته
بأختصار عندي سؤالين مهمين عن الكبليتر والبنزين

السؤال الاول : هايلوكس موديل 2003 بنزين بخاخ يطلع احيانا منها ريحة بنزين قويه وينقص البنزين بسرعة.
السؤال الثاني: هايلوكس موديل 2000 بنزين كبليتر تكربن وتطلع دخان واشتغالها ماهو صافي .
الرجاء حل مشكلتي او تدلوني على ورشة تشهدون لها بالخبرة والامانة بمدينة الرياض.
وجزاكم الله خير



ال2003 هذي اخوي مشكلتها بسيطه افتح الكبوت شف بين علبة الكلتش والفرامل
علبه سوداء طالع منها ليين اثنين المشكله منها وكانت بموتر واحد من الشباب وغيرها
ويمكن تأكد بنفسك افتح الكبوت ووتنش ريحة البانزين منها


وال2000 انصح نصيحة اخوي لا تعبثبه واحد من العيال مخلى ورشه بالقصيم ماودها ثم ودها للوكاله وصلحوها 2500 وزادة المشكله معاه
فنصيحتي خلها لا تجيها مادمها تمشي مضبوط



السلام عليكم عندي هليلكس2004 في صوت ونه بس اذا دعست الكلتش تروح الونه ما السبب جزاك الله خير

حياك الله اخوي سعد حمود

المشكلة عندك عادتاً فحمة الكلتش ووظيفتها تضغط الدزق (الديسك) عشان يفصل للتعشيق وفيها رمان
لكن اذا انت فاك القير فاكه ليتك تغير الدزق والكلتش والفحمة وتشيك على الذراع (يسمونه اللسان)
ولو يحصل لك تجيب القطع من عمان احسن لك ولا تسأل ليه ..
اخوي عادي انا معي 2005 وواحد من العيال معه 2005 وكانت نفس المشكله وغيرت الكلتش والفحمه والدزق ومسمار الهلال ونفس المشكله ترها عاديه لأني شفت مواتر كثير هليات نفس المشكله

[تــــوني]

الاخ جيب متسوبيشي حياك الله

المشكلة هذي ماهي في موديل 2005 بس في كل موديلات الباجيرو 2003 2004 2006 هذي المشكلة تعتمد على طريقة القيادة وهي استخدام الفرامل على سرعات عالية وعلى فكرة المشكلة ايضاً في الكوابرس واللومينات الجديدة
الحل يا اخونا هو انه يوجد طريقة للخرط في الهوبات لا يعرفها سوى القليل واذا كنت في الرياض اتجة الى صناعية البطحاء شيخ الصناعية محمد المشعل والكل بيدلك علية بمجرد ذكر اسمة المقصد من اني ادلك على هذا المحل بالذات لانه متعامل مع مخرطة شغلها نظيف ودارسين الخراطة دراسة يعني بشهادات مو ممارسة زي باقي الصناعيات خلهم يخرطون لك الهوبات وبعد الخرط لابد من تغيير نمط القيادة وبالتحديد في الفرامل يعني دلع الفرامل استخدمها بشكل متقطع استخدم القير ثلاث تغيرات داخل المدينة لان الباجيرو يتمتع بنظام توب ترونك ممتاز جداً استخدمة ولا تخاف مجرب كثير والا لا تسرع وتستخدم الفرامل مرة وحدة
وبالتوفيق اخوي

[هولوكس2005]

ياجماعه انا معي جيب باترول 97 عندي الحراره ترتفع إلى فوق الطبيعي اذا ولعت المكيف الخلفي مع الأمامي

واذا صرت امشي الحراره تصير طبيعيه واذا اسرعة وصلت 150 - 160 وطالع تبداء تزود بشكل سريع
مع العلم اني مغير المروحه واتماتيك المروحه اصلي والموتر شد بلد يعني ماجالوه تعديل او غير ذالك اتمنا الأفاده .


والمشكله الثانيه هي معي هايلوكس دبل 2002 عندي صوت عند الفحمات مع العلم اني مغير الفحمات
قبل شهر وخاط الهوب عند ميزان اليرموك ومع ذالك الصوت يجي وبعض المرات مايجي صوت
قلت يمكن رمل داخل بين الهوب والفحمه ونفخت هوا عليهن ومع ذالك مانفع .. هل يمكن الفحمه
تتحرك من محله يعني التركيب غلط ...





السلام عليكم ورحمته وبركاته


اخوي مشكلة الجيب يا من الطبات أو 70% من الخرطوش ياعني اذا زدت السرعه ينكمش ثم مايدخل ماء الطلبوب لم المكينه والله صارت كثير والخرطوش ماهو غالي وانشاءلله تنحل المشكله


والهلي عادي صوت الفحمات انا مره خرطت الهوبات وركبت فحمات الوكاله رقم اثنين ويطلعن احيان صوت صرير بس لا تخاف وش الي تتحرك لو تتحرك ملي واحد ملقيتها بمحلها من سرعة الدوران وثقل الموتر

[الساهر2003]

السلام عليكم ياشباب ومشكورين على هذا المجهود الطيب
وعندي استفسار عن الباث 2005 تماتيك اذا دعست نص دعسة البنزين فجاءة يطلع صوت في اول خرطوش الهواء الي فوق البخاخات مثل صوت خرفشه خفيفه وتروح مدتها اقل من ثواني وكل مالها تزود مع الايام وودي اوديه للوكاله لانه على الضمان لكن اخاف يفسدونه اكثر من انهم بيصلحونه ممكن تفيدونا ولا اخليه لما يقول هذا محلي
ومع الف سلامة

[تــــوني]

الاخ العمر الحزين

بالنسبة للمشكلة عندك هي طرمبة زيت القير بس عاد ماراح يقولون لك المشكله هنا عشانهم ماراح يفكون الطرمبه لوحدها ! واضح
خلها على وضعها بس اهم شي لا تزيد الممشى على ثلاثين الف وتغير الزيت وتخدم معك بس اهم شي خلها تحتمي واول ما تشغل لا تمشي عليها فوق الثمانين الا لين يحتمي زيتها يعني مسافة 8 كيلو تقريباً
وبالتوفيق

[تــــوني]

الساهر شي ببلاش ربحة بين

[الساهر2003]

اكيد ببلاش لكن يفسدون اكثر مما يصلحون الله يصلحهم

[تــــوني]

مرحبا الساهر الوكالة ازين من بنقالية الصناعية خلك منطقي شوي ولا يوسوسون بك العالم ترى شركة يقولون فاضين يدورون اي شي يهمقون فيه وكل الله ورح للوكالة بس وشف وش يقولون

[شبح الصحراء]

السلام عليكم عندي هليلكس2004 في صوت ونه بس اذا دعست الكلتش تروح الونه ما السبب جزاك الله خير
عادي لا توسوس انا معاي هلي 2005 فيها الونه هذي وتراها في اغلب الهايلوكسات وفي كثير من الجيكسارات وبعض الناس الله يهديهم فك الجير وغير الكلتش ونفس الصوت يطلع من جديد .

[شبح الصحراء]

الله يجزاكم بالخير على ماتقدمون لأخوانكم.
عندي باترول موديل 96 عادي فيه مشكله بالكلتش كثير القير ما يلقم في التغيير خاصة اذا وقفت الا لين ادبل الكلتش مع أني مغيره ماله سنة وكل يوم تزيد الحالة سوءاً ابي رايكم هلاغيره بواحد جديد وين الورشه الي شغلها زين وهل الكلتش الرياضي افضل نغير به.

شاكر ومقدر تجاوبكم الكريم......................
ابو فالح
نفس المشكلة كانت في الجمس الوانيت اللي كان معاي أول ، التدبيلة كانت معقدتني مرة مع اني ما خليت ورشة ما رحتلها وما انحلت المشكلة مع اني غيرت صحن الكلتش وغيرت علبة الكلتش مرتين أو اكثر وشديت على كرسي الجير ما نفع !! .

[مغرز ولكن طلع]

يا اخواني عندي دبل الجيب (لاندكروزر Gxr) ما يعشق الثقيل غيرة القاعدة حقت عصا الدبل ما نفع وغيرة العظمة بعد مانفع وش الحل ؟؟؟؟؟

[العمرالحزين]

مشكور يا الحبيب ما قصرت جزاك الله كل خير ونفع بك ورحم والديك وزاد في رزقك ورزق عيالك 0 أنت رائع وتستحق كل خير 000 ولا نملك إلا الدعاء 0

[هولوكس2005]

السلام عليكم ياشباب ومشكورين على هذا المجهود الطيب
وعندي استفسار عن الباث 2005 تماتيك اذا دعست نص دعسة البنزين فجاءة يطلع صوت في اول خرطوش الهواء الي فوق البخاخات مثل صوت خرفشه خفيفه وتروح مدتها اقل من ثواني وكل مالها تزود مع الايام وودي اوديه للوكاله لانه على الضمان لكن اخاف يفسدونه اكثر من انهم بيصلحونه ممكن تفيدونا ولا اخليه لما يقول هذا محلي
ومع الف سلامة
بسألك اخوي

الفتلر وكاله ولا رياضي

[ابو ناصر2020]

مشكورين وماقصرتو
اخوي توني الله يحييك شكلي بركب مروحه اضافيه

اخوي هولوكس2005 ماضاهر انه من الخرطوش لاني اكليوم بالخط وكنت امشي 170 وبدت الحراره تزيد
وجيت وقفت وفتحت الكبوت وشيكت على الخراطيش ممتازه بس بشيك عليهن مره ثانيه

وماتقصرون يارب .

[ابو رشيد]

حياك الله ابو رشيد
مشكلتك ان شاء الله بسيطة غير الزيت حق القير وحط فوكس تقنية المانية بس حط مقاس اقل من 90 درجة لزوجة

واذا استمرت الطقة عطني خبر يمكن تروح

هذا الكلام مبدئياً
بس هل فيه صوت مع دعسة الكلتش والا مافيه
انتظر ردك
نسيت اخبرك اني غيرت الزيت بوكالة تايوتا ولقيت تحسن بالقير لكن ماطول ابو شهر ورجع لعلته يمكن زيتهم تعبان لاني سالتهم قبل لاادخله عندهم اذا عندهم زيت قير عادي قالوا لا ماعندنا فما ادري وش الزيت اللي حطوه بالسيارة
وبرايك لو اروح ابدله بزيت فوكس درجه اقل من 90 اللي قلت عليه يرجع افضل بالنسبة لتدقيرت القير

اما الصوت مايلطع صوت مع دعسة الكلتش بس الطقه تطلع اذ اكانت واقفه وقومتها بالاول او الثاني وتحركت تطق (احيانا )

[راعي الروضة]

الاخ : توني
بارك الله فيك يالسبع والله انك قدها وقدوك 000 شقردي وفزوع الله لايحرمنا منك

[هولوكس2005]

مشكورين وماقصرتو
اخوي توني الله يحييك شكلي بركب مروحه اضافيه

اخوي هولوكس2005 ماضاهر انه من الخرطوش لاني اكليوم بالخط وكنت امشي 170 وبدت الحراره تزيد
وجيت وقفت وفتحت الكبوت وشيكت على الخراطيش ممتازه بس بشيك عليهن مره ثانيه

وماتقصرون يارب .



هذي المشكله لا وقفت السياره رجع الخطوش لوضعه الطبيعي ولا زادة السرعه انكمش

[abo lafi]

المفروض ان صاحب الموضوع(جبال هملايا) هو الي يرد لانه هو الذي طرح الموضوع والفكره ...,,,

[هولوكس2005]

المفروض ان صاحب الموضوع(جبال هملايا) هو الي يرد لانه هو الذي طرح الموضوع والفكره ...,,,




وعليكم السلام ورحمته وبركاته


اخوي قال الرسول صلى الله عليه وسلم ( قل خير أو أسكت )
وإذا كان الكلام من فضه فالسكوت من ذهب


أنت وش عليك :confused: أنا والشباب مستأذنين من صاحب الموضوع علشان يكون الخير خيرين فيه ناس الحين استفادت وأنت ماتدري والموضوع يكبر والكل يطرح سوأله والي عندي جواب يجاوب ولو كل واحد يطرح موضوع كان مايمديك تلحق تقراء خله يصير موسوعه
مثل موضوع الفشق والشوازن و البنادق الهوائيه ومواضيع واجد هادفه

وأضن صاحب الموضوع ماعنده مانع لأنه يبي قولت جزاك الله خير وهو عمل انساني مو محتري من وراه ماده:no2: علشان نقول نبي نقطع رزقه



تقبل خالي تحياتي
أبو راشد

[as07asi07]

اخي مكنيكي السلام عليكم ودي بالعنوان الله يحفظك

[خيام الندم]

السلام عليكم ورحمة الله ................... أرجو أن تكونو بخير
بإختصار وحتى لا أطيل عليكم ...............
لدي مشكلــــة وقـفت عاجــزا عن إكتشـــــافها وإصلاحهـا ..... معي تاهــــــو موديل 99 دبل ومشكلتي هــي : عند بداية تحرك الســياره يصـدر صـــوت قــــوي ((( دبــجه ))) واضحــة صوت وكذلك عندما أريد التوقــف والضـغط على الفرامل !!!!!
والصوت يصــــدر في الجزء الأخــير من السيارة ,,,,,,,, وحـاولت التعـرف مصـدر الصوت عند ميكانيكيين ولم يكتشــفو شي ...........
وقمــت بتغيير :ــ المساعدات + الجلد الخلفيه + جلد عمود التوازن + تنظــيم الســست وجلد الســست + وكذلك قمــت بفك الأستـبنه والسـير بدونـها ولا فائده من ذلك ....... وإتهـمت تانكــي البنزين أنه يتحرك وأصبح برئ !!!!
وللتوضييح : صوت الدبجه يصــدر عند بداية تحـرك الســيارة وذلك بالضــغط على البنزين وكذلك عند التوقف بالضغط على الفرامل والصوت وااااااااضح داخل الســياره جدا !!!!!!!!!!! فأناشـــــد كل من حصلت معه مثل هذه المشكلة وهذا الصوت أن يساعـدني في إصلاحــه وله منــي جـــــزيل الدعـــــاء والشـــــــكر ...................
أخوكم : خـــيام الـــندم ...
الرياض .

[هولوكس2005]

السلام عليكم ورحمة الله ................... أرجو أن تكونو بخير
بإختصار وحتى لا أطيل عليكم ...............
لدي مشكلــــة وقـفت عاجــزا عن إكتشـــــافها وإصلاحهـا ..... معي تاهــــــو موديل 99 دبل ومشكلتي هــي : عند بداية تحرك الســياره يصـدر صـــوت قــــوي ((( دبــجه ))) واضحــة صوت وكذلك عندما أريد التوقــف والضـغط على الفرامل !!!!!
والصوت يصــــدر في الجزء الأخــير من السيارة ,,,,,,,, وحـاولت التعـرف مصـدر الصوت عند ميكانيكيين ولم يكتشــفو شي ...........
وقمــت بتغيير :ــ المساعدات + الجلد الخلفيه + جلد عمود التوازن + تنظــيم الســست وجلد الســست + وكذلك قمــت بفك الأستـبنه والسـير بدونـها ولا فائده من ذلك ....... وإتهـمت تانكــي البنزين أنه يتحرك وأصبح برئ !!!!
وللتوضييح : صوت الدبجه يصــدر عند بداية تحـرك الســيارة وذلك بالضــغط على البنزين وكذلك عند التوقف بالضغط على الفرامل والصوت وااااااااضح داخل الســياره جدا !!!!!!!!!!! فأناشـــــد كل من حصلت معه مثل هذه المشكلة وهذا الصوت أن يساعـدني في إصلاحــه وله منــي جـــــزيل الدعـــــاء والشـــــــكر ...................
أخوكم : خـــيام الـــندم ...
الرياض .


اخوي حل مشكلتك ب25 ريال المشكله هو الصليب الخلفي الي بالعامود وكانت معي نفس مشكلتك بالجمس

[abo lafi]

وعليكم السلام ورحمته وبركاته


اخوي قال الرسول صلى الله عليه وسلم ( قل خير أو أسكت )
وإذا كان الكلام من فضه فالسكوت من ذهب


أنت وش عليك :confused: أنا والشباب مستأذنين من صاحب الموضوع علشان يكون الخير خيرين فيه ناس الحين استفادت وأنت ماتدري والموضوع يكبر والكل يطرح سوأله والي عندي جواب يجاوب ولو كل واحد يطرح موضوع كان مايمديك تلحق تقراء خله يصير موسوعه
مثل موضوع الفشق والشوازن و البنادق الهوائيه ومواضيع واجد هادفه

وأضن صاحب الموضوع ماعنده مانع لأنه يبي قولت جزاك الله خير وهو عمل انساني مو محتري من وراه ماده:no2: علشان نقول نبي نقطع رزقه



تقبل خالي تحياتي
أبو راشد
السلام عليكم

اخي ابو راشد انا لم اقصد احد بعينه

صاحب الموضوع (جبال الهملايا)

قال أي واحد عنده مشكلة في السياره . يقول لي

وما قال اي واحد عنده مشكله في السياره يكتبها والشباب يردون عليه.....
وانت تقول انك مستأذن منه وهو ماله ولا رد في الموضوع>>:confused:


انا اقول اترك لصاحب الموضوع الشأن (وهذا هو الاصل)...

وردك كان غير لائق ومتسرع....

على العموم يعطيك العافيه على نشاطك وحماسك ...

وياليت نستفيد منك في موضوع مستقل (لك)

لك الشكر والتقدير

اخوك /ابولافي

[خيام الندم]

السلام عليكم ورحمة الله ................... أرجو أن تكونو بخير
بإختصار وحتى لا أطيل عليكم ...............
لدي مشكلــــة وقـفت عاجــزا عن إكتشـــــافها وإصلاحهـا ..... معي تاهــــــو موديل 99 دبل ومشكلتي هــي : عند بداية تحرك الســياره يصـدر صـــوت قــــوي ((( دبــجه ))) واضحــة صوت وكذلك عندما أريد التوقــف والضـغط على الفرامل !!!!!
والصوت يصــــدر في الجزء الأخــير من السيارة ,,,,,,,, وحـاولت التعـرف مصـدر الصوت عند ميكانيكيين ولم يكتشــفو شي ...........
وقمــت بتغيير :ــ المساعدات + الجلد الخلفيه + جلد عمود التوازن + تنظــيم الســست وجلد الســست + وكذلك قمــت بفك الأستـبنه والسـير بدونـها ولا فائده من ذلك ....... وإتهـمت تانكــي البنزين أنه يتحرك وأصبح برئ !!!!
وللتوضييح : صوت الدبجه يصــدر عند بداية تحـرك الســيارة وذلك بالضــغط على البنزين وكذلك عند التوقف بالضغط على الفرامل والصوت وااااااااضح داخل الســياره جدا !!!!!!!!!!! فأناشـــــد كل من حصلت معه مثل هذه المشكلة وهذا الصوت أن يساعـدني في إصلاحــه وله منــي جـــــزيل الدعـــــاء والشـــــــكر ...................
أخوكم : خـــيام الـــندم ...
الرياض . الجمعه 15 /6/ 1428 هـ

[الخمساوي]

خيام الندم
عندي نفس المشكلة تقريبا غيرت الصليب اظن الصوت في الكفر اليسار

[عاشق نيساني]

السلام عليكم ورحمة الله وبركاته.......

باختصار ياشباب انا عندي مشكله معي فتك 2006 قيرعادي والمشكله هي اولا الموتر تجيه مسكات ويكتم يعني وانا امشي وداعس

دواسة البنزين يوقف يعني تسني مادعست والمشكله الثانيه احيانا اذا نزلت من الموتر وطفيته ورجعت اشغله مايشتغل يعني يدق سلف لكن

المحرك مايشتغل والمشكله هاذي قليل ماتصير لكن ابي اعرف وش المشكله وغير كذا الموتر ولله الحمد عزمه حلو لكن موب عزمه

الاول يعني اول كان ماشاء الله انشط من الحين كان يجيب طبلونه بالراحه الحين بالطقاق 190 وعلما ان الموتر ماشي الحين 90 الف

بس عطون الحل الله لايهينكم وشاكر لكم ....

[هولوكس2005]

عاشق نيساني وده على الضمان للوكاله

[تــــوني]

بسم الله الرحمن الرحيم

الاخوان :

العمر الحزين / مشكور اخوي والله يتقبل منا ومنك
مغرز ولكن طلع / كم الموديل ؟؟؟
ابو رشيد / الرد وصلك على الخاص
راعي الروضة/ نخدم بعيونا يا بعدهم لا عدمناك
خيام الندم / الصوت عندك كأنة كورة في السيارة لا مشيت تدربت وطقت في الديكور مع هزة في السيارة تحسها في الدركسون ؟ وهل المشكلة من شريت السيارة والا توها جديدة ؟ .....انتظر ردك
خمساوي / نفس رد خيام الندم
عاشق نيساني/ ثلاث شغلات تسويها :
1- اجباري تغير فلتر البنزين الي بعد الطرمبة تلقاه مثبت في الشاص بشنكار
2- اجباري تغير الفلتر الي قبل البخاخات (هذا هو الزبدة)
واذا ماضبط فيه منظم للبخاخ غالي اكشف عليه كمبيوتر قبل تغيرة عطني خبر ...

[خ الفياض]

السلام عليكم ورحمة الله وبركاته ويعطيكم الله الف عافيه
عندي مشكلتين في سيارتي باث فندر 2001
اولا الكلتش مرررررررررررررررررررره ثقيل لاجيت اعشق لازم اضغطه للاخير رحت لمكانيكيين الاول تركي ولاخر فلبييني كلهم ممتازيين يقولون من الصحن والفحمه والدسك وانا ماني مقتنع في الحقيقه افيدونا الله يرفع قدركم
والثنيه صوت حنه بالدفرنس الخلفي بين سرعة 80 و100 اذا كنت رافع رجلي عن البنزين واذا دعست راحت الحنه قالوا غير دفرنس الا نه فيه فضاوه وش شوركم انت
طبعا السياره نظيفه ولايجيها كرف ومشيها معقول ولها معي حول8 شهور
كمان فيه ريحة زيت تطلعلي بين اللحين والاخر مدري من وين لاكنها في الكبينه وموشرط المكيف شغال ولا مو شغال
ودمتم في حفظ الله

[هولوكس2005]

اخوي خ الفياض
بعدين اخوي ادعس تقريبن ربع الدعسه او اكثر الكلتش وكانه يهتز الدوسه حقة الكلتش هذي ميه في الميه من الكلتش والقير فاضي


وبعدين ماعليك دامك مراح تسافر لا تغيره إلى لا بداء يعلق ويكتر الكلتش

وأحسن لك غيره شف أنت كم ماشي على الموتر وعلى حسب استعمالك له

كانه على ماتقول ثقيل فمن فحمة الكلتش وفحمة الكلتش قيمتها 50 ريال وفك الكلتش ب250 ريال يعني حرام تغير الفحمه لحالها غير الدزق مع الفحمه والكلتش ازين لك


والحنه مالي علم فيها

[برق بريده]

السلام علكيم
عندي مشكله في الكفرات يسحلن على الجوانب ما يقعدن ست شهور الا قاضي
قيل لي من الدفرنس او الاذرعه
ارجو الافاده الله لا يهينكم

[العمرالحزين]

هل ممكن تغيير جربكس الكرسيدا التماتيك إلى قير عايدي وهل هو أفضل

إذاكان أفضل الرجاء إعطائي اسم أفضل ورشه أو تشليح لتغيير القير وشكرا ً

[العمرالحزين]

أخوي هل ممكن تغيير جربكس الكرسيدا التماتيك إلى عايدي وهل هو أفضل أم لا

إذا كان تنصحني بذلك فما أفضل ورشه أو تشليح لعمل ذلك

وشكرا مع العلم اني من أهل الباحه0

[تــــوني]

ولد شلوى وش نوع السيارة ؟

[تــــوني]

العمر الحزين العادي اكيد احسن خصوصاً في الباحة بس ما اعرف ورش هناك

بالتوفيق

[شيخ القناصة]

أخوي راع التاهو شيك جلد البدي مع الشاص انشاء الله تنتهي معاناتك ;)

[STOP]

السلام عليكم ورحمه الله وبركاته
عندي مشكله ياشباب بالمكيف الفريون مايقعد الا 10 ايام !! لوكان اقل عرفت وين التنسيم بس الظاهر انه صغير مره (هذا اذا كان تنسيم).

الله لايهنكم ولا يصغركم اذا عندكم طريقه لكشف التهريب غير تعبئته بالهواء ورشه بالماء والصابون ؟؟

وهل ممكن تكون من الكومبروسر ؟؟ كل اسبوع ونص اعبي دجييييييييت .
شوفوا لي حل تكفون لاني حقيقه اعاني لي شهرين

شاكر لكم....

[مغرز ولكن طلع]

الجيب GXR موديل 99

[تــــوني]

هلا حياك ستوب التهريب عندك من البلف (زي بلف هوا الكفر) بس وش السيارة ممكن تكون امريكي ! اعتقد

[STOP]

الموتر هايلكس بس ممكن يكون غير البلف؟؟ لاني ماتوقع !!!

[متحمس]

عندنا اخوي الغالي مشكله في القير وهي كالتالي لما يغير القير من الثالث للرابع يحصل نتعه او نقول رجه خفيف طبعا صوت مثل الطقه والقير توماتيك والموتر ميركوري وشكرااااااا

[تــــوني]

يا شباب الي عندة سؤال الله يعافيه يحط نوع السيارة وموديلها

يا متحمس يطلع صوت زي الطقطقة خفيفة والمشكلة قديمة والا جديدة ؟
لا تنسى الموديل

[تــــوني]

ممكن يا ستوب راجع الرسائل الخاصة

[راعي الركيات]

عندي يوكن 97م المشكله فيه طرمبت البنزين تخرب كل مده بسيطه يعني ماتطول حاولت ارهم طرمبه لكن مايعطي دفع جيد للبخاخ

[وقاااااد]

اولا نشكر الشباب على الموضوع الناجح

ثانيا عندي سؤال عن السفاري 2005 فيه دبجه قويه إذا مشيت ومسكت فرامل وقفت السياره ماارفع رجلي من الفرامل الا ويطلع صوت قوي تحت القير احس ان واحد صادمني
وقررو المهندسين ان مسنن العمود متوسع ولازم يغير هل فيه حل غير التغيير ولالا
جزاكم الله خييييير

[مغرز ولكن طلع]

بسم الله الرحمن الرحيم

الاخوان :

العمر الحزين / مشكور اخوي والله يتقبل منا ومنك
مغرز ولكن طلع / كم الموديل ؟؟؟
ابو رشيد / الرد وصلك على الخاص
راعي الروضة/ نخدم بعيونا يا بعدهم لا عدمناك
خيام الندم / الصوت عندك كأنة كورة في السيارة لا مشيت تدربت وطقت في الديكور مع هزة في السيارة تحسها في الدركسون ؟ وهل المشكلة من شريت السيارة والا توها جديدة ؟ .....انتظر ردك
خمساوي / نفس رد خيام الندم
عاشق نيساني/ ثلاث شغلات تسويها :
1- اجباري تغير فلتر البنزين الي بعد الطرمبة تلقاه مثبت في الشاص بشنكار
2- اجباري تغير الفلتر الي قبل البخاخات (هذا هو الزبدة)
واذا ماضبط فيه منظم للبخاخ غالي اكشف عليه كمبيوتر قبل تغيرة عطني خبر ...


موديل Gxr 99

[برق بريده]

السلام علكيم
عندي مشكله في الكفرات يسحلن على الجوانب ما يقعدن ست شهور الا قاضي
قيل لي من الدفرنس او الاذرعه
نوع السياره جي اكس ار 99
ارجو الافاده الله لا يهينكم

[ابو ريان .]

يافتيان صلالة : يعلي أجيب عن سؤالك ، ولو إني مانيب المكانيكي صاحب الموضوع .
مشكلة الهايلوكس 2003 عندك واحد من شيين :
1 ـ البخاخ يحتاج تنظيف ، والنفص اللي فيه ناتج عن تسدد في البخاخ ، وإذا حصل التسدد يحصل ضعف في عزم السيارة ثم تزيد أنت السرعة ثم = نقص في البنزين ، وأريدك أن تشيك على البواجي كذلك .
2 ـ طرمبة البنزين ضعيفة شيك عليها .
والاحتمال الأكبر رقم ( 1 ) .

[طخطيخ القريات]

السلام عليكم جميعاً

الأخوة جبال الهملايا واشرف1970 عندي جي اكس94 ماشاء الله عليه لكن به عيب لامن شغلته و هو بارد الصبح أو العصر يقعد يتفتف له 4أو5 دقايق كإن فيه بوجي ماهو شغال ثمن يصفى و يغدي مهنا زينه ولا خليت مكانيكي ما جيته ولاحدن عرف علته . أرجو منكم الإفادة ولكم دعواتي و تقديري ودمتم

[همّام]

أولا // أشكر صاحب الموضوع على مبادرته في خدمة إخوانه عسى الله ما يحرمه الأجر ..

ثانيا // لدي مشكلة في موتري من نوع باث فايندر موديل 2003 قير تماتيك

وقفت السيارة طبيعي جدا ،، وبعد ساعة أردت تشغيلها لكن دون فائدة .. البطارية جديدة والسلف ينفض المكينة نفض ،، لكن دون جدوى ،، شيكت على الفيوزات كلها سليمة ،، تركت السيارة 6 ساعات حتى بردت الشمس شوي .. جيت احاول اشغلها بدون فايدة ،، مر علي واحد من أخواني ،، سلامات عسى ما شر ... قلت السالفة هذيها ،، قال جرب افصل البطارية شوي واشبكها ،، قلت سم ... ولو اني ما اقتنعت ،، بس اخوي الكبير وش اسوي .. !!!!
فصلت البطارية لمدة 5 دقايق تقريبا وشبكتها وتشتغل السيارة زي الحلاوة ،، من الفرحة قلت هات راسك وأعطية حبة راس ..
المراد إن المشكلة عادت من باكر نفس الوضع .. كلما وقفت السيارة لو ربع ساعة ترجع نفس السالفة ..
وصرت افصل البطارية كلما وقفت دقيقتين تقريبا يشتغل الموتر ..
استمر على هالحال يومين ،، ثم انقطعت المشكلة ولي الآن أسبوع الموتر تمام ،، لكن أنوي السفر بالسيارة وأخاف من المكشلة ،،

فهل تجدون حلا لها ،، أو أحد عنده منها خبر ... واسلموا لأخيكم وعذرا للإطالة ..

[تــــوني]

حياك همام اذا صارت المشكلة حرك عصا القير بدال p حطة n والعكس

[همّام]

أشكر لك هذا الرد المختصر المفيد أخوي توني ،، وجزاك الله خير ..

وأبشرك إن المشكلة ما عاد جت ولله الحمد ،، وما ودي أقول عساها تجي عشان أجرب ..

لكن هل تدري أصل المشكلة من إيش بالضبط ؟

أخوك // همّام

[جيب متشوبيشي]

الله يعطيك العافيه اخ توني على النصيحه بااروح لهم وانشاء الله تزبط . وشكرا

[khd_1984]

الله يعطيكم العافية والصحة
المشكله عندي هي مطلوب قير رنج روفر موديل 82 اربع نقل فيه صوت ونه وخترشه وقالولي غير ولاتصلح وفيه قيرات جديدة خمس نقل تبع الاندروفر الصحن تبع الحرس الوطني تركب عليه بدون مشاكل. وين الي يفتيني ويدلني على الطريق الصحيح؟
وفقنا الله واياكم لما يحبه ويرضاه . انتظر الرد

[نايف...]

السلام عليكم
اخواني انا عندي فتك قير عادي ودي اركب كلتش رياضي وش رايكم ؟ووين احصل الكلتش؟؟

[نجم وسماء]

أرجو التكرم بمساعدتي

عندي لاند فكسار القير تماتيك
للاسف القير ما يغير ابد وتطلع لي في الطبلون اشارة o/D off
مع اني غيرت زيت القير والفلتر لكن ما نفع

[طيب أسم]

السلام عليكم
عندي صوت طقه أحسها بالدركسون عندما ألف يمين أو شمال خصوصآ والسياره واقفه
ويتهيأ لي أنها تقوى إذا السياره حاره ...
السياره ربع 2006
ما هو سبب هذا الصوت ؟؟
ويعطيك ألف عافيه...

[مرزام الغاط]

الله يعينك ياراعي الرنج

[الجنوبية]

السلام عليكم

انا عندي هوندا سيفك 2003
مشكلتها مشكلة
لمن امشي فوق 120 وقعدت فترة ماشي تطفي ويولع نور المكينة البرتقالي ... لكن اخليها 5 دقايق وترجع تشتغل
برضه لمن امشي على طريق جبلي طالع تطفي ونفس المشكلة,,, او اني مشيت عليها بشويش ولكن طولت المشوار زياده تطفي نفس المشكلة تولع اللمبة البرتقاليه حق المكينة ... اخليها خمس دقايق وترجع تشتغل
وايضا لمن اشغل المكيف تطفي بسرعة

السبب اظن انه من طلعتي الاخيرة للباحه وابها ... هلكت السيارة صراحة ... وماسويت لها فحص بعد كذه

المشكلة اني لمن جيت اصلحها كل واحد يفتي من عنده

ورشه تقول بواجي وغيرت بواجي وماتصلحت ... وورشه تقول سير مكينه داخلي
وورشه تقول منظم الهواء

احترت والله

[نجم وسماء]

أرجو التكرم بمساعدتي

عندي لاند فكسار القير تماتيك
للاسف القير ما يغير ابد وتطلع لي في الطبلون اشارة o/D off
مع اني غيرت زيت القير والفلتر لكن ما نفع

[عريني]

اخي الكريم السلام عليكم ورحمة الله وبركاته وبعد
ما اطرحه ليس مشكله دائمه او لابد من حلها ولكن يفضل لو وجدت من يحل المشكلة سياراتي من نوع تويوتا والسرعة تفصل عند حدود سرعة 150 كيلو وحجم الماكينه 8 سلندر
هل يوجد حل نستطيع من خلاله فتح السرعه حتى 170 او 180 مثل نظام الوكالة وللمعلومية السيارة اعتبرها مثيله للجيب الكزس او vxr واسمها سيكويا تويوتا ولكنها لم تتداول بشكل رسمي من الوكيل حتى الآن .
ولكم خالص الشكر وبالتوفيق