انوار الزنون و انواعه

[سايق الخير]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين,
حبيت اشاركم باول موضوع لي في مكشات وانشالله يعجبكم.الموضوع يا اخوان عن تركيب انوار الزنون.اغلبية الي يركبون النوار ما يكون عنده خلفية عن انواعه او حتى فايدتها خصوصا لمرتادي البر.
الزنون يجي في عدة الوان ويتدرج من الابيض المائل للاصفرار مثل الي في ال BM القديم الى البيض المائل للازرق او البنفسجي.محد سألني وقالي اشلون نعرف الزنون الي بأشترية اي واحد لون بيكون؟ الجواب ان درج اللون تنقاس بوحدة قايس الكلفن او بالانجليزي Kelvin و يجي مكتوب على لمبة الزنون درجة لونه.مثلا اذا كانت المبه 4100K اللون بيكون مصفر وكلما كانت الدرجة اعلى, كل ما كان النور مائل للازرق. افضل الانواع تجي بين 6000K و 8000K بس هذا ما يعني انك بتوصل لنفس جودة انوارالزنون الي في المرسيدس أو الBM لأن هذا يعتمد على نوع الاصطاب الي في سيارتك.من ناحية اخرى,اغلبية الي يركبون الزنون لازم انهم يتخلون عن الاضاءة العاليه (الفل ديم) وهذا شيء صعب الاستغناء عنه لاهمية الاضاءه العالية في البر او للتجاوز في الخط السريع (لاتسرع السرعة خطر :mad: ).من خلال بحثي في الانترنت,وجدت كم من موقع يبيع نوعية جديده من الزنون بحيث انك تقدر تستخدم ميزة الانارة الضعيفة والانارةالعالية. الشيء الثاني انه ما يحتاج انك تعدل اي شيء في سيارتك عشان تركب الانوار. أغلبية الي يركبون الزنون عندنا في البلاد, يكونون مركبين زنون لكزس على تيوتا مثلا. بس هذا يحتاج انك تروح عند خبير عشان يركب لك الجهاز ويمكن لاسمح الله ما يعطي النتائج المطلوبة.الحل يا اخوان انه ماانك تتقبل بالامر الواقع وما تركب الزنون او انك تدور على بديل ثاني.
انشاء الله بقول لكم عن الحلول في الموضوع الجاي.
ملاحظة: اذا كان الموضوع مكرر فاسمحو لي وما بكمل الموضوع.

[alferis]

مشكور اخوي سايق الخير على الموضع

[الاجودي]

حياك اخوي سايق الخير

واشكرك على طرح الموضوع هذا

وشكلك خبرة بهالامور لكن ابي اسألك

بعض السيارت الي تجي شمعة وحده في حالة تركيب الزنن

لازم تستغني عن العالي او الواطي وهذي مشكله

وسبب يخلي اكثر الناس يشيل فكرة الزنن من راسه ومنهم انا

لكن سمعنا ان فيه شمعات زنن تجي عالي و واطي سوا

مثل الي في الباجيرو حسب ماسمعت

هذي هل يمكن تركيبها او لا

[مهند]

موضوع ذو فائدة فاستمر بارك الله فيك

ولاتنسى تذكر التكاليف كلما امكن ذلك ولك الشكر

[سايق الخير]

بسم الله الرحمن الرحيم
السلام عليكم ورحمة الله وبركاته,

الاخوان/alferis,الاجودي,مهند احييكم واشكركم على ردودكم.بالنسبة لخبرتي في هذا المجال فهي خبرة محدودة يعني بالعربي الفصيح(ولاشي).الصراحة اني كنت ابحث عن نوع مناسب من انواع الزنون لمدة حوالي سنة ومن كثرة بحثي ومقارنتي للانواع الموجودة,عرفت كيف طريقة تركيبها حتى اني يوم شريت الزنون مااحتاج تركيبة على سيارتي الا يمكن حوالي اقل من عشر دقائق و تراني ركبته لوحدي ولا احتجت كهربائي ولا شي. ملاحظة مهمة:القطعة الي ركبتها اشتريتهامن الانترنت طلبتها من الانترنت بس يمكن تكون متوفرة عندكم في السعودية.سيارتي كانت مكسيما ستاندر ورقم شمعات النور الواطي 9006 ولمبة الزنون تجي على عدة ارقام مثل H1,H7,H3,9004,9007,9006,9005 اوH4.القطعة من صنع شركة المانية Hella/Philips وترى الزنون يستهلك كهرباءاقل من الانوار العادية.الزنون يستهلك 35 Watts والعادية تستهلك حوالي من 50 الى 100 Wattsوهذا فرق كبير بينهم.الشيء الثاني ان شمعات الزنون لها عمر افتراضي اكبر من الشمعات العادية او مثل مايسمونها(Halogean bulbs) لان الشمعات العادية فيها سلك التنجستون و اغلبية الوقت يحترق ويحتاج انك تبدل الشمعة.لاكن شمعات الزنون تجي معا ضمان مدى الحياة لانها تكون مكونة من انبوب زجاجي في غاز الزنونXenon وبدلا عن سلك التنجستون, في قطبين بحيث ان الاضاءة تتولد عن مرور التيار بين القطبين من دون اي حاجة لاحتراق السلك. اغلبية السيارت ذات الدفع الرباعي,النور العادي والعالي يجي في شمعه وحدة ويكون فيها سلكين تنجستون بدلا عن سلك واحد لذلك اغلبية الي يركبون الزنون على هذه السيارات يتورطون ويحتاجون انهم يرحون عند فني ممتاز عشان يركب لهم الجهاز. الحل موجود لاكن مكلف شوي ويحتاج الى صبر,في موقع على الانترنت عنده زنون يستعمل النور الواطي والعالي بس يصلح للشمعات H4 الشمعات الي ارقامها 9004 ,9007 وH7 مايصلح له.الجهاز غالي وسعرة بالدولار 470 غير الشحن.الاسعار تنزل كل سنة,الي اخذتة كلفني 600 دولار وكان قبل سنة تقريبا يعني حوالي 2000 ريال وكان لونة ازرق.
انشاء الله باكمل الموضوع المرة الجاية واسمحوا لنا على القصور.

[alferis]

اخي سايق الخير ابستشيرك لاني اكتشفت ان عندك علم في هالامور.
انا ابركب زنون لموتري الباثفيندر اريد عالي وواطي وش رأيك ماهو المناسب؟
بعدين ودي لو تشرح لنا معني هذه الارقام 9005,9006, وh1,h4هل هو قوة الانارة ام ماذا.
وان شاء الله مانكون ازعجناك بكثر الاسألة
ولكم تحياتي

[سايق الخير]

بسم الله الرحمن الرحيم
السلام عليكم ورحمة الله وبركاته,
الاخ الكريم/ alferis,ترى تعبك راحة وانشاء الله,باحاول اشرحلك عن كل الي اعرفه,الارقام المذكورة هي ارقام تدل على نوع اللمبة ولا لها اي علاقة بالنسبة لقوة الانارة.الصور تبين كل نوع والرقم الي يدل عليه.
هذه صورة لل 9006

http://www.mekshat.com/pix/upload/images4/9006bv.jpg

وهذا ال 9005
http://www.mekshat.com/pix/upload/images4/9005bv.jpg
وهذا الH4
http://www.mekshat.com/pix/upload/images4/h4bv.jpg
وعندك الH7
http://www.mekshat.com/pix/upload/images4/h7bv.jpg
والاخير 9004
http://www.mekshat.com/pix/upload/images4/9004bv.jpg

هذه صور كل نوع وهم بالتدريج من الاعلى للاسفل9005,9006,H4,H7 و9004. بالنسبة لسيارتك فالصراحة انا مش متأكد, بس تقدر تعرف اي نوع من كتيب السيارة او انك تفتح النور العدي وتقرأ الرقم الي يكون مكتوب علية.للعلم,ترى النوعية H4 و H7 و9004 هي الي يكون فيها شمعتي العالي والواطي وهذا الي عقد الامور.النوعين 9006 و9005 مافي بينهم فرق كبير بس ال 9005 يستخدم في النور العالي في بعض السيارت.اذا كن عند 9005 او9006 ما بتكون عند مشكلة التخلي عن النور العالي لانه بيكون له شمعة مختلفة.اما اذا كنت تستخدم H4 او 9004 ,H7 بيكون فيها تعقيد ويتطلب الامر انك تتخلي عن النور العالي.من خلال بحثي في الانترنت,لقيت موقع عندة زنون نوع H4,و9004 مصنوعين بحيث انك تقدر تستخدم النور الواطي والعالي بدون اي مشاكل.الموقع مبين في الرابط,بس المشكلة انه لازم تطلبة عن طريقهم وتصبر لين ما يوصل.اوقات توصل لكم من اسبوع غير السعر المكلف لانه توه نازل في السوق.
http://www.xenonvalot.com/9007_9004_dual_beam_bi_xenon.html
انشاء الله اكون افدتك,واذا كان سوال استفسار فانا حاضر واسمح لي على التاخير.

[alferis]

مشكور اخوي على المعلومات

[كايين]

طيب بالنسبه للعدسه وشلون طريقتها ؟؟

[الجوني]

Originally posted by مهند
موضوع ذو فائدة فاستمر بارك الله فيك

ولاتنسى تذكر التكاليف كلما امكن ذلك ولك الشكر

[سايق الخير]

بسم الله الرحمن الرحيم
السلام عليكم ورحمة الله وبركاته,
الاخوان/alferis,الجوني,كايين آسف على التأخير.بالنسبة للانواع الي ذكرتها في الرد السابق,فهي الانوار العادية.أما شمعات الزنون فمختلفة من نواحي كثيرة.شمعات الزنون تحتاج الى فرق جهد او مثلما يسميه البعض فولتية من 20,000 الى 23,000 فولت.طبعا كهرباء السيارة مستحيل تولدها,لان بطارية السيارة تعطي حوالي12 فولت.لذلك كل شمعة تحتاج الى محول خاص لرفع الفولتية.
http://www.mekshat.com/pix/upload/images4/425_b.jpg
هذه صورة لمحول الزنون والشمعة الي تجي معاه.هذا النوع جديد وغير متوفر عندنا لان هذه الشمعة مصنوعة بحيث انك تقدر تستخدم النور الواطي والعالي بدون ما تستغني عن النور العالي.سعر هذا الجهاز حوالي من 1600 الى 2600 ريال.الشمعه الي في الصورة من نوع H4 وما تركب في السيارات الي تستخدم الانواع الثانية مثل H7 وغيرها.ترى كل شمعه لها محول خاص وطريقة تركيبها بسيطة اذا كان رقم شمعة الزنون نفس رقم شمعة العاديه في سيارتك.يعني اذا لمبة سيارتك 9006 لازم تكون شمعة الزنون من نفس الرقم 9006 وهذا ينطبق على الارقام الاخرى.اما طريقة التوصيل فتختلف من جهاز الى اخر بس مافي اختلاف كبير بينهم.الخطوة الاولى انك تبدل الشمعة العادية بشمعة الزنون.بس لازم تحاسب,لاتلمس زجاج الشمعه لانك اذا لمسته الشمعة ما بطول معاك.الخطوة الثانية توصيل الشمعه بالمحول الخاص.بعدما توصل الشمعة بالمحول,توصل المحول بوصلة الشمعة العادية,لا تشغل الزنون قبل ما تتأكد ان التوصيلات صحيحة تقدر تقراء الكتيب الي يجي مع الجهار خطوة خطوة.هذا شرح مختصر عن طريقة التوصيل.الشيء الثاني,ان استخدام الزنون يعطيك مدى رؤية اوضح و ما يصرف كهربة مثل الشمعات العادية.

[متعب معاميله]

السلام عليكم ورحمة الله وبركاته
صبحكم الله بالخير ....... بارك الله فيك اخوي سايق الخير موضوع جميل
ومعلومات وافيه الله لا يهينك

[راعي البرادو]

مشكووور اخوي سايق الخير على الموضوع الحلو والمفيد
وعندي سؤالين اذا ممكن تفيدني

الاول: انا عندي برادو ورحت ابي اركب زنون قال لي راعي المحل اني اقدر اركب زنون الباجيرو الديم والعادي
وش رايك اخوي؟ هل يركب وماهي طريقة تركيبه؟

السؤال الثاني: الباسات 2003 هل اقدر اركب لها زنون ديم وعادي؟
واذا اقدر اركب لها وين احصله و ماهي طريقة تركيبه و لأي سياره؟

[alferis]

اخوي راعي البرادو
السلام عليكم ورحمة الله وبركاته
حبيت اسألك عن سعر الزنون حق الباجيرو
وشكرا لك

[Rahhal_xp]

أخوي alferis،

السعر تقريبا 2000 ريال مع التركيب، هذا في الغرابي ومن وقت ما هو قريب.

[الربيعيه]

يا شباب
تراكم فريتو راسي
بديت افكر اركب زينون
انا عندي برادو نوع لمباته H4
وحسب مافهمت من الموقع الذي ذكره الأخ "سايق الخير"
الزينون عالي وواطي (خطيين)
سعره 700 يورو = 3100 ريال سعودي وكسور (غالي) من غير سعر الشحن
- هل فيه في السعوديه مثل هذا النوع (يعني ارخص بالسعر) ؟
- هل زينون الباجيرو التي ذكر الأخ "راعي البرادو" انها تركب
على البرادو هي خطيين اي عالي وواطي ونوعه H4 ؟

وشكراً للأخ "سايق الخير" على هذا الموضوع

[سايق الخير]

السلام عليكم ورحمة الله وبركاته
اسمحوا لي على التأخير ومشكورين على الردود.الاخ الكريم الربيعيه الصراحة انا ماعندي علم اذا هذا النوع متواجد عندكم في السعودية لأني اللحين م تواجد في الخارج.
والله يعطيكم العافية.

[الربيعيه]

شكراً على الرد "سايق الخير"

وإذا كان احد من الأخوان لديه اي معلومات
عن زينون الباجيرو هل هو H4 وهل هو خطيين ؟

وشكراً للجميع .......

[الربيعيه]

انا دورت في الغرابي في الرياض
وحصلت نوع الماني صناعة كوريه
نوعيته H4 وخطين عالي وواطي
وسعره 2200 ريال مع التركيب
وشرايكم ....
اذا احد مركبه او عنده اي معلومات لايبخل علينا
وشكراً ....

[بن نويشر]

alferis
الوكالة تركبه بـ 1700 ريال ، بناء على ما قاله أخي ، حيث أنه شرى له باجيرو 2004 وقالوا له تبي تركب زينون بـ 1700 ريال مثل الفل كامل .

[أنا]

يا جماعة الي تحسون عنه موجود في الغرابي
وانا شفت راعي باث فايندر مركبه قبل سنة ونص وبمبلغ 2200
وهو ألماني (على كلام راعي المحل )
لكن فيه عذيريب وهو انه لو احترقت شمعته فسعرها 320 ريال
وانتم عارفين الشمعات ما لها عمر افتراضي ولا عليا ضمان يعني ممكن تعيش عندك خمس سنين أو ما تعيش شهر
وبالتوفيق للجميع

[أبوفيصل]

نبي راعي باثفايندر يعطينا رأيه .. بصراحة عندي باثفايندر 2003 وودي أركب عليه أنوار زنون.

اللي عنده خبره في هالموضوع لا يبخل علينا.