المساعد الشخصي الرقمي

مشاهدة النسخة كاملة : صور مختارة ... من مكتبتي ... ( 5 )


مكشات
21/02/2004, 11:30 AM
السلام عليكم
أول مانزلت الموضوع كنت ناوي أدرج فيه صور قديمة .. لكن الظاهر إن تصوير الجديد أسهل !
على العموم سامحونا وتفضلوا معي على هالصور الجديدة اللي ماجت إلا بصعوبة ..
..................
1 - صورة فقعة من منطقة على الحد :
http://www.mekshat.com/pix/upload/images4/habas01.jpg
وهذي ثانية :
http://www.mekshat.com/pix/upload/images4/habas02.jpg
وهذي ثالثة :
http://www.mekshat.com/pix/upload/images4/habas03.jpg
وهذي رابعة :
http://www.mekshat.com/pix/upload/images4/habas04.jpg
الرابعة بعد إزالة ماعليها من أتربة :
http://www.mekshat.com/pix/upload/images4/habas05.jpg
وهذي صورة الفقع بعد الطبخ شوهتها ( خطمة ) الكشاف :
http://www.mekshat.com/pix/upload/images4/habas06.jpg
فيضة حلوة بالحجرة مليانة ماء وشيء أهم بتشوفونه تحت :
http://www.mekshat.com/pix/upload/images4/habas07.jpg
فرق نحم يحوم على الفيضة :
http://www.mekshat.com/pix/upload/images4/habas08.jpg
ثنتين منهن بالصورة ما قالن ليش ( مرتز ) يصورنا ، وكنت ناوي ( أحوفهن ) واطلع بثنتين أو ثلاث لكن أقبل راعي داتسون ( حب إستطلاع ) الله يهديه وضيع الفرصة :
http://www.mekshat.com/pix/upload/images4/habas09.jpg
طار الفرق ورميت عليه طلقتين ( طيار ) وحدة هاللي تشوفون والثانية ضاعت ( الله يخلف ) :
http://www.mekshat.com/pix/upload/images4/habas10.jpg
...........

إضافة :
1 - الفقع مكانه شمال قرية هباس على الحدود ( بين الشعبة ورفحا ) .. لكن السيارات أكثر ! وفقع الحجرة بدأ يشم الهواء ..
2 - جول من القطا النغاق مر فوق المفقاع شمال هباس لكن ماكانت البندق قريبة ( الله يخلف ) ..
3 - معي 12 بطارية إحتياط لما إحتجت لهن حصلتهن كلهن فاضيات ولذلك ماأخذت راحتي بالتصوير وكنت ناوي أجلس يوم زيادة لكن ضعف البطاريات تسبب برجعتي بدري ..
4 - حراج الفقع بعد ماكان في محطة كريم صار في قرية هباس ، وسعر كرتون الفلين الصغير بحدود 100 ريال رغم إن الفقع صغار ..
5 - أحد البدو مر وأنا اتغدأ بالصحراء ووقف بسيارته مابينه وبين الغداء مترين ونزل ( يبي بنزين والمحطة بحدود 5 كيلومتر ) ! - وقف صح وعيوننا ترخص لك - ومن زود الحلا جلس يبحث عن فقع حول السيارة ، فتركت له المكان .. هالنوعية تحتاج فعلا لأدب التعامل مع الآخرين ..
6 - واحد طلب مني أرافقه لقنص ( الفقع ) آخر الليل .... وين ؟ يبي لها نطة حبس ! قلت السموحة يالأخو مابعت روحي ..
7 - واحد مضيع 400 رأس من الغنم بالخشيبي وله يومين يدورهن ، والفقعة اللي توها ناهضة التراب بالمفقاع جابو خبرها النشامى !
8 - من تطلع من الحفر لين توصل رفحا ماتلقى إلا بطاريات تجارية ! ورحلة بدون كاميرا ماتسوى ..
تحياتي للجميع
عروان
21/02/2004, 11:49 AM
مرحبا مشرفنا العام

الحمد لله على السلامة

الصور اللي طرحتها قلت في عنوان الموضوع أنا من مكتبتك.

ولكن العلوم اللي بعد الصور " علوم الفقع " هل هي من المكتبة بعد أو من فقع هالسنة.


تحياتي لك
نفل
21/02/2004, 11:52 AM
السلام عليكم ورحمة الله وبركاته

اخوي الريس مكشات

مشكور على الاخبار الطيبة والصور الرائعة والتقرير الاروع ومن كلامك شكل الواحد ماله داعي
يكشت للشمال عشان حبة فقع بحجم البيضة خاصة ان كان من سكان الرياض .

ومشكور وجزاك الله الف الف الف خير
بروق ورعود
21/02/2004, 11:54 AM
وعليكم السلام ورحمة الله وبركاته
مشرفنا الغالي تسلم يمينك وش هالصور اللي حاستنا حوس حنا ياهل الغربه. كلهن كوم وصورة الفقع اللي بعد الطبخ الصراحه متعوب عليه وراعي اللحم مب سهل مهندسهن صح. ياجعل مداخيله العافيه. ومشكور مرة ثانيه على هالصور ولاتعبت.
السمح
21/02/2004, 12:11 PM
تسلم يمينك .. وصورك كلها حلوة وجميلة
ومن ناحيتي أقول كل صورك كوم وصورة الجوز أبو رقبة خضراء كوم ثاني
ما أدري وشلون عطاك قلبك تصور قبل لا ترمي .. لكن هذي النتيجة .. راحن عليك علشان تجيب صورهن لنا .. وهذا فيه من الإيثار وحب مشاركة الآخرين بدون شك
بالنسبة للبطاريات ليش ما تاخذ معك البطاريات القابلة للشحن ويكون معك محول وترتاح من شي بطاريات وهم عدم وجودها .. وفعلاً الرحلة بدون تصوير تضيق الصدر مثل الأكل بدون ملح

أحلى تحية
تالي الاولين*
21/02/2004, 12:17 PM
.


يامال العافيه

صور الزبيدي شي ...

وصور الكباب كلام ثاني :good:


.
* ضب *
21/02/2004, 01:13 PM
الا خ مكشات
ما شاء الله عليك جمعت كل شئ
الله يوفقك
شكراً لك على هذه الصور الرائعة (الصراحة تمنيت اني معكم )
لكن خيرها بغيرها
عبدالعزيز الدباسي
21/02/2004, 01:54 PM
صور اكثر من رائعة يا ابو ياسر وخصوصاً الاكلة الجديدة ( كباب بالفقع ) او فقع بالكباب ;)

والصورة الرابعة تاخذ العقل ،،، وتقول ان تحتها كنز مدفون ،، ، وشكلها كبير بالمرة ،،، لكن الصورة اللي تحتها ما تعطي نفس الانطباع ،،،، ،،،،،،،،، او يمكن لاننا ما شفناها على الطبيعة اقصد وهي خارج الارض .

الحمد لله على السلامة يا ابو ياسر
المسفهل
21/02/2004, 02:26 PM
تسلم يمينك يا أبا ياسر ..
كما ذكرت الفقع هالسنة ما يسوى من يركض وراه ...
أما فرق النحم فهو ما طار إلا لأن الله كاتبه لي :D وأجيب لك خبره -أن شاء الله -
عاشق الصفاري
21/02/2004, 02:46 PM
تسلم يامكشات على الصور الرائعة .. والله يكثر خيرك ..
وننتضر السادس
الجوني
21/02/2004, 09:17 PM
Originally posted by السمح
تسلم يمينك .. وصورك كلها حلوة وجميلة
ومن ناحيتي أقول كل صورك كوم وصورة الجوز أبو رقبة خضراء كوم ثاني
ما أدري وشلون عطاك قلبك تصور قبل لا ترمي .. لكن هذي النتيجة .. راحن عليك علشان تجيب صورهن لنا .. وهذا فيه من الإيثار وحب مشاركة الآخرين بدون شك
بالنسبة للبطاريات ليش ما تاخذ معك البطاريات القابلة للشحن ويكون معك محول وترتاح من شي بطاريات وهم عدم وجودها .. وفعلاً الرحلة بدون تصوير تضيق الصدر مثل الأكل بدون ملح

أحلى تحية
مكشات
21/02/2004, 09:27 PM
هلا اخوي عروان
الله يسلمك ويبارك فيك ..
لما بديت بالحلقات كنت ناوي أعرض لكم الصور القديمة فقط ..
لكن تغير رأيي مع كثرة الصور الجديدة واللي تعتبر أهم .. وعلى العموم حتى الجديد يعتبر من المكتبة :)
...................
وعليكم السلام ورحمة الله وبركاته
حياك اخوي نفل .. وبارك الله فيك ..
عرض الصور حق من حقوقكم علينا ، المهم إنها تعجبكم :)
بالنسبة لفقع الشمال فيه أكبر من البيضة وفيه أصغر .. واللي ماله شف يناظر ويصور ويلقط على الطبيعة .. فعلا ماله داعي يروح .. خصوصا إن الفقع متوفر بالأسواق ..
ومهما بلغ سعره يضل رخيص إذا وضعنا بالإعتبار صعوبة العثور عليه وتعب لقطه ..
...................
هلا اخوي برق ورعود
لاندمت يالغالي الله يسلمك .. ويرجعك للوطن سالم غانم ..
تبي الصراحة كان ممكن تكون صفة الفقع والكباب أحلى .. لكن كنت مستعجل أولا : بأكله قبل يبرد وثانيا : لأنه ماخلص إلا بوقت متأخر وأنا قدامي طريق ..
...................
هلا وغلا أبو تركي
الله يسلمك ويبارك فيك ..
فعلا الصور عندي أهم من الصيد خصوصا إن سعادة اللي يشوفونها تسعدني أكثر ..
بالوقت اللي تجهزت فيه لحوفتهن وتصويرهن بشكل جماعي مادريت إلا بصوت الداتسون وهن ماصدقن كفخن .. لكن اللي جابه الله فيه البركة ..
بالنسبة للبطاريات :
ماغشني إلا اللي قابلات للشحن :(
كنت شاحنهن قبل فترة شهر تقريبا مادريت إن هالنوع ماتطول الكهرباء فيها ..
على العموم مشكور على النصيحة .. اليوم طلبت شاحن سريع ومحول على البطارية عسى الله يجيبهن ..
...................
هلا اخوي تالي الأولين
الله يعافيك ويسلمك ومشكور على المشاركة .. هالصحن فعلا كله ملح :)
...................
هلا اخوي * ضب *
آمين والله يجزاك ألف خير وتسلم على أغلى عبارة ( ماشاء الله ) ..
إن شاء الله تطلع رحلات أحلى منها ويوفقك الله ..
...................
هلا بابو عبد الله
يا الله حيه وسلمه من كل شر ..
يحق لك تختار لها إسم .. لانك غير ومشوياتك غير .. لاتهمك النظرة :)
طبيعي شكل الفلقعة <----- مثل مانسميها بالديرة ) يعطي إنطباع أكبر ، وعموما فقع الأراضي الصلبة يرفع التراب بشكل غير طبيعي ..
شكرا على زيارتك الكريمة للموضوع ..
...................
هلا وغلا أخوي أبو سهيل
الله يسلمك ويبارك فيك .. مع زحمة الناس صارت شوفة الفقعة شفاقة :) لكن يضل العثور لو على وحدة أمنية .. خصوصا لما تحوفها بالكميرا مع كل إتجاه ..
أما النحم فانت أولى فيه .. على الأقل معك أم خمس مب مثلي أم وحدة ..
عاد علمني لما تجيب خبره وتطبخه نادني بقولك سالفة .. لاتنسى :p
...................
هلا اخوي عاشق الصفاري
ويكثر خيرك أكثر إن شاء الله ..
والسادس والسابع .... إلخ ماراح أتأخر فيهم إن شاء الله متى ماتوفرت صور ترقى لمستوى أذواقكم ..
...................
هلا اخوي الجوني
حياك الله .. ومشكور على الزيارة ..
..............
الجنوبي
21/02/2004, 09:41 PM
تسلم اخوي مكشات على الصور الا كثر من رائعه.
وبالهنا والعا فيه..........................
صقر
21/02/2004, 10:09 PM
صور رائعة وسرد قمة في السهولة والوضوح.

دائما صورك لها مذاق خاص.... حيث تنتقي لنا أجمل المناظر وأقواها...

والحقيقة الفقع روعته عندما تقع عيناك عليها....

وبالنسبة للكباب مع الفقع رائع وشغل موب سهل بس ليش حاطين قصدير على الصحن؟ :D

مشكور اخي ابو ياسر وعساك على القوة... وبارك الله فيك......
حفرلوجيا
21/02/2004, 11:41 PM
أح .. والله ياكوى قلبي شوفة الفقيعات قبل يفنزرن من الأرض .. إما لقطهن والله إذ ماصار فيه عقوم وجشع بني آدم عز الله يستاهل العنوة .. خص اللي بالشمال ..

أما صورة الكباب مع الفقع ... والله ياطلع من جوفي زفرة وشهقة عسى الله يكفيك شر مثلها من غيري ياريس ...

عاد الفقعة اللي فوقها شوي حبيبات رز اللي عند الكباب المنقطع على يسار الصوره ( ماأقدر اواصل .... ) .. واللي يقهر زيادة إن اليوم السبت ;).. يعني الواحد إذا لقى جبن وزيتون بدون شين نفس .. يقول بركة .. إذا مانام خفيف :(
حد السيف
22/02/2004, 12:00 AM
السلام عليكم ورحمة الله وبركاته
استاذنا الفاضل
مكشات
الحمد لله على السلامة
تسلم يمينك وجعلها ماتشل ان شاء الله الحقيقة رحلة نموذجية جامعة الكل صيد وبروفياض وفقع ماشاء الله
واجملها اللي خاطم بدون احم ولا دستور الظاهر يبي يسبقكم الى العشاء ولايهمة تصوير ولا غيرة
اهم شي الفقيعات ولا كباب بعد وتبية ينتظر والله لو قدامة اشارة مرور ولونها اسود ماهو احمر قطعها ولا يهمة اهم شي لا يفوتة شي كشاف ابو خطمة



محبك اخيك
حد السيف
جبل كميت
22/02/2004, 01:25 AM
الغالي مكشات
لا تعبت وتسلم وما قصرت على هالصور وهالموضوع الرائع والشيق
والله يعطيك الصحة والعافية على جهودك الرائعة
تقبل تحياتي وتقديري
أخوك
جبل كميت
((( الحر)))
22/02/2004, 07:00 AM
اخوي ابو ياسر كل الشكر والتقدير على هالصور السنعه...!!!

ولو ان شوفة الفقع تعور الكبد والقلب .....والسبب ندرة وجوده...لاكن الله يعين...!!!

الكمرة نكبتنا حنا ماهو انت لاننا حرمنا من صورك الحلوه....!!!

تحياتي.............((( الحر)))..................ابومحمد...!!!
الهرش
22/02/2004, 07:32 AM
مشرفنا الغالي
صور رائعة وتشكر اخوي عليها وننتظر القادم
اسير البر
22/02/2004, 05:54 PM
مشرفنا الغالي مكشات:

جعل محلك و مكتبتك دايم عامر والارشيف القديم لا تنساه ترانا نبي نطالبك فيه.

ومشرفنا السمح يقول (((ما أدري وشلون عطاك قلبك تصور قبل لا ترمي ..
لكن هذي النتيجة .. راحن عليك علشان تجيب صورهن لنا ..
وهذا فيه من الإيثار وحب مشاركة الآخرين بدون شك ))).

والله انه صادق بصراحة صورة فرق النحم وهو طاير يذكرني وان قاعد اتربص

في السيول من حرتي عليه..................

تحياتي.........................
سيف السيف1
22/02/2004, 07:49 PM
مشاءالله تبارك الله .. صورغير نحم وفقع وكباب:)
صورة الفقعة المقبقبة تأخذ العقل, على العموم تدوير الفقع ولقطه له فرحة وطعم خاص..
الهلالي
22/02/2004, 08:44 PM
بسم الله الرحمن الرحيم

أخي العزيز أبو ياسر / السلام عليكم ورحمة الله وبركاته
الحمد لله على السلامة من هذه الرحلة الموفقة . ما شاء الله رحلة شاملة . كالعادة إبداع في التصوير والسرد الممتع الذي يجعل من يقراء يعيش أجواء الرحلة . ولو تكرمت هل صادفت شي من المضايقة حول الحد من حرس الحدود أو من المجاهدين . لأني ناوي الكشتة بعد يومين . ولك خالص التحية والتقدير .
مكشات
22/02/2004, 10:20 PM
هلا اخوي الجنوبي
الله يسلمك ويعافيك ويهنيك براحة البال ..
ومشكور على المشاركة ..
......................
هلا خوي أبو أحمد
مشكور على الزيارة ... وعلى الإطراء اللي أتمنى تستحقه صوري ..
أما سالفة القصدير فهي لتوفير الماء :p وخصوصا لما يصير الجو بارد ;)
بارك الله فيك
......................
أخي حفرولوجيا
سلامتك من الأح :D
وبسم الله على قلبك .. تراك من جد خليتني أوسوس ..
لا هالحين تعطيني إياها تراني منتهي من دونها :)
ميلها شوي على واحدٍ متين والا على الصحن أهون :D
صراحة الفقع بالحد ( بين العقمين ) شيء ( مهما كثروا الناس ) هذا غير الربيع وأنواع الزهور والطيور اللي ماينقطع صوت تغريدها أبد .. ويكفي إنك فعلا تحس إنك كاشت ..

عاد الفقعة اللي فوقها شوي حبيبات رز اللي عند الكباب المنقطع على يسار الصوره ( ماأقدر اواصل .... ) ..
لاحووووووول كني أحس بشيء ينغمش بحلقي :looney:
......................
وعليكم السلام ورحمة الله وبركاته
هلا وغلا اخوي حد السيف
حياك الله .. والله يسلمك ويبارك فيك ..
عز الله إنها نِعم ماتنقطع .. يا الله لك الحمد والشكر ..
أما اللي خاطم فهو أخذ راحته من دون ما أدري .. والا كنت صورت ثانية لعيونكم ..
أقول وراه قضى بسرعة أثر الكشاف متعشي معي :mad:
......................
ياهلا وغلا أخوي جبل كميت
لاندمت .... الله يسلمك ويعافيك ويبارك فيك ..
......................
ياهلا وغلا بأخوي أبو محمد
مشكور على الرد ... والعفو هذا حقكم علينا .. ماسوينا إلا الواجب ..
والجايات أحلى إن شاء الله ..
......................
هلا باخوي الهرش حياك الله يالغالي
والروعة في ردودكم اللي حسستني إني قدمت لو شيء بسيط يسركم ..
والقادم إن شاء الله يكون احسن ..
......................
هلا وغلا أخوي اسير البر
آمين وانت كذلك .. والأرشيف على يمناي عسى الله يجيب وقت وأختار لكم شيء يسركم ..
قل آمين .. عسى الله يوفقك باللي يحبه قلبك بالدنيا والآخرة ..
......................
ياهلا وغلا بأخوي أبو فارس
عاش من شافك .. وأكيد إن هاللي تشوفه بقايا من بقاياكم :)
متى بس تورينا صورك ؟ :p
الزعفران
23/02/2004, 12:27 PM
السلام عليكم ورحمة الله وبركاته
ماشاء الله على الصور الررائعة00 يا مشرفنا الرررائع00
اول 111
05/08/2008, 11:46 PM
مشكوووووووووووووووووووووووووووووووووووووووووور