بطاريات ايسي ديلكو والضحك على العميل

[واقعي وعقلاني]

السلام وعليكم ورحمة الله وبركاته


أخواني أود تحذيركم من هذه البطاريه وبخاصه لأصحاب الجيوب ووكيلها ا**** الجميح حسبي الله ونعم الوكيل وأسأل الله ان يجعلها رزقه في الدنيا والأخره حيث قمت بتركيبها على جيب شروكي وللأسف لم تكمل سوى خمسة شهر وأستهلكت علماً بأن الضمان سنه وعندما ذهبت للوكيل في الصناعيه أفاد العامل بأنه يعاد شحنها ولا تعطى مقابلها جديده وهذه سياسة الوكاله وبعد مناقشتي العامل وأخذ وعطى قال بأن البطاريه 40أمبير ويجب وضع 70 أمبير ويبدوا لي تهرب من تغطية الضمان لذا أنصحكم بالإبتعاد عنها والله يعوضني وكل مسلم خير ياأخوان ويبقى السؤال ...
هل ممكن بعد إعادة شحنها تبقى لفتره أطول وهل بطاريات الجيوب 70 أمبير ...
هذا وتقبلوا فائق إحترامي


تم التعديل بواسطة المشرف
بدوي جنوبي

[القناص]

الصراحه يا خوي 40 امبير بطارية اكسنت ولا كورولا

انا عندي 70 امبير على جيب سفاري وما كملت سنه

خذ ديلكو 90 امبير للجيب وشف القوة

اما 40 امبير مرره صغيره على مكاين الجيوب

وسلامتك

[القمم]

والله أربعين امبير أعتقد قليله
أنا مركب 90 أمبير على باث

[سهم قيادي]

يا اخوي ذي البطارية شختك بختط فيه ناس تعيش معه اشهر وناس تعيش معهم سنه
وكم شهر
وانا مع الاخوان ان حجم البطارية الي مركب صغيره حتى لوكان جيبك صغير اقل
شي 55 امبير اذا كان جيب صغير الجيب الكبير والجموس 70 وانت طالع

[ولد عبدالعزيز]

الددسن 55 أمبير وأنا مركب 70 آمبير

وأكيد أن الشروكي أعلى من كذا ركب 70 آمبير أو 90 آمبير

وكانك تبي البطاريات الصح عليك بحقت باقادر بس نادر تلاقيها وسعرها عالي وتعبيه مب أكترونيه

[سيف الظفير]

الخطاء منك انت يا الغالي تركب 40 امبير على جيب !!!!!!!!!

[جمعان 22]

البطاريات اللي تتعبى ماء تعيش فترة اطول ..حسب تجارب الاخوة في المنتدى

[عاشق الموطن]

مشكور على النصيحه والتنبيه .........

[المميـز]

الجيب مايركب له اقل من 80 امبيــــــــــــــــــــر

[ابو شهد جدة]

انا عندي لك الحل

طالما انه الموضوع نصب واحتيال فك الطارية وركبها على اي سيارة صغيرة.

وروح الشركة وامسح فيهم الارض واذا تبغى النصيحة لاتدخل الى لمدير الشركة على طول.

يعني غليت البطاريات وقبلنا اما غلى وقلة جودة ومشاكل لاااااااا.

لاتضيع حقك في شركات مايجو الى بالمشاكل.

على فكرة انا مغير البطاريه حقت الجيب ( 80 امبير ) مرتين على حساب الشركة.

[mohmad]

البطاريات اللي تتعبى ماء تعيش فترة اطول ..حسب تجارب الاخوة في المنتدى

كلام سليم من واقع تجربه

[واطي الجمرة]

الشيروكي اقل شي 70 امبير

يبدو انك اخطأ في اختيار الأمبير المناسب لسيارتك

[أبو مسفر]

بالمسبة لبطاريات اي سي ديلكو من تجربة لاكثر من بطاريتين
بمجرد مرور سنة وشهر او اقل الا وتخرب البطارية

انا حولت الى هانكوك كورية الكترونية

[حكم ساحة]

ركب 70 أو 95 أمبير با قــــــــــــــــــــــادر ياباني

[أبو راشد999]

انا مع كلام الأخوان 90 أمبير مناسبة للجيوب .. سواء كانت جيوب صغير كالباثفندر أو الشيروكي أو الكبيرة كالسفاري والجيب اللاند كروزر واللكزس

تحيتي

[فهد-بوعبدالله]

بطاريه اي سي ديلكو حدها سنه بالكثير ..............وتعبتنا من كثر تغيرها .............
واخر مره كنت في قطر وحسيت ان البطاريه ضعيفه تحتاج تغيير ونزلت اقرب محل واخذ 80 امبير بناسونيك وماشاء الله ممتازه ........بس مدري هي موجوده عندنا في السعوديه

[واقعي وعقلاني]

الله يعطيكم العافيه وبالفعل أنا أخطأت أني وضعت 40 أمبير ولكن يبقى الوكيل الجميح وكيلها والموجود في الصناعيه سئ لأني وجدت أحد العملاء وجالس يشحن البطاريه عندهم وقال انسى يغيرون البطاريه والعامل يقول سياسة الوكيل فقط شحن البطاريه إذا كانت على الضمان وإذا انتهى الضمان قالوا توكل على الله وأيضاً أذا جبت البطاريه وكانت سوداء أو بيضاء ماني متذكر كلام العامل لا يشحنونها ولا يغطيها الضمان يبقى الجميح حرامي بمعنى الكلمه وأنصح الجميع بالإبتعاد عن بطاريات ايسي ديلكو...

[ولد رغبه]

سلام عليكم

اخوي فيه احد يركب بطاريه صغيره على
الجيب يبيله بطاريه الامبير 70 اوفوق 70


وبعدين الجيب اذا بغيت تعرف انا الجيب
بطاريه خربانه في بعض الاحيان يطفاء الموتر
من لحاله اذا كابست بنور العالي واذ شعلت المكيف بعد


هذا ااكلام كله صار معي وكان معي شروكي سبورت

[ساري 111]

ركبته قبل شهر( ايس ديلكو) والأن دقت الموتر ضعيفه خصوصاً في الصباح

[مخطط 2008]

[quote=واطي الجمرة;2090437]الشيروكي اقل شي 70 امبير

يبدو انك اخطأ في اختيار الأمبير المناسب لسيارتك

مشاء الله للبيع الشروكي

[ولد جلاجل]

أفضل شئ وأنا أخوك 70 امبير وفيها للسيارات العائلية

تــــحياتي

[مقلع الرمث]

والله انا تجلس عندي سنه او اكثر اي سي دلكو

[المدندن]

بالنسبة لي عاشت قرابت السنتين او اقل شوي وغيرتها للمرة الثانية باي سي ديلكو حاليا لها سنة واربعة اشهر بالضبط ولا شفت منها خلاف الى اليوم .
مشكلة بطارية اي سي ديلكو انا خربت فجئة بدون سابق انذار والحمدلله ان السيارة عند الباب ماني في مقطعة ، تحياتي للجميع

[shaheenshah]

الجيوب المفروض من 70 أمبير وطالع

[Raselny]

الله يعوض عليك

[سليمان السيف]

السلام عليكم ورحمة الله وبركاته
صلاحه 40 قليله مررررره
اخوي معه باث حاط 90
ولو لقيت اكثر يكون افضل
كلما زاد كلما صارة البطاريه قويه
والسلام عليكم.
>>>>>>>>>>>بريداوي<<<<<<<<<<<<<<<
بني............................................... .................................................. .......تميم

[صبي المراجل]

بسم الله الرحمن الرحيم

عليك أخي في بطاريات ماركة بوش الألمانية أقوي من كل البطاريات ومصممة على البروده العالية والحرارة العالية أي تتحمل في الخليج وخلو إسي ديلكو تقعد في محل الوكيل لين الشركة الأم يغيرون الوكلاء الحرامية أن شاء الله

[system]

ياجماعه فيه شي غفلتوا عنه !!!!

وهو مهم للبطاريات المختومه مثل الاي سي ديلكو الا وهو تاريخ البطاريه.....نعم تاريخ البطاريه مهم لان اغلب اللي بالمحلات تعدت السنه او السنتين ضروري تكون جديده.

من وجهة نظري ان الاي سي ديلكو مقبوله كجوده نوعا ما افضل من انواع كثيره صينيه ولا بطاريات عنتر وغيرها.

[تركي98]

اخوي الغلط منك انت مو من الشركه...تركب 40 امبير على جيب وتقعد تلومهم وتهاوش :)

اقل شي للجيب 70 امبير وقليله بعد..

انا مركب 90 امبير لجيب سفاري ولها الحين اكثر من سنه ونص ولا اشتكيت منها مع العلم اني ماقد شيكت عليها ولا ناظرتها ناسيها مره :)

الواحد المفروض مايشتكي ويظلم احد الين يتاكد انه مو غلطان هو بالاول:)

تحياتي لك ولا تزعل من الصراحه ..اخوك ابو محمد

[محمد بن سعيد]

مثل ما قالوا الأخوان والخطأ منك الجيب يبي له 70 امبير وفوق انا معي فورتشنر وافكر إن شاء الله إذا بوشت بطارية الوكالة بركب اكبر منها تخبر في البر تشبك لمبة وكنود وقارمن

[ابوعسرة]

أنا مجرب شخصيا هذه البطارية:
شريت سيارة اوبترا 2006 معها بطاريه ايسي ديلكوا من شركة الجميح
أستمرت معي سنتان وغيرتها ايسي ديلكوا بتاريخ 14 رجب 1429هـ 85 امبير او 55
ثم سافرت الى مكة بتاريخ 22 رمضان 1431هـ وعدت يوم العيد فكان تشغيل الموتر ضعيف الى تاريخ 7 شوال انتهت كلياً وغيرتها صباحاً نفس البطارية وسنرى إن شاء الله
تلحق أخواتها

[مدمن فتك]

ياجماعة الخير انا اشوف ربعنا مايعرفون الا اي سي دلكو وكأن مابهالبلد الا هالولد ..
اي سي دلكو تريحك من التعبيه لكن حدها سنه وفوق كذا وكيلها سيئ وغاليه لكن ابدلكم على بطاريه افضل منها وهي اوكسايد صح انها اغلى من اي سي دلكو بخمسين ريال تقريبا لكن وكيلها بريللي حريص على سمعته وبعدين ضمانها 18 شهر واذا فضت قبل هالوقت يغيرونها لك مافي لف ودوران وفوق هذا كله يمديهم يعبونها لك ..وانا قلت هالكلام وانا مالي مصلحه بشي لكن حب لأخيك ماتحب لنفسك ..

[ابن وائل330]

بعد التحية
ردود من تجارب موجودة
من خلال التجربة لكل انواع المطروحة في السوق السعودي لايوجد نوع افضل بطارية ولكن
1- اي اس ديلكو تعتبر دعاية تجارية سعودية ( الاسم من شركة امريكية وليست اصلية المطروحة في السوق السعودي
يعني تجميع سعودي ماعندك احد )( الاصلية تجي مع السيارةالامريكية المستوردة وتكتب باللون الاسود وضمان خمس سنوات)
العيوب ( تنتهي قبل فترة الضمان اقل من سنة في وهي تتبع ضمان اتو ستار النصاب وخصوصا في فترة الصيف )

2- اكسايد صناعة امريكية من عام 1888م ولها تاريخ عريق في مجال الصناعات ويتم التجميع في الامارات وتعتبر الامارات من ناحية التجميع افضل من السعودية ولها ضمان 18 شهرا من الوكيل
العيوب اقل من الاولى
في النهاية اذا كانت نوع السيارة امريكية استخدم ( اكاسيد )الجيب والجمس والدفع الرباعي من 70-80 امبير
ياباني استخدم (السوبر- باقادير) 40-60 امبير
واترك عنك كلام الناس الفاضي( دائما اسأل شخص كثير السفر ماهو موقف سيارته بالكراج )
تحياتي ياعزيزي ابن وائــــ330ـــــل

[ابوصالح77]

البطاريات اللي تتعبى ماء تعيش فترة اطول ..حسب تجارب الاخوة في المنتدى

كلام سليم بشرط العناية بها والتشيك على الماء كل تغيرت زيت ، وأرخص ،وعيبها التبخير وحط على مرابط العيون لي او لستك .


بطاريه اي سي ديلكو حدها سنه بالكثير ..............وتعبتنا من كثر تغيرها .............
واخر مره كنت في قطر وحسيت ان البطاريه ضعيفه تحتاج تغيير ونزلت اقرب محل واخذ 80 امبير بناسونيك وماشاء الله ممتازه ........بس مدري هي موجوده عندنا في السعوديه

البطارية توافيق ، ولقد عاشت معي اكثر من ثلاث سنوات

أما بناسونيك فهي موجودة لكن سعرها غير معروف للمستهلك فلذلك إحذر تأخذها على طول خذ لك لفة على المحلات وسعرها


ياجماعه فيه شي غفلتوا عنه !!!!

وهو مهم للبطاريات المختومه مثل الاي سي ديلكو الا وهو تاريخ البطاريه.....نعم تاريخ البطاريه مهم لان اغلب اللي بالمحلات تعدت السنه او السنتين ضروري تكون جديده.

من وجهة نظري ان الاي سي ديلكو مقبوله كجوده نوعا ما افضل من انواع كثيره صينيه ولا بطاريات عنتر وغيرها.

كلام سليم ، إنتبهوا للتاريخ

[gm2009]

السلام وعليكم ورحمة الله وبركاته



أخواني أود تحذيركم من هذه البطاريه وبخاصه لأصحاب الجيوب ووكيلها ا**** الجميح حسبي الله ونعم الوكيل وأسأل الله ان يجعلها رزقه في الدنيا والأخره حيث قمت بتركيبها على جيب شروكي وللأسف لم تكمل سوى خمسة شهر وأستهلكت علماً بأن الضمان سنه وعندما ذهبت للوكيل في الصناعيه أفاد العامل بأنه يعاد شحنها ولا تعطى مقابلها جديده وهذه سياسة الوكاله وبعد مناقشتي العامل وأخذ وعطى قال بأن البطاريه 40أمبير ويجب وضع 70 أمبير ويبدوا لي تهرب من تغطية الضمان لذا أنصحكم بالإبتعاد عنها والله يعوضني وكل مسلم خير ياأخوان ويبقى السؤال ...
هل ممكن بعد إعادة شحنها تبقى لفتره أطول وهل بطاريات الجيوب 70 أمبير ...
هذا وتقبلوا فائق إحترامي



تم التعديل بواسطة المشرف
بدوي جنوبي

السلام عليكم
اخوي حسب كلام الاعضاء ان 40 انبير قلييييييله يا ليت ما تتعجل وتدعي علي الناس انا لا ادافع عنهم ولكن حرص عليك لكي لا تضلم احد

[مسير عليهم]

المشكلة منك وليس من البطارية والوكيل

عمري كله استخدم ايسي ديلكو وتعيش معي اكثر من سنه واخواني يستخدمون نفس البطارية ونفس الحاله كل سنه وزود نغيرها

لكن تجي تركب 40 امبير على جيب وين عقلك فيه يوم تشتريها على كذا انت ماتدري وش السالفه مريت اي محل وقلت عطني بطارية والسلام

ياليت تعرف الخطاء من من قبل لا تسب الناس

[التعـ King ـديل]

انت اخطأت بتركيب المقاس المطلوب

السيارات الاربعه سلندر 40 انبير واحيانا 50

السيارات السته سلندر 70 انبير الى 90

انا عندي برادو اربعه سلندر مركب عليه 70 انبير والحمدلله لها سنه ونص الان ولا اشتكيت منها

[محمد بن سعيد]

أسؤء وأفشل بطاريات هي ايسي ديلكو لا تقربها ركبتها على موتر عندي وخربت ما قعدت شيء وأصلاً أي شركة حقت بطاريات دائماً يتهربون من الضمان ولازم يطلعون لك عيب عشان ما يعطونك جديدة إذا شريت بطاريه وقالك راعي المحل ضمانها سنة قل له الضامن الله سبحانه أما الشركة ما منها رجاء لكن ولو شكيتهم وسويت بلبله في الجريدة عرفوا يتصلون عليك ويقولون خذ بدال البطارية اربع بطاريات

[Rapture]

عندك شعب ما يعرف الا اي سي ديلكو حتى لو انها تخرب كل 6 شهور يقول لااااااااااااا اي سي ديلكو فضل بطارية كأنها قرآن منزل, سابقا كانت بطاريات جيدة اما الآن يعبنونها بالمستودعات ي كلام ووية تنظيف وشغال بيع على الضعوف

انا تجربتي سيئة مع هالبطارية الله لا يوفق هالجميح شغال نصب ,, ركبت بطارية جديدة وبعد شهر ونص فققققققط خربت وغيرتها على الضمان وخذوا مني كرت الضمان قلت ليش قالوا ما نغير الا مرة وحدة وجلست شهر فقققققققط وخربت ومن بعدها شلت من راسي شي اسمه اي سي ديلكو,,, ركبت بطارية با قدر قبل 4 شهور وهي حاليا تحت التجربة تصبر سنتين أو سنتين ونص ؟؟ ولا اشوف لي نوع ثاني السوق مليان بطاريات

[الربذي]

وعليكم السلام اخوي واقعي
اشتريت باثفيندر جمارك مستورد من امريكا وفيه بطارية اسي ديلكو رهيبه قعدت فيه فوق 3سنوات وهي مركبه بمريكا قبل سنه لان الضمان موجود وبعدها خربت على فجاءه بجدة ورحت شريت مثلها وبعد اقل من سنه ونصف خربت وغيرت اخرى وخربت بعد سنه
اسي ديلكوا فاشلة الان مركبه بجيب وشاريه من ست شهور ودقته ضعيفه جدا
ايس ديلكوا الامريكي افضل من السعودي ودام يشحنها لك بس الله لايشكر فضله نعرف الشحن قبل نعرفه واذا انتهت شحنها لو تبي تستمر وش فضاها كله شهر وهي خربانه
نصيحة دام هذي علومه ابعدوا عنه
انا بطارية جيبي ضعيفه ولن اشتري اسي ديلكوا واخوي واقعي ترا 40 امبير حقت ددسن الجيوب 80امبير عشان ماتظلم الرجال

لكن قهرني يوم نشتريها بضمان واذا خربت خلال الضمان قال نشحنها لك انا اشحنها بمشور عادي ولا بعشره ريال الشحن ماهو ضمان هذا ضحك على الناس لكن ركبها بصغيره وردها لم ولاترحمهم ولا ريح بالك واربيعهاعند راعي بطاريات بعشرين ريال واشتر اي بطاريه اخرى

[tlk_2003]

نصيحه ابعد عن الالكتروني عن سابق تجربه يطفى فجئة بدون مقدمات مو مثل العاديه تحس انها ضعفت

[شبح الصحراء]

على فكرة يا اخوان ترا ماهو شرط تكون بطارية الجيب 80 او 90 انبير بعض الجيوب حدها 70 او 65 امبير بس والمفترض تكون البطارية المراد تبديلها مطابقة في القوة لبطارية وكالتها .

[مخطط 2008]

مركب 70 امبير لتريليو بليزر 2007 الان لها سنة و6 شهور