ملوع االطير.......وش علاجها ياخبراء مكشات

[سعود2003]

الاخوه اعضاء مكشات
السلام عليكم ورحمة الله وبركاته
عندي طير تملع وش علاجه
وهل السكر نبات له دخل في علاج الملوع
وهل استمر في دعو الطير ولا اريحه وكم المده اللي يرتاح فيها الطير من الدعو
ولكم مني الشكر

[طارق الحربي]

موميان مع العلف وتريح الطير يومين بالكثير

[روووح]

عطه شب اسود في قطعة لحم بس تكون صغيره مره قد راس الذباب وانت بكرامه

وريح الطير ثلاثة ايام

[ديزل1]

لا اله الا انت سبحانك اني كنت من الظالمين


على حسب الملع الي فية ( قوي - وسط - ضعيف )
ووين موقعة في الاجنحة يهدلها مرة ولا لا
او في الرجلين
عموما كل ما ريحت الطير بعد الملع كان افضل
عندي طير جاه ملع لدرجة من قوتة اني لين كلت مطب في البر( يكرك ) وعطيتة شب ومومينا مع العلف بس ما كثرت له الشب لانة حار على الطير وريحتة مدة عشرة ايام حطيت شب مثل راس الكبريت ومومينا حبة مثل راس الكبريت ايضا مع العلف وطاب ولله الحمد وبديت الوح له بالتدريج
وبالنسبة لسكرالنبات ليس له علاقة بالملوع بل منظف حيث انة يسبب وانتم كرامة ( اسهال ) لطير ولا ينصح باستخدامة بكثرة
والله يشفي طيرك ويعافية
والله يوفقكم .

[سنجااار]

كان من الي لاهديته كرك ولا مهدل جناحه شي بسيط وماهوب شرط بالجناح عطه موميان قبل العلف بنص ساعه كبر راس الكبريت ولمدة ثلاث ايام وريح الطير وبتشوف ان شاء الله متعافى
تقبل مروري

[راعي فراج]

مرور متأخر لكن اسمحلي
ارفع الطير لا تظعفة وعطة موميان ولا تنقله لمدة 3ايام
والسكر مثل ماقالوا الأخوان

[محمد الفهيد]

الموميان بتحصله عند أقرب عطار ولا تكثر منه حطه مع اللحم بعد ماتغسله بماي دافي بتشوفه أسود مثل القار.
يعني حط له بحجم طعامة التمر اذا كثرت منه مع شوي لحم
وحط له ماي دافي للطير عشان يسبح فيه وبيرتاح
ولا تحاول تجهد الطير يعني خطوه خطوه في الدعو لأنه اذا تملع ماراح تزيد عنده اللياقه
وبنفس الوقت زيد له العلف وتكون نوعيته جيده عشان ايعوض النقص