المساعد الشخصي الرقمي

مشاهدة النسخة كاملة : تربيط؟؟


العبقري
21/02/2004, 05:41 PM
ياجماعه وش افضل ورشه لتربيط الجيوب الله يسلمكم ..

وكم اسعارها اذا ماعليكم امر ..

السياره لاند كروزر 96....
راعي سمنان
28/02/2004, 07:16 PM
اخوي العبقري السلام عليكم ..... افضل ورشه لتربيط السيارات الله يسلمك بالرياض وهي معروفه عند اهل البر والمقناص وخذ مني نصيحه مجرب لا تعداهم ترا الباقي بربسه وانا اخوك .
هي مركز السفريات للصيانه العامه ( إبن مرضاح ) وهي بالصناعيه القديمه - شارع الجمعيه في اوله من الشرق تقريباً ( يعني اول ما تجي شارع الجمعيه من شرق تمشي 250 الى 350 متر ثم تجيك على يسار ) بتشوف السيارات عند الباب وتعرف انك وصلت وانا اخوك .

اسعارهم تربيط شامل 1100 ريال الى 2500 ريال مع بعض المشتروات لزوم التربيط .

تلفوناتهم سلمك الله هي :-

ت/ 4486993
فاكس /4487085
جوال / 055416549


ارجو ان تكون مشاركتي مفيده لك وانا اخوك ........وسلامتك


والسلام عليكم ورحمه الله
هاي 2005
29/02/2004, 12:23 PM
السلام عليكم ورحمة الله وبركاته

للأخ السائل هناك من هو افضل من ورشة عبدالله ابن مرضاح وهي ورشة النويصر وتقع خلف محلات باقادر لقطع غيار السيارات الامريكية على شارع الجمعية وعند دخولك لشارع من الغرب من جهة طريق الخرج وبعد تجاوز ورشة مشعل العتيبي القديمه بحوالي 300متر تجيك محلات قطع الغيار على يسارك وانت متجه شرق ورشة النويصر تقع خلفها من جهة الشمال والورشه للحقيقه معروفه بالتربيط من سنوات وكانت متخصصه للجموس ومازالت سعر التربيط في حدود 1000 ريال
مشغول
29/02/2004, 01:33 PM
جزاكم الله خير

على هذه الجهود
نمر بن حثلين
01/03/2004, 03:53 PM
اعوذ بالله 2500 ريال قيمة تربيط !!!

ما عمري ربطت في الموازين باكثر من 150 ريال
ابو ايمن
02/03/2004, 01:12 AM
مداخلة ..

شكرا لمن أجاب على سؤال الأخ العبقري .

والظاهر ان اللي اسعارهم من الألف وطالع شامل كل نواحي السيارة .

وقال لي صديق أن هناك ورشة ( بس حقيقة ماأذكر اسمها ) لكن المقصود أنهم يخلون السيارة عندهم يومين .. والظاهر أنهم يفكون أجزاء كثيرة من السيارة ويعيدون تربيطها بعد إضافة اللوازم الضرورية مثل الجلد والوردات وماأشبه .

والظاهر انها مثل ماذكر الاخ هاي 2005 أنها ورشة النويصر .

وإذا راجعتهم اخونا العبقري علمنا وش العلوم . ؟؟؟؟؟

تحياتـــي للجميع .
العبقري
02/03/2004, 03:44 AM
اشكر الاخ راعي سمنان والاخ هاي وجميع الاخوه المشاركين ..

واقول بيض الله وجيهكم وماقصرتوا ..

بس ياجماعه الي الحين تراكم ما اتفقتوا علي ورشه ؟؟؟


لرفع الموضوع الي ان نرى وجهات النظر الاخر من بقية الاخوه ..

وماقصر اخوي راعي سمنان واخوي هاي ...
راعي سمنان
02/03/2004, 04:20 PM
اخوي العبقري السلام عليكم ورحمه الله .

كما قال الأخوان ان هناك ورش عديده مثل ورشه العتيبي للتربيط ( ورشه مشهوره على شارع بلقيس بالصناعيه متخصص بالسيارات الأمريكيه ) وكذلك ورشه النويصر من افضل الورش بالصناعيه ، ولاكن انا اخبرتك من واقع تجربه ان الورشه المذكوره بردي السابق هي الأفضل من حيث تكامل العمل والضمان من الأصوات بعد التربيط ، والمعلومه التي ذكرها اخونا ابو ايمن صحيحه حيث تبقى السياره عندهم من 2-3 ايام ( يشمل التربيط البودي و الشاصيه و المقصات والدفرنسات وحسب حديثه معي انه اي برغي او صاموله بالسياره يتم تربيطها من جديد مع وضع ورد او وره شداده ( تكون مقصوصه من من جهه ومفتوله لغرض قوه الربط وعدم تحلحل الصاموله من البرغي ) ).

معلومه اخيره : يوجد اكثر من ثلاث ورش بأسم ابن مرضاح والورشه التي ذكر اخونا هاي 2005 ( ورشه عبدالله بن مرضاح ) ليست المقصوده بردي السابق .

واخيراً اسعار النويصر و ابن مرضاح متقاربه نسبياً وانت عليك المشوره والأختيار .
هاي 2005
03/03/2004, 10:37 AM
السلام عليكم ورحمة الله وبركاته


شكراً للأخوان في التفاعل واقول لأخوي راعي سمنان أن ابن مرضاح اشتهر بالسمكره بالبدايه وسيارات

المقانيص وترهيمها ومن ثم إفتتح المحل المجاور للتربيط والإضافات ومن ثم ثالثاً الكهربائي وهو مبارك


وكلها بأسم السفريات وحقيقه يشتغلون لاكن غاليين جداً والورشه مزحومه دايم يعني الله يعينك تنتظر والنفس شينه لاكن النويصر من سنواتها الأولى وهي شغلها فقط تربيط كامل للسياره مثل ما قال

أحد الأخوان انها تأخذ يوم أو يومين وتفكك جميع أجزاء السياره ويعاد شدها من جديد وهي حقيقه مشهود

لها وتكفيها الخبره أكثر من عشروون سنه .

للعبقري هناك من هو أرخص بجوار مشعل العتيبي إذا دخلت من الجهه الغربية بعد الرديترات واصبح مشعل

على يمينك قبله دخله يمين (شارع) خش معه باتجاه الجنوب ثاني ورشه على يسارك هناك تربيط وأيضاً

بعدها ورشة أبو عبدالله على يمينك بثلاث ورش أيضاً للتربيط لاكن اصبر عليهم لأنهم كبار بالسن شوي .
اعقاب
07/03/2004, 06:59 PM
السلام عليكم ورحمة الله وبركاته

ورشة الانصاري قطر
الجوني
30/04/2004, 03:38 PM
يالربع تكفوووون ارسووو على بحر وشو اللي الان افضل شي انا ابربط باترول عندنا موديلة 98 وياليت كل واحد يحط رقم الورشة تكفوووون طلبتكم عاجلاااااا
الجوني
15/05/2004, 05:49 PM
السلام عليكم أخوي في موضوع التربيط انت مشترك بأحد الردود أخي الحبيب

اريد منك لو سمحت أرقام الورش اللتي تفضلها في التربيط مع العلم ان عندي باترول 98 هرياااان ماشي أكثر من 150 ألف وأكثرها على (( بر )) ياليت الارقام


وللعلم اني اخترتك من بقية ردود الاعضاء وذلك لراحتي لك وشكرا

اخوك ابو صالح