سؤال طلب خط سير لرحلة من الرياض إلى الرياض يوم واحد حول السدود ومناقع الماء

[نون العرب]

السلام عليكم ورحمة الله وبركاته ....

أخواني بارك الله فيكم أبغى خط سير لرحلة مدتها يوم واحد من الرياض إلى السدود ومناقع الماء والأودية .. ثم العودة الى الرياض ...
الإنطلاق فجر يوم الخميس العودة مساء الخميس.
نوع السيارة صغيره بس قويه :d ما ابي طرق وعرة.
يفضل وجود خريطة مصغرة .
يفضل التوصيف بإسهاب لأني غشيم دلاله :d .
واحد قالي رح لتمير والشوكي تم أرجع من عند حريملاء ...
ذكر لي قرى وهجر منها العشيرة، الخطامة، الحوطة، الروضة، جلاجل، المجمعة، الحريق، المعشبة.
ممكن أحد يرتبها ويذكر لي الطريق بتفصيل أو موجز .
وإذا رحت انتظرو مني الصور :d توي شاري كاميرا بازمبها :d


شاكر لكم ومقدر حسن تعاونكم المعهود واللي لمسته في المنتدى.

محبكم / نون العرب . (تذكروا ها الأسم :d - الله يخليك مصدق عمرة)

[غيث 6]

هلابك اخوي انطلاق من طريق القصيم القديم شقراء الى شعيب صلبوخ ومن صلبوخ الى شعيب حريملا وبعد ذلك توجه في نفس المسار الى الحمادة ((روضة العكرشية))وبعد ذلك اتجه الى سد الحريق ثم وآصل نفس الطريق الى طلعة المعشبة مروراًبالمعشبة ثم مر سد جلاجل وبعد اذا كنت ماشي الفجر يعني نقول الساعة6معناتها انك بتصير الساعة 11تقريبا في جلاجل اتجه على طريق السد بتلقى لوحة مكتوب عليها لوحة غار ام قليته مقابل مسلخ جلاجل اتجه للغار واجلس فيه وتغد وعين بالله خير بعد العصر تكون متغدي ومصلي ومتقهوي كمل على سد الروضة واتجه بعد ذلك الى الطريق السريع الرياض ورح لبيتكم ونم وبالتوفيق

[ذرب سدير]

سدود سدير لا تفوتك كل واحد أحسن من الثاني :


ـ عندك سد حوطة سدير
http://www.alganasah.com/test/up/fw5/hot.jpg


ـ عندك سد روضة سدير .. به شاليهات وخدمات بلدية راقية ورائعة
ويعتبر في الوقت نفسه أكبر سد بالمنطقة الوسطى
http://www.alganasah.com/test/up/fw5/fj.jpg
وهذا الرابط عن سد روضة سدير :
http://www.mekshat.com/vb/showthread.php?t=167724

ـ عندك أيضاً سد التويم ( حكار العود )


ـ عندك بعد سد جلاجل


ـ عندك كذلك سد حاير سدير
http://www.alganasah.com/test/up/fw5/qazxsw.jpg
رابط عن سد حاير سدير :
http://www.mekshat.com/vb/showthread.php?t=167853


ـ عندك أيضاً سد المجمعة


بس أنت طب وتخيّر :)


وحياك الله في ربوع سدير