الونش هل يتحتاج صيانة ؟مثل تشحيم .....

[علي الجوال]

السلام عليكم ورحمة الله وبركاته

اخواني الله يوفقكم فضلاً وليس امراً ياليت احد يجاوبني على هالسئوال :

الونش هل يتحتاج صيانة ؟مثل تشحيم تنظيف .

مع العم ان الونش شد بلد في السيارة واستخدامي له قليل

ونوع السيارة لاندكروزر 2006 وارد عبداللطيف جميل .

الله يجزاكم خير لو تفيدوني

[فارس الفرسه]

اذا كان جديد ما يحتاج

[عقرباء]

نفس التسائل

أنا عندي له 10 سنين أمريكي فهل يحتاج صيانة أو تشحيم؟

[علي الجوال]

اذا كان جديد ما يحتاج


يا جعلك تسلم على ردك

لا مو جديد استخدمتة اكثر من 8 مرات تقربياً

والواير علية رمل كثير هل يضرة ؟

وكيف انظف هالرمل منة ؟

[العتل]

نفس السؤال
عندي من الوكاله في اكس ار 2005
هل يحتاج الى صيانه
استخدمته كثير
امل من اهل الخبره الرد الله يعطيهم العافيه
والشكر موصول ل على الجوال

[كادر]

نفس التسائل

أنا عندي له 10 سنين أمريكي فهل يحتاج صيانة أو تشحيم؟
ماشاء الله تبارك الله
اللي له عشر سنين ولا عملت له اي صيانه اكيد مايحتاج صيانه
عني انا لم اسمع بوجود صيانة للونوش الامريكية وورن
مدري جهل منا او اهمال وا نظامها كذا
تحياتي

[بدوي جنوبي]

اكثر ما يحتاج صيانه هو الونش الميكانيكي
http://www.mekshat.com/pix/upload02/images87/mk32037_winsh2%20.jpg
اللي يتعشق عن طريق الدبل ،،، لان الونش مزود بزيت
ولابد من التشييك عليه بعد فترات طويله

عكس الونش الكهربائي لا يحتاج الي صيانة ،،، الا اذا لوحظ وجود ضعف في الدينمو
قد يحتاج الي صيانة داخلية

والافضل للنوعين تنظيفها بالهواء لطرد الاتربه والغبار
واذا له اغطية ممكن فكها وتنظيف من الداخل


بالنسبه للواير او السلك ،، ما انصح بوضع الشحم ،، لان الشحم مع الوقت يتراكم عليه الغبار ويسمك فيه ويصعب تنظيفه ،،،
وافضل طريقة لتنظيف السلك اذا كان مليان اتربه ،،، هو فرد الواير للاخير
ويستحسن ربطة بشجرة او عمود قوي ( مو عمود كهرب انتبه) :no2:

ويكون مشدود ولا يلامس الارض ،،،

الاداوت المساعده في التنظيف :
1- قفازين لحماية اليدين تكون من النوع المتين

صورة للتوضيح فقط
http://www.mekshat.com/pix/upload02/images87/mk32037_nmn4600_mp.jpg

2- فرشة سلك

3- مادة بترولية تساعد في التنظيف (بنزين مثلا ) سريع في التنظيف
http://www.mekshat.com/pix/upload02/images87/mk32037_87.jpg

لك حرية الاختيار احمر او اخضر :)

بعد الانتهاء من التنظيف لف السلك بالترتيب داخل البكرة .
لا يلامس الارض
اذا تم استخدام الونش في مكان مليان ماء او طين
بفضل تنظيفه بأسرع وقت لكي لا يصدى .

تحياتي

[كادر]

مشكورمشرفنا بدوي جنوبي استفدنا منك
تحياتي

[ساري 111]

شكراً لك بدوي جنوبي .. ماقصرت بااارك الله فيك

[علي الجوال]

اخوي بدوي جنوبي:heart: يا جعل ربي يرزقك

ويوفقك ويسعدك سعادة لاشقاء بعدها .

ماشاء الله

الله لايحرمنا منك ولامن معلوماتك القيمة

والله ماتتصور وش كثر خدمتني

لك مني كل المحبة والتقدير ،،،

[shaheenshah]

بعد التنظيف مثل ما قال اخوي بدوي جنوبي
سمعت ان فيه زيت خاص بالدبابات الصحراوية يحطونه على الجنزير هذا ما يجمع اتربة وغبار الافضل انك تدهن الواير فيه خاصة وقت الامطار

[عقرباء]

مشكور والله يعطيك العافية