سؤال ارجوكم الاجابه عليه

[AboHlal]

لو سمحتوا اخواني الكرام 00 عندي نية طلعه عائليه يوم الخميس القادم ان شاءالله لأماكن قريبه من الرياض . فأي الاماكن تنصحوني بها؟؟ -- طبعا مكان يكون مناسب للعوائل و موجود فيه ماء و ظلال -- مثل ما انتم عارفين . ارجو افادتي و لكم جزيل الشكر.

[الواصل44]

هلا وغلا بأخوي

شف المواقع كثيره في مكان حلو مره وانت طالع مع كبري بنبان باتجاه الشرق امش مسافه 3 او 4 كيلو تقريبنا

بيجيك على يدك اليمين جبل بعيد شوي بس بتشوف طريق مدقوق امسكه الين تطلع فوق بتشوف غرف طين قديمه اذا لقيت مكان فاضي لا يفوتك

واذ ما لقيت رح يمن الين تطلع على شعيب العاذريه والشعيب كله شجر يجيك على اليمين بس الطريق وعر شوي لو تروح مع الثمامه احسنلك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

الثاني

شعيب الحاير قريب من الرياض وعلى كيف كيفك وفيه جلسات وفيه شجر والشعيب روعه مررررررررررره

الموقع

وانت رايح بأتجاه الحاير بعد ما تتعدا التشليح يجيك السجن الى على اليمين اول ما ينتهي بيجيك الشعيب على اليسار تعده وانزل بعده علشان الطريق من بعده اسهلك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

الثالث

وانت نازل من القديه كنك رايح لمكه بيجيك شعيب على يدك اليمين كبير مرررررررررررررررررره

ــــــــــــــــــــــــــــــــــــــــــــــــــ ــــــــــ

وعسى الله يوسع صدوركم بالعافيه

[عصا الترحال]

الخفس والشعبان اللي حولها خصوصا إذا كنت مع عائلة ماتحس أنك صاد
بارك الله فيك

[ناصح]

الأماكن كثيرة

لكن الحذر مهم

لأن الغراز في الطين لا زال يشكل خطورة

عموما اسمح لي بنقل الموضوع للمكان المناسب

[ذرب سدير]

عندك شمال شرق الرياض مناطقه زينة

يعني عندك شعيب العاذرية على نفود الثمامة .. حليلات هالأماكن

عندك بعد شعيب بنبان .. وبعد شعيب صلبوخ حليل ما عليه

عندك كذلك شعيب الحيسية .. وعندك سدوس بـِرانها نظيفة وقليل اللي يعرفها وفي نفس الوقت قريبة من الرياض