المساعد الشخصي الرقمي

مشاهدة النسخة كاملة : * مشكلة نقص زيت مكينة الباثفندر *


Vista 123
11/11/2008, 09:19 PM
بسم الله الرحمن الرحيم
السلام عليكم ورحمة الله وبركاته
مشكلة نقص زيت مكينة الباثفندر
هو ان شنبر الزيت إلي يركب في البستم فيه مشكله وهذا سبب نقص الزيت فيوجد شنبر زيت (بديل)
لا كن مشكلة وكالة ( تيسان )
إذا طلبت الشنبر يعطيك الشنبر إلي يجي مع المكينة( شد بلد )
لا كن أنت عطه رقم القطعة أحسن
وهذا رقم الشنبر الذي ينقص الزيت:
x 12033-3w300

وهذا الشنبر البديل الذي ما ينقص الزيت بإذن الله :
x 12033-4w005
قايد الباث
11/11/2008, 09:26 PM
مشكووووووووووووور اخوي وما قصرت
بس عندي سؤال هل الشنبر قد جربته اوتعرف احد جربه وهل عليه ضرر للسياره ام لا؟:confused:
Vista 123
11/11/2008, 09:36 PM
هلا اخوي قايد الباث
انا سيارتي في الورشه موظبها وغيرت الشنبر البديل والشنبر عند الوكالة
وطريقتهم اذا قدر الله وبوشة المكينة قبل ما يروح الضمان يغيرن لك هذا الشنبر ..
Vista 123
12/11/2008, 10:37 AM
اشكركم على زيارة الموضوع
بدوي جنوبي
12/11/2008, 02:09 PM
لي عودة وتوضيح نقاط مهمه
قايد الباث
12/11/2008, 02:16 PM
السلام عليكم
اخوي معليش ما فهمت ارجو التوضيح
بس اهم شي ماعليه ضرر على السياره اخاف اركبه ثمن يجيها شي خلنا على التنقيص ازين ا:)
طيب الشنبر الي تقوله يبيعونهه الوكاله وهل هو حق سياره ثانيه مثلا الباترول ولا مخصص للباثفندر
وهل انت مركبه في موترك ووش تشوف هل الزيت ما نقص وهل الشنبر ماشي مضبوط مع الموتر
ومشكووور اخوي وارجوا الرد والله اني متعذب من التنقيص
بدوي جنوبي
12/11/2008, 03:46 PM
اخي الكريم
كل محرك سيارة لها شنبر خاص فيها
بمقاسات معينه

فهمت من موضوعك تغيير شنبر اللي خاص في قشط الزيت

غالبا كل بستم يكون فيه ثلاث شنابر
http://www.mekshat.com/pix/upload02/images87/mk32037_ede.gif

شنابر مسئولة عن التحكم في الضغط اثناء عملية الاحتراق الداخلي


http://img123.imageshack.us/img123/8070/disifz5.gif

اذا ضعف الشنبر يتهرب الضغط ،
ويقل عزم المحرك ،،

،http://www.mekshat.com/pix/upload02/images87/mk32037_car_smok.gif

http://www.mekshat.com/pix/upload02/images87/mk32037_engv8.gif
وشنابر الزيت اذا ضعفت ،، يقل كشط الزيت العالق بجدار الاسطوانة
فأثناء عملية الانفجار داخل غرفة الاحتراق يحترق الزيت فيظهر دخان باللون الابيض مايل للزراق ،،

http://www.mekshat.com/pix/upload02/images87/mk32037_462041.jpg


الافضل عند تسقيط شنبر لابد من تغييرها كامله

بالتوفيق
قايد الباث
13/11/2008, 07:54 PM
السلام عليكم ورحمة الله وبركاته
اخوي بدوي جنوبي مشكور على المعلومات بس ياليت تنصحني اغير الشنبر ولا اقعد على الوكاله افضل وارجو الرد ومشكور وماتقصر
ابن الضمين
13/11/2008, 07:57 PM
الظاهر ان نوعية الزيت لها علاقه بالنقص
بدوي جنوبي
14/11/2008, 02:00 AM
السلام عليكم ورحمة الله وبركاته
اخوي بدوي جنوبي مشكور على المعلومات بس ياليت تنصحني اغير الشنبر ولا اقعد على الوكاله افضل وارجو الرد ومشكور وماتقصر

عليكم السلام ورحمة الله وبركاته

اذا المكينة تصرف زيت كثير ،،، يعني حدود 1 لتر (علبة )لكل الف كلم
يفضل تغيير الشنبر ،،، اما اذا كان في ال 5000 كلم علبه واحده يمكنك
استخدام السيارة ،، بدون اي مشاكل شرط ما يكون يدخن كثير ،، الا اثناء
قومة السيارة او عند دعس الابنص وقت الوقوف .

اذا اردت تسقيط شنبر ،،، الورش عادة تطلب منك تغيير اشياء كثير
طرمبة ماء
سبابك متحرك وثابت
بلوف + جلد ( او يكتفي بصنفرتها فقط)
اذا السلندر فيه شفه ظاهر (يحتاج خرط )
ينطبق عليه عمود الكرنك
طقم وجيه كامله
بساتم ( اذا انخرط السلندر لازم تتغير البساتم )
اذرعة بساتم وبنوز
طرمبة زيت
راس السلندر ان شاء الله يكون سليم (لا يحتاج للخرط )

نصيحتي لك اذا النقص مثل ما وضحت استمر علي الاستخدام
لان التوضيب مكلف ،،، ودائما ترتقع الحرارة بعد التوضيب
وبعضها ترجع تنقص زيت ،،، حتي السيارات الجديدة تقص زيتها
فنقص الزيت الخفيف لا يعتبر عيب في ادائها

بالتوفيق عزيزي





الظاهر ان نوعية الزيت لها علاقه بالنقص

صحيح :good:
قايد الباث
15/11/2008, 10:05 PM
السلام عليكم ورحمة الله وبركاته
طيب اخواني وش افضل زيت ووش تنصحوني استعمل انا استعمل الترا بترومين هل هو كويس ولا اغيره ووش افضل زيت ومشكورين
قايد الباث
15/11/2008, 10:12 PM
معليش اخوي بدوي بس عندي سؤال وش افضل اعاير الزيت والمكينه بارده والا والمكينه حاره (مسخنه)
م.أبوإبراهيم
15/11/2008, 11:12 PM
بس المشكلة مهب بس الباث فايندر الي ينقص اعرف ارمادا ينقص وكذالك ددسن وكلهن جدد وكذلك الالتيما
القمم
15/11/2008, 11:43 PM
يعني لازم نفك المكينه؟!

يعطيك ربي ألف عافيه على الحل
الساهر2003
16/11/2008, 12:16 AM
السلام عليكم
ياشباب ريحو بالكم عندي كل 5000 كلم ينقص علبة واستخدم الترا سفن وبحسب تقديري للمشكلة انه لا يحتاج توضيب مع عدم وجود دخان خارج من الشكمان
والتوضيب لمكينة الباث غالي ومعقد جدا يعني شغلها صعب ومو اي مكانيكي يفرط المكينة مسمار مسمار
ويوجد سيارات كثيرة تنقص موديلات جديدة غير النيسان
لكن الباث بزيادة
ولكم اطيب تحية
ابراهيم2008
16/11/2008, 12:22 AM
الله يعطيك الف عافية على حل هذه المشكلة
قايد الباث
16/11/2008, 12:37 AM
اخوي الساهر وش قصدك بالدخان هل هو له لون هل يكون يطلع من الشكمان بشكل مستمر او يطلع دخان كثير من الشكمان وكم تحط من علبة زيت في موترك
أبو فهد11
16/11/2008, 04:15 AM
اخوي الساهر وش قصدك بالدخان هل هو له لون هل يكون يطلع من الشكمان بشكل مستمر او يطلع دخان كثير من الشكمان وكم تحط من علبة زيت في موترك
أخوي أنا كان معي باث فيندر 2005 وبعته طبعاً لأجل السفر خارجاُ

وكان ينقص معي تقريباً علبه لكل 3000 ك وهذا طبيعي في الباث وخاصه القير العادي

طبعاً ينقص الموتر ولا يطلع أي دخاااااان بالعكس المكينه كانت صافيه جداً

لكن الدخان الابيض او الأزرق هذا يدل غالباً على أن السياره تحتاج إلى توظيب

أتمنى وضحت لك الصوره
salih100
17/11/2008, 02:09 PM
السلام عليكم
انا اخوي شراء باث 2005 من الوكاله ع يده واستخدامه حنين ويومنه ماشي 35000 لاحظ انه ينقص ووديناه الوكاله ونشبنا لهم لما غيرو كل الي بالمكينه وحنى ناشبين لهم كل يوم ولا يومين نجيهم وطق عندهم شهر وبعدها طبقوه وقلنا يالله انشاءالله انه ضبط ولكن,,,,,,, كنك يابو زيد ما غزيت والحين ماشي ميه الف واذا نقص يا يغيره ولا يزود لمى 5000 وريحنا روسنا ,,
الساهر2003
17/11/2008, 02:30 PM
اخوي الساهر وش قصدك بالدخان هل هو له لون هل يكون يطلع من الشكمان بشكل مستمر او يطلع دخان كثير من الشكمان وكم تحط من علبة زيت في موترك


هلابك اخوي
الشباب ماقصرو الباث مايطلع منه دخان ولا يحتاج توضيب
اذا موترك يطلع منه دخان ابيض يميل للازرق فيجب توضيب المكينة
وبالنسبة للموتر عندي اغير الزيت كل 5000 كيلو اقل من 5 علب مع السيفون واذا مشيت على الزيت 2500 او 3000 كيلو ازيد نص علبة او اكثر حتى احافض على المكينة
وللمعلومية مرة من المرات تأخرت على الزيت ماغيرته ولا عوضة النقص وضعف عزم الموتر وصار كني محمل ركاب بالطقاق يفز ولما غيرة الزيت تحسن كثير
ولكم خالص التقدير
mmm998
17/11/2008, 02:38 PM
أخوان أنا ملاحظ أن مشكلة النقص بكل السيارات الجديدة , فلا تخافون , بعدين المشاكل بالباث فايندر من 2003 ونت طالع , بعد توسيع حجم الماكينة . والله يستر علينا وعليكم ولايخسر مسلم .
Vista 123
29/11/2008, 02:37 PM
السلام عليكم ورحمة الله وبركاته ...
اعتذر على عدم توضيح المشكلة بشكل جيد
ولا كن سوف اوضح ذلك بعد انتهاء السيارة من التوضيب وتجربتها .
وشكرا لكم ..
sadah
30/11/2008, 07:45 AM
vista123

ترى عموم النيسان ما يقصر في نقص الزيت من زمان

الله يعينك
no fear 78
30/11/2008, 08:52 AM
السلام عليكم يا ربع

احب اشكر اخي بدوي جنوبي على الشرح الواضح جدا و المعلومات الصحيحه 100%

المشكله موجوده عند الكل نقص الزيت من غير وجود دخان يمكن المشكله في الزيت انه كنت استعمل زيت نيسان و الحلين امركب زيت كلتكرس هافولين ما نقص بفضل الله يمكن بعد لأنه الجو برد اشوي كل شي يجوز بس هذي سبب زين علشان اشيك السيارة في الأسبوع مرة لمصلحتك

يعطيكم العافيه على الموضوع الهام
Vista 123
30/11/2008, 06:04 PM
اشكركم على الردود ....
عزبة الصحبطة
17/05/2010, 11:32 PM
السلام عليكم
يالربع عندي نفس المشكلة
الزيت ينقص عندي لتر على كل الف كيلو تقريبا
احتار الفكر وش الحل وياه
الي يقولي زيد الزيت ولا تخسر فلوسك اكثر!
والي يقولي ودها لكراج!
فارس ملهم
18/05/2010, 12:22 AM
السلام عليكم

انا معي باث فندر 2005 وعرض علي واحد عرض
وهو : يقول اصب علبة في المكينة ولا ينقص الزيت وضمان سنة


وسعر العلبة : 400 ريال
ما ادري هل احد سمع زي هالعلبة والزيت ؟؟؟؟



ثانيا سئل احد الاخوان عن افضل زيت وانا اقول كاسترول 10\20 خفيف وزين
وغير كل 3000 وريح بالك




وجهة نظر
أبونجم
18/05/2010, 12:48 AM
السلام عليكم

انا معي باث فندر 2005 وعرض علي واحد عرض
وهو : يقول اصب علبة في المكينة ولا ينقص الزيت وضمان سنة


وسعر العلبة : 400 ريال
ما ادري هل احد سمع زي هالعلبة والزيت ؟؟؟؟



ثانيا سئل احد الاخوان عن افضل زيت وانا اقول كاسترول 10\20 خفيف وزين
وغير كل 3000 وريح بالك




وجهة نظر



==================================


سليك 50

http://img103.herosh.com/2009/08/31/595828061.jpg

معالج فريد من نوعه لمحركات البنزين والديزل يستعمل مرة واحدة ولا يتأثر بغيار الزيت الاعتيادي



إن مادة "سليك50" فريدة من نوعها تحتوي على مادة بي. تب .اف.اي.أو المعروفة بالتبفال .

تقوم بتكوين طبقة من التيفال سماكتها نصف مايكرون على سطح المعدن وتتم عملية تكوين الطبقة

بوجود مادة مشحمة (زيت). هذه الطبقة تحمي المعدن من التآكل وتقلل من الاحتكاك بين سطح هذا

المعدن وأي معدن آخر .



لا يجوز استعمالها على السيارات الجديدة إلا بعد تغيير الزيت مرة على الأقل



مزايا الاستعمال:

1- تحمي المحرك من التلف الداخلي بمعدل 90%

2- تخفف من حرارة الزيت

3- تقوم بتحسين أداء المحرك

4- كيلومترات إضافية لكل لتر من الوقود

5- تضمن عمر أطول للمحرك



مطابق للمواصفات العسكرية للولايات المتحدة

MIL 2104 C

MIL L 46152 A



ولمواصفات A.P.I لخدمات SG CD CE S.A.E30



طريقة الاستعمال :عند شراء المنتج





ملحوظة : يمكنك استعمال المنتج كل 50000 كم لضمان سلامة محرك السيارة



======================

طبعا الزيت قديم مررررررررره طبعا أنا جربت الزيت على سيارتي كابرس 89 وكانت المكينة مبوشة وتصرف زيت .
والنتيجة ولا شي المكينه مثل ماهي ماتغير ولا شي . وترا قيمته الزيت من 120 الى 150 ريال . الكلام هذا قبل تقريبا 8 سنوات .

أتمنى أني أفدتك .:good2:
فارس ملهم
18/05/2010, 12:49 PM
طيب فيه احد مجربه على باثفندر؟ او على سيارة جديدة نوعا ما ؟؟
باترول 4×4
18/05/2010, 04:36 PM
معي 2003
ومن خلال تجربة :
النقص حسب الممشى إذا كنت تمشي 160 وحولها النقص من علبة إلا ربع إلى نصف علبة .
وإذا كان ممشاك من 120 فأقل النقص من ربع علبة وحولها تقريبا
كل هالكلام بعد 1000 كم

أخوي بدوي وش رايك نغير شنببر على هذا ولا لا ؟ علما أن الحرارة طبيعية جدا في كلا الحالتين وما فيه دخان .
rigidman
18/05/2010, 11:22 PM
من الطبيعي جدا نقص الزيت بكميات قليلة وهذا الكلام مكتوب في جميع الكتالوجات الخاصة بالسيارات وذلك بسبب الحرارة والاستعمال والسرعة العالية والتهدئة المفاجئة وعملية التبخير . لكن حين يصاحب النقص دخان ابيض من العادم فهنا المشكلة .

اطيب تحية
N أبورغد N
03/08/2010, 03:53 AM
بارك الله فيك
وش صار على موترك بشرنا
ان شاء الله طلع من الورشة؟
سوبر VTC
04/08/2010, 12:37 AM
فتوى نومـ11111س في نقص زيت الباث - منتديات مكشات (http://www.mekshat.com/vb/showthread.php?p=3445024)
نقطة
11/07/2011, 09:48 AM
بسم الله الرحمن الرحيم
السلام عليكم ورحمة الله وبركاته
مشكلة نقص زيت مكينة الباثفندر
هو ان شنبر الزيت إلي يركب في البستم فيه مشكله وهذا سبب نقص الزيت فيوجد شنبر زيت (بديل)
لا كن مشكلة وكالة ( تيسان )
إذا طلبت الشنبر يعطيك الشنبر إلي يجي مع المكينة( شد بلد )
لا كن أنت عطه رقم القطعة أحسن
وهذا رقم الشنبر الذي ينقص الزيت:
x 12033-3w300

وهذا الشنبر البديل الذي ما ينقص الزيت بإذن الله :
x 12033-4w005


السلام عليكم ,,,

حياكم الله يالربع ,, والمعذرة على الازعاج
انا ودي اصقط شنبر لمكينة موتري لانه ينقص زيت كثير !!
فودي لاهنتم كان احد خابر ورشه مضبووطه مره قد جربها او احد يعرفه جربها .

فياليت يفيدنا فيها عاجلاً !

والله يجزاكم خير .
سوبر VTC
12/07/2011, 01:23 AM
السلام عليكم ,,,

حياكم الله يالربع ,, والمعذرة على الازعاج
انا ودي اصقط شنبر لمكينة موتري لانه ينقص زيت كثير !!
فودي لاهنتم كان احد خابر ورشه مضبووطه مره قد جربها او احد يعرفه جربها .

فياليت يفيدنا فيها عاجلاً !

والله يجزاكم خير .

موقعك يدلونك الربع على ورشة
كم مقدر النقص ؟ كل 1800 او 2500كيلو
ترى شغله مكلف جدا لو تتركه افضل لك
بعضهم يغير الزيت و يقل النقص سواء زيت الترا سفن 50 20 او سوبر جتي
او زيت خفيف 10 مثل حق كاسترول
احد الربع وضب كامل طبعا الموتر مخبط كلفه 7000الف و الشغل على الشرط
سبايك ثابت متحرك وجيه راس و كرتير وجه صدر
طرمبة زيت
فحمات جنازير التيمن
جنزيرين تيمن
صنفرة بلوف احيانا يمسح الراس اذا كان به تقويس
الجنازير قيمتهن ب800 و الطرمبة اظنه ب600 وشوي
بساتم مع اذرعه
فحص عمود الكرنك عمود المكينة
يعني بعضهم اذا الورشة ثقة يوضب بحدود ال7الاف او يركب مكينة من التشليح
ب7500 ضمان حرارة و عدم نقص زيت
نقطة
12/07/2011, 09:22 AM
موقعك يدلونك الربع على ورشة
كم مقدر النقص ؟ كل 1800 او 2500كيلو
ترى شغله مكلف جدا لو تتركه افضل لك
بعضهم يغير الزيت و يقل النقص سواء زيت الترا سفن 50 20 او سوبر جتي
او زيت خفيف 10 مثل حق كاسترول
احد الربع وضب كامل طبعا الموتر مخبط كلفه 7000الف و الشغل على الشرط
سبايك ثابت متحرك وجيه راس و كرتير وجه صدر
طرمبة زيت
فحمات جنازير التيمن
جنزيرين تيمن
صنفرة بلوف احيانا يمسح الراس اذا كان به تقويس
الجنازير قيمتهن ب800 و الطرمبة اظنه ب600 وشوي
بساتم مع اذرعه
فحص عمود الكرنك عمود المكينة
يعني بعضهم اذا الورشة ثقة يوضب بحدود ال7الاف او يركب مكينة من التشليح
ب7500 ضمان حرارة و عدم نقص زيت

الله يجزاك خير :)

عندي كل 1000 كيلو ينقص علبه الى علبة الا ربع تقريباً !!

طيب هل يفرق الي يوضب قبل ماتخبط المكينه وتوقف مره وبين الي توها ماشيه ؟؟؟
الليث الذهبي
12/07/2011, 10:34 AM
يا شباب الي يبي رقم ورشت ابو فهد تراه عندي متخصص في توضيب مكينت الباث سعود الجنسيه
التكلفه تقربا 5500 او 6000 ريال على حسب الموتر
بس نصيحه الي سيارته تمشي ولا فيها عيب لايوضب خساير وماتدري عقب هالتوضيب يضبط الموتر ولا
انا عندي باث 2004 ينقص كل 2000 كيلو علبه ولا طرت اني اوضبه وغير كذا اذا وقفته ربع ساعه وانا مشغل المكيف ودعست تشوف الدخان الابيض .
لكن ماعندك ازن منه لا شفت منه خرابات ولا غيره الحمد لله
ابوعزام21
19/08/2011, 08:20 AM
الله يبض وجهك ياليث الذهبي ريحتني انا نفس المشكله ينقص ومع التشغيل يكث ابيض
واقوال في نفسي ابيع الموتر او اخليه والظاهر ابتركه بس ابي أعرف افضل زيت ياناس
ذبانه الصفري
18/09/2011, 12:48 AM
يا شباب الي يبي رقم ورشت ابو فهد تراه عندي متخصص في توضيب مكينت الباث سعود الجنسيه
التكلفه تقربا 5500 او 6000 ريال على حسب الموتر
بس نصيحه الي سيارته تمشي ولا فيها عيب لايوضب خساير وماتدري عقب هالتوضيب يضبط الموتر ولا
انا عندي باث 2004 ينقص كل 2000 كيلو علبه ولا طرت اني اوضبه وغير كذا اذا وقفته ربع ساعه وانا مشغل المكيف ودعست تشوف الدخان الابيض .
لكن ماعندك ازن منه لا شفت منه خرابات ولا غيره الحمد لله


اخي الكريم ليتك تفيدني بوصف ورشة ابو فهد او اي ورشه لاني بحاجه الى ورشه متخصصه في الباثفندر
اخوك ابو سعد 0556003144 او ارساله على رقم الجوال بعد اذن الاداره لقلة دخولي للنت
وللاخوان ايضا انا بالرياض
sgl2002
18/09/2011, 11:13 PM
استخدم زيت سوبر جيتي علبة بلاستيك سوداء

هذي استخدمتها علي

تيرسل ٩٧
ددسن ٢٠٠١ كلبريتر
ددسن ٢٠٠٣ كلبريتر
ددسن ٢٠٠٢ بخاخ
شاص ٢٠٠٩
باترول ربع ٩٨

وكلها كرفتها كرف الويل بالنفود والسفريات والحمد لله ماعرفت النقص ابد ابد وماغير الا كل ٦٠٠٠ الالاف×
النادر 112
07/12/2012, 11:25 AM
يا شباب الي يبي رقم ورشت ابو فهد تراه عندي متخصص في توضيب مكينت الباث سعود الجنسيه
التكلفه تقربا 5500 او 6000 ريال على حسب الموتر
بس نصيحه الي سيارته تمشي ولا فيها عيب لايوضب خساير وماتدري عقب هالتوضيب يضبط الموتر ولا
انا عندي باث 2004 ينقص كل 2000 كيلو علبه ولا طرت اني اوضبه وغير كذا اذا وقفته ربع ساعه وانا مشغل المكيف ودعست تشوف الدخان الابيض .
لكن ماعندك ازن منه لا شفت منه خرابات ولا غيره الحمد لله

اخوي ممكن ترسل لي رقم ابو فهد

وين مكان الورشة بالضبط
وجعين
07/12/2012, 12:57 PM
المكسيما تقريبا نفس مكينه الباث فندر وعن تجربه افضل مكينه انتجتها نيسان هي مكينه المكسيما عزم وتسارع وقوة تحمل وعدم نقص الزيت وقليل تلقى مكسيما تدخن حتى انني اشك ان تويوتا هي من صنعها اتوقع الشنبر حق المكسيما يركب على الباث او المكينه بكبره تركب
السامي2011
07/12/2012, 06:04 PM
طيب من جرب الشنبر الثاني
owwn
07/12/2012, 08:07 PM
المكسيما تقريبا نفس مكينه الباث فندر وعن تجربه افضل مكينه انتجتها نيسان هي مكينه المكسيما عزم وتسارع وقوة تحمل وعدم نقص الزيت وقليل تلقى مكسيما تدخن حتى انني اشك ان تويوتا هي من صنعها اتوقع الشنبر حق المكسيما يركب على الباث او المكينه بكبره تركب
لا ياخوي الي زي مكينته المورانو والألتيما سته سرندل
بس انا انصح بستخدام زيت كاسترول ادج سبورت 10/60 لزوجته عاليه ويكفي انه تخلقي كامل
استخدمه لسيارتي 2005 باثفندر
هايل العتيبي
03/01/2013, 10:39 AM
معاي ددسن 2010
اذا مشيت عليها 1300كيلو تنقص علبه
ماهو افضل زيت لها
انا غير لها سوبر جي تي وماحصلت نتيجه
abdullah mu
02/03/2013, 02:18 PM
الف شكر للجميع
خالد اللهيبي
19/05/2013, 12:50 AM
الرجال ماعينتوه

اقصد صاحب الشنبر عفوا الموضوع

قال بيعلمنا بالنتيجة
فياض الربيع
04/10/2016, 08:03 PM
الباثفاندر ماله حل بسالفه نقص الزيت خاصه اذا مشى كثير
يبلع زيت كل ظ،ظ×ظ×ظ× كلم علبه وعليها وتوظيبه معقد سمعت انهم يرهمون
مكينه لكزس ظ¤ظ×ظ× وتضبط ومادري هل صحيح ولا لا
YUKON_GMC
06/10/2016, 03:08 AM
الله يرحم مزنه الموضوع من عام 2008 صار له ثمان سنوات ونص المشاركين فيه ماتوا .. ولازلتوا تقلبونه ..:D