ما خاب من استشار .. دعوه لابداء الرأي حول شراء سياره

[تيتشر]

بسم الله الرحمن الرحيم


السلام عليكم ورحمة الله وبركاته


الاخوه الكرام تم تكليفي من قبل العائله الكريمه بالبحث عن سياره عائليه ( للسائق) تناسب المدينه والبر في اردنا الخروج للبر


ونظرا لحبي للأمريكي بعد استخدامي للبليزر القديم وجدت ان التاهو (بابين) سياره مناسبه


الآن معروض علي تاهو 2004 كحلي (امريكي) نظيف جدا (يقول راعيه فل كامل) مراتب جلد وحساسات ومافيه صدمات او خرابيط وفيه نفس تاهو ثاني نفس الموديل بس اللون الذهبي المنتشر لكن الفرق باللون والممشى لأن الذهبي ماشي اكثر ...



اولا ارجو مساعدتي بابداء رأيكم حول السياره من ناحية : جدواها , سعرها .


ثانيا في حال توفر سياره بديله ماهي السياره المناسبه بمبلغ يتراوح بين 60000 الى 70000 ريال .


ثالثا اذا فيه اي وجهة نظر تراني اتقبلها واستفيد منها


افيدوني افادكم الله


وماشي تقريبا 70000 بـ60000 ريال

[تيتشر]

معقوله شباب ولا واحد عنده اي معلومه او نصيحه ؟

[عسلوف]

الظاهر ان شركة جي ام سي فلست لاتشتري انتظر واذا نويت على سيارة اياك والفل كامل كله معقد خذ لك نص فل او سياحي يعيش معك وتقبل مروري

[aaaa73]

ماستعمت السيارة والكل يقول سيارة عملية واحرص علي الدبل لانه فرق السعر بسيط ولاسمت احد يذم الموتر 2004 في الكويت ارغب حسب ماسمعت ومادري وش السر توكل علي الله وسع صدرك في البر الدبل و احتجت مرة يكفي لان الموتر علي القار يغرز




احرصو علي نشرالوعي
:no2: بعد الخير الكثير وراحة النفس والانشراح لاتحرمونا من الكشتات وسعت الصدر

بالفياض و الخباري و النفوذ بما يعكر المزاج وينزع الواهس و يكدر النفس

:( اجلكم الله
بالمخلفات والاكياس وفضلات الطعام وغيره من الاقذار :confused:
ولا هى مكلفة علي احد ومن الممكن حرقها اوحملها في الاكياس ورميها في الاماكن المخصصة لانها متوفرة في كل مكان او اخذها للبيت وتخلص منها:eek:
والله ان سنه من السنين فيضة ام المصران هي الوحيدة كان ريبعها طيب :confused: وانحرمنا منها بسبب الجراكل والاكياس والاوساخ :( :(

http://file11.9q9q.net/local/thumbnail/81373267/600x600.jpg

[بو خليفه]

عين العقل و اشتر دفرشين و يفضل الموديل احدث

[تابير]

أخوي أنا عندي تاهو 2005 وماشاء الله مرتاح منه حيل كانك تسوق صالون تبارك الله
وسيارة جدا قوية وتتحمل العايلة وفي الخط هادية ومريحة جدا واحرص على الدبل ترى زين يفيدك
لكن نصيحة افحص السيارة بالكمبيوتر واستخير وتوكل على الله

[الوحش79]

الاخ تيتشر اذاتبي النصيحه ابعد عن التاهو من 2000والى2006
اذا تبي خد يوكن والسبب الاول ان التاهو من 2000والى2006 ماجى سعودي الا بعد2006 واللي باعوه الوكالات اصل امريكي بمسمى خليجي هذا حسب علمي

وانا مجرب ونصحوني نفس اللي قلت لك لكني ماطعت
وايضا اليوكن هل موديل احلى وارغب واسرع عند البيع والسعر افضل
تحت2000 وفوق2006 انا معك خد وانت مضمان


وبالنسبه للسعر اللي حطيته ممتاز حسب ممشاة

والله يوفقك

[fusfus]

انا عندي لك شفر فل الا الفتحه طبعاً دبل ماشي 160000 ميل سوبربان طويل اللون اسود بطاقه جمركيه المكينه والقير ذهب وعلى الشرط ومسيوم قبل 4 ايام 43000 اذا كان لك رغبه حياك الله

[تيتشر]

عافاكم الله

[الفتى سندباد]

التاهو ما نزل السعودية إلا بعام 2006 أو 2007
فلذلك أنصحك تبتعد عنه لأنه بيعذبك بقطع الغيار

[سبع البوادي]

نتمنى لك التوفيق اخوي والله يوفق بالموتر الي ترتاحله

من واقع تجربة وبراهين اذا انت حبيت تغير عن 2004 او حطيت في بالك 2006 او 2007 تاهو

ابعد وان شاء الله انك ما تندم

بالعربي قيره ما هو ذاك الزود وماهو مضمون لأن واحد من اخويانا شراله واحد 2007 وبعد ما مشى 72 الف قام عليه القير والله يعينه

وبالتوفيق ان شاء الله

[الفتى سندباد]

إذا تبغى النصيحة أشتر سيارة جديدة
وأنصحك بالأكسبلورر 2008 عليها عروض
بتوكيلات الجزيرة بـ 89000 ريال أقل فئة

[ابو الشباب3]

خلك على الجمس والتاهو واليوكن واذا ماحصل دور تويوتا برادو

[تيتشر]

خلك على الجمس والتاهو واليوكن واذا ماحصل دور تويوتا برادو



هذا اللي في بالي بالضبط لكني ما استغني عن آرائكم