طريقة لصيد السمك " الغفايه "

[Bo Rashed]

الحمد لله والصلاة والسلام على رسول الله
السلام عليكم ورحمة الله وبركاته

الغفايه

هذي الطريقة للصيد تسمى غفايه وتستعمل في الاماكن الضحله والقريبه من الشاطئ ومن الممكن وضع اكثر من غفايه وتوزيعها على امتداد الشاطئ او بجنب اللحوف والقصاصير اذا ودك تصيد هامور وفي الضيح والرمله حق السبيطي

قد تكون الصورة افضل من الشرح لذا اترككم مع الصورة واي استفسار فانا حاضر

http://www.mekshat.com/pix/upload/images4/Ghfaih7654893.jpg

وفقكم الله
تحياتي

[بروق ورعود]

وعليكم السلام ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين:-
اخوي بوراشد الصراحه طريقه حلوه وسهله وتشكر عليها. ولكن لو تسمحلي عندي بعض الاسئله اتمنى انها تكون خفيفه وغير غثيثه :D .
بسم الله :-
1) وش قصدك خيط 70, خيط 100 ؟
2) كم طول الخيط وهل له عرض معين؟
3) الطفاحه لها حجم معين والا عادي ؟ واذا الواحد عنده من البويات الصغار هل بالامكان استخدامهم؟
4) هل بالامكان استخدام الغفايه في اي مكان يعني عند السيف او قريب المدافن .
5) سؤال طياري على جنب . وش رايك في بوعلي اللي بالجبيل الصناعيه.

مشكور اخوي والسموحه اذا كانت الاسئله شوي طويله.
اخوكم بروق ورعود

[الجوني]

مشكور اخوي ابو راشد على هذا الموضوع لاكن اليس هذا النوع اسمها الحداق؟؟؟

[رحال]

مساك الله بالخير يابوراشد

ماشاء الله من موضوع رائع إلى آخر اروع عيني عليك باردة يانوخذة مكشات :)

لكن عندي سؤال يابوراشد الطريقة هذي تسمى (( المــــد )) هل كلامي صحيح يعني هل هو اختلاف مسميات
انا شفت الرسمة واشوف انها نفس طريقة المــــد ولكن يستخدم خيط واحد فقط ويعمل للخيط عقدة لكل مترين تقريباً وفي كل عقدة نضع ميدار .

وتقبل تحياتي يالغالي
اخوك بوخليفــــــــــه

[سمٌاري]

مشكور على الشرح والمعلومات يابو راشد

[Bo Rashed]

اخوي بروق ورعود

ترى انا احب الاسئلة :D لانها تفتح باب النقاش وتخليني اعصر مخي واطلع لك اللي داخله كله :D
وهذي اجوبة على اسالتك الخفيفة:

1- اقصد بخيط 70 و 100 سمك الخيط او مقاسه اللي يكون 70 ملم او 100 ملم وليس طول الخيط
2- طول الخيط يكون حسب عمق البحر ولكن الافضل ان يكون طوله مترين والعرض او قصدك سمك الخيط يكون 100 ملم والرداع 70 ملم
3- الطفاحه ما لها حجم معين المهم انها تطفح الخيط وتقدر تستخدم البويات العادية او الكرب حق الغزول ولكني افضل الفلين الابيض عشان تشوفه من بعيد او اذا دخلت بالليل بيكون اسهلك تلقاه
4- نعم تقدر تستعمل الغفاية في اي مكان
5- جواب طياري على جنب :D راس بو علي من احسن الاماكن اللي صدت فيها واحسن مكان هو بعد سكن ارامكو اللي يجيك على يدك اليسار وانت داخل ابو علي بعد ما تتعدى السكن بشوي بيجيك على يدك اليمين ميناء صغير لسفن ارامكو احدق قبله على اليمين او بعده على اليمين في هذا المكان صدت شعوم ما عمري صدت اكبر منها الواحد منها طوله نص ذراع وسبيطية حدث ولا حرج

اخوي الجوني

الصيد بواسطة الخيط واللي تكون انت ماسكه بيدك هو اللي يسمى حداق اما هذه الطريقة فلا تسمى حداق لانك تحطها وتحط فيها الطعم وتخليها وتروح وترجع لها في وقت ثاني

اخوي > رحاااااال<

بارك الله فيك ولا يغرك تراني غشيم
هذي الطريقة تشبه المد ولكن لو تلاحظ ان خيط المد يكون فيه ميادير واجد على الاقل 50 ويصل الى 1000 ميدار ويتم وضعه بشكل افقي وموازي لقاع البحر، اما الغفايه فلا يستعمل فبها الا ميدارين على الاقل واحيانا 3 او اكثر حسب عمق البحر ويتم وضعها بشكل عامودي من القاع الى سطح البحر
وميزتها انها لا تنقطع بسهولة بعكس خيط المد واللي ممكن ينقطع بسبب سحب السمك له واحتكاه بالحصى والصخور فتلقا الخيط يتحزز وينقطع مع قوة السحب

وفقكم الله
تحياتي

[الجوني]

مشكووور اخوي ابو راشد على ردك السريع واستمر فأنت تفيدنا وحبذا الدعم بالصور الاكثر وياليت تعدد لنا انواع الطعم اللي يطول مايروح من خيط الميدار مثل الحبار وغيره اذكرها لنا:/
[line]
مغليك :/ أبو صالح

[ابو سمر]

الله يعطيك العافية اخونا ابو راشد وطريقة حلوة جربتها في ينبع .

[رحال]

مساك الله بالخير

ماشاءالله مين يقول إنك منت خبرة إلا خبرة ونص ومرة ثانية عيني عليك باردة فعلاً معلومات قيمة الكل يستفيد منها وانا واحد منهم لقد استفدت منك الكثير ومازلت استفيد يالنوخذة .

بارك الله فيك ومزيداً من التقدم والنجاح .
اخوك بوخليفة

[عاشق القنص]

kgjfklgjkfdjkljdodifo

[Alhzzen]

يعطييييييك العافيه ماتقصر يالغالي


شكرا

[النقرش]

رحال إنت من بوظبي جبل علي في الإمارات