ياالرجال تعرفون مكان مناقع هالحين

[ابوعمر العجلان]

السلام عليكم
أبي مكان مناقع أروحله حول الرياض

[دغيم1]

السلام عليكم ورحمة الله وبركاته
حياك الله أخوي
عليك بطريق القصيم قبل كوبري حريملاء
المناطق على يمينك واليسار
أماكن جيدة ومريحة
كذلك الشعبان اللي بالقرب من الرمحية ، وكذلك التنهات
وخريم
تقبل تحياتي

[ابوعبدالله 2]

الطيري والطوقي والرمحيه وعبيثيران والخير كثير بس انت اطلع وخلك طرقي وتشوف خير ربك وش كثره بس ربك يبي الشكر على هالخير

[سليمان 10]

التنهاة والخوابي تغنيك عن كل شي 000

[رحال ملهم]

وزدك من الشعر بيت
اذا ماتبي تبعد عن الرياض الخفس
الوصف ::
طريق القصيم بعد تفتيش صلبوخ مخرج 8 اطلع يمين ثم امسك الخط
لين يجيك تقاطع وطلع يمين وطلع سيده الى المنعطف الكبير ثم شوف الخفس على يدك اليسار
ومن سار على الدرب وصل

[أبوالعز2]

عندك طول الله عمرك فيضة الوليد على طريق الدمام (بحر ماهي فيضة ) وطيريقها بعيد شوي ، وهو تمشي مع طريق الدمام حتى تعدي محطة ساسكو بعد الوسيع ثم تعمل يوتير من فوق معبر جمال وتمشي حوالي 700-800متر وتعترضك ردميه تباري النفود تمشي مع الردمية ( السكه ) سيده إن كان تعرف سيده حتى ينزلك على الفيضة مباشرة (المسافة من طريق الدمام إلى الروضة حوالي 25ك - رملي).

[بواسامه]

الكسر بالزلفي
خريم برماح
التنهات
رمل وماء وجو عليل

[أبوالعز2]

على فكره ياجماعة هذه الفيضة نهايه شعيب رماح ورضه خريم ماهي بعيده عنها ولها أيضاً طريق بعد روضة خريم بحوالي كيلو إلى كيلوين تأتيك ردميه أمش مع الردمية حتى تنزلك على الفيضه وهذه الردمية عاملها الوليد خصيصاً للفيضه.

[ابن دهيمان]

هل شعيب الطيري والطوقي فيها الما لحد الأن؟؟؟

وشكرآ...

[ذرب سدير]

عليك بسدود سدير : الأمالح والروضة والعود وجلاجل والحائر والمجمعة

بتلقى بحيرات عظيمة مهوب مناقع :)

[kms]

ايه الطيري والطوقي فيها لحد الان يابن العم

[ذرب سدير]

عندك بعد طريق سدير القديم من مفرق الحسي وحتى تآصل سدير كله بحيرات ومناقع ماء

[ابن دهيمان]

ايه الطيري والطوقي فيها لحد الان يابن العم


جزاك الله خير..........

[ذرب سدير]

وعندك بعد بحيرة العكرشية بنفود الحمادة

وكسر الزلفي

مهيب بسيطات هالبحيرات .. تستاهلن المطراش