وين اطلع بالاهل بكره ؟؟

[mmas]

مساكم الله بالخير جميعاً

ناوي اطلع بالعايله بكره الخميس ، و ودي لو احد ينصحنا بمكان حلو و يكون قريب من الرياض

[عارف مكشات]

شعيب الطيري سائل وقريب نوعما

[شبيه الريح00]

جزاك الله خير يا صاحب السؤال نفس تساؤلي
بالله يا جماعه الخير حتى انا ابي اطلع بالعائله والاهل
شوفوا لنا مكان زين وقريب من الرياض ويكون فيه شجر يضلل

[mmas]

لا هنت اخوي ( عارف المكشات )

بس تقدر اذا ما عليك كلافه توصفلي الموقع

[mmas]

مشكور على مرورك اخوي شبيه الريح ، و هذا تساؤل كثير من الناس

[هاوي نجد1]

مساكم الله بالخير جميعا
موضوع ممتاز ياخوي وياليت تطرحون لنا
كم موقع قريب وفيه شجر .
نتظر تفاعلكم يالكشاتة .

[وحيد الصحراء]

الموقع تطلع يا طويل العمر مع طريق الثمامه الين تتعدى محطة خزام على يدك

اليسار وانت مستمر بأتجاة الشمال بعدها يجيك نقطه التفتيش بعد مسافه 3 كيلو تقريبا

استمر على طريقك الين يجيك مخرج الصمان بعد مسافه 40 كيلو تقريبا لف يمين واستمر

مع نفس الطريق الين يجيك طلعه الطوقي اطلع الطلعه في اهلى الجبل يتفرع الخط اتجاهين

يمين ويسار امسك اليسار واستمر الين يجيك دوار الحفنة يمين يتجه بك على الرمحيه

ويسار على هجرة الحفنة خذ الدوار واطلع على طول مسافه 20 كيلو تقريبا الين يجيك

طريق على يدك اليسار اول مسفلت بالماريه على يمينك برج اعتقد انه مكرويف اطلع مع

نفس الخط يسار مسافه كيلو تجيك هجرة الطيري والشعيب قدامك

ارجو اني اكون قد وضحت لك الموقع


اخوك وحيد الصحراء

[لبرتي]

عندكم العكرشية عند شقراء نفود وسيل يالله من فضلك

[ابو برررق]

اللي معه عايله لايبعد وانت طالع باتجاه الشمال يجيك المهرجان على يدك اليمين لف يسار من عند الاشارة تصير مزرعة الملك على يمينك واحيانا الشرطي مقفل اللفه بسيطة تعدى المهرجان ابتل طوالي اطلع مع الخدمة وخذ فوق تحت لين تجيك الاشارة اللي عندها الشرطي لف يمين كنك رايح لبوابة المطار ( الرادار )
ابتل طوالي تجيك طلعه خفيفة بعهدها يجي جسر من تقطع الجسر تلاقي محولين كهرب على اليمين
لف يمين تحصل الفتحه عند الكوابل فيه طعس حليل هذاك مكشات عوائل مافيه عزاب ومكان حليو وقريب وخل البزارين يفحطون بالطعوس فيه دبابات ومنظر الطيارات وحده طالعه ووحده نازله منظر حلو

[الفنتوخ]

السلام عليكم
انا انصحك ماتروح للثمامة 000 ما تلقى مغز ابرة وزحمات 00 ويمكن ما تلقى مكان تاخذ راحتك فيه0

انا افضل :
اذا كنت من سكان شمال الرياض 00عندك 00شعيب الدقلة 00تمشي مع خط القصيم الى ان تصل ملهم00وبعدهايجيك الشعبان لف يمين مع المخرج او يسار الي تبغاه0
واذا كنت من سكان جنوب الرياض 00عندك 00شعيب الحيسية 00بعد ضرما يجيك من يمين اوسار000
امل اني افدتك

[عاشق الأطلال]

ابدلك مكان تبي تدعيلي إن شاء الله

طبعاً هو شعيب الرمحية ووصفه سهل جداً

تمشي كأنك رايح لمحطة خزام إذا وصلت المحطة وصارت على يسارك يبي يجيك خط يمين رح معه ولا يوقفك إلا حرف تي قدام الديرة الرمحية لو احتجت شي للبزران ولا دورات مياه أعزك الله ويسارك الشعيب ادخل يسار وتبي تشوف الشعيب على يسارك تقدم شوي وشفلك مكان زين لكن لازم يكون من بدري لأن الناس يبي ياخذون المكانات الزينة

[مشعل العيسى]

فيه مكان قريب وحلو

امسك خط القصيم بعد لين تجيك نقطة التفتيش ... بعد النقطة يجي على يمينك مخرج معبر جمال ... رح معه وادخل ورح شرق او غرب ..

اماكن حلوه ونفاه وغير بعيده .. كانك من اهل الشمال ...

(( واحرص اذا كان معك عايله ان يكون معك خوي ثاني بسيارته ))

[ابوفهد1423]

واللي من شرق الرياض وين افضل مكان غير الثمامة .......الله يعطيكم العافية

[mmas]

بيّض الله وجيهكم و عزالله ما قصرتوا


لا خلا و لا عدم

[ابومفلح]

مشكورين على الوصف

[صالح الشايع]

الاخوان الذين ذكروا هذه الاماكن

ماقصروا ولكن هل هناك مياه فيها بعد هذه الامطار

ام انها رمال وبعض الاشجار ياليت يصفوا لنا طبيعة

المكان للفائدة وشكرا لكم